[أم لوجى و ملك]

صعب تلاقي حماه حقانيه صعب جداااااااااااااااااااا


بصي





أجيبلك م الأخر












مستحيييييييييييييييييييييييييييييييييل تلاقي حماه حقانيه

كلامك صح ميه فى الميه

[أم لوجى و ملك]

برافو ناننو انت ميه ميه

[أم لوجى و ملك]

انا حماتي الشيطان ارحم منها ... شغلها الشاغل بعد كل سنين الجواز دي والخلفه كمان انها تطلقني وساعات بتجيب بنات في اي مناسبه يدلعوا على جوزي علشان يغير رأيه فيا ويتلهي في اللهو معاهم ويحصل بينا مشكله بس الحمد لله جوزي بيحبني ومتمسك بيا ودا بيخليها ابشع ومابتبطلش تفكير في الشر ... الاول كنت بتجنن من اللي بيحصل دا بس بعد كده بقيت اطنش ودا كمان بيجننها اكتر ... ربنا يرحمني منها بقدرته ... على فكره هي لسه صغيره لسه 57 سنه وبتغيير مني جدا ... اضحكم كل ما احط مانيكير لون تقوم تحط زيي وطول النهار تقول اوعي تفتكري انك احلى مني تتصوروا متخيله ان انا ضرتها مش انها زي ماما ... من 4 سنين حكمت على جوزي يوديها المصيف (اصل حمايا متوفي) وهناك جابتله بنت واحده صاحبتها كانت عاوزه تجوزهولها علشان تعمل جو في المصيف والهانم كلمتني من هناك علشان تعرفني بوجودها وتقوم الحريقه ... الاول جوزي ما كنش بيستوعب الخطط دي بس دلوقتي بقي بيستوعبها بنسبه 30% مثلا والباقي خناق بان ماما مظلومه وانني فاهماها غلط والكلام دا اللي بتقعد تملى دماغه بيه ... وعندي قصص ومغامرات عن حماتي وبناتها ال5 معايا للصبح وخصوصا بناتها ال5 دول افلام ... كل شويه هاحكلكم حاجه....

يا نهار اسود يا ناننو الله يكون فى عونك دى ست بشعه والله ربنا يهدها ايه ده
ده انت جبل والله ربنا يقويكى ويعينك عليها ان شاء الله

[ام سيكا]

الحمد لله انا حماتى طيبة وبتحبنى
وادينا مع بعض بقى لنا 5 سنين و مافيش مشاكل
وهى عندها 54 سنة

[ام جنى 2]

بصراحه انا الحمد لله حماتى كويسه معايا جدا وبصراحه بتعاملنى زى بنتها و اكثر و عمرها ما بتدخل ما بينى و ما بين جوزى و انا كمان بحترمها جدا و بعاملها زى ما بعامل مامتى ما بفرقش خالص ما بينهم عاشان هى كمان حنينه اوى عليه و ربنا يهدى كل الحماوات و يهدينا جميعا

[ناننو]

احكلكو عن ايه ولا ايه انا عندي كتاب حكاوي ... خدو دي مثلا يوم كتب الكتاب ورتني الويل ونكدت عليا نكد الدنيا .. اولا صممت تركب معايا عربيه الزفه ومهما حاولنا نفهمها ونقنع فيها انو ماينفعش وان دي للعروسه والعريس بس قعدت تولول وتصوت وراسها والف سيف انها تركب وبعدين حقيقي دا كان اول مره اشوفها على حقيقتها بشعه كده ولما ركبت العربيه قعدت طول الطريق تستفز فيا علشان ازعل وارجع وماروحش الفرح وجوزي عمال يضغط على ايدي علشان ماردش وما ابوظ اليوم ويترجاها تسكت تقوم تسرخ في العربيه وتفتح الباب وعاوزه تنط وتقول للسواق بسريخ نزلني ... جوزي قالي معلش علشان خاطري وبقيت مش عارفه اعمل ايه واكمل ولا لا طيب والمعازيم والناس والفرح ... المهم وصلنا يالسلامه والهوانم كانو بيكملوا مسلسل التطفيش كانو بيلفوا في الجامع بصواني الشيكولاته والعصير اللي عمي كان جايبها (عمي انا هههه) بيلفو على المعازيم ويسألوهم انتو من اهل العروسه ولا العريس ولما يطلعوا المعازيم من اهلي او اصحابي يقوللهم اسفين مش هانديكو الحاجه دي لاهل العريس بس ... والله العظيم ... وبعد كتب الكتاب ما تم واحده من اخواته عملت نفسها مغمي عليها واخدت جوزي يوديها المستشفي

[nona79]

هههههه يا ناننو دول ينفع يتعملهم فيلم ولا يهمك يا عسل المهم زوجك يكون كويس
معاكي وهما ولا تعبريهم
لالالالا مستحيل الي بيعملوه انا قريت تاني ومش عارفة انتي اتحملتي ازاي ربنا معاكي

[أم مريم]

انا بقى حماتى طيبة و الحمد لله و تتمنى لنا الخير كله و كل فلوسها بتصرفها علينا و على ابنها التانى و هو متجوز برضه معندهاش غيرهم و جوزها اتوفى و جوزى عنده سنه ونص و اخوه 3 سنين واترملت عليهم زى ما بيقولوا
بس عيبها الوحيد انها دايماً معتقدة ان اللى هى بتعمله بس هو اللى صح و اى حاجه تانيه لازم تتطلع فيها القطط الفاطسه و تبقى غلط

ده انا جيت فى مرة و طبخت اكله كده من غير ما تتدخل كالعادة عشان تشوفنى بعملها ازاى ( عشان طبعاً لازم تعدل و تخلينى اعملها على مزاجها لأنه طبعاً طريقتى غلط مادامت مش هى نفسها طريقتها)
بس وهى بتاكل سألتنى عاملاها ازاى قلتلها عملاها زى ما بتعمليها بالظبط و قلتلها الطريقة مع انى عملتها بطريقة تانيه خالص و فيه حاجات حتى هى بتحطها انا مش حطاها بس يا سلام عجبتها بشكل و قعدت تشكر فيها و ان معدتها مرتاحه على الاخر

مع انها دايماً معدتها بتتعبها و بترجع علطول و ده عشان ايه ؟ عشان اى حاجاه بسيطه فى الاكل تقول هى اللى تعبتها ولما قلتلها مجرد كلام انى طبخت بطريقتها معدتها استريحت
و غير كده كتير و فى حاجات كتير مش فى الاكل بس

[ام لوجين]

و الله ضحكتوني خالص
بس يرافو يا ام مريم عرفتيها و فهمتي طريقتها
و ناننو برافو هما مش عايزين غير كده الحقنة
انا نصيحتي كل واحدة تعمل حكاية الحقنة دي كل ما حماتها تعمل عيانه و الله تجنن
انا لو حماتي كانت عايشة كنت عملتها فيها الله يرحمها كانت..............زز
الميت لا تجوز عليه غير الرحمة ربنا يسامحها و يغفر لها
انا دلوقتي مامتي اللي قلبت بقت حماتي
جوزي بعد ما امه ما ماتت بالف ماما و كل حاجة يروح يجري يشكيلها لما امي بقت في صفه علطول لما هتجنن
و ده اصعب كتيير من ان حماتك هي اللي تظلمك
ربنا يخليهم لنا الامهات و الحموات هنقول ايه؟

[ناننو]

هاعمل ايه الحاجه ام الاختراع... ربنا يشفيهم

[أم مريم]

انا بقعد كتير افكر لما ابقى حما هعمل ايه ؟
بس دايماً بقول انى لازم ابقى زى مامتهم كلهم و احبهم و ابقى صاحبتهم كمان
لانى عايزه برضه ابقى صاحبة اولادى