[همسة قلب]

محتاجة لحد يساعدني ويحاول يفهمني ويخليني اقوي علي الدنيا ؟؟؟؟
نفسي مبقاش ضعيفة وأبقي جريئة ومش عارفة ازاي ؟
ومش عارفه اتعامل مع حماتي وبناتها ؟
حد يساعدني ؟؟؟؟

[أمولة]

مش عارفه شو احكيلك
ما دام انتي كويسه من جوة ليش يا حبيبتي الضعف انتي مو ضعيفة بس اشوية ثقه بالنفس وخلي كلامك موزون احترمي حماتك لانها ام ومهما عملت لازم تعتبريها امك وتساعدي زوجك على اداء الواجب لامه ودها
اما اخواته فخليكي رسمي ولا تسلمي سرك لحد منهم وجوزك لازم يقوم بصلة الرحم معهم وانتي بس زيدي ثقتك بنفك 0000
وانشالله اكون افدتك

[مدام ياسر]

حبيبتى حاولى تتفاهمى مع حماتك وكلميها زى مامتك ومهما عملت معاكى اسكتى ومش تردى عليها وممكن تقللى من مرواحك عندها بس وديها باتليفون واسألى عليها باستمرار وابقى روحيلها على فترات معلش استحمليها وحطى دايما فى بالك ان دى ام الراجل اللى انتى بتحبيه وهى اللى سهرت جمبه وهو تعبان وشالت همه وربت وكبرت وانتى جيتى اخدتيه منها بعد سهرها وتعبها واكيد يا حبيبتى يوم ما تكونى ام هتحسى باللى هيا حسته دة وممكن تعذريها معلش اتعاملى معاها كويس على اد ما تقدرى واكيد هى هتقدر منك المسامحة والتفاهم ومع الوقت هتشكر فيكى لابنها وقدام الناس ...
وبالنسبة لاخواته حاولى تتجنبيهم واتعاملى معاهم عادى جدا والكمة تكون على الأد وبحساب وبلاش تندمجى معاهم اوى..
وربنا يهديهملك يارب ويخليلك جوزك ويسعدك ويرزقكم بالذرية الصالحة ان شاء الله

[preatywoman]

حبيبتي عاملي ربنا فيهم وسيبي الجزاء على ربنا وكل ما تحسي انك مخنوقه وتعبانه منهم صلي واقرئي قران و وادعي ربنا ان يديكي الصبر واحتسبي الاجر عند الله
وصدقيني ربنا عمره ما هيضيع اجرك ابدا
وبعدين اجمدي شويه وخليكي واثقه من نفسك والمهم لو جوزك كويس معاكي استحملي عشان خاطره وربنا يهديهملك

[همسة قلب]

انا مبسوطة جدا من ردكم عليا بس والله بعمل لحد ما ابتديت اتعب جدا ونفسي اقول حاجة كمان انا جوزي حصل وتعب جدا اضطرينا نقعد معاهم مؤقتا لحد ما يقوم بالسلامة وكل كلمة ليها معني ورد وانا كده اللي هموت منهم ؟؟؟؟

[أمولة]

اصبري اصبري مادم جوزك كويس لازم تصبري 000
واكثري الاستغفار بالاستغفار الله بفرج الهموم
والله معك واهم شي ماياثر عليكي ايشي وشوفي حد مقرب الك وحكي معو فضفضي يعني يكون ثقه مثل امك اختك صاحبه وفيه 0000
والله يفرج همك ويصبرك

[مؤمنة بالله ورسوله]

اصبرى ومادام بتعمليهم بما يردى الله ربنا هيكفأك خليكى احسن عمليها كا ام ليكى حولى تخليها تحبك

[نادو]

بجد قربك من ربنا هو اللى هيقويقى خليكى دائما ذاكره لله
دائما قولى هذا الدعاء ( اللهم اكفينهم بما شئت )
وبأذن الله ربنا هيعينك ويقويقى على كل ظالم

[رانيه]

ماشالله عليكم يا فتكوات بترفعوا الراس

[ورده الحب الصافى]

السلام عليكم ورحمه الله وبركاته
بصي يا حوبا انا هرد عليكى علشان اسمك على اسمى
بس الموضوع ده مهم ولازم حد يقف فيه واقفه رجاله
هههههههههههههههههههههههههه
شوفى يا قمر لو انتى بتعامليهم كويس وهما بيعاملوكى وحش اوعى تقوللى ادام جوزك انك متضايقه عامليهم برضه حلو معلش تعالى على نفسك شويه وبعدين انتى بتعاملى فيهم ربنا
ده احنا يا بنتى لو كل واحده عاملت الناس بمعاملتهم ماحدش هيبص فى وش حد
بجد والله
ولما جوزك هيلاقيكى انتى كويسه معاهم وما بشتكيش اكيد هو مش هيجى عليكى علشانهم

((ده انتى الحته الجوانيه برضه ))

واكيد برضه هتعلى فى نظره وهيقدرك اكتر لما يحس انك مستحملاهم علشانه
وبعدين من الآخر بقي اكيد هوعارف امه واخواته يبقي مايضايقكيش بقي بلا وجع دماغ
هههههههههه
المهم كل ماحد منهم يضايقك تعالى هنا والله هتنبسطى اوى
ده احنا احسن من بربع جنيه لب
ولو ان مافيش حاجه بربع جنيه دلوقتى

[همسة قلب]

أولا: شكرا ليكم يافتكوات منحرمش منكم ولا من ردكم عليا .. ( أموله - مدام ياسر -Preaty woman - مؤمنة بالله - نادو - وردة الحب الصافي )
بس والله غصب عني انا فعلا محتاجة أكون اقوي انتم مش متخيلين كل يوم ضغط عليا ازاي وكل يوم رد مش كويس لما اعصابي تعبت .... خليكم معايا علطول ..
ثانيا : انا محتاجة منكم طلب كمان محتاجة اسهر جنب جوزي اطول فترة ممكنه ومش عارفة ازاي ؟
ارجوكم شوفوا ليه وصفة حلوة وطعمها احلي ؟؟؟

[همسة قلب]

انتم نسيتوني ولا ايه ؟

[مدام ديدى]

وصفه ايه بقى اكل يعنى ولا ايه عموما الاخوات بجد بيقفوا وقفه رجاله زى ماقالت هبه
وكلامهم جميل اقولك لوهما صعب اوى ولبيقفولك على الكلمه متتكلميش خالص معاهم الا للضروره
بس طبعا مش تخاصميهم بس اجنبيهم وعايزه تخليهم يطقوا خليكى برردااااااااااااااا
على الاخر يعنى لما نسمعى كلمه متعجبكيش حسسيهم انك مسمعتهاش
اعملى كل وجباتك وعلى اكمل وجه وخلى بالك من جوزك واى وصفه عايزاها
هتلاقيها فى القسم اللى ترغبيه اكلات حلويات معامله الزوج هتلاقى فى منتدانا الراااااااااائع كل شىء تريديه ولو عايزه حاجه كلمينى على الخاص وانا تحت امرك
اامر ياقمر

[حبيبة بابا]

حبيبتى حوبا :
معلش لسه دلوقتى قريت مشكلتك , وبصراحة اتصدمت علشان زى ما تكونى بتحكى عليا بالضبط , مع فرق بسيط ان جوزى له اخت واحدة فقط لكن ب 10 اخوات , وانا متجوزة بقالى 14 سنة وخلاص مش قادرة استحمل اكتر من كده ( اهانات وغلط ) على اتفه الاسباب وحماتى تقول لى معلش استحملى ايه يعنى دى زى اختك , لغاية ما قررت انى اتجنبها خالص الا فى الاعياد والمناسبات فقط وجوزى وافق على كده وربنا يهديها
على فكره انا متشكرة جدا للاخوات الفتوكات اللى ردوا عليكى علشان انا استفدت من ردودهم
ربنا معاكى وخدى بالك من جوزك ومن نفسك , يارب يهديهم كلهم

[همسة قلب]

مش عارفة اشكركم ازاي شكرا علي نصايحكم الغالية بس ادعولي ربنا يقف جنبي لاني شكلي كده هموت قريب من الي بيحصلي

[هنا توام روحى]

يارب يهديلك حماتك واولادها يارب ولازم يكون عندك شخصية ومتكنيش ضعيفة بس بكل احترام وانا يسعدنى انى اكون صديقة لكى لاننا اخوات فى الاسلام ولازم نقف جمب بعض وانا لسة متزوجة بقالى 9شهور واعد اقول لزوجى مامتك فى عنية هو هيحبك قوى الا الام ههههههههههه بجدوالله وخليكى دائم بجوار زوجك لانة هو الا ابقى لكى وربنا يهدهملك يارب اهم شئ لم تنسى فرض الله واطلبى منة كل شئ ربك كريم اتمنى ان اكون صديقة خفيفة عليكم يافتكات انا بسعد جدا بردكم علية وربنا يحفظنا يارب
http://forums.fatakat.com/image.php?...ine=1205152447

[اصون كرامتى قبل حبى]

ربنا معاكى يا رحاب ويصلح حالك يارب

[هنا توام روحى]

اذيك ياعسل يامرمريكا انا زعلانة لانك مش بعتلى على الخاص او ترد علية برجيم اخس ارجوجكى ممكن وانا اعتبرتك صديقة والله سلام ياحبيبة قلبى

[همسة قلب]

ميرسي جدا ليكي يتوام روحي , وربنا يهدي ليا الحال ونبقي اصدقاء

[همسة قلب]

يارب ( اصون كرامتي قبل حبي ) يهدي الحال لينا جميعا