[علياء على محمود]

شكرا لكى ياسنو على مشاركتك
وادعو الله ان يكون كل من قال انه سوف يشترك معى بالرجيم

احب ان اعرف كل صديقاتى انى قد خسيت 9ك

[heba saad]

مبروك يا علياء على الانجاز هذا
ياريت تكتبيلى النظام اللى انتى ماشية علية
وتقولى بقيتى كام كيلو

[علياء على محمود]

انا خسيت 9ك فى شهر
وماشيه على رجيم فصائل الدم مع الرجيم الى انا نزلته
هتلاقيه يا هبه فى موضوعاتى
بس اقولك سر انا ليه يومن ملخبطه وادعى لى ارجع اكمل
يلا هنبدا رجيم ينزل كيلو دهون فى اليوم من يوم السبت ادخل عليه وسجلى اسمك ووزنك ونبدا مع بعض ونشجع بعض

[hanotif]

انا 153سم
67ك
كنت زمان 55ك
نفسي ارجع تاني
انا اشتركت في جيم ولقيت نفسي ما عنديش لياقة خااااااااااااااالص حزنت مووت انا طبعا معاكم وحاتبع الرجيم اللي انت حاطاه اللي هوه ك كل يوم
ويريت تقولوا نوتس عشان نعملها انا حابتدي

المياه الساخنة علي الريق مع نص لمونة وادعيلي
دي بتغسل الجسم كله
وبتخسس موت

انا عمي كان في الصين واول حاجة بيقدموها اول ما يدخل مكان هيه المياه الساخنة منغير ما يطلب حتي
ولو طلب ميه ساقعة يقدموها دافية
والدكاترة هناك بيكتبوا كتب عن فوائد المياه السخنة
عمرك شوفتي صيني طخين

[علياء على محمود]

اهلا بيكى يا هنو تيف منوره
يلا ابدئى معايا
بس ادخلى الموضوع بتاع رجيم يزيل كيلو دهون يوما وسجلى

[hanotif]

انا طبعت الرجيم و ابتديت من النهاردة

[nefrtlove]

بجد عندك حل
بالذات في موضوع شراء الملابس
بتعب اوى كله ضيق
وزنى
166
طولى 160
ومحتاجة لسى لشوية رجيم

[دكتورة]

باركيلى يا علياء
بقيت 73.5
ادعيلى اوصل للى انا عايزاه
وانا عملت رجيم ورياضة والحمد لله الوزن نزل
بس عايزة اكمل عشان شكل الجسم يتظبط واللى مبداش يبدأ
والله يا جماعة فى اول يومين بس الموضوع صعب
بس بعد كده بيبقى جميل وسهل
والاجمل لما تسمعى تعليقات الناس من حواليكى

[علياء على محمود]

ماشا الله
مبرووووووووووك يا دكتوره
ياب تستمر وتوصلى للى بتتمنيه
عندك حق ان الواحد بيفرح قوى بتعليق الناس
انا امبارح قابلت صديقاتى وفرحو قوى بالنتيجه الى وصلت اليها
والاجمل انى بدات القى لبس شيك مناسب لجسمى
لكن الاول مكنتش بلاقى الا عبايات وكانت بتكبرنى 20 سنه

[باربى girl]

انا موافقة ووزنى هو 76 وطولى 163 وعايزة اخس 20 كيلو