[ناناودودي]

عايزه رايكم في الموضوع ده
طبعا كلنا عارفين الجواز اليومين دول وعارفين قد ايه بقي باهظ ومكلف وكلنا اكيد عارفين ان في اهل بيفرضوا علي العريس طلبات بتتكلف طبعا الوفات منها الشبكه والعفش ولازم يكوم مش اي عفش والفرح الكبير والشقه الشيك
المهم يا جماعه ان في ناس رايها ان ده لابد منه علشان شكلهم في وسط الناس وان بنتهم الناس تتكلم عنها وتقول انها مش اقل من حد
بس تفتكروا هو ده الصح المظهر الاجتماعي الي جعل الزواج هو اصعب قرار هذه الايام لما يتطلبه من مبالغ تكاد تكون فوق مستوي الكثر
ام من العدل انا نتذكر ان الدين الاسلامي الحنيف لم يقر كل هذه المديات ولم يجعلها شرط للزواج ولكن اقر ماهو اجمل واصدق من اجل حياه زوجيه افضل
وعلي رغم من سعي الاباء والامهات وراء تلك المظاهر ويبذلون قصاري جهدهم من اجل ان تكون شرط اساسي للزواج فهم لم يستطيعوا توفير السعاده لابنائهم ولم تفلح محاولاتهم في خلق بيت اسلامي سعيد عماده الموده والرحمه
طبعا هذا لا يحدث في كل الاحيان ولكنه موجود واعتقد انه يوجد بكثره
معلش طولت عليكم المهم انا عايزه رايكم في الظاهره دي وفي منكم امهات طبعا عايزه برده اجابتهم انتي علشان توافقي علي زواج بنتك في يوم من الايام الي اي الاشياء سوف تسعين وهل لو بنتك مالت الي شاب وارادوا بعض في الحلال والشاب ده لسه بيكون نفسه هتوافقي ولا هتلزميه باشياء فوق طاقته؟

[Hanan Fouad]

ازيك يا نانا انا مبسوطة انى اول واحدة هرد عليكى
بصى الوقت دة بقى صعب قوى موضوع الالتزام بالشبكة بصى يا نانا انا بابا لما جة يجوزنى ما طلبش حاجة من جوزى لا مهلر ولاقايمة وقالة انا بديك بنتى دة انا مديك امانة تحافظ عليها انتى عارفة الكلمة دى ماثرة فى جوزى لغاية دلوقتى وبعمل الف حساب قبل ما يزعلنى ربنا يباركلة لانة حاسس انى امانة بين ايدية ابويا رحمة اللة امانهالوة ممكن الاهل يطلبوا عفش ومهر وقايمة وكل دة عشان المنظر الاجتماعى وبعد شهر ولا اتنين تقول حقى برقبتى انا عاوزة اطلق لاقدر اللة وممكن يطلع ندل وما يرضاش وهى تقول ابرية من كل شى بس اخلص فهمتينى يا رب يسعدك

[ايمى3]

هاى نانا اللة يكون فى عون الشباب عشان كدة الشباب مش عرفة تجوز او تخطب

[سوكة الددة البيضة]

انا مع الراى الى بيقول لا للمغالاة فى الطلبات والفشخرة الكدابة لكن بعد التأكد ان الشخص ده مش داخل على طمع ...لأن حاليا وبعد ظهور حكاية مساعدة العروسة للعريس فى الجهاز بقى فى شباب قبل ما يسأل عن اخلاق البنت يسال هى اهلها هيقدرو يجهزو كام اوضة وهيجيبو النجف ولا لأ ...

زمان كان الشاب بيجهز الشقة ويفرشها وبعدين يروح يخطب . واهل البنت يجيبو حشو المطبخ وملابسها فقط...انما دلوقتى بقى النص بالنص تقريبا.

[heba saad]

فعلا يا سندى كلامك ميا بالمية واللهى
فعلا معظم الشباب بيبقو دخلين على طمع واللى مش داخل على طمع بيبقا يا حول اللة يارب
معصور من الحاجة المطلوبة منة
ربنا يستر عرض البنات كلها يارب

[هدير منصور]

انا معاكى يانانا ان فى اهل بيغلوا على العريس لكن ياجماعه هيا قالت الدين طلب ايه غير مهر خاتم من حديد لكن ربنا يكون فى عون الشباب دة غير ان فى اباء عايزينوا فى وظيفه دايما واحنا فى زمان مافيهوش وظائف دائمه موضعك حلو لكن اكيد لو بيحبك هيحاول يسعدك من غير اهل العروسه يلزموه وممكن يعاند لما يلزموه ويعند على حسابك وبدل مكان بيحبك يكرهك ويفتكر اللى عملوا فيه ربنا يكون فى عون الشباب فى زمان الغلاء

[أمولة]

احنا عندنا في فلسطين الشب بيجيب كل ايشي العفش اجهاز البنت الشقه
مش زيكم زي عادات مصر النص بنص
والرسول الكريم قال اقلهن مهورا اكثرهن بركه 00000
وبعدين المظاهر والفشخرة بتطير مع الزمن الواحد يعقل ويتوكل
-----

[بدر البلوى]

احنا عندنا في تقاليدنا
الزوج هوة علية كل حاجة حتي الشبكة هوة الي بيدفعها وكمان الالبس والجهاز
ولو حابة انا اجيب حاجة معاية مفيش مانع
اللة يكون في هون الي نص بنص
ومشكورة علي الموضوع