[نغم و باكينام]

.بسم الله الرحمن الرحيم انا(مدام نغم)
ازيكم يا حبايبى انا عضوة جديدة معاكم ويارب اكون اخت ليكم وتقبلونى عضوة معاكم و دية قصتى عاوزة اخد رايكم (انا متزوجة من 23س و زوجى لا يحب العمل وجالس فى المنزل ليلا ونهارا وما ادراكم قعدة الرجل فى البيت بتجيب مشاكل قد اية وكل حاجة اية دية ولية وعشان اية وانتوا عارفين بقى الفاضى وبعد دة كلة اى كلمة اتكلمها مع اولادى لازم يوصلها لاهلة وباسلوب حقير ومش حقيقى ومع العلم انى اهلة اصلا مش بيحبونى معنى بعملهم بما يرضى ربنا وحماتى متوفية وعقدتى اختة واخوة وابوة ودائما يخلق المشاكل لى من اى سبب لو قعدة مع اولادى نتحدث فى اى موضوع عايز يعرف كل كبيرة وصغيرة وحتى مع اهلى واولادى فى سن مراهقة ومحتاجنلى جدا وهو زعلان عشان احيانا بقعد مع اولادى فى غرفتهم الخاصة وهو بيزعل من كدا دة غير انى كل حاجة معاة من غير تفاهم مفيش غير زعيق وشخط ونتر وعمرة ما حمدالله على حاجة ودايما يقول مفيش معناش معندناش و معنى ربنا دايما سترها و دة غير انة مش عاوز اعمل اى حاجة لحد وعاوز الناس كلها تعملة ودائما يقول لى انتى فاكرة نفسك ست برغم انى مهتمة بنفسى جدا جدا وبنظافة بيتى واولادى وبية هو شخصيا لكن دائما ينكر كل شئ ومش قريب من ربنا خالص وكل ما اقولة صلى او اى حاجة يتنرفز و يغير الموضوع )واسفة انى طولت عليكم بس بجد حسيت انى لازم احكى واتكلم معاكم لانى كمان مليش اخوات بنات.

[أم مريم]

اولاً : اهلا بيكى
ثانياً : هو جوزك قاعد ليه فى البيت؟
و هل هو من زمان طباعه كده و اللا اليومين دول بس؟

[رونا]

أختنا الكريمه / مدام نغم

واضح إنى زوجك بسبب عدم عمله حاسس إنه ملهوش قيمه فى المنزل

وبيدارى ده ورا الشخط والنتر والتعديل على كل شئ.. لأنه فاضى وواخد باله من كل شئ

ويشعر بنقص وإنه ملهوش دور..

وبالرغم إنه كسول على حد قولك ،،ولكن برده الرجل رجل وأكيد جواه صراع ما بين كسله وما بين إنه يشعر بحاجه إلى العمل،

يعنى عايزه أسألك أختى.. إنتى حالكم ده من أول ما إتجوزتو ولا شئ إستجد عليكم؟؟

حاولى إنك تحتويه وتشجعيه للشغل

أما بالنسبه للصلاه عليكى بالدعاء أن يهديه الله لها .. لأنها مصيبه عدم صلاته وتنزع البركه من المنزل .. وفوق كل ذلك فهى من الكبائر

حاولى تذكريه برفق بعذاب تارك الصلاه يوم القيامه. وأنها أول شئ يحاسب عليه العبد وهكذا ...

أتذكر وأنا صغيره والدى لم يكن يصلى بإنتظام .. لدرجة أن أمى كانت تأتى له بسجادة الصلاه تحت

قدميه وتلح عليه وتاره آخرى تتركه وتتجه إلى الله بالدعوات

حتى شاء الله وإنتظم من نفسه.. حتى أنه الأن يصلى فى المسجد الحمد لله

أما بالنسبه لأهل زوجك .. أتركيهم ولا تلقى لهم بالاً لأنهم لن يتغيرو فأغلب أهل الزوج هكذا!!

وركزى فى أولادك وفى بيتك

وإن شاء الله ربنا ييسر لك كل عسير أختى

أعانك الله

[ليالي الحنين]

السلام عليكم ورحمة الله وبركاته** أختي الفاضلة مدام نغم / أولا أحيكي بتحية مباركة من عند الله / ثانيا / هل زوجك علي هذا الحال منذ الزواج منه ؟ أم أنها حالة جديدة عليكم هذه الايام؟ وعموما أختي من رأي أنك عليكي بالصبر والدعاء الي الله لزوجك بالهداية والمغفرة ولازام تتقربي اليه أكثر وشوفي أيه اللي تعبه ومزعله أو مضايقه أو أيه مانعه من العمل والشغل؟ حاولي تحببيه في العمل الصالح الذي به نعيش ونحيا ونرزق من مال حال 0 وحاولي تذكريه بطاعة الله واتباع سنة الحبيب المصطفي صلوات الله عليه وكيف حسنا علي العمل من أجل العيش والحياة الكريمة وتربية أنباء صالحين في هذه الدنيا00 أختي تقربي اليه اكثروكوني له أما حنونة وزوجة عطوفة وأختا رحيمة وصديقة مخلصة وشاركيه في كل شيء بل واشركيه معكي ومع أولادك في كل ما يخصهم من أمور الحياة وأجعلي له قيمة عالية في بيته وأمام اولاده ---- وأخيرا تعاملي مع أهله بكل الحب والمودة والرحمة واصبري ولك الجزاء عند الله عز وجل-- أعانك الله علي كل الخير ويارب نطمئن قريبا منك علي أحوالك

[ليالي الحنين]

لا إلــه الأ اللـــــــــــــه ** سيدنا محمد رسول اللــــه ولاحول ولا قوة الا بالله العلي العظيم

[samasemo]

ربنا يكون فى عونك يامدام نغم والله انتى بتفكرينا بجدتنا الله يرحمها كانت تقول قعدة الراجل فى البيت عكننة بس انتى ادعيله ربنا يهديه واصبرى ان الله مع الصابرين ومهما حصل خليكى مع اولادك دول فى سن خطر وربنا يعينك

[نغم و باكينام]

ازيك يا ام مريم وشكرا لمشاركتك معايا هو قاعد فى البيت لانة مش بيحب الشغل طول عمرة وامة كانت مدلعاة كل حاجة تيجى بالساهل هو طول عمرة طباعة كدا بس كنت بخبى على اهلى كل شتيمة وكل حاجة لحد ما فاض بيا الانسان بيكبر مش بيصغر واقول بكرة يتغير بس هففضل اقول بكرة لغاية امتى احنا دلوقتى كام سنة يعنى معانا بنات على وش جواز وجزاكى الله كل شكر لمشاركتك معايا

[نغم و باكينام]

شكرا لمشاركتك يا رونا بس هو اعد في البيت من 10 سنين ولا لة اصدقاء ولا يحب يقعد علي القهوة او يقابل حد بس مش زعل علي الشغل هو بيحب اعدة البيت اوي وشكرا ليكي

[نغم و باكينام]

شكرا ليكي ليالي الحنين اسمك علي مسمي بس انا كل الاساليب جربتها معاة ويتعمد دائما يهني ادام الناس عارفة ممكن يوم يكون كويس وتاني يوم اتقلب انسان تاني خالص دعواتك معايا وشكرا لمشاركتك

[نغم و باكينام]

شكرا يا سماسيمو واللة جدتك اكتر واحدة حسة بيا

[heba saad]

اولا اهلا بيكى معانة اخت لينا
بصي يا نغم انتى ممكن تخلية يشركك في تربية الاولاد
واعدى وتكلمى معاة بس المشكلة ان عشر سنين مابيشتغلش دى صعبة اوى
وممكن تعملى اي مشروع يشغل بية وقتة وهو في البيت

[مدام ديدى]

ربنا يكون بعونك يااختى والله حاسه بيكى بس عليكى بالصبر والدعاء
وربنا يفك كربك شوفى كل ماتقربتى من ربنا اكتر كل ماكان دعاكى مستجاب
اسجدى وادعى باليل وربنا يهديه لك على فكره ربنا هيجزيكى خير على صبرك
معاه الناس اللى بيعانو فى الدنيا ويزهقوا ويقولو اشمعنى احنا اللى ظروفنا وحشه
صدقينى يوم القيامه هنتمنى لو كنا صبرنا لان جزاء ربنا عظيم اصبرى حبيبتى واحتسبى وربنا معاكى وعلى فكره كفايه اوى ان اولادك بيحبوكى ةحسين بكى
لانهم اكتر ناس يهموكى وكل اللى زوجك بيهينك امامهم متزعليش منى مش هيحترموه بالعكس هيحترموكى انت علشان قادره تعيش معاه ومستحملاه فى هذه الظروف ربنا يسعدلك اولادك ويعوضك بهم ااااااااامين يارب العالمين

[أم مريم]

معلش انا اسفة بس انتى اللى غلطانه و انتى فعلاً السبب فى اللى هو وصله ده
لانك سكتى على الاوضاع الغلط دى كلها من زمان كان لازم يبقى فيه وقفة حاسمه معاه و كان لازم تخليه يشتغل من زمان مش دلوقتى
دلوقتى انتى كده خلاص مفيش فى ايدك اى حاجه غير انك تصبرى و تدعيله زى ما معظم الاخوات قالوا
وربنا معاكى

انا اسفة انى بقولك كده بس ده رأيى و متزعليش منى احنا كلنا هنا اخوات و بنتكلم مع بعض بصراحة

[asmaa kamal]

الله معنا دائما نحن البشر
حقول لكي شيئا لا يرد القضاء الا الدعاء
الدعاء كثيرا و التقرب الي الله و الالحاح في الدعاء ده اول شئ تفعلينه
الابتلاء في حياتنا نعمه من الله - لانه يكفر به عنا سيئاتنا و يرفع درجاتنا في الجنه
و المؤمن مصاب علي قدر ايمانة
و هناك ايضا اخذ بالاسباب فأنا اعلم دكتورة متخصصة في حل المشاكل مثل هذا فاذا كنتي من الاسكندرية ابعتيلي علي الايميل بتاعي caty0000252@hotmail.com و انا ابعت لك رقم المركز و رقم الموبايل بتاعها كتير جربوها و كانت النتيجه جيدة باذن الله
سلام حبيبتي

[reda mohamed]

الأخت العزيزة / أم نغم
أولاً : أنا مع الأخت "رونا" فى تعليقها على هذا الموضوع
ثانياً : بلاش تقعدى إنتى وأولادك لوحدكم لا بد أن تشاركيه معاكم فى أى حاجة لآن الحاجة دى بتضايق أى رجل وبعدين إنتى معاه بقالك 23 سنة يعنى عرفتيه وعرفته طبعه الشئ ألى يزعله أبعدى عنه .... وربنا يهديه ويصلح حاله

[سحابة بيضا]

التقرب الى الله يحل كل شئ .
حاولي تتكلمي معاها في الدين كتير ولو مش بيقبل منك الكلام شوفي اي حد من قرايبه او قرايبك عنده اسلوب كويس في الاقناع وخليه يتكلم معاه عن الصلاه لان من غير الصلاه الشيطان دخوله سهل في حياتكم .
وربنا يهدي الجميييييييع .