[أم بتول]

قولولى -كام واحدة حماتها طيبة وكام واحدة حماتها غير ذلك
أبتدى بنفسي
انا حماتى عمرها 80 سنة بس ربنا ما يوريكوا اصعب حما فى الوجود
ربنا يهدى

[هبة فؤاد محمد]

انا حماتى اتوفت من 3سنوات كانت طيبة جدااااااااا اللة يرحمها

[Hanan Fouad]

واللة يا ام بتول انا حماتى كويسة بس ساعات بتبقى غير ذلك
وربنا يهدى بس خلى بالك عامل السن ربنا يديها الصحة 80 سنة عاوزة حد يستحملها

[مونه]

انا حماتي قنبله ذريه لئيمه جدا وتغير كل الحوار كما تريد وهاديه جدا تتشالي وتتهدي اقدمها وهي ولا هنا تقتل القتيل وتمشي في جنازة تقيله اوي ربنا يرحمني منها ويبعدها عني ويليها في حد تاني

[رانيه]

انا الحمدالله (ماشالله)عليها حماتي عسل الله يخليها يا رب

[Om Hassan]

ربنا يهدهم
قصدى يهديهم
بصراحة خلاص زهقت لانى عايشه معاااها

[raghoda]

انا الحمد لله بحمد ربنا على حماتى بتعتبرنى زى بنها و اكتر (انا لسه مخطوبه للعلم)

[rehab]

ماهي بتاعملك يارغدا زي بنتها عشان لسه ماخدتيش أبنها

[rehab]

أنا بقي حماتي في المجمل أرحم من حموات تانيه أنا بسمع من أخواتي مصايب
هي حماتي كل عيبها أنا بتغير علي أبنها عايزاه يفضل معاها علي طول لكن مش شريرة

[yoyo]

هههههه حلوة يا رحاب فعلا كلامك صح

[rehab]

صح يا يويو قوليلها بقي

[نادو]

انا بقى حماتى من اودامى حبيبه قلبى وروحى بس من ورايا الله اعلم
بس هيا لسة مش ابتدت بس انا مستبشرة حاجة كدة ربنا يسترلا واية كمان تحتها اتنين حمواتى الى على حق ربنا يهديهم يارب ويهديها علييا قولول امييييييين ونبى

[rehab]

ربنا يهديهملك يا نادو

[نادو]

يارب ياحبيبتى
بس صحيح عندك حق بيبقوا فى الخطوبة شئ وبعد الجواز شئ تانى واللى يغيظك انو لو اللى بتعملة حصل لبنتها متقبلهوووووش ابدااااا وبيبقى اودامك وانتى بتتفرجى وتلاقيها تتشال وتتحط عشان بنتها طب وانا ياجدعان لا حياة لمن تنادى ههههههه

[rehab]

صعب تلاقي حماه حقانيه صعب جداااااااااااااااااااا


بصي





أجيبلك م الأخر












مستحيييييييييييييييييييييييييييييييييل تلاقي حماه حقانيه

[نادو]

صح والله اللى بيؤضوه علينا لا يمكن ومستحييييل ترضاه على واحدة من بناتهااااا
اكن بناتها ملايكة دى حاجة صعبة اوى
طب تفتكرى اننا انشاء الله ما هنكون حموات فى يوم من الايام تفتكرى هنكون كدة
سؤال صعب اوىىىىىى

[nona79]

انا حماتي طيبة وبتحبني بس مش زي بنتها
لان مفيش ام تحب اي حد زي اولادها

[ميمي .ملاك]

انا حماتي عمرها 75 سنه بس طيبه كتير وما بتدخل بيني وبين جوزي غير بكل خير وبتحب الخلفه كتير بس انا بحبها وبحترمها

[مونى88]

انا حماتى عندها 72 سنة وطيبة وكمان
عمتى اخت والدى والحمدلله كويسة معايا

[ناننو]

انا حماتي الشيطان ارحم منها ... شغلها الشاغل بعد كل سنين الجواز دي والخلفه كمان انها تطلقني وساعات بتجيب بنات في اي مناسبه يدلعوا على جوزي علشان يغير رأيه فيا ويتلهي في اللهو معاهم ويحصل بينا مشكله بس الحمد لله جوزي بيحبني ومتمسك بيا ودا بيخليها ابشع ومابتبطلش تفكير في الشر ... الاول كنت بتجنن من اللي بيحصل دا بس بعد كده بقيت اطنش ودا كمان بيجننها اكتر ... ربنا يرحمني منها بقدرته ... على فكره هي لسه صغيره لسه 57 سنه وبتغيير مني جدا ... اضحكم كل ما احط مانيكير لون تقوم تحط زيي وطول النهار تقول اوعي تفتكري انك احلى مني تتصوروا متخيله ان انا ضرتها مش انها زي ماما ... من 4 سنين حكمت على جوزي يوديها المصيف (اصل حمايا متوفي) وهناك جابتله بنت واحده صاحبتها كانت عاوزه تجوزهولها علشان تعمل جو في المصيف والهانم كلمتني من هناك علشان تعرفني بوجودها وتقوم الحريقه ... الاول جوزي ما كنش بيستوعب الخطط دي بس دلوقتي بقي بيستوعبها بنسبه 30% مثلا والباقي خناق بان ماما مظلومه وانني فاهماها غلط والكلام دا اللي بتقعد تملى دماغه بيه ... وعندي قصص ومغامرات عن حماتي وبناتها ال5 معايا للصبح وخصوصا بناتها ال5 دول افلام ... كل شويه هاحكلكم حاجه....