[ام ترنيم]

السلام عليكم فتوكاتى الاعزاء

انا طالبة منكم طلب نظرا لغلاء الاسعار فى كل شىء و مع قرب قدوم شم النسيم

ممكن فتوكة من الفتوكات الجميلات تقوللى على طريقة عمل الفسيخ فى البيت وتكون سهلة و سريعة و متجربة

و كل عيد ربيع و انتم طيبين

[كوووكووو]

انا اقولك علي الطريقه ماما بتعمله وبيطلع جميل وبيبقي نضيف من غير
شمس ولا ميه سخنه ولا حاجات من اللي بتجيب الامراض اول حاجه تجيبي سمك بوري بس يكون مش رفيع يكون تخين وبعد كده تغسليه بميه عاديه وبعدين تحطيه في مصفاه يصفي ميته لمده خمس او ست ساعات بعد كده تجيبي (ملح خشن وشطه حمرا ناشفه) واخلطيهم علي بعض وتكون الشطه اقل طبعا من الملح بكتير يعني 3 او 4 ملاعق شطه وبعدين احشي راسه كويس جدا جدا وتجيبي كيس نضيف وتحطي في ارضيته راقة ملح بالشطه وترصي السمك عليه وبين كل طبقة سمك وسمك تحطي ملح بالشطه زي تمليح السردين واقفلي علي الكيس كويس وحطيه جوه حله وغطيه بعد يومين هيطلع ريحه مش لطيفه اوي بس متقلقيش منها عشان كده من الافضل انك تحطيه في البالكونه وافتحي عليه بعد 10 ايام وهتلاقيه فسيخ ان شاء الله وانقليه في التلاجه عشان يتحفظ وبالف هنا وشفا.

[سهام المحلاوى]

انا بغسله كويس من اول الخرشوم لحد اخر السمكة وطبعا بيكون بورى وبعدين بتجيبى ملح خشن وتعبى الخرشوم كويس وترصى فى علبة بلاستيك بغطا محم كويس وبعد 3ايام بفتح عليه بيكون اتنفخ شوية بغسله تانى واطلع الهوا اللى موجود فى بطنه واعمل ملح جديد فى الخرشوم برده وتعبيه تانى فى العلبة وتغطى كويس وبعد اسبوع تاكلى بالهنا والشفا

[اهداب]

الله عليكم طرق حلوه كتير

انا بموت في الفسيخ

[ام الاولاد]

تسلم الايادى على الطرق المفيدة

[فلاحى اسكندرية]

بس كدة يدود يا بنات انا سمعت ان لازم يتحطله كركم او حلبة مش فاكرة وبعدين حاولوا تزودوا الملح اوى عشان مايخليهوش يدود وبعدين انا سمعت ان لازم يتحشى بالملح من الراس لغاية البطن من جوة كانك بتحشى عصبان او ممبار على قد ماتقدرى تدخلى جوا البطن

انا حجرب واقولكم يا بنات ربنا معاكم ومعايا لانى بموت فى الفسيخ وطبعا الكيلو ب 50 و60 جنيه فا يبقى خراب بيوت وخصوصا انى بحبه على طول يعنى مرتين فى الشهر والميزانية تروح فى داهية ههههههههههههههه

فى انتظار تجاربكم انا حجيب 3 سمكات وكل سمكة حعملها بطريقة مختلفة واشوف انهى طريقة فيهم حتنجح واقولكم ونبقى نعمل كميات ماهو اصله ادمان ههههههههههه

[رغد 555]

طب والله كويس يسلم اديكووووون ياستات البيوت

[nana19]

السلام عليكم ورحمة اللة
طريقة عمل الفسيخ سهلة جدا
1-حاولى تشترى سمك بورى طازج انا بصراحة اشترتة من ابوقير بالاسكندرية وكان لسة من البحر

2-اتركى السمك فى الشمس امدة ساعتين مع التقلب من الى اخر

3-بعد ذلك تكونى م حضرة ملح ومعلقة شطة ومعلقة صغيرة زيت

وكل دة مع بعضة
وع
4-وبعدذلك تخشى الخياشيم فقط.

5-وبعدذلك يرص السمك في كيس نظيف .......ويترك لمدة اسبوعين.......مع التقلب يوما

والهنا والشفا
ومع وصفات (nana19(

[دودا 2009]

انا باعملة رائع ادخلي علي وصفات الطبخ موجودة بس خلي بالك في الصيف تمليحة 5 ايام كفاية والف هنا

[noorelmasry]

انا اقولك علي الطريقه ماما بتعمله وبيطلع جميل وبيبقي نضيف من غير
شمس ولا ميه سخنه ولا حاجات من اللي بتجيب الامراض اول حاجه تجيبي سمك بوري بس يكون مش رفيع يكون تخين وبعد كده تغسليه بميه عاديه وبعدين تحطيه في مصفاه يصفي ميته لمده خمس او ست ساعات بعد كده تجيبي (ملح خشن وشطه حمرا ناشفه) واخلطيهم علي بعض وتكون الشطه اقل طبعا من الملح بكتير يعني 3 او 4 ملاعق شطه وبعدين احشي راسه كويس جدا جدا وتجيبي كيس نضيف وتحطي في ارضيته راقة ملح بالشطه وترصي السمك عليه وبين كل طبقة سمك وسمك تحطي ملح بالشطه زي تمليح السردين واقفلي علي الكيس كويس وحطيه جوه حله وغطيه بعد يومين هيطلع ريحه مش لطيفه اوي بس متقلقيش منها عشان كده من الافضل انك تحطيه في البالكونه وافتحي عليه بعد 10 ايام وهتلاقيه فسيخ ان شاء الله وانقليه في التلاجه عشان يتحفظ وبالف هنا وشفا.

انا بعمله بنفس طريقة كوووكووو