[نيللى]

قولولى بقى انا عايزاكوا تتكلموا بصراحة انتوا لاقين وقت ازاى تقعدوا على النت الكلام دة للى متجوزين يعنى البيت والمسئولية وبمعنى اصح انا اعرف ان الرجالة بزات بعد الجواز بتتغير يعنى بيحب يكون الاهتمام الاول والاخير لة اولابنة او بنتة يعنى لو جوزك جة ولقاك قاعدة على النت بيعمل اية او اصلا وانتى بتحكى لة انا كنت قاعدة على النت ودى قالت كذا اوكذا اية بيكون رد الفعل على فكرة انا مش بقول كدة على شان انا ضدد دة لكن انا بحاول معاكوا اننا نحط نفسنا مكانهم ولو واحدة لقيت نفسها مقصرة فى اى جانب من الجوانب فى بيتها يلا اهو اعتبروة اننا حنحاسب نفسنا كل يوم فى صفحة الصراحة راحة فى اى شئ ممكن نكون غلطنا فية فى يومنا ونعتبرة لفت نظر لكل واحدة فينا يارب مايكونش حد زعل منى بجد ياريت الرد لضمان عدم الزعل ماشى يا فتوكات

اذا اعجبك الموضوع و اردت نشره في المنتديات الاخرى فاستخدمي هذا الرابط:
الصراحة راحة
http://forums.fatakat.com/thread14238

[دودينا]

اكيد كل واحدة بتقعد بتقعد فى وقت ميكنش وراها حاجة وانا عن نفسى لو جوزى شايف انى مقصرة فى حاجة فى البيت طبعا مش هيسكت واى راجل بيبقى كدة مش جوزى بس ولو تلاحظى فى بعض الفتكوات بيدخلوا بالليل
وشكرا حبيبتى على الموضوع

[أم مريم]

انا عن نفسى بدخل الصبح شويه و انا بفطر
وبليل زى دلوقتى بعد ما أخلص اللى ورايا و جوزى بيكون فى الشغل

[أمولة]

انا كمان بقعد الصبح لما اطلع ابني على المدرسة ولما زوجي يطلع على الشغل ولما
بكون العصر فاضيه وبليل كمان لما يكون مافي وراي شي وانا في غربه لا بروح
ولا باجي وماوراي الا النت 000

[ام بسنت]

وانا كمان جوزى مسافر مش ورايا غيرالبنات واعمل الاكل لحمايا لمابكون فاضيه بقعد ولمااكون ورايا حاجه اقوم اعملها وارجع وجوزى عارف انى بقعد على النت وبشارك فى فتكات ومبسوط عشان بتعلم

[نيللى]

شكرا على ردودكم يا احلى فتوكات وربنا يوفقكم

[نيللى]

اتفقنا انها تكون قاعدة صراحة انا بقى عايزة اقول على حاجة انا كانت فية واحدة صاحبتى بتحكى لى على عريس متقدم لها بس انا من وجهة نظرى انة فية بعض العيوب بس انا شايفة انها مبسوطة جدا وعايزة تتمم الموضوع بسرعة انا معرفتش اقول لهل حاجة عشان فرحتها بس حاسة انى غلطانة على فكرة انا لمحت لها فى الكلام على العيب بس هى قالت ومالة انا موافقة اناكدة خلصت ضميرى ولا اية مع العلم انها صديقتى او تكاد تكون قريبتى جدا حد يقولى اعمل اية اقول لها تانى ولا اسيبها المشكلة انة عايز الجوازة تتم بسرعة جدا يعنى خلال شهرين وهو حيسافر

[مونى88]

اولا ازيك نيللى
انا بقى بخلص اللى ورايا وبعدين بقعد وزوجى ساعات بيجى
يلاقينى على النت مش بيزعل ولا حاجة عشان عارف انه
الحاجة الوحيدة اللى بتسلينى والحمدلله مش ماثرة فى بيتى

[مونى88]

عيوب ايه نيللى وضحى لينا

[ام مهند]

وانا كمان في غربه ومفيش لاخروج ولادخول مش زي مصر وبالتالي في وقت كتيير قوي
وطبعا انتم عارفين ان الغربه راحه جدا يعني مفيش شيل وحط وغسيل سجاجيد وكلام من ده ولو كنست الشقه كلها هتخلص في اقل من ساعه وباقي اليوم فاضيه بس بيتهيألي اني لو نزلت مصر اكيد هيتغير ده كله

[نيللى]

بصى يا مونى هو اصلا مصرى بس كان عايش فى امريكا يعنى اكيد كلنا فاهمين قصدى وكمان معاة الجنسية بردة اكيد فاهمين بخلاف ان الطباع اللى هناك غير هنا وهو بنفسة اللى حكى بس متعرفوش ازاى صورلها ان اى شئ عملة بسيط بخلاف انة داخل داخلة جامدة جواز بسرعة مع العلم انة حكى كل دة لها هى بس مش لاهلها وفى المقابل بيبين فى تصرفاتة انة متدين قدامها وعكس اللى بيحكية

[nona79]

انا كمان وضعي زي ام مهند وامولة يعني غربة مفيش وين نروح لا نجي
فعشان كده عندنا وقت وزوجي مايضيقش لما بيشوفني قاعدة علي النت
وكمان بيقولي ايه مع فتكات سلميلي عليهم

[نيللى]

بصراحة كل واحدة تقول هل جوزها هو كان فارس احلامها ابو حصان ابيض يعنى بمعنى اصح كل اللى حلمتى بية لقتية فية ولا حاجات كتير اتغيرت
ويا ترى لما لقيتى فية عيوب اوصفات ماكانتش فى خيالك تقبلتيها
وازاى قدرتى تتعاملى معاها الصراحةةةةةةةةةةةةة
مش حقول لحد خالصصصصصصصص
هشششش هشششششششش

[نيللى]

محدش بيرد ليةةةةةةةةةةةةةةةةةةةةةةةة
التفاعل يا فتوكاتتتتتتتتتتتتتتتتتتتتتتتتتت

[نيللى]

هو محدش عايز يرد خالص كدة اية الموضوع وحش ولا مش عايزين نقول الصراحة

[أم لوجى و ملك]

انا كمان بقعد على النت لما بخلص اللى ورايا وبجهز متطلبات الاولاد بس زوجى بيزعل لما بسيبه قاعد لوحده واقعد عشان كده بقعد\ على النت لما بيكون نايم او بره البيت
وبالنسبه لموضوع فارس الاحلام
انا زوجى فارس احلامى بجد مش مبالغه وان كان فيه عيوب بسيطه زى اى انسان ولكنها عيوب سهله من الممكن التعامل معها بسهوله

[نيللى]

شكلاا لك على صراحتك واضح ان باقى الفتوكات بيهربواااااااااااااااااااااااااااااااااا

[sandrla]

بصي انا اصلا بابا مش بيزعل عشان انا اصلا و لا متجوزة ولا مخطوبة ولا اي حاجة عشان انا لسة في ابتدائي

[نيللى]

شكراااااااااااااااااااااااااااا بس لية محدش بيرد على السؤال التانى

[أم روان]

انت مصرة تعرفى يانيللى جوزى مسافر من ثلاث ايام ارتحتى لما يجى مش هاتشوفونى غير بعد الساعة واحدة بالليل علشان طلاباتو كتيرهو وحبابيبى الحلوين