يارب لك الحمد كما ينبغي لجلال وجهك و عظيم سلطانك - اليوم 21-10-2014 والساعة الآن 01:59 م (جميع الأوقات بتوقيت جرينتش +2)

منتدى فتكات

 
الدنيا ربيع والجو بديع ومعانا احلى المواضيع عن التوفير
لازم بقى استغل الفرصة دى احسن استغلال وافرح الاولاد والراجل الشقيان وبابسط الطرق
 
لو بتدوري على صحبة و لمة و كلام من القلب و بسمة، و محتارة تروحي فين، هتلاقي فتكات موجودة فيها ايادى بالخير ممدودة: يلا تعالي مع احلى صحبة دنيا ودين!





موضوع مغلق   انشري في صفحتك على فيس بوك!   اضغطي هنا لاضافة الموضوع الى مفضلتك!
 
أدوات الموضوع التقييم: تقييم الموضوع: 120 تصويتات، المعدل 5.00.
انا خبيره تغذيه وماكروبايوتك والجزء ده فيه مفاااااااجأه وحصرياااااااا هنا وبس 5 5.00 120
  #1  
24-4-2011 قديم 24/4/2011 09:49pm
ممنوعة من المشاركة
وسام ألكسا لاستخدامها شريط ادوات ألكسا أثناء وجودها بالمنتدى
طالبة جامعية - مصرية
العضوة mony\moon هي صاحبة الموضوع mony\moon غير متواجدة حالياً
تاريخ التسجيل: 2/2011
المشاركات: 6,891
المواضيع: 111
مودي: ----

انا خبيره تغذيه وماكروبايوتك والجزء ده فيه مفاااااااجأه وحصرياااااااا هنا وبس - العضوة mony\moon هي صاحبة المشاركة

السلام عليكم ورحمه الله وبركاته


اهلا اهلا بالوظاويظ حبايبى سورررررررى اتأخرت عليكمم شويتين تلاته فى الجزء ده انا اسفففففه
يابنات طبعا قبل اى حاجه الجزء ده هكبره شويه بمعنى ايييييييييه انه هيكون مقسم ل(8) ملفااااااااااااات
عباره عن (ملف السمنه - ملف النحافه - ملف الطفل - ملف التجميل - ملف ريجيم السوايل - ملف انظمه غذائيه خاصه - ملف وصفات مختلفه - ملف المفاااااااااااجأه ) وده هيكون طبعا بالترتيييييب


وكل ملف هيكون فى كل حاجه انتوا محتاجينها ان شاء الله اظن كده هيبقى الموضوع سهل انكوا تطلعوا الوصفات اللى هتحتاجوها بسهوله بالاضافه ان كل الوصفات اللى بكتبها مجررررربه والله عندى فى الشغل ومضمونه ومالهاش اى اثار جانبيه ضااااااره عشان بس الناس تتطمن تمام كده يابنات
قبل اى حاجه اتمنى انكوا تقيموا الموضوع عشان يثبت والكل يستفااااااااد
بالله عليكم قبل ماتكملوا قراءه تقيموا الموضوع الاول وجزاااااااكم الله خيرااااااااا كثيراااااااااا






ملف السمنه






اولا عاوزه بس اوضح حاجه احنا ليه اساسا بنزيييييييييد ايه هى اسباب زياده الوزن :

1. الحاله النفسيه
2. كميه ونوعيه الطعام
3. قله النشاط البدنى والحركه
4. الخلل فى الهرمونات
5. الوراثه
6. العادات الخاطئه زى الاكثار من النشويات والدهنيات
7. خلل فى البنكرياس بيزود الانسولين فيحرق السكر فتهبطى فتاكلى
8. زياده وظيفه الغده الكظريه
9. نقص وظيفه الغده الدرقيه

طيب العلاج بقى هيكون اييييييييييه
طبعا فى ناس جسمها كله مليان لكن متناسق بمعنى ان مفيش منطقه تخينه ومنطقه رفيعه
فدول طبعاااااااا مينفعش يعملو دهان موضعى لمنطقه معينه لانهم لما هيخسوا جسمهم كله هينزل مع بعضه
لكن ممكن يشربوا وصفات تعلى الحرق وتسد الشهيه وما شابه عشان تساعدهم مش اكتر

نيدا الاول بالوصفات اللى بتعلى اللحرق


هنجيب نص حزمه بقدونس ونصب عليهم الميه المغليه ونغطيهم وبعد نص ساعه نصفيهم ونشربهم بعد الفطار مش على غير ريق
هى طعمها وحش بس نتايجها مقولكوش رهييييييييييييييبه

وصفه تانيه

هنجيب كوبايه ونملا ربعه مايه زعتر ونكمل الكوبايه شاى او قهوه او عصير او لبن اى حاجه مش فارقه
ممكن يكون فى ناس عارفه الوصفه دى بس انا شفت نتايجها بقى بعينيه وعلى والدتى بجد ممتازه جربوها

الشوربه الحارقه للدهون

بطريقه بسيطه خالص هتجيبى حله وحطى فيها قطع قرنبيط وقطع كرنب وجزر وكوسه وبطاطس وبصل وتوم واى خضار عندك متتقيديش بالمكتوب بس الاساسى هو الكرنب والقرنبيط وياريت لو نحط بصلتين كبار مع راس توم لانهم بيعلوا نسبه الحرق اوى هنحط عليهم التوابل ملح حسب الذوق نص معلقه فلفل اسود ونص معلقه قرفه ومعلقه جنزبيل ومرقه دجاج هنسيب كل ده يستوى كويس وهنسيبه يبرد شويه وبعد كده عالخلاط واشربى منها ووالله كل فعلا مااكلتى منها كل ماحرقت دهون وفى نفس الوقت مغذيه جداااااااا لان فيها كل حاجه


الفلفل الاسود والشطه خاصه لو حطيتى شويه منها على الشوربات بتزود معدل الحرق اوووى لانها بتزود ضربات القلب وهو ده معدل رفع الحرق فنصيحه حطوا شويه شطه عالاكل هتفرق اوى معاكم بس اللى عنده القولون بلاش اتفقنا

طبعا معلقه خل تفاح على الميه بتحرق الدهون فى الجسم بس مش اكتر من معلقتين انا قلت اهو معلقتين بس مفيييد جدا

لازم تشربى 12 كوبايه ميه كل يوم عشان بترفع من معدل التمثيل الغذائى وبتنزل الدهون اللى فى الاجناب المتراكمه ومحدش يقوللى الميه بتتخزن غللللط

لازم تناموا كل يوم مش اقل من 7 ساعات لان الجسم بيجدد كل خلاياه اثناء النوم
وبالتالى هيزيد معدل الحرق ودى كانت نصيحه الدكتور ليه والله وفعلا الحرق على
عندى بعد ما كان بطىء اصل كنت بحب السهر لازم الجسم يرتاح

خدوا كل يوم 7 فصوص توم مع كوبايتين ميه كل يوم الصبح بس ابلعوهم على طول عشان متعملش ريحه والله بتعلى الحرق اوى فى الجسم


الوصفات بقى اللى بتسد الشهيه


الحبهان ياقمرات لو اخدتوا فصين وهرستوهم مع موزه وكلتوهم هتسد النفس جاااااامد اقسم بالله جربتها مكلتش لمده 5 ساعات وعلى فكره طعمها مش وحش

حمص الشام تنقعوه فى ميه 3 ساعات وبعدين تسووه وتاخدوا طبق منه مع كمون وشطه وليمون وملح قليل بيسد النفس برضه وزيه الترمس بس متكتريش ملح

وصفه اللبان الدكر :
هنجيب 3 معالق كبار لبان دكر وهنحطهم فى كوبايه ونصب عليهم المايه المغليه وهنقلبهم كويس عشان ميكلكعش وهنسيبهم طول الليل ولما نصحى هنقلبهم تانى ونصفيهم ونشرب نص الكوبايه بعد الفطار والنص التانى بعد الغدا الوصفه دى بتسد النفس وبتشد الجسم جميييييله

مضغ اللبان كل يوم ساعتين بيخسس لوحده 5 كيلو فى السنه والله وبيلهى عن الاكل وبيحسس بالشبع وياريت يكون اللبان الدكر عشان خالى من السكر وعلى فكره مفيد اوى للحوامل واللى بيرضعوا

كوبايه من عصير الليمون او الجريب فروت قبل الوجبه على طول بنص ساعه بتشبع ليييييييييه عشان المواد الحامضيه بتفرز هرمون اسمه الكوليسيستوكينين وده بيحسس بالشبع

فو وصفه تانيه زى الفل لسد الشهيه اول ماتصحى من النوم تاخدى معلقه عسل ووراها كوب مايه وبعدها بساعه تاخدى كوبايه شاى من غير سكر بجد بتسد الشهيه اوى

ودى برضه وصفه هايله وانا كنت مجرباها بنفسى والله هتجيبى حوالى 10 اعواد نعناع وتنزليهم فى خل تفاح وتاكليهم قبل الاكل بنص ساعه ممتااااااازه


ندخل بقى على الوصفات الموضعيه

وصفه للبطن (الكرش)

هنجيب معلقه ينسون ومعلقه حبه البركه ومعلقه شمر وورق نعناع اخضر

هنغطيهم بالميه ونغليهم على النار كلهم وبعد كده نصفيهم ونشربهم وعلى فكره
طعمها حلو وممكن تضيفيلها سكر الوصفه دى عشان تشوفى نتايجها لازم تشربى منها كوبايتين على الاقل
وتكون كوبايه منهم على الريق يعنى اللى هتعملها تقولى تستغنى عن الميه بليمون اللى على الريق بتاع الدايت بتاعنا تمام كده


وصفه لتخسيس الذراعين (مجرررربه )

كل يوم هتدهنى بخل التفاح وتسيبيه ساعه وبعدين تغسليه وشهر واحد وشوفى الفرق

لتصغير وشد الصدر (للتجميل) :

*
* هنجيب الفورمه بتاع مكعبات التلج طبعا عندنا كلنا وهنخلط خل تفاح مع مايه ورد ونبدا نحطهم فى القوالب دى وندخلها الفريزر لحد ماتجمد وكل يوم هندهن بزيت زيتون كويس منطقه الصدر وهناخد قطعه ونمررها على الصدر لحد ماتدوب على فكره حركه ممتعه وهتحبيها وبعدين خل التفاح كمان بيديله لون وردى ومايه الورد بتدى ريحه حلوه وفى خلال شهر بالكتير هتلاقى صدرك بدا يصغر فعلا ويبقى مشدودو وشكله جميل فعلا هااااااااايله

*
* فى وصفه تانيه بس دى بتشد بس مش بتصغر هنجيب شبه مطحونه ونخلطها بالميه البارده وندهنا على الصدر ونسيبها لحد ماتنشف خالص ونغسلها وبعد كده هنجيب برضه التلجه ونمررها عليه لحد ما تدوب


لتخسيس الارداف :

15 فص ثوم مقشر ومش مقطع
حبايتين ليمون اصفر كبار مقطع الى شرائح بقشرها
3 كوبايات مايه
هتخلطى المقادير دى وتحطيهم عالنار لحد ما يغلوا ونطفى النار ونستنى يبرد شويه وبعدين نحط نص حزمه بقدونس وفايدته هو اولا بيخسس جاااامد ثانيا بيقضى على ريحه التوم اللى هتعلقولى عليها ههههههههههه
وبعدين نسيبه ساعتين ونصفيه ونعينه فى التلاجه ونشرب منه يوميا 3 فناجين قهوه قبل الوجبات الرئيسيه او بعدها يعنى مثلا قبل الشوربات او بعدها بجد والله بيجيب نتايج ممتازه

* وفى نقطه تانيه بشر البرتقال يابنات لو بشرتوه بس الحته البرتقالى بس متجيبوش البيضه عشان ممرره
* خدوا البشر وحطوه على اى عصير تشربوه او حتى الميه بيخسس الارداف جامد والله
* فى بقى وصفه تانيه لتخسيس الجسم كله وبجد مصدقتش نتايجها اقسم بالله واستغربت لما شفتها فى المركز جابت نتيجه مع ناس كتير هنجيب معلقه عسل ابيض على معلقه قرفه ونصب عليهم مايه مغليه ونشربهم مرتين فى اليوم بجد رووووووعه وواحده قريبتى كمان مجرباها نزلها كتير


وصفه زيت الزيتون :

هنجيب زيت الزيتون وندفيه عالنار وندهن بيه اى منطقه عاوزين نخسسها البطن مثلا وندهناها ربع ساعه اتجاه عميق فى اتجاه دائرى لحد الجسم مايشربه كويس ولازم يكون بعد الشاور عشان تكون المسام مفتوحه اعمليها كل يوم لمده شهر وهتشوفى النتيجه بنفسك تحفففه


وصفه السلولايت :
هنجيب زيت القرنفل مع زيت الياسمين وهنخلطهم بنسب متساويه وهندهن بيهم المنطق كويس ونضغط واحنا بندهن عشان نكسرر التجمعات الدهنيه دى هنعملها مره كل يوم والنتيجه انا مجرباها بنفسى والله

-معلقه زيت زيتون
على غير ريق الوصفه دى للى عندهم بطن زايده اوى لانها مش بتنزل غير البطن بس غريبه عارفه بس هو كده فعلا مش بتنزل الجسم كله

وصفه تانيه لتخسيس الجزء السفلى من الجسم:

نسلق كوسه مع جزر مع فاصوليا ونضربهم فى الخلاط ونشربهم 3 مرات فى اليوم والله هااااااااااااايله

وصفه لتخسيس البطن والمؤخره :

هنجيب 2معلقه كبيره كده بابونج ونحطه على كوبايه مايه ونغليهم ونطفى ونغطى لمده 10 دقايق وبعدين نشربه مره الصبح ومره بالليل من غير سكر جميله اوى الوصفه دى

ونفس الكلام هنعمله مع عشبه اسمها رجل الاسد نفس الخطوات بتاع البابونج بالظبط

لتخسيس الارداف :

15 فص ثوم مقشر ومش مقطع
حبايتين ليمون اصفر كبار مقطع الى شرائح بقشرها
3 كوبايات مايه
هتخلطى المقادير دى وتحطيهم عالنار لحد ما يغلوا ونطفى النار ونستنى يبرد شويه وبعدين نحط نص حزمه بقدونس وفايدته هو اولا بيخسس جاااامد ثانيا بيقضى على ريحه التوم اللى هتعلقولى عليها ههههههههههه
وبعدين نسيبه ساعتين ونصفيه ونعينه فى التلاجه ونشرب منه يوميا 3 فناجين قهوه قبل الوجبات الرئيسيه او بعدها يعنى مثلا قبل الشوربات او بعدها بجد والله بيجيب نتايج ممتازه
  • وفى نقطه تانيه بشر البرتقال يابنات لو بشرتوه بس الحته البرتقالى بس متجيبوش البيضه عشان ممرره
  • خدوا البشر وحطوه على اى عصير تشربوه او حتى الميه بيخسس الارداف جامد والله
  • فى بقى وصفه تانيه لتخسيس الجسم كله وبجد مصدقتش نتايجها اقسم بالله واستغربت لما شفتها فى المركز جابت نتيجه مع ناس كتير هنجيب معلقه عسل ابيض على معلقه قرفه ونصب عليهم مايه مغليه ونشربهم مرتين فى اليوم بجد رووووووعه وواحده قريبتى كمان مجرباها نزلها كتير
نحط بقى شويه تمرينات للتخسيس

دى لتخسيس الارداااااااااف وشد الترهلات برضه



انا خبيره تغذيه وماكروبايوتك والجزء ده فيه مفاااااااجأه وحصرياااااااا هنا وبس


وده لشد وتخسيس المؤخره والبطن والهانش

انا خبيره تغذيه وماكروبايوتك والجزء ده فيه مفاااااااجأه وحصرياااااااا هنا وبس

وده كمااااااااااااان


انا خبيره تغذيه وماكروبايوتك والجزء ده فيه مفاااااااجأه وحصرياااااااا هنا وبس

وده بيشد الجسم جميييييل جدا


انا خبيره تغذيه وماكروبايوتك والجزء ده فيه مفاااااااجأه وحصرياااااااا هنا وبس
[IMG]file:///C:/DOCUME%7E1/ADMINI%7E1/LOCALS%7E1/Temp/moz-screenshot-1.png[/IMG]

وده بيخسس البطن ويشدها هاااااااايل


انا خبيره تغذيه وماكروبايوتك والجزء ده فيه مفاااااااجأه وحصرياااااااا هنا وبس

وده بيخسس الجناااااااب

انا خبيره تغذيه وماكروبايوتك والجزء ده فيه مفاااااااجأه وحصرياااااااا هنا وبس

وده لتصغييييييير الصدر


انا خبيره تغذيه وماكروبايوتك والجزء ده فيه مفاااااااجأه وحصرياااااااا هنا وبس


وبكده نخلص ملف السمنه والحمد لله


ندخل بقى على ملف النحافه صلوا على سيدنا محمد عليه افضل الصلاه والسلام









ملف النحافه





اولا انا لا اشجع الادويه فواتح الشهيه لانها بتلعب فى الهرمونات و الحقن كعلاج للنحاااااااااافه بالمره لان انا كأنى بنفخ فى حاجه ولو بطلت اكل هتخس تانى لكن لما اكل وابنى دهووووون وعضل فلما ابطل اكل هاخد وقت كبييييييير عشان انزل تانى وعلى فكره علاج النحافه اصعب من علاج التخسيس ليييييييييه
انتى لما تيجى تبنى بيت اسهل ولا لما تيجى تهديه اكيد لما تهديه اسهل نفس الحكايه فى النحافه انى ابنى دهون اصعب من انى اهدها انا بقول الكلام ده ليه عشان الناس تصبر عالنتايج شويه مش لما تجربى حاجه اسبوع ولا اسبوعين ومتلاقيش نتيجه تياسى وتقولى انا حلوه كده واللى مش عاجبه يخبط دماغه فى اتخن حيط لا مش ده الحل ده يبقى اسمه هروووووووووووووب
تعالوا بقى نعالج المشكله اولا فى حاجات بتفتح الشهيه ومشروبات ووصفات بتزود الوزن وفى دهانات موضعيه لتكبير الصدر مثلا او الارداف او ما شبه تعالوا نشوفها بس استغفرو الله الاول

اولا وصفات لفتح الشهيه

اولا فى اكلات لازم تكليها على طول زى مثلا سلطه البابا غنوج وتزودى فيها الطحينه خدى بالك فعلا بتزود جداااااا وتاكلى الاكل الحراق لانه بيساعد على فتح الشهيه

تجيبى زبيب وتنقعيه فى مايه 6 ساعات وبعدين تطحنيه وتخلطيه مع حلبه مطحونه وتاخدى معلقه كبيره 3 مرات فى اليوم قبل الاكل بنص ساعه

زيت الحلبه لو اخدتوا معلقه كبيره على نص كوبايه مايه على الريق بتزود الوزن وبتفتح النفس كمان

البصل وياعينى عالبصل وفوايد البصل
لو اكلتى بصل فى الفطار والعشا بيفتح النفس جدااااااااا

معلقه كبيره حلاوه طحينيه على كوبايه لبن وتشربيها مرتين فى اليوم هايله جدااااااااا

التييييييييين يابنات تحففففففه لعلاج النحافه لو اكلتم منه كميه كويسه فى الفطار والعشا جميل جدااا

التمر واللبن تنقعيه لمده 3 ساعات ويتاكل 3 او 4 مرات يوميا بيفتح النفس جدااااا

فى وصفه بقى لفتح الشهيه وزياده الوزن من الااااااااخر والله صحبتى تخنت عليها 10 كيلو فى 3 شهور

نص كيلو زيت زيتون او اكتر شويه ونحميه عالنار وبعدين نحط عليه نص كيلو دقيق ونحمصه معاه لحد ملونه يبدا يتغير ويحمر وبعدين نحط تمن كيلو سمسم ونحمره برضه ونحط ربع كيلو حلبه و3 معالق كبيره مغات وتمن يلو زبيب ونقلب كويس وبعدين نحط عليهم كيلو الا ربع عسل اسود لحد مايتقل الخليط وناخد منها معلقه الصبح ومعلقه بالليل وهتبقى بكابووووووظه ههههههههههه


طيب نخش بقى فى الدهانات الموضعيه

دهان لتكبير الصدر


وصفه تانيه لتكبير الصدر :
  • هنجيب زيت الحلبه مع زيت الحمص وهتخلطيهم على الصدر وتدلكيه كويس وتحطى عليه اى كيس شفاف وتنامى بيه وتانى يوم الصبح تغسليه وشوفى النتيجه كمان اسبوعين حلوه اوى

او زيت الحلبه تخلطيه مع زيت الخروع وتدهنى بيه الصدر كل يوم لحد مايشربه فعلا بيكبره

فى برضه وصفه تانيه وهى هتجيبى معلقتين خميره وتدوبيهم فى حلبه معموله جاهزه مسوياها يعنى وبعدين تدهنى بيها صدرك وتسيبيها لما تنشف وكل ماتنشف تلاشى عليها الخلطه تانى وهكذا لمده ساعتين

ومن الاخر المريميه تحفففففه هنكسرها ونصب عليها المايه المغليه وننقعها نص ساعه بس لازم تغطوها كويس عشان الزيوت اللى فيها متطرش وبعدين تصفيها وتشربى منها 3 مرات فى اليوم

ودى وصفه لتسمين الارداف

هتطحنى سمسم محمص وتخلطيه بالعسل الابيض وتاخدى منه معلقه صغيره 3 مرات فى اليوم

وصفه كمان عشان الحبايب ممتاااااازه

كوبايه حلبه مطحونه وكوبايه سمسم وقطعه كبيره خميره بيره تقريبا كوبايه حلاوه طحينيه الرشيدى الميزان هههههههههههه هتخلطيهم مع بعض و هتجيبى كوب لبن دافى وتحطى عليه معلقه كبيره منها وتدوبيها وتشربيها قبل النوم بساعه

طيب نحط بقى شويه تمرينات لتكبير الصدر والارداف

ده تمرين لتكبير الارداف والمؤخره يعنى هتبقى موززززززه موززززززززه ههههههههههههه


انا خبيره تغذيه وماكروبايوتك والجزء ده فيه مفاااااااجأه وحصرياااااااا هنا وبس


ودى تمرينات لتكبير الصدر ممتاااااااااز

انا خبيره تغذيه وماكروبايوتك والجزء ده فيه مفاااااااجأه وحصرياااااااا هنا وبس

انا خبيره تغذيه وماكروبايوتك والجزء ده فيه مفاااااااجأه وحصرياااااااا هنا وبس


انا خبيره تغذيه وماكروبايوتك والجزء ده فيه مفاااااااجأه وحصرياااااااا هنا وبس


وكده نكون خلصنا ملف النحافه والحمد لله

نخش بقى على ملف الطفل






ملف الطفل






طبعا كان لازم نهتم بالطفل وتغيته فى كل المراحل ومننساهوش فى الاول بس طبعا ممنوع عمل ريجيم للاطفال قبل 5 سنيييين اوكى

فى الاول بس عاوزه اقولكوا الاوزان الطبيعيه للطفل بتكون ازاى

طبعا اول ما يتولد الطبيعى بتاع وزنه بيكون من 2.5 الى 3.5 كيلو
فى عمر مثلا سنه بيكون وزنه 9 كيلو
لو سنتين بيكون 12 كيلو
لو 3 سنين بيكون 14 كيلو
لو 4 سنين بيكون 16 كيلو وهكذاااااا كل سنه تزودوا 2 كيلو
طبعا لو وزن الطفل زايد عن المعدل الطبيعى بكيلو او اتنين مش قضيه وبرضه لو زايد كيلو او اتنين مش قضيه
امتى يكون فى مشكله لو طفل عنده 4 سنين ووزنه 20 او 22 اه هنا تبقى مشكله ولازم نقف عندها عشان ميعانيش بعد كده وتبقى نفسيته تحت الصفر بشويتين تلاته


طيب لما نحب ناكل الطفل وهو لسه مكملش سنه ناكله ايه يفيده ويغذيهطبعا مفيش اكل بيدخل للطفل قبل 6 شهور من الرضاعهفى الشهر السادس والسابع ممكن نبدا ناكله اكل خفيف زى مثلا البطاطا المهروسه او الموز المهروس مع تفاحه مسلوقه ومهروسه معاه - نسلق كوسه مع جزر ونهرسهم وناكله - الزبادى بنكهه الفواكه و زبادى بالعسل الاسود او الابيض مفيد جداااا للطفل وبيرفع من معدل ذكاؤهفى الشهر التامن والتاسعممكن نبدا ناكله القرنبيط المسلوق والقلقاس والبطاطس المسلوقه والفاصوليا وممكن الفراخ واللحمه بس طبعا يكون مفروم كويس جدااااااالشهر العاشر والحادى عشرممكن نبدا ناكله صفار البيض او السمك والفواكه الطريه وهكذاااااااطيب لو لاحظنا ان الطفل لما بدا يكبر وزنه بيزيد عن الطبيعى يبقى ناحقه فوراااا المشكله فى اولها سهله جداااااول طريق التخسيس هو انك تحاولى تبعدى اطفالك عن الشيبسات والبسكويت والبيبسى وما شااابه لانها كارثه صحيه طبعا مينفعش نحرم الطفل من الاكل ولو حس بحرمان هياكل برضه غصب عنك

ريجيم للاطفال من 5 الى 8سنين

الفطار : كوب لبن خالى الدسم او كوبايه عصير فريش بسكر خفيف
ويفطر بعدها بربع ساعه
يااما بيضه مسلوقه او مقليه فى طاسه تيفال او قطعه جبنه اى نوع لانه طبعا مش هياكل القريش مع واحده توست او ربع رغيف بلدى وحاولى تاكليه جنبها طماطم او خيار وي بقى بنص كرواسونه او نص واحده دونات او 3 حبات بسكويت او ثمره فاكهه

الغداء:يااما طبق متوسط خضار مع 3 معالق رز وسلطه
او علبه تونه متصفيه من الزيت مع ربع رغيف وسلطه
او قطعه كبده مشويه وسلطه وتوستايه او ربع رغيف
او ربع فرخه او قطعه لحمه مشويه او مسلوقه مع سلطه وربع رغيف

العشاء : هيكون فاكهه وزبادى لحد مايشبع

ولو جاع بين الوجبات ممكن تقطعيله طرنشات خيار وجزر وياكلهم

النظام ده هيخسسه وهيشبعه وهيغذيه كمان

طيب نظام للاطفال من سن 9 الى 13 سنه

اكيد كل ما الطفل بيكبر احتياجاته من الاكل بتكتر عشان المجهود اللى بيبذله

الفطار : طبق كبير بليله بلبن خالى الدسم وسكر خفيف
او طبق كبير كورن فليكس بلبن خالى الدسم برضه وبعده ثمره فاكهه
او ربع رغيف مع بيضتين مسلوقين او طبق فول بالسلطه بمعلقه واحده زيت
او فاكهه باى كميه لحد الشبع بس طبعا فى ممنوعات زى المانجه والتين والبلح والموز خدى بالك

الغداء سمكتين مشويين مع سلطه و4 معالق رز وممكن سمك مقلى بس يشيل الجلد مش عاوزين نحسسه انه محروم من اكل معين
او ربع فرخه مع طبق صغير خضار متصفى من الصلصه و4 معالق رز او 5 معالق مكرونه
او ممكن تعمليله وجبه صحيه جدا وهتشبعه تسلقى بطاطس وتهرسيها وتحطى عليها بيضتين مسلوقين \وتهرسيهم بالشوكه مع توم مدقوق وملح وفلفل وكمون وشطه ومعاهم ربع رغيف او 2 توست

العشاء : يااما كوبايتين لبن رايب بالفواكه او فاكهه لحد الشبع او طبق بليله بلبن خالى الدسم


نظام للاطفال من عمر 14 الى 18 سنه

الفطار : طبق فول بالسلطه او تونه بالسلطه او قطعتين جبنه نستو او قطعه جبنه قريش مع نص رغيف بلدى
او ممكن فاكهه باى كميه مع كوبايه لبن او زبادى

الغداء : ربع فرخه مشويه او مسلوقه من دون الجلد طبعا مع سلطه و6 معالق ارز او مكرونه
او طبق متوسط خضار متصفى من الصلصه او طبق كبير شوربه خضار ومعاها فراخ او لحمه
وممكن تونه متصفيه مع نص رغيف وسلطه
او كبده مشويه مع رز وسلطه برضه

العشاء كوبايه عصير فريش بسكر خفيف او كوب لبن خالى الدسم
وبعدها ممكن علبتين زبادى ومتقطع عليهم فاكهه ومعلقه عسل ابيض
او طبق كبير بليله بلبن خالى الدسم
او بيضتين مسلوقين مع سلطه بدووووون عيش او رز

وطبعا بعد سن ال18 مسموح باى نوع ريجيم لان بيكون نموه اكتمل ونضج

طيب هل فى طرق لفتح الشهيه عند الاطفال غير الادويه وتكون صحيه وامنه
اكييييييييييد فى

ياريت لو تديله تمر منقوع فى لبن هيفتح شهيته جدا وهياكل لان السكريات بتجوع

ممكن تديله معلقه عسل ابيض متدوبه فى كوب ماء على غير ريق
مفيده جدااااااا وهتجوعه

ياريت متديلوش سوايل خااااالص قبل الاكل عشان متملاش معدته ويقدر ياكل

اعمليله عصير البرتقال مع الموز وحليه بالعسل هيفتح شهيته جداااااا وهيغذيه

او عصير البرتقال مع الجزر مفيد اوى وهيفتح شهيته برضه

وياريت لو تخلى اكلك شكله حلو وتزينى طبقه كده عشان يتشجع وياكل


وبكده خلصنا ملف الطفل والحمد لله ندخل على ملف التجميل بس صلوا على سيدنا محمد عليه افضل الصلاه والسلام






ملف التجميل







الوصفه الاولى وصفه تنبيت الشعر وعلاج سقوطه


هتجيبى كوبايه حلبه مطحونه وعليها ربع كوب قرنفل مطحون بودره ونص كوب جنزبيل بودره

وتعجنيهم بزيت الزيتون زى الحنه كده وبعدين تدلكى الفروه كويس اوى وتغطى شعرك بكيسه وتسيبيه 24

ساااااعه متكروتيش لازم يوم كامل وبعدين تغسليه واعمليها 3 مرات فى الاسبوع وانا مش هتكلم عالنتيجه مش ح اتكلم خالصهتدعييييييييييييييييلى

طب لو فيه اماكن فاضيه خالص وعاوزه اساعد مع الوصفه يبقى هتروحى الصيدليه وتجيبى رشاش بخ (بيرفورما)

حوالى ب55 جنيه وهترشى منه كل يوم على الاماكن الفاضيه وتدلكى زى الزيت كده وتنامى بيه وتغسليه

الصبح وممكن تساعدى اكتر وتجيبى فص توم كبير وتقسميه نصين وتمشى بيه على الاماكن الفاضيه وتدلكى

بيه كويس وتسيبيه ينشف وبعدين اغسليه معلش انا عارفه انه تعب شويه بس لجل الورد يتسقى البلعييييييق


الوصفه التانيه وصفه لمنع تساقط الرموش


هنجيب كوبايه ونحط فيها 5 معالق كبيره مايه ورد ساقعه ونغمض عنينا ونحطها فى الميه دى لمده 3 دقايق لكل

عين بعد كده تجيبى علبه ماسكرا فاضيه وتحطى فيها زيت لوز حلو على زيت زيتون على زيت خروع

وتدهنى دهنه خفيفه على الرموش كل يوم قبل النوم وان شاء الله مش هتقع تانى وهتطول وهتتكثف


الوصفه التالته لعلاج الشعر اللى تحت الجلد


بالنسبه للموضوع ده فانا هديكم كام وصفه تخلى الشعر يطلع لفوق وتقدره تشيلوه سواء بالسويت او البراون

هتجيبى ملح وترشيه على اى منطقه وتجيبى صابونه بالجلسرين او زيت الزيتون وتحطيها فوق الملح وتدلكى

كويس اوى هتلاقى الشعر طلع لفوق وتقدرى تشيليه ويفضل انك تعمليها قبل السويت بيوم

الوصفه التانيه ممكن تجيبى سكراب او شامبو وترغى بيه كويس المنطقه وبعدين تجيبى الحجر الخفاف

وتدلكى كويس فى اتجاه دائرى بس بالراحه هتلاقى الشعر بدا يطلع لفوق برضه وتقدرى تشيليه بسهوله

وممكن بالتقشير الشعر الصغير يطلع تجيبى معلقتين بن عليهم شويه مايه ومعلقه سكر او ملح وتعملى سنفره

كويس والطريقه دى برضه كويسه اختاروا بقى اللى تحبوه

كده انا خلاص وجبت كل اللى انطلب منى ننقل بقى اللى فات


وصفات لشد الجسم المترهل جدا


بصوا بقى يبقى كداب اللى يقولكوا حطوا كريم ايه ووصفه ايه من غير رياضه وخصوصا فى الترهل الكبيييييير هتقولولى وليه الرياضه
هقولكوا مش الترهل ده عباره عن جلد زياده فى الجسم نتج عن نقصان وزن طب مش عشان الجلد الزايد ده يتشد ويختفى مش لازم يتبخر
وعشان يتبخر لازم اداء عضلى وحرق سعرات وعشان ده يحصل لازم الرياضه ثم الرياضه ثم الرياضه ومعلش عارفه انكوا هتتعبوا شويه بس اعتقد نتعب شويه احسن من المنظر اللى بنشوفه وبيخلى نفسيتنا زى الزفت
فلالالالالالالازم يوميا ساعه رياضه مشى الوحيد اللى بيعالج الترهلات بس ايه المشى الجااااااد يعنى لو مشيتى فى الشارع وقابلتك واحده صحبتك ووقفتى وسلمتى عليها يبقى ترجعى ياحلوه زى الشطوره كده وتعيدى الساعه من اولها اتفقنا


فى بقى حاجات بتساعد فى شد الجسم وبتخفف الترهلات جنب الريااااااضه :

الشبه ودى من اهم واول الحاجات اللى بتشد الجسم

معلقه شبه معلقه نشا معلقه زيت زيتون شويه مايه
هنخلطهم ونحطهم على المكان المترهل لحد ماتنشف وبعدين نغسلها
وهنجيب التلج اللى قلتلكوا تعملوه ازاى بس نقول تااااااااااانى
هتجيبى الفورمه بتاع مربعات التلج وتجيبى كوبايه مايه ورد ونص كوبايه خل تفاح ونخلطهم ونصبهم فى قوالب التلج وندخلهم
الفريزر وبعد مانعكل الوصفه دى ونغسلها هناخد مكعب منهم ونمشيه على الجلد لحد التلج مايسيح ويوميا تعملى الحكايه دى وان شاء الله النتيجه هتعجبكوا
وممكن تضاعفى كميه الوصفه دى وتحطيها فى التلاجه وتستخدميها كل يوم عشان متزهقيش يعنى



ودى وصفه انطلبت منى لتتقيل الشعر وبتمنع سقوطه كمان :

هتجيبى الزيوت دى بالظبط متستبدليش
(زيت خروع - زيت جرجير - زيت توم - زيت جوز هند)
وتحطيهم بنسب متساويه وتعبيهم فى ازازه وكل يوم تدهنى شعرك كويس وركزى عالفروه
وتسرحى كويس ولالالالالالازم تضفرى شعرك حتى لو قصير اتفقنا خطوه مهمه جداااااااااااا



وفى وصفه بقى لتطوووووويل الشعر ودى انا مجربها بنفسى والله:

هتجيبى الفلفل الللاخضر او الاحمر بس يكون حااااااااااار جدااااااااااااا تقريبا نص كيلو
وتقطعيه قطع صغيره وتحطيه فى برطمان كبير وتصبى عليه حوالى 3 لتر مايه وتسبيهم
يتنقعوا اسبوع كاااااامل وبعد كده تصفيه وتاخدى من الميه يتاعته وتدهنى شعرك كويس وركزى على الفروه وتسيبيه وتغسليه بعد 4 ساعات
معلش هى هتحرق شويه صغيرين بس النتايج فعلاااااااااا رووووووعه بجد شعرك هيطول وفى مده قصيره

هكتبلكوا بقى شويه وصفات عشان الشعر الزايد ومع المداومه بجد بيختفى خااااالص


اولا الترمس ودى انا جربتها السنه اللى فاتت وحاليا ممكن اقول مفيش شعر بجد والله

هتجيبى الترمس وتنقعيه فى مايه دافيه طول الليل وبعدين الصبح تصفيه وتحطى ميته فى التلاجه وكل يوم بعد ماتاخدى الشاور تدهنى بيه جسمك لمده شهر واتحداكى لو هتلاقى الشعر زى ماهو هيخف خااااالص


وصفه لتفتيح الركب والاكواع


هتخلطى ليمون مع زيت لوز مرررر وجلسرين
مرتين فى اليوم وشهر واحد مش هتلاقى سواد خااااالص


كده كل الطلبات اللى انطلبت منى انا جبتهالكوا فى بقى حاجه كتير منكم جه بعد فتره معينه ووزنه ثبت ومعدش بينزل خالص
فانا هكتبلكم نظام لكسر ثبات الوزن ولكن هذا النظام لثبات الوزن فى ريجيم السوايل فقط
واللى معندهاش ثبات وزن وهتعمله قال يعنى عشان جسمها يحرق اسرع لالالالا هيجيب نتيجه عكسيه بس لازم النظام ده يتنفذ بحذافيره اوكى


وصفه لعلاج سمار الايدى

هنجيب بياض بيضه على معلقه ليمون ومعلقه جلسرين ومعلقه زيت لوز ومعلقه نشا ونخلطهم ونطهم عالايد نص ساعه وبعدين قبل مانغسلهم نفركهم الاول


لعلاج انتفاخ الوجه

كلنا بنحب الخدود المليانه بس الحقيقه كترها بيكون وحش لانها بتخفى الملامح ففى وصفه بتخسس الوش شويه ودى للى وشهم مليييييييان اوى اتفقنا

هنجيب نص معلقه زيت زيتون وربع معلقه زيت قرنفل وربع معلقه جنزبيل بودره وهنخلطهم ونحطهم على بشرتنا 3 مرات فى الاسبوع لمده نص ساعه كل مره والنتيجه بتبان بعد شهر

لعلاج البقع البنيه الناتجه من اثر الحبوب

- 3 ملاعق لوز مطحون. - 3 ملاعق زيت لوز- 2 ملعقة عسل
- 2 ملعقة ليمون
هنخلط المكونات وهنحطها على البشره وادعكيها بايدك عشان تشيلى الخلايا الميته من البشره وركزى على اماكن الحبوب وسيبيها نص ساعه وبعدين اغسليه بالميه الدافيه تحفففففففففففه


وصفه لتفتيح البشره وصفتين من الاخر :
  • بعد ماتشربى القهوه هتاخدى البن اللى اتفضل تحت وهتدهنى بيه وشك وتسيبيه لما ينشف وبعد كده تغسليه مره فى مره هتلاقى بشرتك فتحت ونعمت بس عشان تضيعى ريحه البن ادكي وشك بليمونه
  • بودره التلك مع مايه الورد وياريت تكون بودره بيبى جونسون واعملى منهم عجينه وحطيهم زى ماسك مرتين فى الاسبوع لمده نص ساعه واى ماسك تفتيح تانى احسنلك متسمعيهوووووووش

ملف كامل للشعر

حمامات الزيوت :
هنقسم الشعر ل3 انواع وكل واحده هتختار الحمام المناسب ليها على حسب نوع شعرها اتفقنا

الشعر الجاف :معلقتين عسل - معلقتين زبادى - بيضه كامله
الشعر العادى:معلقتين عسل - 2م زيت زيتون - صفار بيضه
الشعر الدهنى:م زيت زيتون - بياض بيضه - عصير ليمونه
اى حمام زيت منهم هنخلط المكونات مع بعضها ونحطها عالشعر مش اقل من ساعتين وطبعا نكون لفينه بفوطه سخنه

وصفه لسقوط الشعر (مجرررربه) : 8 معالق زيت خروع - 8 فصوص ثوم كبيره
هنقشر الثوم ونهرسه كويس اوى وبعدين نحطه عالزيت بعد ماندفيه ونسيبه يتنقع يومين كاملين زبعد كده نصفى الزيت ونستعمله قبل الشاور بساعه هناخد شويه زيت ندلك بيها الجذور كويس ونلفه بفوطه دافيه لمده ساعه وبعد كده نغسله بالشامبو وهنعمله مره كل اسبوع بس تمام


وصفه لنعومه الشعر :هنحط من المقادير دى كميات متساويه زبادى - عسل - زيت زيتون - مايونيز (اختيارى )
هنخلطهم كويس ونحطهم عالشعر لمده ساعه مرتين فى الاسبوع والله فظييييعه بتخلى الشعر ناعم جدا مع المداومه

وصفه لاخفاء الشعر الابيض :4 معالق تبغ - 10 معاق كبيره مايه مغليه
هننقع التبغ 30 دقيقه وبعدين هنصفيه ونحطه فى زجاجه
وندهن بيه الشعر الابيض كل يوم لحد مايدينا اللون المطلوب


وصفه لتطويل الشعر :معلقه كبيره من (زيت زيتون -زيت جوز الهند - زيت الخروع - مايه بصل - زيت سمك (بيتباع فى الصيدليات وهو فيتامين أ والشريط مش غالى تقريبا بجنيه بس
كل ده هيخلط ونخطها عالشعر يوميا لمده ساعه بتطول جداااا

طبعا مفيش واحده تعمللى كل الوصفات دى لا كل واحده هتشوف مشكله شعرها ايه ان كان خشن او بيقع او قصير او فى شعر ابيض وهتعمل الوصفه المناسبه بتاعته ومش كل اسبوع نجرب وصفه شكل لازم تستمرى عالوصفه مش اقل من شهر عشان تجيب نتيجه كويسه اتفقنا ياموززززززز المستقبل

تعالوا بقى نتعلم ازاى نعمل الشامبوهات والبلسم فى البيت يللا بيناااا


اولا الشامبو
شامبو للشعر الدهنى حزينةشامبو الموالح )جميل اوووووى

المكونات :قشره ليمونتين -قشره برتقاله -لتر ونص مايه مغليه 6 معالق صابون مبشور وياريت يكون نوع كويس زى لوكس او كامى -معلقتين عصير ليمون -معلقتين عصير برتقال -معلقتين كبار خل تفاح او خل ابيض

الطريقه بقى هنقطع القشر لقطع صغيره او نبشره ونحطه فى المايه المغليه ونقلبه ونسيبه لمده ساعتين وبعدين نصفى الميه ونحطله الصابون المبشور ونحط الخليط على نار هاديه ونقلب لحد ما الصابون يدوب وبعدين هنضيف العصاير ونقلب برضه بعد كده هنسيبه يرتاح يوم كامل وقبل مانستعمله هنرجه كويس الاول الشامبو ده بيزيل الدهون اللى بتبقى متعلقه فى الشعر وهنستعمله مره اسبوعيا طبعا انتى مش هتعملى شامبو زى اللى بره بس عالاقل مفيش مواد كيماويه مضره تضر شعرك كلها حاجات طبيعيه ومفيده ومغذيه للشعر

شامبو للشعر الاشقر او الذهبى بالبابونج

المكونات :3 معالق كبيره بابونج ناشف - لتر ونص مايه مغليه - 6 معالق كبيره صابون مبشور - عصير ليمونه واحده

الطريقه :نفس الطريقه هنحط البابونج فى المايه المغليه ونقلبه دقيقتين ونسيبه يتنقع ساعتين ونصفيه ونحط الخليط عالنار ونضيف الصابون ونقلب لحد مايدوب ونضيف عصير الليمون ونسيبه يرتاح يوم كامل ونرجه قبل مانستعمله
الشعر ده للشعر المصبوغ بالاشقر او الذهبى لانه بيساعد على ثبات اللون اكتر فاهمين

شامبو بالمريميه وغنى بالبروتين للشعر البنى

المكونات :3 معالق مريميه ناشفه - لتر ونص مايه مغليه - 6 معالق كبيره صابون مبشور - بيضتين

الطريقه :نفس طريقه الشامبوهات اللى فوق مفيش اى فرق

شامبو مضاد لقشر الشعر

المكونات :معلقه كبيره جلسرين - 12 معلقه كبيره صابون مبشور - 4 معالق بابونج ناشف - معلقتين زيت ليمون - نص لتر فقط مايه عشان الشامبو ده هيكون تقيل شويه

الطريقه :هنحط الجلسرين والصابون مع بعض وعليهم شويه مايه صغيرين وهنغلى بقيه المايه ونحط عليها البابونج ونسيبه يتنقع نص ساعه ونصفيه ونضيف المايه عالجلسرين والصابون ونحط زيت الليمون اخر حاجه بعد ماهتحطى زيت الليمون الشامبو هيتقل لو لقتيه تقل اوى معاكى زودى شويه مايه مغليه وبعدين نحطه فى برطمان طب هنستعمله ازااااااى ؟
هتجيبى كميه بسيطه على الفروه وتدلكى كويس 3 دقايق وبعدين نسيبه عالشعر 10 دقايق ونشطفه كام مره عشان نتخلص تماما من الصابون وعلى فكره مجرب وفعلا بيضيع القشره خااااالص والله

البلسم

بلسم للشعر المتعب :

6 معالق زبادى - وبيضه واحده

هنخلطهم كويس مع بعض وهنحطهم بعد الشامبو وندلك كويس 3 دقايق ونغطى الشعر بفوطه دافيه ربع ساعه ونغسله بعد كده واتفرجى على النعومه ياموزززه

بلسم العسل للشعر الجاف

معلقتين زيت سمسم - معلقه صغيره عسل ابيض -بيضه واحده

الطريقه :هنخلط المكونات وندلك الفروه بيهم شويه ونلفه بفوطه دافيه نص ساعه ونغسله بالشامبو كويس

بلسم البروتين والفيتامين لتقويه الشعر :

بيضه واحده -معلقه زيت خروع -معلقه زيت ذره -معلقه جلسرين -معلقه خل تفاح -كبسوله فيتامين أ او زيت السمك

الطريقه :هنخلط كله مع بعضه وبالنسبه للكبسوله هتجيبى اى ابره وهتخرميها وهتنزلى منها الزيت هى بتبقى نقطه ودى اللى احنا محتاجينها بس اتفقنا وبرضه هندلك كويس ونغطى الشعر ربع ساعه ونغسله بالشامبو بعد كده
على فكره المستحضر ده بينعم جدا الشعر وبيزود كثافته اوى

بلسم للمعان الشعر ونعومته

معلقتين زيت زيتون - معلقه خل تقاح - صفار بيضه

الطريقه :هنخلط ده كله مع بعض وناخد منه وندلك الشعر ونلفه نص ساعه نغسله بالشامبو جمييييييل اوى والله

كده احنا خلصنا الشعر بكل جوانبه ندخل بقى عالبشره

ثانيا البشره

الماسكات

وبرضه هنقسم البشره ا3 انواع وكل واحده تشوف نوع بشرتها ايه وتعمل الماسك المناسب بتاعها تمااااااام

البشره العاديه
:م جلسرين - م زبادى - م عسل ابيض
البشره الجافه
:صفار بيضه - م قرفه - م عسل ابيض
البشره الدهنيه
: بياض بيضه - معلقه ليمون - م زبادى


اى ماسك من دول هتحطيه على وشك 30 ساعه مش اكتر وهيكون مرتين فى الاسبوع والنتيجه هايله فى ال3 حالات

لعلاج الهالات السوداء :هنعمل كمادات شرايح بطاطس على المنطقه دى يوميا لمده 10 دقايق وكل يوم هندهن قبل النوم زيت جنين القمح والله جاتلنا واحده فى المركز كان عندها هالات فظيعه عملت الكلام ده وبعد الشهر اختفت بنسبه كبيره اوى يمكن 90 % جربوها مش هتندموا

لعلاج حب الشباب
الوصفه دى اقسم بالله انا مجرباها واستغربت جدااااا من النتيجه لانى كنت متوقعه انى هستمر عليها كتير والغريب انى من اول مره ملقتش اى اثر للحبوب وتكلفتها 20 جنيه بس

المكونات : 3 معالق كبيره بقدونس مخرط صغير اوى - نص معلقه ملح - نص معلقه بابونج متخرط - عصير ليمونه - 16 معلقه زيت العصفر بس انا ساعتها ملقتوش والعطار ادانى بديل بس بصراحه مش فاكره اسمه - 2 معلقه كبيره دقيق صويا - 3 معالق كبيره ماء لافندر - 10 نقاط زيت المر


هنخلط الدقيق مع ماء اللافندر لحد ما يعملوا عجينه وبعدين نسخن العجينه على النار هاديه ونضيف الزيوت للعجينه ونقلب كويس ونشيله من على النار ونحط الليمون والبقدونس والملح والبابونج ونقلب كويس ونحطه فى برطمان وندهن بيه كل يوم


قناع الاميرات وقناعى المفضل احم احم

4 معالق دقيق ابيض - معلقتين عسل ابيض - 3 معالق لبن

نخلط كل ده ونحطه ماسك للبشره نص ساعه ومتنسوش الرقبه الماسك ده بيطرى الجلد وتمنع التجاعيد وبيفتح كمان



ماسك لعلاج المسام الواسعه (مجررررب )

معلقه كبيره دقيق قمح او دقيق ذره - شويه مايه دافيه

هندهن الاول الوش بطبقه زيت زيتون وبعدين نحط الماسك 20 دقيقه ونشطفه بيقفل المسام لحد كبير والله


ماسك لعلاج التجاعيد (تحفففففه )

موزه مستويه - 4 معالق لبن

نهرس الموزه ونعمل منها عجينه باللبن ونحطها على اماكن التجاعيد 15 دقيقه ونغسل الوجه ونعمله مرتين كل اسبوع


كده انا خلصت ماسكات البشره وكل مشاكلها طبعا محدش يعمللى برضه كذا ماسك كل واحده هتشوف ايه مشكله بشرتها وتعمل الماسك المناسب وتستمر عليه وفى نقطه عاوزه اوضحها بالنسبه للبابونج او الزيوت او المريميه والله كلها مش مكلفه وممكن تجيبى كميه بسيطه واما تخلص هاتى غيرها انا بعمل كده عشان كمان لو قعدت بتفقد فاعليتها


عشان نتقل شعر الحواجب ونطول الرموش هندهنهم بزيت الخروع او اللوز الحلو احلى كمان واحذرى من استعمال اللوز المر لانه زيت سام وجرام واحد منه كافى اوى انه يقتل انسان

وصفه لتبييض الاسنان

هنجيب نص رغيف ونحطه على نار عاليه لحد مايبقى فحمه خااالص ونطحنه هيبقى رماد ونخلطه بالعسل الابيض وكل يوم ندعك بيه الاسنان وشوفى البياض والقطنه مبتكدبش

وفى سر انا بعمله واقسم بالله كل اللى يقابلنى بيسالنى على سر بياض اسنانى ودى اتعلمتها فى المركز

هتجيبى معلقتين كربوناتو - معلقتين ملح - معلقتين جنزبيل بودره - معلقه زيت نعناع
واخلطيهم وحطى كل يوم شويه عالفرشاه وادكى اسنانك كويس وشوفى اللؤللؤ لو استمريتى عليها روووووعه

وصفه تخلى شفايفك حمرا وجميله ومفيهاش تشققات وبرضه مجربه والله
اولا كل يوم هتدهنى شفايفك بالعسل وتسيبيه لحد ماشفايفك تشربه وكل يوم بالليل هتجيبى فازلين وبودره دم الغزال وهتحطى نقطه على الفازلين وتقلبى لحد ماتوصلى لدرجه اللون اللى انتى عاوزاه وتدهنى قبل النوم كل يوم وبعد اسبوع شوفى بنفسك الحلاوه ياموزززززه


ثالثا وصفات الجسم

لتبييض الابط : هندعك كل يوم بعد الشاور بنص ليمونه كويس اوى وبعدين نحط الخلطه دى بودره تلك ومايه ورد وسيبيهم نص ساعه وشوفى النتيجه بعد شهر والله تحفففففه

لتفتيح الاماكن الحساسه :اولا لازم تغسلى المنطقه كويس وتطهريها بالديتول وتنشفيها كويس اوى بعد كده هتجيبى نص ليمونه وعليها كربوناتو وتفركى المنطقه كويس اوى وبعدين تحطى الخلطه دى زيت زيتون مع بودره تلك مع مايه ورد بنسب متساويه وسيبيهم ساعه كامله وبعدين خشى خدى شاور والنتيجه بتبان كمان اسبوعين جربوها هتعجبكم

لشد ترهلات الجسم : اللى عندها بانيو هتملاه وتحط فيه فنجان نشا وفنجان شبه مطحونه وعصير ليمونتين وهتقعد فيه نص ساعه مرتين فى الاسبوع
واللى معندهاش هتخلط نفس المكونات دى وتحطها عالمكان المترهل كل يوم لمد شهر والله نتيجتا روعه فى الحالتين


وصفه لتبييض الجسم بس دى لازم بانيو بقى هههههههههه

الوصفه دى سحر وانا والله مجرباها وخلتنى قشطه ههههههه
وعلى فكره من دكتور جه فى برنامج 90 دقيقه عالمحور ونتايجها فظيعه هتملى البانيو مايه وتحطى فيه فنجان كلور صغير متستغربوش كده اه والله على فكره مالهاش اى اضرار والله صدقونى وبصراحه هو اقنعنى قال طب ماهى المايه اللى بنشربها فيها كلور وحمام السباحه فيه كلور وبعدين تركيز الكلور اللى فى البانيو قليييييل اوى من حمام السباحه لانه فنجان صغير على بانيو كامل والله خطييييييييره جربوها

وصفه لازاله الخطوط الحمراء والبيضاء

طبعا معظمكم سمع عن الوصفه دى بس محدش جربها والحقيقه هى الوصفه الاولى ويمكن الوحيده اللى بتقضى على الخطوط وهى :
ربع كيلو لسان البحر وانا اشتريته قبل كده عباره عن اصداف طويله من الجير لونها ابيض والربع كان ب 10 جنيه وهتجيبى لتر خل تفاح
هتطحنى الاول لسان البحر وبعدين تنخليه عشان عاوزينه ناعم وهتضيفى عليه خل التفاح ولازم يكون البرطمان زجاج وكبير لان الخليط هيفور هتسيبيه مقفول لمده 10 ايام هتلاقى لونه بقى ابيض وريحته مش حلوه معلش استحملى لجل الورد يتسقى البلعيق ههههههههههه وهتدهنى المنطقه اللى فيها الخطوط مره كل يوم بعد الشاور والنتيجه بتبان بعد اسبوعين


واخيرا وصفه لتنعيم القدمين ومش هتعملى غيرها لانها خطيييييره وتحدى


صابونه لوكس مبشوره - علبه فازلين - علبه فكس صغيره - علبه معجون اسنان عشان الضوافر متسوش هههههههههه
شويه ظرافه عالماشى كده

هتخلطيهم مع بعض وتدهنى بيهم كل يوم كعب رجلك قبل النوم وتلبسى شراب لالالالازم وشوفى الكعب المرمر وادعيلى


كريم الزبادى للعنايه بالبشره الدهنيه


المكونات :
3 معالق كبيره زبادى - صفار بيضه -م كبيره من كريم الاساس - نص معلقه خل تفاح - نص معلقه كبيره عصير طماطم - 1 م كبيره عسل نحل - م كبيره بودره تلك


الطريقه :نخلط الزبادى وصفار البيض والكريم ونحطلهم خل التفاح وعصير الطماطم
ندفى عسل النحل على نار هاديه واول مايسيح نضيف الخليط عليه ونقلب كويس اوى واخر حاجه نحط بودره التلك وبرضه فى عبوه وعالتلاجه
الكريم ده بيزيل الدهون عن البشره الدهنيه ومنظف كووويس اوى ليها


كريم مسائى من العسل مضاد للتجاعيد

المكونات : 4 معالق كبيره لبن - 2 م صغيره عسل نحل - 5 معالق كبيره كريم اساس - صفار بيضه - نص معلقه زيت نعناع


الطريقه:هندفى العسل واللبن ونخلطهم كويس وبعدين نضيف الكريم والصفار والزيت ونخلطهم كويس 3 دقايق وفى عبوه وعالتلاجه
الكريم ده افضل من الكريمات المضاده لظهور التجاعيد وممكن تستعمليه يوميا وبيناسب البشره الحساسه

كريم جوز الهند والنعناع للبشره الجافه والعاديه

المكونات:4 معالق كبيره من منقوع النعناع - 3 م كبيره زيت جوز الهند- 2 م كبيره زيت زيتون - 1 م كبيره زيت لوز حلو - معلقه عسل نحل


الطريقه:نحضر الاول منقوع النعناع هنحط 4 اعواد نعناع فى فنجان مايه مغليه لمده ساعتين ونصفيه بعدين نحط الزيوت مع العسل عالنار لحد ما تدوب وبعدين نضيف منقوع النعناع على الخليط ونقلب كوووووويس وعالتلاجه
ممكن تستعملوه نهار وليل بجد تحففففففففه

كريم الزيوت النباتيه المغذى للبشره رووووووووووعه

المكونات:1 م كبيره زيت لوز حلو - 1 م كبيره زيت سمسم - 1 م كبيره زيت سمسم -1 م كبيره زيت جوز هند - 4 معالق عصير ليمون - 2 م كبيره بودره تلك

الطريقه : هنسخن الزيوت مع عصير الليمون على نار هادئه ونقلب الخليط لحد ما يبرد
ونضيف عليه بودره التلك ونخلط كووووويس اوى لمده دقيقتين
الكريم ده مغذى جدا للبشره ولازم نحطه على وش نضيف تماما وتسيبيه على وشك اطول فتره ممكنه عشان يعمل مفعوله السحرررررررررررى


كريم شمع النحل والزيوت المضاد للتجاعيد


المكونات:معلقتين شمع عسل نحل - 3 معالق جلسرين - 1 زيت زيتون - 6 معالق كبيره مايه ورد - 2 معلقه زيت لوز حلو - معلقه بورده تلك

الطريقه:هندوب الشمع على النار ونضيفلهم الزيوت والجلسرين ومايه الورد ونقلب كويس جدا واجرى ياجميل عالتلاجه ندهن منه يوميا قبل النوم
بيعالج التجاعيد وبيمنع ظهورها جربوه بجد جمييييييييييييييل جدا

وكده خلصنا ملف التجمييييييييل نخش بقى على






ملف ريجيم السوايل






اولا فكره ريجيم السوائل :

فكره الريجيم هى ان السوايل اولا بتنشط الدوره الدمويه وبالتالى بترفع من معدل الميتابوليزم او معدل حرق السكريات والدهون ثانيا بتملى المعده
بسرعه فبتحسى بالشبع ثالثا ان السوايل سريعه الهضم عشان كده مش بتتحول لدهون ثلاثيه صعب تفتيتها بعد كده رابعا بتحسن من مستوى الاداء العضلى لان تكوين الخلايا العضليه معظمه ميه فبتحول الكتله الدهنيه الى كتله عضليه وهذا هو المطلوب وهو هدف الريجيم خامسا بتعمل كملين للمعدع وبتحسن اداء الجهاز الهضمى وعشان كده هتحسى انك بتروحى الحمام كتير وده دليل انها مبتتخزنش فى الجسم كدهون فهمتوااااااااااا ياقمرات

وده مثاااااااااال لليوم

هنصحى الساعه9 او 10 الصبح ولازم يكون الفطار بدرى عشان منضطرش نتعشى متاخر وننام ماشى هنصحى نشرب كوبايتين مايه وهنحط على كوبايه واحده بس فيهم نص ليمونه ونشرب الكوبايتين يعنى واحده عاديه وواحده بليمون والموضوع ده ثابت طول الشهر بتاع الدايت الحكايه دى لما جربتها بجد اولا بتسد النفس وبعدين بتخفى اليطن خاااااااااالص والله العظيم يابنات بطنى دخلت جوه تمام فابداوا بيها هتجيب نتيجه حلوه اوى معاكوا وبالذات الناس اللى عندها بطن


بعد مانشرب الميه بساعه يعنى الساعه 11 هنشرب كوبايه لبن متحليه بالعسل الابيض لو مفيش عسل ابيض نستبدله بالسكر مفيش مشكله الوصفه دى مفيده للى بيرضعوا وكمان للى عندهم امساك دى هتعالجها بس اللبن ياريت يكون دافى عشان يعمل كملين الصبح تمام


الساعه 12 هنشرب اى نوع عصير فريش او معلب بسكر او من غير سكر بس ياريت لو بسكر منكترش اوى معلقتين كفايه ممكن برتقال - جوافه - موز باللبن - فراوله - مانجه ... اى عصير
العصير هيديكوا طاقه ومش هيخلى فى هبوط لانه هيرفع نسبه السكر فى الدم لحد كده تمام


الساعه واحده هناخد اى حاجه دافيه من غير سكر او بمعلقتين سكر برضه يعنى ممكن نشرب (ينسون - نعناع - قرفه بلبن مفيده جدا - جنزبيل - نسكافيه - شاى بلبن - بردقوش - قهوه - شاى - وممكن كابتشينو للى متعودين عليه .... واى حاجه دافيه ) الحاجه الدافيه بتقفل المعده شويه وبتحسس بالشبع وهتريح الاعصاب والتوتر اللى بييجى من الريجيم


الساعه 2 اللى هو قبل الغدا بساعه هناخد علبه زبادى او كوبايه لبن رايب وعليها معلقتين عسل اسود طعمها جميل ومفيده جدا للانيميا وسقوط الشعر والحوامل كمان


الساعه 3 وقت الغدا تقريبا ودى تعتبر الوجبه الرئيسيه بتاعنا هناكل ايه ؟
ممكن شوربه عدس هتقولولى بشعريه ولا لأ ممكن تكلوها بشعريه مفيش اى مشاكل بس ياريت لو تحمروها فى زيت افضل ابعدوا عن السمنه الزيت اخف بكتير وبعد مانستوى فى العدس هنضربهم فى الخلاط وبالهنا والشفا وطبعا انتوا عارفين العدس فيه ايه ( عدس-طماطم-بصل-توم-حزر-بطاطس-شعريه)يعنى وجبه كامله متكامله فيها كل العناصر الغذائيه هناخد من الشوربه دى طبق كبير او بمعدل كوبايتين وهنتغدى بيهم ماشى ياقمرات
وممكن نشرب شوربه خضار عادى وبكره هنزلكوا شوربات جديده بطريقه عمايلها كلوا دى بس كبدايه تمام

الخطوه اللى جايه دى بقى مهمه ودى نصحنى بيها الدكتور عشان الاكتئاب اللى بييجى لكل واحده فينا بتعمل ريجيم وهو انى اكل كل يوم بعد الغدا بساعه قطعه شيكولاته صغيره دى بتحسن المزاج وبترفع الحاله النفسيه وبتخليكى مش مكتئبه من الريجيم مهمممممممممه وهندخل بقى نعمل ساعه رياضه مشى فى المكان على فكره انا كنت بعمل كده كنت بجيب كرسى السفره واخلى ضهره ليه وانا واقفه وامسك فيه واقف قدام التليفزيون اتفرج على مسلسل مسرحيه فيل او اسمع اغانى اى حاجه تسلينى عشان محسش بالوقت وخلاص حتى لما يكون عليه البريود بشغل الكاسيت وبرقص ساعه متواصله بجد يعنى متحججتش بقى وقلت لا انا هعمل ازاى والكلام ده لا اللى عاوز يوصل لحاجه هيوصلل لها وربنا بيدى كل واحد على قد تعبه تمام ياقمرات شجعوا نفسكوا


حوالى الساعه 5 اى حاجه تيجى على بالك او نفسك تاكليها دى ساعه فرى بس ايه برضه تكون سايله بمعنى هناخد مثلا ( بوله ايس كريم - كاسترد شيكولاته - مهلبيه - موس شيكولاته - ميلك شيك - كوب بيبسى - ..... الخ اى حاجه تحبوها بس سايله دلعوا نفسكوا


الساعه 6.5 تقريبا لازم تسيبوا فتره بين الوجبه والتانيه هناخد ايه (عصير كوكتيل - عصير طماطم - كوب قرفه بجنزبيل تحححححفه وبيخسس جامد وعن تجربه - كركديه سكر خفيف - كوب لبن رايب - او شاى او قهوه ) بس دى الاختيارات متلخبطوش



الساعه 7.5 ممكن ناكل طبق صغير شوربه عدس او شوربه خضار وممكن معاه صدر فرخه مسلوقه ومضروبه معاه او نشرب اى نوع عصير فريش او معلب

الساعه 9 ودى اخر وجبه هناكلها كوب لبن دافى متحلى بالعسل وبالسكر تانى مفيده اوى وبعدين فى ابحاث اثبتت ان كل ما زاد معدل الكالسيوم فى الجسم بتساعد على حرق الدهون بنسبه 18 % وبعدين عشان نعالج الامساك ماشى ياحلوين


ياريت بقى متكلوش اى حاجه بعد الساعه 9 وهنا بقى تكمن الكارثه لاننا بناكل وبننام فيلريت الالتزااااااااااام ياجماعه عشان ربنا يكرمنا جميعا


ودول شويه شوربات جديده

شوربة البسله


المقادير:
50 جم زبده وزيت-10 جم ثوم مفروم-100جم بصل مفروم-300 جم بسله خضراء-5جم ملح
5 جم فلفل- 25 جم دقيق-500 جم شوربة فراخ-100 جم فريش كريم
الطريقه:
اجيب طاسه واضع الزبده والزيت واسيحهم واضع البصل وادبله والثوم وادبله واضع البسله واقلبها واضع الملح والفلفل واقلبهم واضع الدقيق واقلبه كويس ولما كلهم يغلو غلوه اضع الشوربه واسيبهم يغلو مع بعض ولو لقيت الشوربه تقيله اديلها شويه تانيين من الشوربه وبعدين لما يغلو اضعهم في الكبه وافرمهم مع بعض لغاية ما احس ان الشوربه بقت ناعمه وبعدين اصفيها عشان البسله ليها قشر واضعها علي النار تاخد غلوه وبعدين اضع الفريش كريم واقلبه ولما يغلو اغرفها
************************************************** **********
شوربة البصل بالكريمة

المقادير:

50 جرام زبدة وزيت- 200 جرام بصل مفروم- 20 جرام دقيق- 5 جرام ملح- لتر لبن بدرجة حرارة المطبخ- 4 اصفر بيض يكونوا بدرجة حرارة المطبخ- 25 جرام بقدونس
الطريقه:
اجيب حلة واضع الزبدة والزيت ولما يسيحوا اضع البصل واخليها تاخد لون دهبي غامق واضع الدقيق واقلبه كويس اوي واخليه ياخد اللون الدهبي واضع الملح واقلبه واضع اللبن بالتدريج واقلبه بمضرب سلك واسيبهم مع بعض لغاية ما يغلوا
اجيب وعاء واخفق فيه الاصفر بيض واضع عليه شوية صغيرين من اللبن عشان احلهم بيه واقلبهم مع بعض وبعدين اضعه علي الخليط السابق بالتدريج وتكون النار هادية واخفقه سريع بالمضرب عشان مايعملشي كتل لازم اقلب بسرعه ولما تتجانس اغرفها وارش عليها البقدونس
************************************************** *****************8
شوربة الجلش بالبابريكا

المقادير:

50 جم زيت-100 جم بصل مفروم-250 جم مكعبات صغيره لحمه-5 جم بابريكا-50 جم فلفل اخضر-50 جم جزر برنواز-لتر شوربة لحمه -100 جم صلصه-200 جم طماطم كون كاسيه
5 جم ملح-5 جم فلفل- 2 ورق لورو-2 ليمون ناشف-100 جم بطاطس برنواز-10جم ثوم مفروم-100 جم صوص اسبانيول-100 جم فريش كريم
الطريقه:
اجيب حله واضع فيها الزيت واضع البصل وادبله اضع اللحمه واسيبه دقيقتين مقلبهاش وبعدين اقلبه واضع البابريكا واقلبها واضع الفلفل والجزر واقلبهم واضع الشوربه واسيبهم يغلو واضع الصلصه والطماطم واقلبهم واتبلها بالملح والفلفل وورق اللورو والليمون الناشف واقلبهم ولما يغلو مع بعض اضع البطاطس واقلبها واضع الثوم واقلبه ولما يغلو واتاكد ان البطاطس والجزر استووا اضع الفريش كريم واقلبه و يغلو ولما اجي اقدمها اشيل الليمون الناشف وورق اللورو
************************************************** *****
شوربة الجمبري


المقادير:

50جم زيت-250جم رؤوس جمبري- 100جم بصل مفروم-50جم كرات-50جرام كرفس
50جم جزر-50جم دقيق-2ورق لورو-لتر ماء-100جم صلصة طماطم-10جم فلفل
5جم ملح-200جم صلصة طماطم فريش- 25جم شبت مفروم-100جم فريش كريم-50 دقيق
الطريقه:
اضع في طاسه الزيت واضع رؤوس الجمبري واقلبهم ولما تلون معايا اضع البصل والكرات والكرفس واقلبهم وبعدين اضع الجزر واقلبه واضع الدقيق واقلبه واضع ورق اللورو واقلبه
وبعدين اضع الميه ويغلومع بعض اضع صلصة الطماطم واقلبها وبعدين اضع الطماطم الفريش واقلبها واضع الفلفل والملح واقلبهم ولو حسيت الشوربه تقيله ازودها شوية ميه ولما يغلو اضع الفريش كريم واضع الشبت واقلبهم كويس وفي اختيارين ياماما اضرب الشوربه في الخلاط وارجعها تاني تاخد الفريش كريم والبقدونس او اقدمها كدا بس اشيل منها ورق اللورو
************************************************** **********
شوربة الخضار والشوفان


المقادير:

50جم زيت-100جم بصل برنواز-100جم جزر برنواز-100جم بطاطس برنواز-25جم كرفس-25 ثوم -50 ذره حلوه-30جم كسبره مفرومه-30جم بقدونس مفروم-100جم شوفان- لتر شوربة فراخ – عصير ليمونه-20جم صويا صوص-5جم ملح-5جم فلفل-مكعب مرق
الطريقه:
في طاسه احط الزيت والبصل وادبله والثوم وادبله واحط الجزر وادبله-والبطاطس واقلبها وادبلها واحط الكرفس واقلبه احط الدره واقلبها واحط الشوفان واقلبهم واحط البقدونس والكسبره واقلبهم واحط الشوربه وعصير الليمون والصويا صوص والملح والفلفل ومكعب المرق واقلبهم واسيبهم يغلو ويستووا علي النار ولو تقيل ومحتاج شوربه اديله شوربه وبتستوي في 25 دقيقه
************************************************** ************************
شوربة الفراخ بالسميد

المقادير:

لتر شربة فراخ- 100 جرام بصل مفروم- 50 جرام زيت- 100 جرام سميد- 100 مل ماء
200 جرام صدور فراخ مكعبات- 5 جرام ملح –5 جرام فلفل- 5 جرام بهار فراخ- 5 جرام حبهان بودر - 50 جرام بقدونس مفروم
الطريقة:
اجيب لتر الشوربة اضعها في حله وبعدين اضع البصل واسيبهم يغلو في حدود 15 دقيقة
اجيب طاسة واضع فيها الزيت ولما يسخن اضع السميد واقلبه واخليه ياخد لون دهبي خفيف وبعدين اضع الماء واقلبهم بسرعة واسيبهم يغلو غلوة مع بعض ولغاية ما احس انه بدأ يتقل وبعدين اضعهم علي الشوربة واقلبهم بسرعة عشان تتجانس مع بعض واغطي عليها واسيبها شوية وكل ما الشوربة تغلي هتبدأ تتقل وبعدين في نفس الطاسة اللي استعملتها قبل كدا احط سنة بسيطه زيت وبعدين اضع مكعبات الفراخ فيها ومحركهاش لمدة دقيقة وبعدين اقلبها واضع ملح وفلفل وكمون واقلبهم واشوحها كمان تشويحتين وبعدين اضع الفراخ في الشوربة تكمل سواها ولما تستوي ارفعها من النار واقلب البقدونس معاها وبعدين اغرفها ولو حسيت انها تقيلة ممكن اضفلها شوية شوربة فراخ
************************************************** ****************
شوربة بطاطس

المقادير:

50 جرام زبدة وزيت- 2 بصلة مفرومين – 2 ثوم مطحون- 400 جرام كرات اسليز - 100جرام كرفس اسليز- 300 جرام بطاطس مقطعة مكعبات- لتر شوربة خضروات - 2.5 جرام زعتر- 2 ورق لوره- 5 جرام شبت مفروم- 5 جرام ملح – 5 جرام فلفل ابيض- 100 جرام فريش كريم
الطريقة:
اجيب حلة صغيرة اسيح فيههم الزبدة والزيت وادبل فيهم البصل والثوم واضع الكرات والكرفس واقلبهم شوية وبعدين اضع البطاطس واقلبها واضع الملح والفلفل والزعتر وورق اللوره واقلبهم وبعدين اضع الشوربة واغطي عليها واسويها 50 % وبعدين اضع في الكبة مجموعة الخضروات الاول وشوية صغيرين من السائل واطحنهم كويس اوي مع بعض وارجع السائل علي النار يغلي وبعد لما الخليط يطحن كويس ارجعه تاني في الحلة اللي فيها السايل واقلبهم كويس ولما تبدأ تغلي وتقلب قلبة اضع الفريش كريم واقلبهم قلبة مع بعض وبعدين اغرفها وارش عليها شوية شبت مفرومين علي الوش
************************************************** **********************
شوربة كرات اللحمة

المقادير:

50 جرام زبدة وزيت – 100 جرام بصل مبشور – 250 جرام لحمة مفرومة – 5 جرام ملح – 5 جرام فلفل – 5 جرام بهارت- 5 جرام بابريكا – 100 جرام دقيق
صوص الشوربة:
50 جرام زبدة وزيت – 100 جرام بصل برنواز- 50 جرام ثوم مفروم – 50 جرام جزر برنواز- 50 جرام طماطم كون كاسيه برنواز – 5جرام ملح– 5جرام فلفل– مكعب مرق- لتر عصير عنب
الطريقة:
اجيب وعاء اضع فيه البصل واللحمة والملح والفلفل والبهارات والبابريكا واعجنهم مع بعض كويس اوي وبعدين اعمل اللحمة كرات صغيرة واقلبهم في الدقيق
اجيب طاسة واسخنها واضع فيها زبدة وزيت وانزل اللحمة فيها واديها الصدمة واسويها 50%
اعمل صوص الشوربة:
اجيب حلة واضع فيها الزبدة والزيت وادبل فيها البصل والثوم واضع الجزر وادبله واضع الطماطم واقلبها واضع الملح والفلفل ومكعب المرق واقلبهم واضع عصير العنب واقلبه واسيبهم يغلو مع بعض كويس اوي ولما يغلو اضع كرات اللحمة وبتقعد تقريبا 15 دقيق وبعدين اغرف الشوربة واللحمة والخضروات
************************************************** *****************
شوربة كريم دي فولاي

المقادير:

50 جرام زبدة وزيت- 1 بصل مبشور- 2 فص ثوم مفروم – 100 جرام مشروم اسليز- 25 جرام دقيق- لتر شوربة فراخ – 100 جرام فريش كريم – 5 جرام ملح -5 جرام فلفل ابيض- 2 صدور فراخ مسلوقة مقطعة مكعبات – 50 جرام بقدونس مفروم
الطريقة:
اجيب حلة صغيرة واضع فيها الزبدة والزيت واضع البصل والثوم وادبلهم واضع المشروم واقلبه شوية واضع الدقيق واقلبه لغاية ما ياخد اللون الدهبي وبعدين اضع الشوربة واقلب ولو تقيلة اديلها شوية شوربة ولما تغلي غلوة اضع الفريش كريم واقلب واضع الملح والفلفل واقلبهم ولما يبدأ يغلي اضع الفراخ واسيبه يغلي غلوتين مع بعض
************************************************** **********************
شوربه صيني

المقادير:

50 جم زبده وزيت-250جم صدور فراخ جوليان شرايح طويله-5 جم ملح-20 جم دقيق ذره-50 مل ماء-25 جم صويا صوص-250 مل شوربة فراخ-100 جم سور كريم-200 جم مشرو اسليز-25 جم خل-25 جم سكر-50جم بقدونس مفروم
الطريقه:
في طاسه اضع الزبده والزيت واسيحهم والفراخ ومحركهاش في الاول وبعدين اقلبها ولونها يتغير اضع الملح و الصويا صوص والسور كريم واقلبهم واضع المشروم واقلبه واضع الخل والسكر واقلبهم ولما يغلو وبعدين اضع الشوربه ولما تغلي احل دقيق الدره بالميه واضعه علي الخليط السابق ولو تقل اوي اضع شوية شوربه ولما تغلي اغرفها وارش عليها البقدونس


عصير الجزر والثوم والكرفس

المكونات:


نصف فص ثوم.
ثمرة خيار متوسطة الحجم

3 ثمرات جزر متوسطة الحجم. 10 جرامات أوراق كرنب صغيرة الحجم وعود كرفس.
التحضير:

تقطع ثمار الجزر إلى أجزاء صغيرة.
تقطع ثمار الخيار إلى عدة شرائح رقيقة.
تقطع أوراق الكرنب وعود الكرفس.
توضع المكونات فى الخلاط ويضاف لها قليل من الماء وتخلط جيداً.

عصير الطماطم والكرفس

المكونات: 3 ثمرات طماطم كبيرة الحجم ناضجة. 2 عود كرفس كبير. 4 أوراق بقدونس.
التحضير:

تقطع ثمار الطماطم وأعواد الكرفس إلى أجزاء صغيرة.
يضاف أوراق البقدونس وقليل من الماء.
تخلط المكونات جيداً.

عصير السبانخ والطماطم والكرفس

المكونات:4 ثمرات طماطم ناضجة. 2 عود كرفس. 6 أوراق من نبات السبانخ.
التحضير:


تقطع ثمار الطماطم وعود الكرفس إلى أجزاء صغيرة وتوضع فى الخلاط.
تضاف أوراق السبانخ وقليل من الماء وتخلط المكونات جيداً.
يمتاز هذا العصير باحتوائه على نسبة مرتفعة من فيتامين "ج".

عصير الجزر والكرفس والتفاح

المكونات:


عود كرفس كبير.
نصف ثمرة تفاح.

2 ثمرة جزر متوسطة الحجم. 3 ورقات من الكزبرة الخضراء.
التحضير:

تقطع ثمار الجزر والتفاح وعود الكرفس إلى أجزاء صغيرة، وتوضع فى الخلاط.
تضاف أوراق الكزبرة الخضراء، ومقدار قليل من الماء، وتخلط المكونات جيداً.
يمتاز هذا العصير باحتوائه على نسبة كبيرة من فيتامين "أ".
يضاف مقدار مناسب من الماء للثمار ثم تخلط جيداً.
يحفظ العصير فى الثلاجة، أو يبقى غير مثلج على أن تضاف إليه بعض قطع الثلج عند التناول.

عصير البنجر والكرفس

المكونات:

عودان كبيران من الكرفس.
نصف ثمرة بنجر متوسطة الحجم.
ثمرة برتقال.
بضعة أوراق من البقدونس.

التحضير:

تقشر ثمار البرتقال، ثم تستخرج منها البذور وتقطع لأجزاء صغيرة، وتوضع فى الخلاط.
تقطع أعواد الكرفس وتوضع مع البنجر والبقدونس فى الخلاط.
يضاف مقدار قليل من الماء، وتخلط المكونات جيداً.
يصب الخليط فوق ثلج بإناء ويقدم مثلجاً.

عصير الجزر والطماطم

المكونات:


بضعة أوراق من البقدونس.

3 ثمرات جزر متوسطة الحجم. 4 ثمرات طماطم متوسطة الحجم ناضجة.
التحضير:
تقطع الثمار إلى أجزاء صغيرة وتوضع فى الخلاط ويضاف لها أوراق البقدونس، وقليل من الماء، وتخلط جيداً.

عصير التفاح والجزر والطماطم والزنجبيل
جزر وزنجبيل متوسط الطول "اختيارى".

التحضير:

تقطع ثمرة التفاح لأجزاء صغيرة مع استخراج بذورها.
تقطع ثمرة الجزر والطماطم لأجزاء صغيرة.
يقشر جذر الزنجبيل ويقطع لأجزاء صغيرة.
توضع المكونات فى الخلاط مع قليل من الماء وتخلط جيداً.
فائدة وجود الزنجبيل فى هذا العصير هو إكسابه الدفء مما يجعله مناسباً لفصل الشتاء.

عصير الطماطم والريحان

المكونات: 4 ثمرات طماطم ناضجة. 6 أوراق من نبات الريحان.
التحضير:
تقطع ثمار الطماطم إلى أجزاء صغيرة، وتوضع فى الخلاط مع أوراق الريحان.
يضاف قليل من الماء وتخلط المكونات جيداً.

عصير الفراولة والتفاح

المكونات: 10 ثمرات فراولة متوسطة الحجم. 3 ثمرات تفاح متوسطة الحجم.
التحضير:
توضع ثمار الفراولة فى الخلاط.
تقطع ثمار التفاح إلى أجزاء صغيرة وتوضع فى الخلاط.
يضاف مقدار قليل من الماء، وتخلط الثمار جيداً.

كوكتيل الكرنب:

المكونات:
بعض أوراق البقدونس.
نصف جذر فجل بلدى.

100 جرام من أوراق الكرنب الصغيرة الطازجة. 100 جرام من العنب الخالى من البذور. 2 ثمرة جزر متوسطة الحجم.
التحضير:
تقطع أوراق الكرنب والجزر لأجزاء صغيرة وتوضع فى الخلاط.
يبشر جذر الفجل ويضاف للخلاط مع أوراق البقدونس وحبات العنب وكمية مناسبة من الماء.
تخلط المكونات جيداً.
يقدم العصير مثلجاً.


فى بقى كام مشروب كده هكتبهم يمكن حد يحب يجرب

عصير الليمون بالنعناع هنجيب كوبايه مايه وليمونتين ومعلقتين سكر وورق نعناع اخضر واضربى ده كله فى الخلاط بجد انا جربته طعمه جميل ومنعش اوى

فى مشروب تانى هتجيبى بوله ايس كريم وهتجيبى اى نوع فاكهه عصير يعنى وتضربيهم فى الخلاط طعمهم رووووووووووعه

مشروب الكاكاو بالقرفه هنجيب معلقه كاكاو ونص معلقه قرفه وكوبايه لبن ومعبقتين سكر وقطعه شيكولاته صغننننه وهندوب ده كله على نار هاديه لحد ما يدوب وبعد كده صوبيه فى كاس وبالهنا والشفا تحففففففففه والله مجرباه


هكتب بقى الوصفات بتاع الشوربات القديمه

اولا ( شوربه السمك بالكرفس او الكرات )

المقادير :نص كيلو سمك اى نوع مش مهم -3 كوب ماء - ورق لورا -عودين كرفس او كرات - ملح وفلفل )
الطريقه :هنحط الميه تغلى على النار 5 دقايق ببطء وبعدين نحط ورق اللورا واللى يحب يحط الحبها والمستكه حسب الزوق وبعدين نحط السمك بعد مانكون مقطعينه قطع صغيره اوى لاننا مش هينفع نضربه وهو كده كده هيتهرى اصلا فى السوا ونسيبه لحد مايستوى ونحط ملح وفلفل وكمون لو تحبوا ونشيل الريم اول باول وبعدين نغرفها فى طبق ونحط عليها الكرفس المتقطع صغييييييير برضه تمام

ثانيا (شوربه المشروم )

المقادير :كوبايه مشروم شرايح - بصله مفرومه ناعم -معلقه توم مهروس - معلقتين زيت نباتى او نص نعلقه سمنه -معلقتين دقيق -ملح وفلفل-ربع كوب لبن -4كوب مايه )
الطريقه :هنحمر البصل والثوم فى الزيت او السمنه وبعدين نحط المشروم ونشوحه لمده خمس دقايق وبعد كده نحط الدقيق ونقلب لمده دقيقتين بعد كده هناخد كوبايه مايه من الاربعه ونحط اللبن عليها ونسخنهم ونضيفهم للمشروم واول ماياخدوا غلوه هنحط بقيت الميه ولما كله يغلى مع بعضه نهدى النار ونسيبهم نص ساعه وبعد كده نطحنهم ونتبلهم بملح وفلفل واللى يحب يحط معلقتين كريمه يحط والله مجرباها تحفففففففه لذيذه اوى جربوها


ثالثا (شوربه القرع )

المقادير : بصله مفرومه-حبه قرع صغيره-نص معلقه سمنه- معلقتين كريمه-6 كوبايات ميه-ملح وفلفل )
الطريقه :هنقشر القرع ونقطعه قطع صغيره هنحط السمنه على النار ونشوح البصله وبعدين نحط الميه والقرع ونسيبهم لما يستووا خالص نسيبها تبرد وبعين نضربها ونتبلها بالملح والفلفل ونحط الكريمه عليها ودى برضه والله مجرباها متعه

رابعا (شوربه الفراخ بالخضروات )

المقادير :حبيتين كوسه-حبيتين جزر-حبه طماطم-بصله-فصين توم-شويه كذبره -فراخ مسلوقه ومتقطعه صغييييييييير اوى )
الطريقه :هنسلق الخضار كله مع بعضه لحد مايستووا وبعد كده نضربهم فى الخلاط
نرجعها النار تانى ونتبلها ونحط قطع الفراخ وتاخد معاها غلوتين لحد ما الفراخ تستوى اوى عشان تتهضم بسرعه ونعصر عليها الليمون وبالهنا والشفا ياحلوين

خامسا (شوربه البطاطس والسبانخ)

المقادير:بصله مفرومه-توم مهروس-معلقتين زيت-نص كيلو بطاطس مقطعه-4 كوبايات ميه او ممكن2 ميه و2 شوربه-نص كوبايه لبن-حزمه سبانخ -عصير نص ليمونه-ملح وفلفل وحزمه كرات لو موجود )
الطريقه :نشوح البصله والتوم فى الزيت ونحط عيهم الكرات والبطاطس ونحرك كويس ونغطى 3 دقايق وناخدهم تقلبتين هنحط المرق ونسيبهم يغلوا وبعد كده نهدى النار لحد ما البطاطس تستوى هنحط السبانخ لمده 5 دقايق لحد ناتستوى
وبعد كده نضربهم فى الخلاط ونحط نص كوبايه اللبن وعصير الليمون ونتبلهم تماااام

سادسا (شوربه البصل)
المقادير :معلقه سمنه صغيره-بصلتين مفرومين ناعم-4كوبايات لبن-ملح وفلفل-معلقه دقيق-معلقتين جبنه مبشوره اى نوع
الطريقه :نحمر البصله لحد ماتدبل وبعدين نحط الدقيق ونقلب دقيقتين وبعدين نحط اللبن لحد مايغلى ونحط ملح وفلفل ولما يغلوا نخفف النار لمده 5 دقايق نحطها فى طبق عميق ونحط الجبنه عالوش وندخلها الفرن لحد ماتسيح الجبنه والله رووووعه

سابعا (شوربه الكرنب مع الكزبره والشبت )جميييييييله وبتنزل جااااااامد والله

المقادير:حبيتين بطاطس-كرنبايه صغيره-2كوب مايه-2كوب مرق-ملح وفلفل وتوابل مشكله حسب الرغبه -نص حزمه كذبره خضره -شويه شبت )
الطريقه:هنقطع البطاطس والكرنب شرايح رفيعه هنحط المرق والمايه على النار ولما يغلوا هنحط البطاطس ونسيبها تغلى 10 دقايق وبعدين نحط الكرنب والملح والفلفل والتوابل بتاعتنا ونسيبها تغلى 10 دقايق وبعدين نضربهم فى الخلاط ونحط الكذبره الخضره والشبت المفرومين على فكره بتحرق الدهون جامد
بصراحه دول اللى جربتهم وكلهم على ضمانتى بس فى لسه شويه تانيين هنزلهم بس مش دلوقتى نخش بقى عالعصاير والمشروبات اوك

العصائر والمشروبات


( الموكا البارده ) جمييييييييله
معلقتين نسكافيه -معلقتين حليب بودره -كوبايتين مايه ساقعه -10قطع تلج -سكر
هنضرب كل ده فى الخلاط لمده دقيقتين متواصلين تماااااااام

(كوكتيل الفواكه بعسل النحل )
موزتين-برتقالتين-تفاحتين -كوبايه لبن-2معلقه عسل نحل
هنضرب ده كله فى الخلاط 3 دقايق الكميه دى تعمللك 3 كوبايات ممكن تقسميهم على مدار اليوم حلوه وسهله ومغذييييه اوى

(عصير الفراوله الفاااااخر )

كوبايه فراوله طازه -كوبايه حليب-3 معالق سكر ناعم -علبه ايس كريم فانيليا
اضرب كله فى الخلاط يامعلم واديها وادعولى جميله اوى بس دى فى الساعه الفرى اتفقنا محدش يخم انا بقولكوا اهو

(حليب الشيكولا بالايس كريم )
كوبايه لبن بارده -معلقه كاكاو -ايس كريم فانيليا -سكر حسب الرغبه
برضه اضرب كله يامعلم واديها وبرضه والله مجرباها وعجبتنى اوى بس برضه فى الساعه الفرى او ممكن تقسميها على مرتين


هنا بقى وصفات الشوربات الجديده ياقمرات

شوربة الجبن الشيدر مع الخضروات
المقادير:
كوب و ربع ماء -ملعقة صغيرة مكعب ماجي
كوب جزر مقطع -كوب بسله -ربع كوب بصل مقطع -ثمن ملعقة صغيرة فلفل -كوب حليب -2 ملعقة طعام نشا -كوب جبنة شيدر

الطريقه: هنجيب حله متوسطه ونحط فيها الميه مع المرق مع البسله والجزر والفلفل والبصل وهنسيبهم يغلوا على النار لحد مايستووا نحط اللبن والنشا لحد مايتقل معانا ويغلى دقيقتين وبعدين نحط الجبنه ونقلب لحد ماتسيح روووووووعه


شوربة الرز

الشوربة دى مفيدة للأطفال وخاصة في وقت الفطام و تنفع للمسنين وتنفع للدايت بتاعنا كماااان
المقادير:
نص كوب رز مغسول ومنقوع-نص كوب كوسة مقطعة مكعبات
نص كوب جزر مقطع مكعبات -شعريةقليل -3 ملاعق بقدونس مفروم-نص كوب بصل مكعبات- 5 أكواب ماء- 1 ملعقة زيت- ملح- فلفل اسود- بهار مشكل

الطريقه :هنحط الرز والخضار مع 3 كوبايات ميه على النار لحد مايستووا وهنطفى ونسيبهم يهدوا شويه ونضربهم فى الخلاط كويس اوى بعد كده فى حله تانيه نحط الزيت من البقدونس ونحط الشوربه فوقهم ونضيف كوبايتين ميه كمان ونحط الشعريه لحد ماتستوى خالص جربوها هتعجبكم جدااااا



شوربة الزبادي

شوربة لذيذة ومبتكرة من الزبادي ومرقة الفراخ او اللحمه
المقادير:
3 أكواب مرقة فراخ وياريت 2 مرقه وكوبايه ميه عشان الدسم
4 علب زبادي جهينه -3 فص ثوم صغير ومفروم -ملح وفلفل

الطريقه :
هنجيب مقلايه ونحط فيها زيت ونشوح التوم فيها وبعدين نحط الزبادى والمرقه ونضربهم بالويسك (المضرب السلك ) عشان ميبقاش فى كتل من الزبادى ونتبلهم بالملح والفلفل ووقت ماتيجى تشربى منها سخنيها الاول شوربه خفيفه ولذيذه بجد

شوربة الكوسة

المقادير:
كوسا متوسطة الحجم - بصلة متوسطة الحجم -بطاطسايه متوسطة الحجم- 6 كوب ماء - نص ملعقة صغيرة بهار مشكل
نص ملعقة صغيرة كمون مطحون - ربع كوب عصير ليمون -ملح

الطريقه :
هنحط الخضار مع المايه على النار لحد مايستووا خالص بعد كده نضربهم كويس فى الخلاط ونرجعهم الحله تانى ونتبلهم بالملح والفلفل ونضيف عصير الليمون ونسيبها على نار هاديه 10 دقايق وخلاص كده خلصت

ملحوظه بقى للناس اللى بتحب لسان العصفور والشعيريه باللبن والكريم كراميل والكشك

كل ده مسوح بيه عادى خالص ولكن الكري كراميل فى الوجبه الفرى والكشك هما 5 معالق بس ومش شرط الوجبه الفرى
اما بالنسبه للشعيريه فعشان تكون صحيه ودايت اكتر فاحنا هنجيب الشعيريه او لسان العصفور وهنحطهم فى صينيه مفروده ونحطهم تحت الشوايه بتاع الفرن ونقلبهم كل دقيقتين عشان يتحمروا من كل ناحيه واعملوها بالطريقه المعروفه قى بعد كده تمااااااام لحد كده

نظام التثبيت


هنا بقى هنزلكوا نظام التثبيت كمان اى خدمات عشان محدش يسالنى فيه بعد كد
ه

نظام التثبييييييييييييييييييييييت

الاسبوع الاول :
طبعا خلاص هنرجع بقى للوجبات الطبيعيه فطار وغداء وعشاء وملحوظه فكره نظام التثبيت ايه انه بيبدا تدريجيا يدخل الاكل الطبيعى لجسمك ويسحب السوايل واحده واحده عشان الجسم ميتفاجئش ويتخن تانى

الفطار :هتشربى كوبايه ميه وكوبايه عصير وتاكلى اللى انتى عاوزاه بس تقومى قبل ماتشبعى + فنجان قهوه او شاى من غير سكر

والغداء والعشاء سواااااااايل فقط لا غيييييير

الاسبوع التانى :

الفطار : سوااااااااايل فقط

الغداء :كوبايه مايه وتاكلى اللى نفسك فيه بس قبل درجه الشبع ووراها على طول فنجان قهوه من غير سكر

العشاء : سوااااااايل فقط

الاسبوع التالت :

الفطار : كوبايه مايه وكوبايه عصير وتفطرى فواكه بس مش عصير لحد ماتشبعى

الغداء :كوبايه مايه وتاكلى اللى نفسك فيه بس تقومى قبل ماتشبعى ووراها فنجان قهوه من غير سكر

العشاء : سواااااااااايل فقط لا غييييير
الاسبوع الرابع:

الفطار والغداء والعشاء: كوبايتين مايه وثمره فاكهه وتاكلى اى حاجه ووراها فنجان قهوه من غير سكر
بعد الشهر ده ارجعى بقى كلى اللى انتى عاوزاه مفيش اى مشاكل

ملحوظه : اى لخبطه فى نظام التثبيت انا مش مسئووووووله اللهم بلغت اللهم فاشهد





ملف انظمه غذائيه خااااااااصه



الملف ده عباره عن ريجيمات مختلفه للناس اصحاب الحالات الخاصه زى القولون الكبد القلب الكوليسترول الشريان التاجى وهكذاااااا

اولا ريجيم لمرضى الكوليسترول ومرضى القلب كمان

طبعا مريض الكوليسترول لازم ياخد باله كويس جداااا من اكله ويحافظ على نوع الاكل اللى بياكله
طيب ماهو اول علاج الكوليسترول اننا ننقص وزننا طب ازاااى لازم يكون نام غذائى سليم 100\100
وطبعا ممنوع المقلى والمسبك والمخللات وخلافه

الافطار :
طبق جبنه قريش بالخيار وزيت الزيتون
وبعده تفاحه بالقشر بتاعها مترمهوش وبعد الوجبه كوبايت ينسون او تليو

الغداء:
طبق سلطه مشكل ماعدا الطماطم وجنبه طبق شوربه خضار بس من غير بطاطس و3 معالق ارز وربع فرخه مشويه

العشاء:
سلطه فواكه فقط او سلطه خضراء فقط او طبق فول بالليمون وزيت الزيتون
وبعدها كوب ينسون او تيلو او مشروب اعشاب منوع(زعتر-بابونج-روز مارى)


ثانيا ريجيم لمرضى السكر

الفطار:
ربع رغيف بلدى او 2 توست اسمر مع بيضه مسلوقه او طبق فول او جبنه قريش او 2 قرص طعميه مع طبق سلطه +كوب شاى بدون سكر

الغداء:
نصف رغيف بلدىاو 8 معالق مكرونه او 4 معالق رز وقطعه لحمه او فراخ وطبق خضار دااايت
او ممكن نص كيلو سمك مشوى وطبق سلطه بس بدووون عيش

العشاء:
رايب او زبادى او لبن خالى الدسم وفواكه طبعا ماعدا الممنوعات زى المانجه والتين والعنب والبلح وخلافه


ريجيم لمرضى القولون العصبى :

الفطار : زبديايه مع معلقه عسل اسود + ربع رغيف وبياض بيضتين وخيار

الغداء: طوبايه عصير فريش وبعدها نص رغيف بس عادى مش بلدى مع فراخ او لحمه او سمك وطبعا مشوويات كله
وبعدها ثمره فاكهه

العشاء:
طبق بليله بلبن خالى الدسم او بطاطس بيوريه بزيت خفيف مع ربع رغيف او طبق فول بالكمون والليمون مع ربع رغيف ابيض او رغيف فينو

وبين الوجبات ممكن اى مشروب دافر بمعلقه سكر


ريجيم لمرضى الشريان التاجى والضغط :

الفطار :
كوب ينسون دافى بمعلقه عسل نحل
بعدها طبق فول بالكمون والليمون او بيض مسلوق او جبنه اى نوع بس تكون قطعه صغيره مع نص رغيف بلدى وخضار زى الطماطم والفلفل والخيار


الغداء:
كوب ينسون او نعناع دافى بمعلقه عسل نحل
وبعدها طبق خضار متصفى من الصلصه مع 4 معالق ارز او 8 معالق مكرونه او نص رغيف وجنبه فراخ او لحمه مسلوقه او مشويه
او ممكن سمك مشوى مع سلطه فقط بدوووون عيش او ارز


العشاء :
فواااااكه فقط باى كميه لحد الشبع ماعدا الممنوعات المانجه والتين والعنب والموز


وكده الحمد لله خلصنا ملف انظمه غذائيه خاصه




ملف وصفات مختلفه





الامساك المزمن


السلامكه+ الكمون + الشمر + الشبت يختلطوا ويستخدموا للعلاج الامساك المزمن وتنظيف القولون
هتخدى معلقه كبيره من الخلطه دى وتصبى عليها الميه المغليه وتسيبيهم 10 دقايق ةبعدين تصفيهم وتشربيهم مره قبل النوم بجد نتايجها خطييييييييييره

لعلاج زياده الاملاح


1-هنغلى الكرفس والبقدونس غلوة واحدة ونتركه من بالليل للصباح في الثلاجة ونشرب كوبايه منه كل يوم 3 مرات قبل الأكل الاساسى يعنى ممكن الفرى او وجبه الشوربات بساعة لمدة 10 أيام بتقلل الاملاح جدااااااا

آلام الظهر


زيت الكافور + زيت الزنجبيل + زيت العرعر وندهن بيهم منطقه الضهر

قبل النوم يوميا وان شاء الله نتيجته كويسه وبالذات للفقرات القطنيه والانزلاق الغضروفى


آلام المفاصل

زيت الخردل + زيت الزنجبيل وزيت الكافور ويدهن به المفاصل مره الصبح ومره بالليل



لعلاج نقص الهيموجلوبين

هنعمل عصير من الفواكه دى (فراوله - بطيخ - كريز - رمان - عنب احمر) ويتشربب مره الصبح ومره بالليل راااائع لرفع معدل الهيموجلوبين يابنات


لتنظيف القولون

تليو وكراويه وينسون سلامكه تتغلى وتتشرب مره الصبح ومره بالليل



لغسيل وتنظيف الكلى :



نجيب فاصوليا خضراء ونغليها وناخد ميتها نشربها 3 مرات فى اليوم رهييييييييبه



لرفع المناعه فى الجسم عند الاطفال والكبار



كوبايه مايه ندوب فيها معلقه عسل ابيض ومعلقه زيت زيتون وتشرب بعد الفجر نتايجها فوق الممتااااااااز




تمام كده نخش على ملف المفااااااجأه بقى



قبل اى حاجه لو لقيت اى جزء من موضوعى موجود فى اى جروب تانى هنا انا هبلغ الاداره فوراااااا واظن ده حقى مش ناس تتعب وحد ياخد عالجاهز وللعلم انا بدخل كل المواضيع يومياااااااا عشان بس محدش يزعل الحق ميزعلش


  1. عامله ريجيم وجاتلك عزومه مفاجأه او عيد ميلاد او مناسبه ولازم تاكلى
  2. عامله ريجيم ويوم الفرى بتاعك بتحسى بنوع من عدم الرضا لانك لخبطتى جااااامد
  3. عملتى ريجيم وخسيتى وبقيتى تمام ونفسك تثبتى صح
  4. جسمك مظبوط لكن بتخافى تاكلى لحسن تتخنى وجسمك يبوظ
عاوزه تاكلى كل حاجه ومتتخنيش ولا جراااااااام واحد طول عمرك ومن غير حرمااااااااااان نهاااااااااائى


هاتى ورقه وقلم وتعالى





ملف كيميائيه الطعاااااااااام





يعنى ايه كيميائيه الطعام؟


هو عباره عن مواد بتتفاعل مع بعضها ينتج عنها نقص فى القيمه الحراريه لهذه المواد

طب ده الكلام العلمى ماتفهمينا ياحاجه اللى بتقوليه هو محدش اتعلم الاانتى مش في المود خالص
حاااااااااضر هفهمكم بس متزقوش


مثال : انا لو كلت قطعه جبنه رومى فيها حوالى 150 كالورى لكن لو اكلت جنبها فلفل اخضر هخلى الكالورى بتاعها 50 بس

لو كلت طبق فيشار كبير سعراته مثلا 200 كالورى لكن لو اكلت جنبه طبق خضروات طازه هيبقى الكالورى بتاعه 70 كالورى بس هاه فهمتوا

طب لييييييييه
كل نوع من الاكل بيتكون من مواد معينه وانزيمااااااااات معينه لو اتفاعلت مع انزيمات مضاده ليها بس فى نوع تانى من الاكل بتقلل نسبه الكالورى للثلثييييييين

يعنى لو الحاجه سعراتها 1000 هتبقى 300 بس

فى حاجه كمان مهمممممممه

اكل الجبنه الحادقه مثلا ووراها عصير بسكر او اى ماده حلوه يزود الوزن لكن
اكل حاجه حلوه او عصير حلو وبعده جبنه حادقه يقلل الوزن هااااااااه فهمتوا

يعنى كده ممكن لو عاملين دايت وجاتلنا مناسبه ناكل كل حاااااجه
لو فى اليوم الفرى ناااااااااكل كا حاجه لو بنثبت هناااااااكل كل حاجه وهكذااااااااا


مقلتلناش برضه يعنى ناكل ايه مع ايه ماتخلصينا فى يومك اللى مش فايت دهغضبانة جدا

حضر ياجماعه والله هقول كل حاجه بس واحده واحده عليه انا حامل ومش قادره هههههههههههههمحرجة

وادى ياحبايبى نظام الاكل كللللللللله وطبعا الكميات مفتوحه

  1. كل انواع الجبنه مع الطماطم ماعدا الرومى مع الفلفل الاخضر
  2. اللحمه مع الارز فقط
  3. الفراخ مع العيش او المكرونه
  4. لحمه مع عيش +شوربه لحمه ومتاكليش سلطه
  5. طيور مع ارز +شوربه طيور وبدون سلطه
  6. رقاق او مكرونه بشاميل او برام لسان عصفور باللحمه المفرومه +شوربه لحمه بدون سلطه
  7. محشى مطبوخ بشوربه لحمه +لحمه بدون سلطه
  8. محشى بشوربه فراخ +فراااااخ+شوربه فراخ بدون سلطه
  9. الذره المشوى مع خضار طازج (خس-طماطم-خيار)
  10. الفيشار +خضار طازج
  11. الحلويات المرنه مثل (الجاتوه - الجلاش- الملبن - الكنافه - القطايف ) تتاكل بدل وجبه فطار او غداء او عشاء +شاى بسكرررررر عالى
  12. السمك المشوى مع الارز فقططط ويفضل ان يكون الفطار اليوم ده من منتجات الالبان
  13. سمك مقلى مع عيش +سلطه وبرضه الفطار من منتجات الالبان
  14. سمك مشوى مع عيش (طبق سلطه قبل الاكل)
  15. سمك مقلى مع ارز(طبق سلطه قبل الاكل)
  16. الباميه تطبخ مع بصل مدعوووك بالملح وبشوربه اى نوع ولو هتتاكل مع فراخ يبقى تتاكل بعيش ولو لحمه يبقى يتاكل معاها ارز وممنوع تضيفوا عليها ليمون ومتتاكلش تانى يوم ممنوووووووووع
  17. السبانخ تتاكل مع رز لو هتاكلى جنبها لحمه وعيش لو هتاكلى معاها فراخ مع ملاحظه عدم اضافه لسان عصفور او ارز او حمص الى السبانخ
  18. البطاطس اى نوع مساوقه محمره مطبوخه تتاكل مع عيش وفراخ او لحمه وارز +سريس او بطيخ بعد الاكل مباااااااااااشره
  19. السكر والليمون من غير اضافه مياه فى حاله الهبوط او الدوخه
  20. البلح والتين والعنب تتاكل بدل وجبه فطار او غداء او عشاء ومعاها كوبايه شاى بسكر عااااااالى
  21. التين مع اللبن (جبنه - زبادى - لبن رايب )
  22. العجوه مع البيض +عيش فينو دى وجبه طبعا
  23. التمر قبل الاكل على طول او وجبه لوحده
  24. الطعميه مع الطماطم والعيش ومتشربيش ميه بعدهااااااا ممنوووووووع
  25. البيض المسلوق مع الخضار الورقى (فجل - جرجير - خس )
  26. البيض المقلى مع الخيار
  27. الشاى بحليب او النسكافيه بلبن او الكابتشينو وجبه
  28. العصاير الطبيعيه تفاح برتقال موز جوافه الخ.... بسكر بسيط وبعد الاكل مباشره
  29. الحلويات الصلبه زى الشيكولاته او حلاوه المولد او البونبون تتاكل بدل وجبه
  30. الفته بشوربه اللحمه تتاكل مع لحمه بدون سلطه وبشوربه الفراخ تتاكل مع فراخ بدون سلطه مع عدم اضافه الصلصه او الخضار المطبوخ للفته
  31. المكرونه مسلوقه ونحطلها الصلصه اثناء الاكل مباشره
  32. المخللات كلها مسموحه ماعدا الليمون والبصل والجزر نحطهم فى الاكل لو فى سلطه ومنحطهمش لو مفيش سلطه
  33. الزيتون المخلل اسمر او اخضر يؤكل مع الاكل وممنوع منعا باااااااتا بين الوجبات
  34. ممنوع اكل الخيار والخس والاته بين الوجبات لكن ممكن ناكل الطماطم والجزر والبصل والجرجير
  35. لازم ناخد كل يوم معلقه سكر عالاقل عشان منجبرش الجسم انه يحول الخضروات الى سكر
  36. ممكن ناكل فى العشاء فقططططط (شكشوكه-برجر-بطاطس-تونه-شاورما-)مع كميه قليله من العيش وفى العشا فقط انا قلت اهو بتعالج الامساك وملينه للطبيعه فى اليوم اللى بعده
  37. الكبده فى العشاء بدون اى شىء وفى الغداء ناكلها مع خضروااااااات فقط لا غير
  38. الجوافه مع الخيار وجبه لو فى ريجيم او بين الوجبات لو مفيش ريجيم وزيهم المانجه مع الطماطم وزيهم التين مع اللبن
  39. الشاى فى اى وقت وبعد كل اكل ولا يمكن تناوله مع الاكل ممنوووووووووووووع
  40. العدس المطبوخ من غير شعريه ناكله مع طماطم +عيش فينو
  41. فته العدس بالعيش الفينو فقط +بيض مسلوق +طماطم
  42. الملوخيه الناشفه +ارز وممكن لحمه معاهم
  43. الملوخيه الناشفه بشوربه فراخ مع عيش + فراخ
  44. ارز معمر +لحمه او بيض مسلوق +سلطه وممكن ناكل خضار مطبوخ اى نوع
  45. فراخ بانيه +مكرونه او عيش +سلطه
  46. كفته(لحمه +ارز) تتاكل مع لحمه وارز وسلطه لكن كفته اللحم الصافى تتاكل مع ارز فقطططط
  47. الارانب تتاكل مع ارز فقطططط
  48. الحمام المحشى +شوربه حمام
  49. عجه البيض فى العشاء فقط مع كميه قليله عيش
  50. البفتيك مع سلطه بدون عيش او ارز او مكرونه
  51. الفول مع الكمون والطماطم
  52. كشرى مصرى +سلطه فى الغداء فقط
  53. كشرى بلدى +طماطم فى الغداء فقط
  54. بمبار +ارز+لحمه+سلطه
  55. المخ+عيش قليل وفى العشاء فقط
  56. كرشه +ارز فقطططط
  57. صينيه السردين +عيش +سلطه
  58. جمبرى مشوى +عيش+سلطه
  59. جمبرى مقلى +ارز+سلطه
  60. ملوخيه بالجمبرى +ارز بدون سلطه
  61. كفته جمبرى مع ارز وممكن نضيف سمك مشوى
  62. كابوريا +سمك مقلى +ارز بدون سلطه
  63. شوربه فواكه البحر مع اى نوع سمك +عيش
  64. مسقعه باللحمه او من غيرها +ارز بدون سلطه
  65. بصاره+نص رغيف +طماطم
  66. عدس بجبه +ارز+طماطم
  67. عسل اسمر وطحينه +عيش فينو وتعتبر وجبه
  68. البليله فى العشاء فقط وجبه
  69. مشمشيه بعد الاكل مع شرب شاى بسكر
  70. رغيف حواوشى فقط لا غييييير
  71. عدم اضافه الليمون الى اكل يحتوى على ملح
  72. الفسيخ والرنجه والسردين المملح +عيش+خضروات كتيييير ماعدا البصل +بعد الاكل مباشره مياه غازيه
  73. الفطير المشلتت(ومعاه اى حاجه جبنه عسل قشطه) بشرط قبل وبعد الوجبه مباشره كوب كبير مايه متلجه


اظن مش حارماكوا من حاجه اهو اى خدمااااااااااات
محدش يلخبطولا يستبدل ولا يزود ولا ينقص اعملوا زى مامكتوب كده بالظبط وياريت كل واحده تجيب ورقه وقلم وتيجى تنقلهم عشان يبقى نظام حياه معاها وبدون حرمان ومتتخنيش جرام واااااااحد واتحدى ان كان الموضوع ده اتكتب هنا قبل كده فى منتدى الرشاقه
عاوزاكى بقى تدعولى بالله عليكم وماتنسوش التقييم عشان تعبت بجد وضهرى اتقطم هههههههههههه
بس كله يهون عشانكم والله سلاااااااااااام



























التقييم: تقييم الموضوع: 120 تصويتات، المعدل 5.00.


انشري في صفحتك على فيس بوك! انشري في تويتر!

mony\moon mony\moon http://files.fatakat.com/customavatars/avatar419557_2.gif ممنوعة من المشاركة Fatakat المحله - مصر

  #2  
24-4-2011 قديم 24/4/2011 09:53pm
الصورة الرمزية ام مؤمن ومحمود احمد
فتكات غالية قوي
وسام ألكسا لاستخدامها شريط ادوات ألكسا أثناء وجودها بالمنتدى
خريجة - مصرية
ام مؤمن ومحمود احمد غير متواجدة حالياً
تاريخ التسجيل: 12/2009
المشاركات: 18,308
المواضيع: 295
مودي: متفائلة

رد: انا خبيره تغذيه وماكروبايوتك والجزء ده فيه مفاااااااجأه وحصرياااااااا هنا وبس - العضوة ام مؤمن ومحمود احمد هي صاحبة المشاركة

ازيك يا موني يا حبيتي اخباريك ايه

0

انشري في صفحتك على فيس بوك! انشري في تويتر!


  #3  
24-4-2011 قديم 24/4/2011 09:53pm
الصورة الرمزية أم أحمد رمزي
فتكات ست الكل
وسام النشاط الاجتماعي لحضور مقابلة فتكاتوسام ألكسا لاستخدامها شريط ادوات ألكسا أثناء وجودها بالمنتدى
خريجة - مصرية
أم أحمد رمزي غير متواجدة حالياً
تاريخ التسجيل: 11/2009
المشاركات: 11,582
المواضيع: 349
مودي: حزينة

رد: انا خبيره تغذيه وماكروبايوتك والجزء ده فيه مفاااااااجأه وحصرياااااااا هنا وبس - العضوة أم أحمد رمزي هي صاحبة المشاركة

موضوع ممتاززززززسعيدة قوي

0

انشري في صفحتك على فيس بوك! انشري في تويتر!


  #4  
24-4-2011 قديم 24/4/2011 09:53pm
ممنوعة من المشاركة
وسام ألكسا لاستخدامها شريط ادوات ألكسا أثناء وجودها بالمنتدى
طالبة جامعية - مصرية
صاحبة الموضوع mony\moon غير متواجدة حالياً
تاريخ التسجيل: 2/2011
المشاركات: 6,891
المواضيع: 111
مودي: ----

رد: انا خبيره تغذيه وماكروبايوتك والجزء ده فيه مفاااااااجأه وحصرياااااااا هنا وبس - العضوة mony\moon هي صاحبة المشاركة

هموسه 2011, ‏سندريلا1984, ‏looly11, ‏moy86, ‏سوسو20, ‏كتكوتة2009, ‏dodyahmed, ‏pink_world, ‏أحن الى الوطن, ‏احمد حبيبي دائما, ‏سامية عطاالله, ‏محبة الحب, ‏اسماء حلمي, ‏ام سهيلة ويوسف وملك, ‏بياض الفل, ‏anosh_antaka, ‏bird2, ‏بنت دولت, ‏قدوتى رسولى, ‏عالية عبده, ‏مدام سونة, ‏bosi88, ‏ghadaboudi, ‏نجمة زوجى, ‏هدهد حيران, ‏ام مروان 2010, ‏joojoo, ‏الحب_الحياة, ‏YeS<*-*>No00, ‏sosoolove46, ‏السبع مفاتيح, ‏فيانسيه, ‏om youssef, ‏ام حبيبة123, ‏الساحرة سارة, ‏ارؤوره, ‏زيادة 08, ‏z_r, ‏totta_medo, ‏ام زياد السحيلى, ‏افنان 83, ‏ام مؤمن احمد, ‏Roogy, ‏ميرو عثمان, ‏ام روى 7, ‏محبة رسوووول الله, ‏نغم الذكريات, ‏بسكوتة2011, ‏*صلى على الرسول*, ‏زهرة24, ‏بارين 22


منورييييييييييييييييييييييييييييين يابناااااااااااااااااااااااات

0

انشري في صفحتك على فيس بوك! انشري في تويتر!

mony\moon mony\moon http://files.fatakat.com/customavatars/avatar419557_2.gif ممنوعة من المشاركة Fatakat المحله - مصر

  #5  
24-4-2011 قديم 24/4/2011 09:54pm
الصورة الرمزية السبع مفاتيح
سوبر فتكات
وسام ألكسا لاستخدامها شريط ادوات ألكسا أثناء وجودها بالمنتدى
خريجة - مغربية
لو تعرفي العضوة دي شخصيا ياريت تطمنينا عليها
تاريخ التسجيل: 9/2010
المشاركات: 4,475
المواضيع: 39
مودي: سعيدة

رد: انا خبيره تغذيه وماكروبايوتك والجزء ده فيه مفاااااااجأه وحصرياااااااا هنا وبس - العضوة السبع مفاتيح هي صاحبة المشاركة

دي موسوووووعة يا قمر

لازمها تثبيت عشان الفتوكات يستافادو

جزاكي الله خيرا

0

انشري في صفحتك على فيس بوك! انشري في تويتر!


قال الله تعالى: إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً [الأحزاب:56].

يــٍارب عـٍنـٌدما تـنـتهي حـٍيـٌاتـي اجـعلنـي ذكـرى جميله لـٍمـن عـرفـنـي
  #6  
24-4-2011 قديم 24/4/2011 09:54pm
الصورة الرمزية سامية عطاالله
فتكات هايلة
ربة منزل - مصرية
سامية عطاالله غير متواجدة حالياً
تاريخ التسجيل: 2/2011
المشاركات: 852
المواضيع: 46
مودي: سعيدة

رد: انا خبيره تغذيه وماكروبايوتك والجزء ده فيه مفاااااااجأه وحصرياااااااا هنا وبس - العضوة سامية عطاالله هي صاحبة المشاركة

تسلم ايدك بجد فرق كلامك معايا كتيييييييييييير
ربنا يباركلك ^^

0

انشري في صفحتك على فيس بوك! انشري في تويتر!


  #7  
24-4-2011 قديم 24/4/2011 09:55pm
الصورة الرمزية السبع مفاتيح
سوبر فتكات
وسام ألكسا لاستخدامها شريط ادوات ألكسا أثناء وجودها بالمنتدى
خريجة - مغربية
لو تعرفي العضوة دي شخصيا ياريت تطمنينا عليها
تاريخ التسجيل: 9/2010
المشاركات: 4,475
المواضيع: 39
مودي: سعيدة

رد: انا خبيره تغذيه وماكروبايوتك والجزء ده فيه مفاااااااجأه وحصرياااااااا هنا وبس - العضوة السبع مفاتيح هي صاحبة المشاركة

الذين يشاهدون محتوى الموضوع الآن : 107 ( العضوات 68 والزائرات 39) ‏السبع مفاتيح, ‏سندريلا1984, ‏looly11, ‏moy86, ‏كتكوتة2009, ‏dodyahmed, ‏أحن الى الوطن, ‏احمد حبيبي دائما, ‏محبة الحب, ‏اسماء حلمي, ‏ام سهيلة ويوسف وملك, ‏بياض الفل, ‏anosh_antaka, ‏قدوتى رسولى, ‏عالية عبده, ‏مدام سونة, ‏bosi88, ‏ghadaboudi, ‏نجمة زوجى, ‏هدهد حيران, ‏ام مروان 2010, ‏joojoo, ‏الحب_الحياة, ‏YeS<*-*>No00, ‏sosoolove46, ‏فيانسيه, ‏om youssef, ‏ام حبيبة123, ‏الساحرة سارة, ‏ارؤوره, ‏زيادة 08, ‏z_r, ‏totta_medo, ‏ام زياد السحيلى, ‏افنان 83, ‏Roogy, ‏ام روى 7, ‏نغم الذكريات, ‏بسكوتة2011, ‏*صلى على الرسول*, ‏بارين 22, ‏حبيبه محمد زوجها, ‏تـــــوتـــــا, ‏بنت على, ‏sindrella emam, ‏ميرو عثمان, ‏هموسه 2011, ‏gassy, ‏dr_rosy_rony, ‏ام جودي, ‏eman mano, ‏نانوش_90, ‏بسكوتة صغنونة, ‏eman.201173, ‏DOSHA, ‏حدوتة مصرية 75, ‏عبير ضيف, ‏Nola, ‏لالا نور, ‏ام زين العابدين أشرف, ‏ام اينو, ‏افنان بدر, ‏سايكو, ‏نقابى هو حياتى, ‏سامية عطاالله, ‏نوران نونو, ‏الطامعة فى عفو ورضا ربها, ‏دودووو دودى

0

انشري في صفحتك على فيس بوك! انشري في تويتر!


قال الله تعالى: إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً [الأحزاب:56].

يــٍارب عـٍنـٌدما تـنـتهي حـٍيـٌاتـي اجـعلنـي ذكـرى جميله لـٍمـن عـرفـنـي
  #8  
24-4-2011 قديم 24/4/2011 09:55pm
الصورة الرمزية *صلى على الرسول*
فتكات ست الكل
وسام الوفاء لمرور اكثر من خمس سنوات على عضويتها واستمرارها كعضوة نشيطةوسام ألكسا لاستخدامها شريط ادوات ألكسا أثناء وجودها بالمنتدى
موظفة - مصرية
*صلى على الرسول* غير متواجدة حالياً
تاريخ التسجيل: 7/2009
المشاركات: 6,857
المواضيع: 102
مودي: عادي

رد: انا خبيره تغذيه وماكروبايوتك والجزء ده فيه مفاااااااجأه وحصرياااااااا هنا وبس - العضوة *صلى على الرسول* هي صاحبة المشاركة

الف الف مبروك الجزء الجديد يا رونى يا جميل
يارب اكون انا اول واحدة ترد
وبعدين اقراء براحتى

0

انشري في صفحتك على فيس بوك! انشري في تويتر!


صورة توقيع *صلى على الرسول* في منتديات فتكات
ربـــــي لا أريـــد أن أفـــرح وحدي فـأسعـــد أحبـابـي والمسلميـــن معــــي..
و إن كتـــبت لي بـإنفـــــراج همي رجـــوتك يا ربـــي أن تفرج همومـــھم
يـــــا كريـــــم أسألــــك ربـــي أن تستجيــــب لدعــوه كل عبد..و أن تيســــرولا تعسر
http://quran.muslim-web.com/
بضغطة واحدة موقع قران بالتفسير روعة
أذكار المسلم
http://www.azkary.com/
:يارب:يارب اجعله فى ميزان حسناتى:يارب:
  #9  
24-4-2011 قديم 24/4/2011 09:55pm
فتكات ست الكل
وسام ألكسا لاستخدامها شريط ادوات ألكسا أثناء وجودها بالمنتدى
--- - مصرية
لو تعرفي العضوة دي شخصيا ياريت تطمنينا عليها
تاريخ التسجيل: 11/2009
المشاركات: 8,309
المواضيع: 36
مودي: ----

رد: انا خبيره تغذيه وماكروبايوتك والجزء ده فيه مفاااااااجأه وحصرياااااااا هنا وبس - العضوة ♥ الطامعة ♥ هي صاحبة المشاركة

جيييييييييييييييييت جرى نفسى اكون اول واحدة اهنى وابارك
ما شاء الله لا قوة الا بالله
هروح بسررررررررررررررررعة اقرأ الجمال

0

انشري في صفحتك على فيس بوك! انشري في تويتر!


  #10  
24-4-2011 قديم 24/4/2011 09:56pm
الصورة الرمزية السبع مفاتيح
سوبر فتكات
وسام ألكسا لاستخدامها شريط ادوات ألكسا أثناء وجودها بالمنتدى
خريجة - مغربية
لو تعرفي العضوة دي شخصيا ياريت تطمنينا عليها
تاريخ التسجيل: 9/2010
المشاركات: 4,475
المواضيع: 39
مودي: سعيدة

رد: انا خبيره تغذيه وماكروبايوتك والجزء ده فيه مفاااااااجأه وحصرياااااااا هنا وبس - العضوة السبع مفاتيح هي صاحبة المشاركة

احلى تقييم لعيونك

0

انشري في صفحتك على فيس بوك! انشري في تويتر!


قال الله تعالى: إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً [الأحزاب:56].

يــٍارب عـٍنـٌدما تـنـتهي حـٍيـٌاتـي اجـعلنـي ذكـرى جميله لـٍمـن عـرفـنـي
موضوع مغلق



تعليمات المشاركة
لا تستطيعين كتابة مواضيع
لا تستطيعين كتابة ردود
لا تستطيعين إرفاق ملفات
لا تستطيعين تعديل مشاركاتك

كود [IMG] متاحة
كود HTML معطلة

أقسام فتكات


اي مشاركة في الموقع و المنتدى تعبر عن رأي كاتبتها دون ادنى مسئولية على ادارة الموقع
جميع الحقوق محفوظة لمنتدى فتكات، يحظر نقل او نسخ اي اجزاء من الموقع الا بإذن الكتروني من ادارة الموقع
vBulletin، Copyright ©2000 - 2014، Jelsoft Enterprises Ltd.
تصميم المواقع وبرمجة المواقع انترنت بلس - استضافة المستضيفون العرب
مواضيع مميزة
مواضيع جديدة
استعلامات




ايوه هي دي فتكات اللي بيقولوا عليها :) انتي مش مشتركة ليه؟! بصي الفتوكات بيقولوا ايه: فرحانة سعيدة مبسوطة متأثرة محتارة مصرية فخورة مربية شابة هاه؟ ح تنورينا؟ اشتركي الآن!