[الملكة لينة]

السلام عليكم ورحمة الله وبركاته
وحشتونى يافتوكات وطبعا كالعادة جايلكم بسوال جديد
عايزة اسالكم عن حاجة وطبعا كعادتكم باذن الله هتفيدونى وبقلكم اهوه محدش يقولى روحى للدكتور
اصلى كنت عنده من 3 ايام وبيقولى عادى وانا حاسة انه مش عاااااااادى خالص ولو انتوا قلتوا مش عادى هروح لحد تانى غيره
من نص التاسع كده وانا حاسة انه حركة البيبى قلت خالص بتكون يدوب بالليل لما اجى انام وخلاص ومش كتير زى الاول
والدكتور فى السونار بيقولى ماهو بيتحرك اهوه وماشاء الله كويس
اوسكت وقولت خلاص امبارح بقا الحركة خفت جدا جدا حتى لما جيت انام محستش بيها خالص
وانهارده من اول ماصحيت الصبح وانا مركزة فى الموضوع ده ومافيش اى حركة نهائى انا بقيلى 6 ايام واخلص التاسع
هوه ده طبيعى فى الشهر التاسع خصوصا انه بطنى نزلت جدا ؟؟؟؟؟
وكمان عايزة اسال هوه صحيح يوم الولادة مبيكونش فى حركة للجنين نهائى والا ايه بالظبط؟؟؟؟؟؟

[أنا دودو أنا]

اللي حصل معايا ان البيبي فضلت تتحرك لحد يوم الولادة
رشي بارفان علي بطنك او كلي بصل او شيكولاتة
وشوفي كدة
ربنا معاكي

[candy233]

طبيعلى حدا ياقمر البيبى من اول التاسع الحركه بتقل لانه ماشاء الله بيكون كبر والمكان ضاق عليه ومش بيعرف يتحرك زى الاول ربنا يقومك بالسلامه ياقمر ودعواتك لينا

[روابى الشام]

عادى ياحببتى الحركه بتقل فى التاسع كلى شيكولاته ونامى على ضهرك لو عده نص ساعه بدون حركه روحى للدكتور اما لو اتحرك اطمنى وربنا يكملك على خير ويقومك بالسلامه

[حوراء زوجى]

ازيك ياام لينة لما غبتى انا قولت يمكن ولدتى
بصى حبيبتى انا عندى البيبي فعلا حركته بقت قليلة جدا وخفيفة جدا مش زى السابع والتامن

[الملكة لينة]

اللي حصل معايا ان البيبي فضلت تتحرك لحد يوم الولادة
رشي بارفان علي بطنك او كلي بصل او شيكولاتة
وشوفي كدة
ربنا معاكي

انا باكل شيكولاته كتير
ومافيش فايدة ربنا يكرمك يارب

[الملكة لينة]

طبيعلى حدا ياقمر البيبى من اول التاسع الحركه بتقل لانه ماشاء الله بيكون كبر والمكان ضاق عليه ومش بيعرف يتحرك زى الاول ربنا يقومك بالسلامه ياقمر ودعواتك لينا

طيب ربنا يطمنك ونورتى ياقمر
ربنا يقومنا كلنا بالسلامة

[مدام روان]

ربنا يقومك بالسلامه يا رب ان اعرف انه عادي لانه بيكبر والمكان بيبقي ضيق ومش بيعرف يتحرك وبالنسبه ان بطنك نززلت يبفي هو مستعد للنزول انا سمعت كده انا في اول التامن ربنا ييسر ولدتي يا رب انا وانتي والحوامل كلها ويرزقك كل مشتاقه يا رب وابقي تعالي طمنيني

[الملكة لينة]

عادى ياحببتى الحركه بتقل فى التاسع كلى شيكولاته ونامى على ضهرك لو عده نص ساعه بدون حركه روحى للدكتور اما لو اتحرك اطمنى وربنا يكملك على خير ويقومك بالسلامه

عملتها كتير ولا الهوا ومافيش فايدة وروحت للدكتور يقولى ماهو بيلعب فى السونار اهوه

[الملكة لينة]

ازيك ياام لينة لما غبتى انا قولت يمكن ولدتى

بصى حبيبتى انا عندى البيبي فعلا حركته بقت قليلة جدا وخفيفة جدا مش زى السابع والتامن

هههههههه انا بولد كل يوم كل شوية يجيلى زى طلق كاذب بصراحة الشهر التاسع ده عذاااااااب وبطلت ادخل نت كتير
انا بقى فى الحركة نفس احساسك كده