[همسة قلب]

ارجوكي قوليلي اعمل ايه انا متخنقه معاهم وخايفة ارجع البيت خايفة قوي خايفة مووووت

[نهاد2]

حقيقي انا شاعرة بشعورك ولكن عشان نساعدك محتاجة منك تحديد مشكلتك بالضبط واعتبريني من النهاردة صديقتك الوفية وربنا يعيني واستطيع مساعدتك

[همسة قلب]

اتفقنا يانهاد منحرمش منك يارب

[reda mohamed]

بصى يا رحاب أنا كنت أكتر منك لحد ما خرجت للعمل بدأت أتكلم مع الناس ويحدث مواقف أتعلمت منها كتير المهم لما يحصل موقف ألى جواكى قواليه ما يهميكيش حد .. علشان لو كتمتى ألى جواكى حتصيبى بإحباط وتأنبى نفسك وتقولى أنا ما معملتش كده ليه .. أتكلمى فى وقتها هو يعنى حيصل إيه الدنيا مش هتنهد
وبعدين المؤمن القوى عند ربنا خير من المؤمن الضعيف وربنا يثبتك على طريق الصواب ... وإحنا كلنا أخواتك يا رحاب

[مدام ياسر]

حبيبتى انا حسة بيكى انا مع ام مهند فى كلامها انتى محتاجة للثقة بنفسك اكتر.......
ورايى برده زى مدام ديدى فعلا الزمن جدير انه يغير اى حد...
ربنا معاكى يا حبيبتى وكلنا هنا اخواتك واصدقائك على فكرة انا مش كان ليا اصدقاء خالص انا كمان بس فى المنتدى هنا لقيت اكتر من الصداقة ربنا يخليلنا المنتدى الجميل دة ويخلينا لبعض يااااااااااااااااااااااااااااااااارب

[nayraaaa]

kone waska fe nafsek aktr w tarkezk 23la m3 ay 7ad tetklme m3ah law rdod f3lek mosh sare3a askote w fakre w 7le al mawkf haykon nategto a7san la2no mosh hakon fe sa3t 3´dab w m3 al wa2t w al tagarob hatob2a rad al f3l telka2e w fe makano sa7 w rabna ywfa2k isa

[نوران الاسمر]

انا كمان زيك با الظبط وحاسة بشعورك قوي وكتبت عن نفس
الموضوع بعنوان انا ليه دايما خايفة وعلي فكرة قريت ردود
هزتني قوي وخلتني انتبه لحاجات انا مكنتش شايفها ومن احلي
الردود ديه رد ام الطيب خلتني قريت حاجة مهمة في شخصيتي
حاجة جميلة قوي غيرت مني حاجات كتير ابقي قريها
واكيد هية هاترد عليكي هنا في اي وقت رائيها مقنع وبتعرف
ايه اللي انتي بدوري عليه
مع الاعتذار طبعا لكل اللي قدمولي رايهم بس بصراحة ردها عجبني قوي
معلهش بقي يا جماعة اصلي بدور علي ضهر ليه هنا في المنتدي

[نوران الاسمر]

علي فكرة يا رحاب لو عايزة تراسلي حد علي الخاص
عندك فوق لوحة التحكم دوسي عليها وبعدين علي الرسائل الخاصة
وبعدين ارسال رسالة وبس في اسهل من كده
وطمننننننننننييييييا عليكي دايما يا ريري

[goaerea]

بصى يا حبيبتى الانسان الضعيف مالوش مكان و لا يقدر يعمل اى حاجة فى لدنيا دى لازم تكونى قوية و قوية جدا اااااااااااااااا و انا دايما كانو بيقولو عليا قوية من و انا صغيرة و ردودى قوية بس كمان سدقينى دة مش كافى و الاهم من القوة انك تكونى حقنية مع كل الناس حتى لو عدو ليكى سدقينى دة كمان بيزود احترام الناس و تقدرهم ليكى انا كمان الى زودنى قوة الغربة خلتنى مش قوية لا زى الحديد الصلب و سدقينى لازم تكونى قوية صادقة مع نفسك و مع الاخرين و تيدة كل شىء حقة و كل انسان و بالتدريج و افتكرى الضعيف مالوش مكاااااااااااااااااااااااااااااااااااااااااااااااا ااان و مش علشانك انتى بس علشان اولادك لو كان عندك اولاد لازم يشوفو امهم قوية الام الضعيفة مبتربيش اولادها و بيطلعة بايزين لازم تقوة علشانك انتى و اولادك و حياتك كلها تبقى صح

[همسة قلب]

يارب وشكرا لمروكم وكلامكم معايا اللي خلاني احس اني لسه موجوده ؟

[om yoyo]

لا حول و لا قوة الا بالله العلي العظيم ابدئي بها علول قبل ما تكلمي في اي شئ
بص يا رحاب يا حبيبتي الناس اتغيرت كتير كل يوم بيمر علينا بتتغير فية حاجات كثيرة في صفاتنا علشان الظروف اللي بتمر طبعا علينا كلنا
فكلنا اصبحنا مندفعين في ردودنا علي بعض ووضع طبيعي ان الاندفاع بيؤدي الي غلط ومن الممكن ياحبيبي انك بتلاقي رد فعل معاكس من امامك فانت بتحسي انك انت اللي بتغلطي مش اللي امامك هو اللي بيغلط فهماني يا قمر اقصد ايه؟
انت بكلامك دة حسيت انك انسانة رقيقة المشاعر بس خجولة و الخجل مش بينفع حاليا ارجوكي استمدي قوتك بنفسك بعزيمتك انت حطي هدف اودامك انك عايزة تغيري من شخصيتك و انت اكيد هتتغيري فعلا بس الثقة الثقة في كل شئ
نبرة صوتك وضحيها ارفعي راسك امامك حتي مشيتك ضحكتك خلي فيها ثقة وواظبي علي صلاتك اكيد هتتغيريييييييييييي كتتتتييييييييييير



معلش طولت عليكي بس يارب اكون قدرت افيدك بشئ

[أميرتى يمنى]

تعرفى انا زيك برضه على طول لوحدى لانى بخاف من الناس ومن الاختلاط معاهم
عشان انا عارفه انى مش هاقدر ارد عليهم الابالدموع
ربنا يقوينا لاننا فى زمن صعب قوى وياريت نتكلم على الخاص ونبقى اصحاب وانا يشرفنى صداقتك قوى

[ضحي *]

يا حبيبتي أنتي بتقولي خايفة أتكلم لأحسن أغلط وأمال حتتعلمي أذاي لما كنتي صغيرة كنتي بتسحفي وقعدتي تقعي كتير لحد ما أتعلمتي المشي كل غلط بتغلطيه ده مكسب ليكي لأنك حتتعلمي متعملهوش تاني ويبقي عندك خبرة في الحياة أهم حاجة أن الغلط ميكونشي من النوع الصعب

[ميرفت ام احمد]

ياهمسة القلب فى نصيحة سيكولوجية بالنسبة لمشكلتك هاتى اى كتاب واحفظى منه اى مقطع وقفىقدام المراية وسمعيها لنفسك وكمان اتخيلى مواقف مع اى حد واتخيلى ردك هيكون اية فى الموقف ده وترجمى تخيللك ده لدراما انتى تنطقيها بصوت مسموع مع نفسك
ملحوظة اوعى تخللى حد يسمعك وانتى بتتكلمى مع نفسك
واكتبى محادثات بينك وبين اى شخص ومثليها مع نفسك
واهم شىء ارضى باللى ربنا قسمهوللك هتلاقى نفسك تلقائى سعيدة