[نوران الاسمر]

انا ليه ديما خايفة............
ليه ديما حاسة با القلق وديما مرعوبة من شئ مجهول مش عارفة ايه هو
حاسه ان في شئ بيطاردني خايفه منه
وكل اما احاول اقرب منه يبعد عني ويفاجئني انه لسه بيطاردني
خايفة من شيئ مجهول
مرة اشوفه المستقبل
ومره اشوفه الماضي
ومره اشوفه الحاضر
ومرات اشوفه كان شيئ لم يكن واد ايه الدنيا جميله وكل ما فيها ممتع وشيق
لكن الغريب اني معرفش امتي اكون سعيدة
لو تعرفي امتي تكوني سعيده
ما تبخليش عليه ووقليلي

[rania mohamed]

عارفة لية انتى حاسة بخوف لان الدنيا مبقاش فيها امان وكل حاجة حلوة فى الدنيا
بتعدى علينا زى الطيف مش بنحس بيها مش عارفين العيب عند مين عندنا ولا
عند حد تانى ....................
نصيحة عشان تبقى اسعد واحدة فى الدنيا عليكى بالصلاة

[نوران الاسمر]

عارفة يا رانيا
انا الحمد لله بصلي
انا الحمد لله منتقبة
انا الحمد لله بحفظ قراءن
بس بردوه خايفة
بس فرحانة بمرورك

[bobos]

عارفة يا نوران كتير يحس بخوفك دةوخصوصا كل ما تمر عليا لحظات حلوة بس بفكر ان الواحد مش لازم يضيع عمرة فى الخوف وان الثانية الواحدة جمب حد واحد انتى بتحبية غالية قوى وممكن او ى مترجعش تانىلو محتاجة حد تتكلمى معاة انا تحت امرك بجد صدقينى هكونلك اخت

[bobos]

انا هكتبلك الميل بتاعىhebatote@hotmail.comوتحت امرك فى اى وقت

[نوران الاسمر]

شكرا ليكي قوي ياbobos
وفعلا اللحظات الحلوة صعب ترجع تاني
وجزاكي الله خيرااااا علي ردك عليا
وثقتك فيا

[أمولة]

اضحكي للدنيا تضحكلك وبعدي كل قلق وخوف عنك
وتفائلو بالخير تجدوه باذن الله ---------
بوبوس لازم بعتي اميلك على الخاص لنوران لانوا في ناس خيرنا بزورو المنتدى
وشكرا

[مدام ياسر]

انا فعلا من راى رانيا وامولة
حبيبتى زماننا مافيش حد بيعرف مين الكويس ومين الوحش لان الغدر بقا جوه قلوب كتيرة وللاسف الطيبة بقت بتدارى وسطيهم والامان بقا صعب اوى حتى من اقرب الناس ليكى ..
ربنا يوفقك حبيبتى ويسعدك ويملا الخير ايامك

[preatywoman]

المستقبل بايد ربنا ليه الخوف اعملي اللي عليكي في حياتك واستمتعي بوقتك في طاعة ربنا وسيبي كله على الله
وفيه ساعات لما بتكون الانسانه اوريبه من ربنا اوي الشيطان يدور على اي شيء يدخلها منه عشان يعكر حياتها كيد فاهماني وربنا يروق بالك يا قمر

[نوران الاسمر]

شكرا يا امولة يا عسل
ونا كلمت بوبس علي موضوع الاميل ده اصلها لسه جديدة معانا خالص
ومدام ياسر مشكورة وبريتني جزاكم الله خيرا

[نادو]

هو فعلا فى وقت بيمر علينا كلنا بنحس باليئس وعدم الامان بس المفروض سرعان
مانبعد الاحساس ده عنا
بالاذكار والصلاه وقراءه القرآن
ونصيحه على قدر الامكان نكون على وضوء دائما لكى نبعد الشيطان عنا
ورنا يسعدنا جميعا آمييييييييييييييييييييييييييين

[رانيه]

اتوكلي علا الله يا روحي والحارس الله

[ورده الحب الصافى]

وجعتى لى بطنى يا نوران
ايه يا ستى الكلام الكبير ده استعيذى بالله من الشيطان الراجيم وكله هيبقى زى الفل
واقولك على حلوه تسعدك
فكرى فى بكره هيبقى شكله ايه وانتى معاكى زوجك واولادك ويسلام لو ماكونتيش متزوجه سوف تطلقى العنان لخيالك يذهب اين ما تشاين
ربنا يحفظك من كل سوء

[بسكوووووته]

الخوف ده احساس طبيعي واللى ميخافشي ميبقاش انسان طبيعي لكن الخوف الزايد ده حاجه من الاتنين اما انه شيطان بيوسوس وانتي سايباله الفرصه دي واما انه فراغ في وقتك وبدل ماتشغليه بحاجه تفيدك وحتلاقي مليون حاجه ساعتها تشغل الوقت ده تحطي ايدك على خدك وتفكري.
كده غلط يابنتي ، صحيح الدنيا مفيهاش أمان والناس بقت وحشه والنفوس المريضه كتير لكن لو في كل وقت حنخاف يبقى مش حنلاقي ساعتها اي فرصه للفرح .

[نوران الاسمر]

بسكوته جزاكي الله خيرا علي هذا الكلام الرائع
لكن بردو ما حدش رد وقال امتي بتلاقي السعادة وهل الانسان هو اللي بيصنعها ولا القدر اللي بيتحكم فيها ممكن الانسان يقدر يتغلب علي الحزن ويعيش دايما سعيد

[2nashwa]

نوران حبيبتى كل ما تحسى بالخوف استعيذى بالله من الشيطان الرجيم واقراى قران كتير وفكرى ان الدنيا حلوه متخليش الخوف يسيطر عليكى وسيبيها على الله والى مع الله لا يضيع

[boti]

القلق والخوفنشاط عديم الجدوى ان كان هناك حادث ع وشك الوقوع فسوف يقع سواء شعرت بالقلق او لم تشعر به وللتخلص منه اكيدي في قرارة نفسك ان الامور تمشي على ما يرام واملئى فكرك بالتوقعات السعيدة السعادة هي الرضى عن النفس والتفاهم مع من حولي ولا نحس بمتعة ما نحن عليه الا بعد زواله ونتدكر ونقول كانت ايام حلوة السعادة مالها معايير ولا معنى غير محاولة عمل الصح الدي في النهاية اجني من خلاله الرضى النفسي

[أم الطيب]

بتلاقي السعادة لما تحسي بمعية الله يعني لما تحسي إن ربنا معاك دلوقتي وانت على النت ، ان ربنا معاك وانت خارجة، ان ربنا معاك وانت قاعدة لوحدك، ان ربنا معاك وانت نايمة..
بعد الاحساس ده تفتكري هتحسي بالخوف واللي خلقك وخلق الكون مطلع عليك برحمته وبعفوه وبعزته وبجبروته؟؟
اللي تحس بمعية الله تحس انها محاطة بالأمن والأمان والطمأنينة..
طيب تحسي ازاي بمعية الله؟؟
اجعلي لسانك وقلبك مرطبا بذكر الله..
داومي على التفكر في آيات القرأن وليس الحفظ أو القراءة فقط..
تأملي في الكون والطبيعة واستحضري قدرة الله..
حبيبتي.. أدعو الله أن يربط على قلبك بالإيمان والأمان وأن يجعل سعادة قلبك في طاعته.

[نوران الاسمر]

فعلا يا ام الطيب انا لا اذكر الله الا قليل جدا واعتقد
ان هي دي المشكلة الرئيسية فيه
اني غير مرتبطة وجدانيا وروحانيا مع ربي واني با رضي ربي ظاهريا فقط
فعلا لا يغير الله بقوم حتي يغيروا ما بانفسهم
ادعولي ان يثبتني الله ويزيدني تقرب منه وان يكون كل عملي ابتغاءاا لرضا الله فقط ومشكورة نشوي وبوتي اسعدكم الله دنيا واخرة

[مدام ديدى]

الله عليكى ياام الطيب جزاكى الله خير ولاكلام بعد كلامك الله الله الله
اعملى يابنتى زى ماقالتلك طيوبه وانشاء الله مش هتحسى الاحاسيس ديه تانى ولوعدت عليكى هتمر مرور الكرام لان قلبك عمران بالايمان صدقينى اى مشكله الانسان بيواجههااكيد هيلاقيلها حل لوكان فى معيه الله ولومفيش حل هيلاقيها سهله
جدا علشان هيلاقى اللى اجمل الصبر ويااااااااااايلام لماتكونى من الصابرين
وتدخلى من الباب الصابرين يارب اكون معاكى ومتنسنيش بالدعاء