[رونا]

وأنا فعلاً جاتلى رساله من شروق الفجر بالليل

وفى النهار كان شروق الشمس ههههههههههه

واضح انه كل وقت بيعمل نيو لوك

طبعاً طنشت الرساله ومسحتها على طول

يا جماااااااااااااااااعه لما تلاقى حد بعتلك ايميله فى رساله خاصه كده من نفسه بدون سبب.. على طول تعرفو إنه راجل

وحتى لو مكش راجل مضفيش حد مش عرفاه

مش ناقصين بلاوى

يسرق إيميلك ويكون عليه صور وايميلات خاصه

خلو بالكم يا جماعه .. ومتخلوش صور على ايميلكم فى الرسايل

وربنا يحفظنا جميعاً من كل سوء

[زوزو الهلالي]

بسم الله الرحمن الرحيم عندي اقتراح في هذا الموضوع مش عارفة انا ليس عندي خبرة في هذا المجال ويمكن اكون بأخرف لكن اسمعوا يمكن اقتراحي ينفع
لماذا لا يتم التصريح بالعضوية في المنتدي إلا بعد أخذ بيانات العضوة الجديدة مع رقم تليفونها ويتم الاتصال بها من قبل المشرفات للتأكد أنها سيدة بعدها يتم تفعيل عضويتها وشكرا

[ناننو]

يا سلام ... مش يمكن حد من المشرفات يطلع راجل وياخد ارقام تليفوناتنا .... بهزر بهزززززاااارررررر من غير ضرب

[سهودي]

هههههههههههههههههههههههههههههههه لا معقول

[VANILIA]

السلام عليكم
وانا اللى داخله مأمنه ومسلمه
كل واحده تخلى بالها بقى ياجماعه
معنى كده اننا ممكن نتكلم فى موضوع نسائى بحت ورجاله يشوفوه ويشوفوا ردودنا وهزرنا ومشاكلنا...
ربنا يسترها علينا وعلى نساء المسلمين يارب

[msaied2000]

لاحول ولاقوة الابااللة يعنى نعمل اية ياربى حتى الوقت اللى الواحدة عايزة تقضية فى دردشة بريئة ومفيدة مستكترينة علينا لا الة الا اللة معلش امرنا للة والحرص واجب

[همس الحب]

على فكرة يا جماعه نفس الولد بعتلى رساله واسمه المستحيل وقالى انه اسمة احمد المرى وانه عاوز يتعرف وسابلى ايميله انا زهولت والله اية فعلا اخرت اللى بيحصل ده وكمان اتصحيبت على وحده من المنتدى وبقيت صحبتى جدا وقالتى ان حصل معاها نفس الفصل واسمة احمد المرى برضه

[مدام ديدى]

ايه حكايه احمد ده انا برضه واحد اسمه احمد كتب لى الاميل واضفته ولاكن والحمد لله دخل على الاميل وزوجى كان قاعد معايا على النت وهو اللى رد عليه وشطبته من عندى ونفس القصه حصل حد بعت رساله فيها اميل مرضتش عليها وخلاص عرفت اللى ممكن ي تعمل ان لما يكون حد جديد مش ههتم برسالته مادام كاتب الاميل
وخلاص
وانا بصراحه مش عارفه الراجاله هتستفيد ايه بمنتدى زى بتاعنا وعضوات كريمات محترمات
مهم الشات مليان بنات وستات متفرقش معاهم ولد بنت راجل ليه بقى مايسبوناش
نقعد مع بعض قعده ستات ونتبحبح شويه بعد مشغوليات الحياه

[رونا]

هههههههههههههههه واللهى إنتى عسل يا زوزو

هما المشرفات فاضيين يتصلو بكل واحده

ما شاء الله العدد كبير .. ثم إحنا ناقصين خساير فواتير تليفون

خلينا ناكل الأول

[hanotif]

بس علي فكرة ده اكتر موقع نسائي لقيت فيه مصداقية للستات علي العمموم مافيش راجل حيستحمل مناقشات واهتمامات الستات اطمنوا

[عبير الزهور]

الحقووووووووووووونى
جالى رساله خاصه على فتكات
من عضوه اسمها شروق الفجر ليلا
كتبتلى فيها
ممكن من فضلك تكلمينى على الايميل ده
Anamsregda @yahoo.com
خلال يومين

أختى الفاضلة : علياء

شكرا لك على انك نبهتى الاخوات لذلك فمثل هذا الإنسان يدخل المنتديات لكى يعمل شات مع البنات فقط وليس لكى يستفيد .

ممكن للأخت المشرفه او مديره المنتدى تدخل فى لوحه التحكم وتعمل لهذا العضو حاجه اسمها حظر . ومديره المنتدى فاهمه هتعمل ده إذاى لان ده شغلها وياريت تعمله بسرعه .

اقول قولى هذا لانى مشرف عام فى موقع واتعرض لمثل هذه التصرفات السخيفه لذا اتكلم من واقع خبرتى وشكرا لكم جميعا .

الغلط بقى ان اى عضوه تضع ميلها فى لوحه التحكم . فأرجوا الإنتباه لذلك .

[ام سارة ر]

انا كمان جالى ايميل من واحد اسمه احمد واسمه فى المنتدى هلا وغلا طالبة جامعية
ياريت تشوفو حل للموضوع دة احنا ستات فى بعض عيب دة من الرجالة
وشكرا

[nehad]

أنا وصلتني كذا رسالة من قبل بها ايميلات كتيييييييييييير و من اوريفليم كمان
وكمان في موضيع بيكون عنونها الرئيسي ايميل في المنتدي
بس انا مش بتعامل معاهم لاني لا اعرفهم

[ام ميداء]

انا كمان جت لى رسالة من احمد ده وكان داخل باسم ساعات العمر
حذفتها فورا وعملت بلاغ لام الطيب فشطبته فورا
ربنا يهديه

[أميرتى يمنى]

مالكم كده يا ستات عاملين ازمه ليه هما الرجاله كده دايما محشروين معانا فى كل حاجه مش هاين عليهم يتركونا شويه براحتنا
على العموم اللى عملتيه صح انك لغتيه على طول وأحمدى ربنا انه قالك من الاول أنه راجل مش سابك تتكلمى عن نفسك وتحكى وعرف عنك كل حاجه وبعد كده كان يقولك كويس انه قالك من الاول بس عشان انتى طيبه وربنا بيحبك
وبعدين لو حصل كده تانى ابقى أتاكدى منه الاول يعنى فى حاجات تعرفها الستات وميعرفهاش الراجل تبقى اسئلى الاول عشان تتأكدى وبعدين اتكلمى بس بحدود لحد ما تعرفى مين اللى بيكلمك ده كويس ولا وحش لان فى ستات برضه وحشين ونيتهم وحشه

[rawan432]

there is also someone stole one of my mails by someone called hassen mohsen he registed by this name on fatakat, pls remove him

[raniamma]

نفسى اعرف هيستفاد ايه لما يعمل كده يعنى
هما حاشرين مناخيرهم ليه فى اللى ملهمش فيه احنا هنلاقيها منين ولا منين
ربنا يكفينا شرهم....