[ناننو]

.عندي والحمد لله والرضا بما قسمه الله مشاكل كتييير من اول السنه دي اهمها وشغلي الشاغل دلوقتي جوزي الحبيب اللي تعرض لحادث صعب من شهر يناير ومن ساعتها وهو مابيمشيش والحمد لله على كل شيء. وظروفي دلوقتي صعبه والحمد لله ومحتاجه بعض العماله تساعدني بس يكونو مضمونين لاني مافياش نفس خلاص والحمد لله. فا ممكن حد يساعدني ويدلني على ناس مضمونه ... انا محتاجه الاتي:
1. سواق بس لازم يكون غلبان وطيب جدا وابن حلال ومتفرغ وبيسوق كويس ومواعيده مظبوطه.
2. بنت صغيره تحت ال 15 سنه علشان تساعدني وتلعب مع بنتي وتسليها اصل بنتي وحيده ومتأثره بحاله باباها .
3. واحده تيجيلي البيت تنظف مرتين اسبوعيا لان الظروف الصعبه اللي انا فيها كترت عليا المسؤليات جدا ومش عارفه الاحق لواحدي.
يا ريت اللي عنده حد يبعتلي انشالله حتى على الخاص ويساعدني واللي عايز اي تفاصيل يقوللي..
طلبي غريب شويه بس ليه مانساعدش بعض لما نكون محتاجيين وياريت دي تبقى بدايه مساعده أون للاين ..

[أمولة]

الله يرب يفرجها عليكي ويشفيلك زووجك وانشالله تلاقي مساعده من الاخوات المصريات

[ام بسنت]

ربنا يشفيلك جوزك ويقومه بالسلامه ويبارك لك فى بنتك

[ناننو]

يارب يكرمكم ويحفظكم ... انا ساكنه في القاهره ... مدينه نصر ...
واللي مايقدرش يساعدني مايحرمنيش من الدعاء ربنا يتولانا برحمته وكرمه وليس بعدله وان يتم شفاء زوجي شفاء لا يغادر سقما ... اللهم اميين

[ورده الحب الصافى]

حبيبه قلبى نانو أنا حاسه بيكى جدا وقلبى معاكى جدا جدا وربنا يأجرك خير على الى انتى بتعمليه ويارب يارب يارب يشفى لك زوجك وبأذن الله تتحسن حالته الصحيه أكتر من كده
أنا بجد متأثره بيكى جدالأنى أنا وخطيبى كنا لسه بنتكلم فى الموضوع ده مش عليكى لأ هو بيسألنى لو بعد الشر حصللى كده هتعمللى ايه قعدت فكرت لآقيت الموضوع هيبقى صعب جدا جدا عليا لأنى أنا بحبه جدا جدا ومش هستحمل أشوفه كده وهتعب ممكن زيه ابقي جنبه
بس هبقى معاكى بقلبى انتى فعلا ست جدعه وحموله وصبوره وربنا يجازيكى خير على اللى انتى بتعمليه
اللهم أكمل شفائه على خير
والله هدعى لك من قلبى

[Om Hassan]

ربنا يشفى زوجك ويقومه بالسلامة
اسال الله العظيم رب العرش العظيم ان يشفيه
اسال الله العظيم رب العرش العظيم ان يشفيه
اسال الله العظيم رب العرش العظيم ان يشفيه
اسال الله العظيم رب العرش العظيم ان يشفيه
اسال الله العظيم رب العرش العظيم ان يشفيه
اسال الله العظيم رب العرش العظيم ان يشفيه
اسال الله العظيم رب العرش العظيم ان يشفيه

ان شاء الله ربنا يفك كربك وعليكى بالصدقة بنيه شفاء زوجك
واكثرى من الدعاء وخصوصا وقت الفجر
قلبى معاكى يا اختى

[أم ايثار]

ربنا يشفى زوجك ان شاء الله ويفك كربك بإذن الله

[ناننو]

متشكره جدا يا جماعه لشعوركم الحلو