[سوكة الددة البيضة]

نفسى اعمل استفتاء عن (نسبة اعجاب الناس بالأعلانات الى بين البرامج والمسلسلات)
*الواحد بيبقى قاعد فى امان الله بيتفرج على مسلسل بيحبه هو والراجل والعيال وفجأة وبمنتهى التخلف تلاقى المسلسل اتقطع وفى اعلانات ...

وياريت اعلان ولا اتنين ...لأ ده ربع ساعة .فى الوقت الى المسلسل مشفناش منه غير عشر دقايق.

والله ساعات بنسى هو كان انهى مسلسل من كتر ما الأعلانات كلت دماغى.
المصيبة ليكون الى اخترع حكاية الأعلانات دى متخيل انها هتزود نسبة المشاهدة..احب اقوله ((يا ريت تتنيل لأنها فى راى الشخصى جابت نتيجة عكسية والحمد لله))

احب اسمع ارئكم فى الموضوع ده واعتبره استفتاء.

[أمولة]

والله معك حق بتكوني في امان الله ومابتشوفي الا الاعلانات نطت في وجهك
وانا بعمل بريك بروح اعمل الي علي بعدين برجع 000

[preatywoman]

يا سلام على اعلانات شركة البيت لحاجه كل بيت متعه والله يقرفهم بجد حاجه تغيظ
انا عايزه اعرف هو فيه حد بيثق في المنتجات دي

[Om Hassan]

ياربى انا بتخنق من الاعلانات دى
وخصوصا بدرية وفوزى منتهى السماجة والظرف
وبتخنق اكتر من الاعلانات اللى بيقولو انها بتعالج العقم والكبد
حرام المتاجرة بصحة الناس
وعن نفسى مش بثق خالص فى منتجاتهم

[سوكة الددة البيضة]

لأ لأ لأ دا ألطف اعلان بقى بتاع :
الستارة دى وراها ايه ؟ الماجيك جامبو

اصلا طريقة الأعلان مستفزة ومقرفة ...واعلان طويييييييييييييييييييل
ونفس الكلام بيتعاد فيه اكتر من 4 مرات
الله يسامح الى الفه...وياخده

[ورده الحب الصافى]

ونسيتوا اعلان سوبر برو لعلاج الضعف الجنسى
طب أفرضى وده أكيد بيحصل كتير حد من ولادك سألك مثلا الحيوانات المنوي هدى مش فى جنينه الحيوان ليه هتقولى له ايه .... يلا أهو

رزق الهبل على المجانين

[ايمى3]

انا مش بتفرج على الاعلانات لما تجى بقوم اعمل اي حاجة لحد المسلسل اوالفيلم يجى ولهى ساعات بنسة انا كنت بتفرج على اية من كتر الاعلانات

[سوكة الددة البيضة]

دمك شربات يا وردة
مشكورة يا ايمى على المشاركة

[heba saad]

انا كمان بزهق من الاعلانات اللى كل شوية تيجى وبعدين يا سندى الاعلانات دى مش عشان يزودو عدد المشاهدين دى عشان يزودو العمولة وانتى الصدقة
يعنى اى اعلان من دول بيخدو علية اد كدة على قلبهم عشان كدة بيجيبوهم كل شوية
انا بقا بتفرس من اعلانات الشامبو بتاعت الشعر بصراحة بتغاظ اوووووووى

[فيونكه حمرا]

بصراحه الاعلانات دي حاجه ممله جدا
شوفتو فوزي وبدريه ياااااااااااااااااااااااااااااساتر تحسو انهم بيستخفوا بعقول الناس

بس بصراحه بحب اعلان بوتجاز جولدي لما الفرخه بتنط الناحيه التانيه مستويه ومتحمره ياه لو في بوتجاز كده حقيقي كنت اشتريه على طول

[ورده الحب الصافى]

ماشى يا فيونكه ان شاء الله هتلاقى الفرخه بتنط على البوتجاز لوحدها والواحد بياكولها لوحده برضه بس المهم ماتكونش عندها انفلونزا الطيور
هههههههههههههه

[سوكة الددة البيضة]

انتو تعرفو ان اخو زوجى بيشتغل فى الأعلانات ..؟
خلى بالكو لحسن تشتمو فى واحد من اعلاناته.

على العموم هو مبيعملش اعلانات من بتاعة (تسوق عبر شاشة التليفزيون)
دا انا لو عملها هسيب البيت ههههههههههه

[رانيه]

انا كمان لما تيجي الاعلانات بروح بكمل شغلي بس بنوتاتي الله يخليهم بحبه يتفرجوا

[preatywoman]

اكتر اعلان بقه مميز اوي الايام دي بتاع عبد القوي الضعيف بجد انا مش عارفه اللي بيعمل الاعلان ده بيقبل على نفسه كده ليه
اخص على حواجبه اللي ماليه وشه

[وفاء ام صغنونة]

ياجماعة انتوا مستغربين ليه اللي انتوا مش عارفينه ان في ناس هوايتها المفضلة الاعلانات ومتابعتها طبعا انا مش منهم الحمد لله

[سوكة الددة البيضة]

الله يسامحك يا بيرتى فطستينى من الضحك ههههههههههه

مشكورة يا وفاء على المشاركة الصغنونة

[مدام ديدى]

انا قرفت من المسلسلات بسبب الاعلانات لانى ساعات بتابع مسلسل او برنامج بشغف وابص لاقى الاعلانات تنسينى فعلا انا كنت بتفرج على ايه
بجد ساعات ببقى بتفرج واقوم اثناء الاعلانات اعمل خاجه وانسى البرنامج اواى خاجه بتفرج عليها