|
الدنيا من غير ام حالها يغم
امى ثم امى حياتى وروحى وقلبى وعمرى ونور عنيا فدا تراب رجليها بس بعد اية انا لو وقفت فوق راسى مش حترجع تانى خلاص راحت للى خلقها اللى احسن منى ومنكم بعد ما ماتت بين اديا بعد ما وقفت على غسلها وغسلتها بدل مهى اللى تقف جانبى وانا فى الكوشة كانت دايما تقول انها مش حتشوفنى وانا عروسة لغية الساعة اللى ماتت فيها وكان عندى وقتها 18 سنة كانت بتقول كدة وصلتها قبرها ومثواها الاخير بدل متوصلنى لباب بيتى بروح ازورها وانا نفسى كانت تخبط على باب بيتى وهى شايلة ومحملة لبنتها الوحيدة واقولها انت تاعبة نفسك لية يامامتى زى مكنت بقولها وتشيل ولادى واقولها ياماما انا اتخطبت لأحمد ابن اخوكى وخلاص قربنا نتجوز بس خلاص هى مش هنا ومش جانبى وبطلت ادلع عليها علشان كدة بقول لكل بنات وستات المنتدى ألا ألأم امك تحطيها فوق دماغك امك قبل ولادك قبل جوزك قبل نفسك للأنك مش حتحسى بقيمتها الكبيرة غير بعد.................. اعزرونى دموعى غلبتنى بس خلو حكايتى حلقة فى ودانكم لغايةاخر العمر واسالكم الفاتحة لأمى وأبويا الغاليين وجميع اموات المسلمين اعتزر للأطالة بس صدقونى اى ام تستاهل اكتر من الكلام دة بكتير وبردو مش حيكفى مش أمى بس ارجو التثبيت من الادارة وجزاكم الله كل خير
التعديل الأخير تم بواسطة : بوبة الاروبة بتاريخ 12-4-2008 الساعة 06:41 ص.
|
