[Noursein]

إزيكم يا أحلى الفتوكات البنات والستات
وحشتونى وحشتونى وحشتونى
قـــــــد كـــــــده



انا يا قمرات عملت كيكة بطبقات الكسترد
وكريستالات الجيلى إنما إيه تحفة
طلعت حلوة قوى وعجبت حبيب قلب ماما
إياد روح قلبى وعقلى يا ناس
بالف هنا وشفا طبعاً وحبيت أنزلها ونقول
بســــــ الله ــــــــم





♥ زى ما إنتم شايفين يا قمرات مقاديرى آهى
2 كوب دقيق ... كوب سكر ... 1/2 كوب زيت ذرة
4 بيضات ... كيس B.p ... رشة قرفة ( بدل الفانيليا )
كوب لبن بس كنت نسيت أصوره مع المقادير يا قمراااتى



♥ عبوة كسترد شوكولاتة حلو الشام



♥ عبوة كسترد فانيليا حلو الشام



♥ جيلى مانجووووووووووو



♥ جيلى فــــــــــــراولة كمان





♥ حضرت الجيلى بس بنصف مقدار الميه
يعنى هو مكتوب عليه كوب ماء مغلى ويذاب فيه
مسحوق الجيلى ويضاف عليه كوب ماء بارد



♥ انا حطيت 1/2 كوب مغلى و دوبت الجيلى فيه
وبعدين حطيت 1/2 كوب بارد وحطيته فى طبق إستانلس
علشان يسقع بسرعة أكتر ودخلتهم التلاجة
على بال ما أجهز الكيك والكسترد والذى منه يكون الجيلى مسك



♥ وبدأت أحضر الكيكة بتاعتى كالتالى
ضربت البيض مع القرفة يمكن ربع ساعة



♥ وبدأت أضيف عليهم الزيت زى كده والمضرب شغال



♥ وكمان السكر يا قمرات
انا إستخدمت سكر ناعم الحبيبات مش بودرة



♥ وبدأت أحط الدقيق شوية بشوية كده
والمضرب شغال على أول سرعة



♥ بالتناوب مع اللبن لحد ما أوصل لقوام الكيك المناسب
وبعدين حطيت الـ B.p فى الأخر ودقيقتين كده
وطفيت المضرب يا فتاتيك



♥ وبعدين صبيت الخليط بتاع الكيك فى الصينية
ودخلتها الفرن على حرارة 180
كنت مسخنة الفرن قبلها ربع ساعة بس يا قمراتى



♥ و ده شكلها لما طلعت من الفرن يا قمرات
ماشاء الله كانت هشة



♥ ولما بردت الكيكة قسمتها نصفين بالشكل ده
اللى فى الصينية الصغيرة دى انا ساويت حروفها علشان
تبقى مقاس الصينية يا فتوكاتى
ومن الكيكة الواحدة عملت إتنين يعنى إستخدمت شريحة
واحدة لكل صينية

[Noursein]

انا جيييييييت نورت البيت
ههههههههههه
نكمل يا قمرات باقى الموضوع






♥ بعد ما قسمتها يا قمرات جهزت كسترد الشوكولاتة
زى ما مكتوب على العبوة بالضبط ولما هديت ناره شوية
حطيت على الكيك بالشكل ده وبعدين دخلته التلاجة علشان يتماسك تماماً



♥ وبعد ما برد خالص وقوامه بقى متماسك وحلو
جهزت كسترد الفانيليا برضه زى تعليمات العبوة ولما برد شوية مش قوى
حطيته فوق الطبقة الأولى بالشكل ده يا قمرات



♥ و دى صورة لشكل الطبقات فوق بعضها



♥ وبعدين بدأت أزين الكيك بالفراولة كده
وكل واحده وخيالها طبعاً



♥ هنا بقى جبت الجيلى بعد ما تماسك تماماً يا قمرات
وبالسكينة قعدت أعمل خطوط طول وعرض
علشان تبقى مكعبات صغيرة زى ما إنتم شايفين كده
وبالملعقة بدأت أوزعها بالطريقة دى
وطلع شكلها زى الكريستالات الملونة فعــــلاً



♥ دى صورة قريبة علشان أوضح فكرة المكعبات



♥ و دى صورة أوضح كمان يا قمرات



♥ وبنفس الطريقة عملت جيلى الفراولة و وزعتها كده
ودخلتها التلاجة تسقع وتبرد خالص



♥ ها يا قمرات إيه رأيكم فى شكلها ؟؟؟
حلوة ولا إيه ... ؟؟؟



♥ و دى بعد ما بردت خالص وقطعتها و ده شكل القطعة



♥ والصورة دى علشان أوضح لكم شكل طبقات الكسترد



♥ و ده طبق أول فتوكة هتشرفى بالرد والتقييم
لو مش قييمتى مش هديكى الطبق
ههههههههههههههههه



وبس خلاص خلصت خلاص
بليييييييييييز أوعوا تمشوا مـــــن غير رد
هتعملوا لى إحباط شديد
بتمنى يكون الموضوع عجبكم فكـــــرته
وتردوا عليه يا فتاكيتى كتاكيتى

[ام انوار]

ما شاء الله
تسلم الايادي يا مروتي
شكلهااااااااااااااا تحفففففففففففففففة
ورووووووووووووووووووعة كمان
وتتاكل اكل
اكيد تقييمك ممتاااااااااااااااااااز يا قمر
*****
ربنا يباركلك ويحفظك انتي واياد يا رب
ونفسي في الطبق طبعا

[Noursein]

انا أسفة جداً يا قمرات
إبنى ضغط على Enter قبل ما أخلص الموضوع
أعذرونى متزعلوش منى
وأسفة كتيييييييييييير على تأخير الموضوع يا قمرات
والله كنت هعيط لما لقيته إعتمد الموضوع
وكمااااااااااااان الموضوع مش نزل جديد يعنى معاناه
أسفة مرة تانية يا قمرات

[♣♣ jollya w bas ♣♣]

واااااااااااااااااو
ايه يا بت يا مروة الحلاوة دى
بسم الله ما شاء الله شكلها تحفة
تسلم ايدك يا حبيبتى
وبعدين مين يقدر يشوف الحلاوة دى ومش يرد ويقيم
قيمت طبعا قبل الرد
اول ما شوفت شكل الفراولة
ههههههههه

[ام انوار]

انا أسفة جداً يا قمرات
إبنى ضغط على Enter قبل ما أخلص الموضوع
أعذرونى متزعلوش منى
وأسفة كتيييييييييييير على تأخير الموضوع يا قمرات
والله كنت هعيط لما لقيته إعتمد الموضوع
وكمااااااااااااان الموضوع مش نزل جديد يعنى معاناه
أسفة مرة تانية يا قمرات

ربنا يعوضك في الردود والتقييمات يا حبي

[♣♣ jollya w bas ♣♣]

طيب يا سمرررررررررر
يعنى انتى قافلة الموضوع علشان تلحقى اول رد
هابلغ الادارة
هههههههههههههه

[Noursein]

الذين يشاهدون محتوى الموضوع الآن : 4 ( العضوات 3 والزائرات 1)

‏Noursein, ‏ام انوار, ‏jollya

حبايب قلبى منورين منحرمش منكم يا رب

نوووووووووشة وحشاااااااااانى
سمرمر منحرمش منك يا حبى ولا من طلتك الحلوة

[ام انوار]

طيب يا سمرررررررررر
يعنى انتى قافلة الموضوع علشان تلحقى اول رد
هابلغ الادارة
هههههههههههههه

[♣♣ jollya w bas ♣♣]

انتى كمان وحشانى يا مروة
ازاى ايودة عامل ايه
؟؟؟؟؟؟؟
اديله بوسة كبيرة من طنطه نوشة