[ريحان]

ما معنى الحب بالنسبة للبنت الحب من وجهة نظرى ليس كلمة بل هو عطف وحنان صدق وطيبة فرح امل لاكن عندما تتحول هذة الاشياء للعكس تتحول كل هذة المعانى لكلمة واحدة ( الم ) تعالوا دردشة عن الحب كل واحدة تحكى قصة عن الحب والالم لنستفيد مع بعض مشكلة مع الحبيب مع الخطيب مع الزوج حب من طرف واحد
انا كمثال كنت في يوم من الايام اعيش فى الخيال احلم بشخص نعيش انا وهو زوجان فى حياة وردية رسمت البداية ولم اتخيل النهاية
يالا بينا نفضفض ونرد على بعض اتمنى ان يكون موضوع جميل ومحبوب بالنسبة ليكو مع حبى ( عود الريحان الدبلان )

[ملايكة]

هاى يا عود الريحان انا طبعا بشركك على موضوعك رغم انى انا عاملة موضوع عنة باسم ساسووو المهم انا قصتى غريبة وملهاش حل انا حبيت شاب هو محترم جدا و المهم عشنا مع بعض اجمل واحلى حب و دخل البيت وبابا رفض بعدها كل حاجة اتحولت لالم و رجعنا تانى كوسين بس هو ابتدى يعمل حاجات غريبة مش هو اللى تحصل منة يعنى خيانة و تقل و يقفل موبايلة بقالة بتاع شهر ومابقتش حاسة انى فى انسان فى حياتى بجد لو دخلتى على موضوع انا كتبت قصتى فية بعنوان (اعمل اية فى موضوع زى دة)هتعرفى كل حاجة

[أمولة]

الحمدالله ملايكه انوا سبتيه والله يبعت لكل البنات الي يستاهلها

[ريحان]

انا اسفة ياساسووو انا حبيت ان الكل يشارك معاية فى المشاكل الى مرات بيها مع 3 خطوبات ولم اخطار فيها واحد وتعاملت معاهم بمعاملة حسنة لكى ارضى الله وحاول التقرب لكل منهم ( اول شخص كان يريدنى كانسانة على خلق وجميلة تجلس فى المنزل وهو يشوف حالة خارج المنزل - والتانى كنت بشوفة اسبوع فى الشهر لظروف عملة كلامة معاية كان ذى الطوب ووالدتة ربنا ما يوركى وهو مابيردش والبخل ياسلام - والثالث خطبنى وسبنى وسافر وبدئت التليفونات تقل بعد الشهر الاول من السافر كل حاجة قولى لماما شعورك بان الشخص لاى امام مهمل فيكى اتصال كلام معامل باستمرار مخنوق فايتصل بية حماتى ادخلت فى كل حاجة حتى الشقة والعفش والفستان ولما قلت حقى انى اختار حاجتى بقيت غلطانة المهم بدء فى تاجيل المعاد شهر فى شهرين بحاجج محدش يصدقه وبعد سنة ونصف من المشاكل مع حماتى وهو مش موجود انقطع عن الاتصال فى وقت تحضيري للفرح وعاوز يأجل سنة كمان بحاجت الفلوس اسرقت وساب الشغل والمفروض انى اوافق وستنى سنة كمان فى المشاكل وانا لوحدى ده يرضى حد مستنى الرد انا خلاص عندى احساس بالفشل وعدم الصقة فى اى شخص مافيش حاجة اسمها حب الرومانسية الى كنت عايشة فيها خلاص قلبى اصبح ميت لا ينبض الا لكى اعيش
حسبى الله ونعم الوكيل

[نادو]

هو ياريحانه خطيبك ده معندوش بابا يعنى دوره ايه فى كل ده
المفروض اتصلى انتى واعرفى هو اخره ايه علشان مضيعيش سنه من عمرك تانى
وعلى فكره فى شباب وناس كويسين كتر اوعى تفقيدى الثقه
حاجه مهمه كمان لازم تستخيرى ربنا فى هذا الامر وللى عيعمله ربنا هيكون خير باذن الله
وربنا يوفقك باذن الله

[ورده الحب الصافى]

اولا شكرا يا لولو على الموضوع الجامد ده
على فكره يا جماعه أنا وريحان زملاء فى الشغل ومعشراها بقالى 3 سنين وظروفنا احنا اللى اتنين تقريبا واحد
يعنى هى اتخطبت 3 مرات وانا كمان بس فى فرق بينى وبينها هى شايفه ان الدنيا وقفت كده خلاص وان مافيش حاجه اسمها حب
بس لأ الحب موجود بدليل انك بتحبى مش مهم هو يحبك بس انتى بتحبى وبتخلصى فى حبك ده أذن الحب موجود
وبالنسبه لعدم الثقه هى طيبه وبتشوف كل الناس طيبين زيها وبتتعامل على الأساس ده وده مش صح لأن اللى قدامك بعد كده بيغدر فا تتصدمى
أنا عن نفسي بفترض دايما سوء النيه وبتعامل على الأساس ده لحد ما اللى قدامى بثبت لى العكس وساعتها مش هبقى مصدومه فيه
وده من كتر الناس الغداره اللى شوفتها
أنا أصلى أتغدر بيا كتيييييييييييييييييييييييييييييييييييييييييييير قوى
أتعلمت بقى

[رانيه]

ما في بعدالاستخاره في متل هاي المواضيع وكل انسان بياخد نصيبه والدنيا مش حتقف عن كده عيشي حياتك كوني سعيده دائما الله يختار الصالح للبشر يعني عمرها السعاده ما تكون في شي معين الله وحده اعلم

[عطر الحياة]

ريحان لكل واحد نصيبو في الدنيا وانت اكيد نصيبك بعد ما اجى و اصبري ان الله مع الصابرين
ويارب تاخدي ابن الحلال لبيستهلك

[نوران الاسمر]

ريحان في للاسف اللاف الحكايات زيك باالظبط
ولكن منهم اللي بيقدر يتغلب علي كل الامور دي
ويقف تاني علي رجليه وطول ماانتي مع ربنا
مش ها يخزلك ابدا انا واثقة
يا جبل ما يهزك ريح
انتي يقي ريحان يا باشا
عطرتي المنتدي يا جميل

[ريحان]

مرسى ليكم ياجماعة على الرد الجميل ووقفكم جانبى وهتمامكم بية والرد علية
نوران الاسمر شكرا ياقمر على الرد الجميل على فكرة انا دايما فعلا بفترض حسن النية طول ماانا نيتى كويسة وعندى ثقة فى كل الناس وبتعامل مع الكل معاملة واحدة ( ان بعد الظن اثم ) لاكن بتحصل معاية مشاكل كتير هى الطيبة فى الزمن ده خلاص كمان مش كفاية الرومانسية على العموم ربنا معاية يحماينى ويعوضنى
قدر الله وما شاء فعل

[نوران الاسمر]

ايييييييووووة كده
انتتتتتتتتتتتتتتتتتتتتتتتتتتتتتتتتتتتييييييي
الاقوووووووووووووووووووووىىىىىىى

[ريحان]

شكرا ليكى نوران على الرد الجميل ومرسى لكل المشاركات الجميل ده انا سعيدة بيكو جدا ويارب الكل يشوف الموضوع ويفضفض معانا

[semsema40]

الحب بالنسبالى هو حب بمعنى الكلمة وكل معانيها

[hana]

الحب بالنسبالى هوأجمل ما فى الحياة كلمة طيبة معاملة حسنه صدق ووفاء وإخلاص وإحترام

مشكووورةعلى موضوعك الرائع

[ريحان]

شكرا ليكى hana على كل الكلام الرقيق ايو كده خلونى احس ان الحب لسه موجود بين الناس يارب يفضل على طول

[أم مريم]

الحب طبعاً لسه موجود بس احنا اللى ساعات مش بنشوفه و ممكن يكون قدامنا
ومش كل الناس زى بعضها و مش كل قصص الحب فاشله
الدنيا فيها أبيض و اسود
لازم نتعامل معاها على الاساس ده