تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
ربنا يكون فى عونك يا نانو
اما عن الغيرة فحدث ولا حرج
انا حماتى كبيرة يعنى بتاع 65 سنه بس ايه
مسهوكة بشكل ينقط والمشكله انها خلفت زوجى بعد ما قعدت فترة تجيب عيال ويموتو فتخيلو بقى بتحبه اد ايه وبتغير عليه ازاى
لو لقيته قاعد جنبى تيجى فى النص وتقعد وتتكلم فى اى حاجة تشغله
لو خرجنا لازم تخرج معانا مع انها بتتعب من الخروج ولو مجتش تفضل تتصل بزوجى ياللا اتاخرتو ليه
غير الكلام اللى يسم البدن ومن تحت لتحت
وكل شوية تقوله فاكر فلانة ام عيون خضر وشعر اصفر كان نفسى تتجوزها بس اهو نعمل ايه
اقول ايه ولا ايه بس دى اهون حاجة والله
وكله كوم واخواته البنات كوووووم تااااااااااانى
اللهم انى استغفرك لكل ذنب تأملته بنظرى او اصغيت له بأذنى او نطق به لسانى
اللهم انى استغفرك من كل سيئة ارتكبتها فى بياض النهار او سواد الليل وانت ناظر إلى
اللهم انى استغفرك من كل فريضة اوجبتها على فى آناء الليل واطراف النهار تركتها خطأ او عمدا
اللهم انى استغفرك من كل سنه من سنن سيد المرسلين سيدنا محمد صلى الله عليه وسلم تركتها سهوة او غفلة او نسيانا
اللهم انى استغفرك واتوب اليك
اللهم اجعل القرآن الكريم ربيع قلبى وجلاء همى وذهاب حزنى
انا والحمد الله حماتي بعيده يعني انا في الامارات وهيه في فلسطين 000 والبعد احسن وبنضل حبايب من بعيد لبعيد بس وعلى فكرة يانانو حماتك الله يعينك عليها عامليها بمايرضي الله واهم شي ماتخلي جوزك يقطع امه وخواته مقدور عليهم وعامليهم رسمي من بعيد لبعيد احسن ---اريح راسك
هههههههههههههه والله ضحكتوني
صحيح هم يبكي وهم يضحك فعلا الحموات بيغيروا من مرات ابنها تصوروا حماتي بتقول لجوزى ماينامش جنبى وتقولوا نام مع الاولاد عشان تدفيهم اوتقولو اناعيانة تعالى نام جنبى
مش عارفة لما نوصل سنها هنعمل كدة
بصره يا ام سنسن .... بس ولا يهمك ... والله يا رونا دانا عندي قصص تضحك للصبح ... خودو عندكم... اوخر الشتا قبل اللي فات على رأي اليسا استلمتنا مكالمات بعد منتصف الليل كل يوم وراسها والف سيف لاتعرف احنا بنعمل ايه بالتفصيل ولما بنتأخر شويه في الرد على التليفون تبقى جريمه واكيد بنعمل قله ادب... ويبقى العقاب لازم وحتما ولابد ان جوزي يلبس وينزل ويبات عندها كمان لانها تعبانه ومش جايلها نوم من كتر ما بتفكر فيه (والله بتقول كده) ولو مانزلش تبقى كارثه وقلبي وصدري وفشتي والحاجات دي يعني ... طبعا جوزي يقوم يجري جري يلحق امه قبل السر الالهي ما يطلع حسب ما بيصورولوا بناتها وصويت وعياط علشان التمثيليه تتحبك... ويبات هناك جوزي واتفلق انا ... بس على ميين مره عملتها كالعاده وحلفت انا انه ماهو نازل واتصلت بصيدليه العزبي وقولتلهم ان في مريضه عندها مغص كلوي (زي ما قالت) ومحتاجين لها حقنه قويه ضروري... وعنها طبو عليها من غير مايكون عندها علك بيهم وادووها الحقنه ومن ساعتها حرمت تعمل كده تاني .... :-)
ههههههههههه
حلوة ناننى
والله ضحكتونى
انا حماتى كان بيقولو انها طيبة بس هى متوفية قبل جوازى
لكنها كانت تعشق ابنها وقالى جوزى انها لو كانت عايشة كانت هتغير منى لانى خدته منها......الله يرحمها
لكن حماى طيب ,,,, يعنى ماشية
ادعولى بالولادة السهلة
اللهم اني استودعك جنيني يا من لا تضيع ودائعه, اللهم ثبت حملي,اجعله سليم معافى لا زيادة في خلقه ولا نقصان, واجعله صالحا بارا بوالديه وحافظا لكتابك http://tickers.baby-gaga.com/p/dev311pr___.png
ياعيني عليكي يانانو اسمحي لي انت واقعه في مصيده ام وبناتها الخمسه ربنا ينصرك عليهم اما انا حماتي في حالها بس بتحب بناتها اكتر وابنها وبحس اني غريبه عنهم دايما عادي بس براعي ربنا معها وربنا يعطي كل منا جزائه
ابد ابد ابدا الا حماتى مش بتعتبرنى زى بنتها وبس لأ وانا كمان بعتبرها زى أمى لأنها والله ست فى منتهى الطيبه اللى عرفتها فى حياتى نبقى قاعدين انا ومحمد تقولنا اجيب حاجه ساقعه طيب تاكلوا طيب اجيب لكم لبن بتبقي مش عارفه تعمل ايه
وهو عندوا اربع اخوات بنات وهو الولد الوحيد والله مش عارفه اقول بحب واحد فيهم اكتر من التانيه لأنهم كلهم احسن من بعض ربنا مايحرمنى منهم ابدا ابدا ابد
حوبه 
