[أم الطيب]

طريقة عمل الفتة المصرية
تمت اضافة وصفة طبخ جديدة في موقع مطبخ فتكات ، و يمكنك مشاهدتها من هنا:
الفتة المصرية
اذا كان لديك تعليق او استفسار او ملاحظات فيمكنك كتابتها هنا في هذا الموضوع .
الجميع في انتظار مشاركاتك!

[hana]

تسلم ايدك .... يا سلام ما فى أحلى من الأكل المصرى .

[سندريلا79]

يا سلام على الاكلات المصريه الجامده
هى دى الاكلات ولا بلاش
تسلم ايدك على وصفاتك الحلوه

[ام بسنت]

هى جميله بصراحه وممكن بدل وضع الخل على الصله نعمل شويه توم ونحمرهم ونحط عليهم الخل ونضعه على وش الفته

[عاشقة الكشري]

ام الطيب انا حابة اسألك
وش نوع الرغيف اللي مستخدمتة في الفتة ينفع خبز لبناني
محسوبتك سعودية ومااعرف وش تقصدون بالعيش بلدي أسمر
والشوربة اللي صبيتيها على الخبز كيف احضرها
كثرت الاسئلة عليك يام الطيب استحمليني ماعندي خبرة بالاكل المصري

[أم الطيب]

حبيبتي.. العيش اللبناني بنعمله فته غير الوصفة اللي انا كاتباها، هاسألك أمي عن نوع العيش البديل في السعودية لانها كانت هناك 10 سنين وكانت بتعملها طبعا.
الشوربة بتتعمل من سلق اللحمة يعني بتحطي ماء على النار في قدر عميق ولما الماء يغلي يتحطي بصل مقطع اربع ارباع وفلفل أسود وحبهان وورق لورا وقطع اللحمة ولما اللحمة تنضج ضيفي الملح وسيبيها شوية كمان وبعدين كده بقى عندك شوربة جميلة.

[أم الطيب]

بصي يا ست عاشقة الكشري انا سألتلك أمي الحبيبة بارك الله فيها وقالتلي ان فيه عيش في المدينة اسمه عيش حب بفتح الباء وفيه في جدة عيش اسمه عيش مصري لونه أسمر ولو ما لقيتيش لا ده ولا ده يبقى استعملى العيش اللبناني وخلاص.
وألف هنا