[تيتا أم الدكتورة]

ايه رايكم النهاردة ح اقوللكم على طريقة كنافة طعمها بيبقى روعة وجربوها ومش حتندموا يادوب بس حتبعتولى الصوانى اللى انتو حتعملوها علشان اكولها انا بس متعمولهاش كلكم مرة واحدة علشان اقدر اكولها وماتخانش
المقادير
نصف كيلو كنافة شعر - نصف كوب سكر بودرة - كوب سمن
مقادير الكريمة

نصف كيلو لبن - ربع كوب كورن فلاور - نصف كوب ماء
مقادير الشربات : طبعا كلم عارفيناها ولا اقولها
4 كوب سكر - 2 كوب ماء -
ليمونة
الطريقة
على نار هادية وفى حلة كبيرة نقطع الكنافة قطع صغيرة ويستحسن نقصها بمقص للمطبخ ونحط عليها السمن وهو سخن بس بالتدريج ونقلب
- فى صينية فرن نحط نصف مقدار الكنافة ونضغط عليها جيدا ونسيبها شوية
- فى حلة تانية حنحط اللبن وندوب فيه الكورن فلاور ونحطهم على نار هادية ونقلبهم جيدا ونسيبهم لغاية لما يبردوا جيدا
- حنحط خليط اللبن والكورن فلاور على الكنافة اللى فى الصينية وبعدين نحط بقية الكنافة وندخلها فرن مش حامية قوى لغاية لما تستوى حتاخد حوال نصف ساعة فى الفرن
نكون محضرين الشربات ونحطه على الكنافة لما تستوى ونجملها باى فاكهة عندك اولادك بيحبوها وبالهنا والشفا
على فكرة اللى حتبعت الصينية بتاعتها انا بحبها بالفراولة والموز

[غادة ابها]

حلوة اوى انا بعملها كدة علطول
وبيبقى طعمها تحمة بس بسميها
كنافة بالمهلبية وتسلم ايدك ياقمر

[أم كوكا]

تسلم ايديكى

[•♠سبـح تربــــح♠•]

تسلم ايديكى

[ام شبل الاسلام]

وانا بعملها بنفس الطريقه اممممممممممممممم جميله

وتسلم ايدك لما اعمل تانى هبقى احاول ابعتلك حته

[هجرية]

أنا بعملها بنفس طريقتك
لكن بضيف للمهلبية لما تبرد
كوب قشدة وأخلطها معها . وكلنا
بنحبها

[ام كيمو]

تسلم ايديك انا بعملها كدة وبتبقى تحفة

[soso1234]

حلوة قوى
تسلم ايديكى و عنيكى يا قمر

[نجمة بيروت]

[ام اية 2]

تسلم ايديك بجد جميلة وانا بعملها
بس عايزة اسألك انتي اتعلمتي وصفات الاكل الرائعة دي فين
ياريتك تدينا فيها دروس ويبقالك الثواب عند الله