[أم هنا]

استدعى الاب ابنه لغرفته وما ان رأه امامه الا وبادر بتوجيه هذا السؤال
الاب : هتعرف يابنى تحافظ على الثروه اللى هتورثها من بعدى
الابن : طبعا يا ابا دانا تربيتك


الاب : يعنى هتعرف تربى الكتاكيت زى ما انا ربيتهم
الابن : ( باندفاع وحماسه الشباب ) اكيد يا ابا


الاب : طيب هات الكرتونه اللى فيها الكتاكيت دى
سارع الابن باحضار الكرتونه ووقف امام ابيه


الاب : اقلب الكرتونه على الارض وورينى ازاى هتقدر تلم فيها الكتاكيت




وبسرعه قلب الابن الكرتونه وما ان رفعها حتى انطلقت الكتاكيت
فى ارجاء الغرفه واندفع الابن خلفها يحاول جمعها مره اخرى
لكن هيهات
وبعد ان ادركه الفشل وقف امام ابيه
ولم يوقظه الا صفعه قويه من ابيه


الاب : شوف اللى هاوريهولك ده خلاصه 27 سنه فى تربية الكتاكيت




ثم اخذ الاب الكرتونه بعد ان جمعا فيها الكتاكيت اخذ يهزها بقوه
يمينا ويسارا وسط صراخ متواصل من الكتاكيت ما لبس ان تلاشى
وانقطع نتيجه ما اصابها من اعياء


الاب : الان فقط نقلب الكرتونه
وما ان رفعها الا وشاهد الابن الكتاكيت لا تحرك ساكنا مما
اصابها من اعياء ودوار ثم قام بتعبئتها فى الكرتونه بمنتهى
السهوله واليسر


الاب : الوقت يا ابنى اتعلمت اهم حاجه فى تربيه الكتاكيت وهى:
اتعبهم يريحوك لكن لو ريحتهم هيتعبوك


ياترى عرفت مين هو الاب ومين هو الابن ومين هما الكتاكيت ؟
مش لازم تعرفوا ...
يلا بيتك .. بيتك ... بيت

[yoyo]

ده كلام كبير يا ام هنا ههههههههه

[جيهان عبدالله على ربع]

الاب هو اللي بالي بالك
والابن هو اللي هينقطك انتي وعيال عيالك

[أم هنا]

ليه بس كده ياجيجي انت عاوزة الحال يبقى على ماهو علييييييييييييييييييه لحد عيال عيالي

متشكرة قوي يايويو على مشاركتكم

[واحدة من الناس]

حلوة جدا يا ام هنا
بس مين يقرأ ومين يفهم ومين يتحرك!!!!!!!!!!!!!!!!!

[أمولة]

فعلا كلام كبير 0000

[أم هنا]

والله متفائلة جدا ان شاء الله هييجي اللي يتكلم ويحركنا معاه يا واحدة من الناس ممكن اعرفك متشكرة يا امولة

[نورال]

كلامك صح يا ام هنا

[أم هنا]

شكرا يا نورال والله نفسي كله يقرأالموضوع ونتناقش فيه يمكن يبقى فيه أمل الحال يتحسن