[غاده الصايغ]

معرفش كام في الميه
بس يكفنبي اني بعتبره نفسي اللي بتنفسه
وروحي اللي عايشه بيها

[om_jana]

الواحد ميقدرش يحدد بأرقام ولحد دلوقتى مش عارفة اوصف حبى لية احيانا كتيررررررررر بحبة اكتر من نفسىوياااااااارب يخلية هو وبنوتى جزاكى الله كل خير

[walaa_lolo_10]

بحبه لدرجة الجنون بعشقة بحس انى بتنفس الهوا اللى بيتنفسه ومفيش حدود ولا ارقام توصف حبى لية ربنا يخليه ليا هو نور عينى وحبيبى وحياتى كلها

[ام دومى]

انا بقى عايزة اقول حاجة يعنى تفسير كدة لكلمة الحب ... لو كان الحب اللى هوا المقصود بيه زى الاغانى و الافلام كده يعنى الشوق و العذاب وسهر الليالى و القلب يدق جاااااااامد لما تشوفيه ويشغل فكرك ال 24 ساعه و الهيااااااام و ام كلثوم و عبد الحليم حافظ يبقى بحب جوزى و خصوصا انى متجوزة من 4 سنين مش الشهر اللى فات يعنى يبقى 50 فى المية ...... لكن لو كان قصدكم بكلمة الحب .. اللى هوا التفاهم و احساسك مع جوزك بالامان و المودة و العشرة الطيبة و انه الصدر الحنون اللى بترتاحى عنده و الثقة والاحترام المتبادل و انه الاب المثالى لاولادك و الابن البار باهله و اهلك ... يبقى بحب جوزى مليوووووووون مليوووووووون بالميه ... ياريت تكونوا فهمتوا قصدى انا مش بعمل فيها الست الفيلسوفه و لا حاجه ههههههه...بس فعلا ده احساسى .. الواحده بعد اول كام شهر من الجواز و بعد الحماس و اللهفة يكونوا قلوا من جانبك و برده اكيد من جانبه بحكم التعود و العشرة و انه يعنى غصب عنك بقى عادى و اكتشفتى انه راجل زى اى راجل بيتعصب و بيمل و بيغضب و انه مش السوبر مان و لا ليوناردو دى كابريو فى تيتانيك و لا عمر الشريف فى النهر الخالد و لا كل الاوهام اللى بنعيشها قبل الجواز و الهبل ده اللى انتوا عارفينه هههههههههههه ..اينعم احنا بنتصدم انه مش الراجل اللى كل مناه يلمس ايدك و لا بيصبحك و يمسيك بورده و لا بيسمعك كام بيت شعر كتبهم فى جمال عينيكى لكن برده بتلاقى بعد الجواز و التعود حب بس من نوع تانى بس و الله حب حلو برده ... بتلاقى الامان و الصدر الحنين ... بتلاقى اللى بيصحيكى الفجر عشان تصلوا جماعه و يؤمك فى الصلاه و تقروا ورد من القران مع بعض و بعد ما ياكل من ايدك يقدر تعبك فى المطبخ و يقولك تسلم ايدك و ربنا يخليكى ليا و مش بيستحمل عليكى حاجه لو حس انك تعبانه و .. و... و........ حاجات كتييييييييييير لو انتى انسانه ايجابيه و بتبصى للنصف الممتلىء من الكوب و مش ناكرة للجميل هتلاقيها فى جوزك راجعوا كده كل المواقف الحلووووووووة الحلوة بسسسسسسس ..هه فاهمين.. بلاش الحاجات الوحشه اللى بنخزنها جوانا دى و بتكدر علينا حياتنا انسوها و امسحوها كانها محصلتش و ركزوا بس على( الحلو و المواقف الجميلة )اللى جوزك عملها من ساعة ما اتجوزتوا هتلاقى ..... ان جوزك ده احلى و اجمل و ارق راجل فى الدنيا و انك و الله بتعشقى بس التراب اللى بيمشى عليه و انك مش هتستحملى لو حصله حاجة لا قدر الله و ان حياتك قبله كانت اوهاااااااااام و انه هوا اللى خلى لحياتك طعم و معنى ...لو كل واحدة فكرت كده هتلاقى حتى الحماس و اللهفة واحاسيس المراهقة الجميلة رجعتلها تانى فى شخص جوزها الحبيب و على فكرة قلبك هيدق تانى و جاااااااااااااااااامد اول ما هيلمس ايدك جربوا كده .. انا شخصيا جربت .... الكلام ليكى انتى كمان يا انوسه فكرى زى ما قولتلك و بعد كده مش هتلاقى ان جوزك بتحبيه عادى هتحسى باذن الله ان بتعشقيه.. و يا جماعه اخر حاجة كل و احده تدعى فى صلاتها ان ربنا يحببها فى جوزها و يحببه فيها و انا اسفة انى طولت عليكم بس انا بقول كده لكل صحباتى و انتم فى غلاوتهم ... بحبكم فى الله

[ام جنة]

الحقيقة مش عارفة اقول اية بعد كل الكلام الجميل ده المهم ان الحب بتاع الافلام زى ما بتقول ام دومى بيكبر ويزيد بعد الزواج لما تحسى انك مستغنيه عن الدنيا كلها بيه وانك مش حمله هم حاجه لانه معاكى يعنى هو سندك وربنا يخللنا كلنا ازواجنا

[EMO]

بالنسبه لى انا بحس انى اخذت كل الحب اللى موجود فى الدنيا
علشان احبه لجوزى وهو بصراحه يستاهل اكتر من كده بكتير
ربنا يسعده ويخليهولى اللهم آمين

[m.moon]

شكرا لمروركم الكريم جميعا
اما بخصوص كلامك ام دومى ونعم الكلام انت جبتى من الآخر كده زى ما بيقولوا تسلمى ما شاء الله عليك ونعم الزوجة

[مروة الدميري]

بحب جوزى قد الدنيا بحالها بس يارب يطلع بيحبنى ربع ما بحبه

[همسات حائره]

انا قرأت جميع الردود
ربنا يخليلكوا ازواجكم ويبارك لكم فيهم
صلوا على النبى
عليه الصلاه والسلام
انا اتحدى الجميع والعالم كله
مفيش واحده بتحب زوجها ولو
0.000000000001%
من حبى انا لزوجى
والكون واللى فيه والمجرات كلها واللى فيها ميجيش حاجه فى حبى لزوجى وابنى
ربنا يخليهم لى ويحفظهم من كل سؤ ويبارك لى فيهم ويبعد عننا الحساد
شوفوا بقى انا بحبه قد ايه
فعلا صدق رسول الله صلى الله عليه وسلم فى قوله(فيما معنى الحديث)" لوكنت امراً احداً ان يسجد لغير الله لأمرت المرأه ان تسجد لزوجها"
معلش انا مش متأكده من نص الحديث بس ده فيما معناه
محدش يحسد
قولوا ماشاء الله
وعلى فكره كل وحده بتحب زوجها واتحدى الجميع
كل وحده تدور جواها هتلاقيها بتحب زوجها
وتحدى

[مدام ساره]

انا اصلا معرفتش يعني ايه حب الا علي ايده هوه كل حاجه في حياتي هوه دنيتي حبي ليه ميتوصفش انا بحبه قد السما والبحر والنجوم وكل حاجه في الدنيا وبرده مش كفايه عليه كفايه انه ابوا بنتي حبيتي حبيبه ربنا يخليهم لي هما الاتنين انا بحبه 10000000000000000000000000000000000000000000000000 00000000000000000000000000000000000000000000000000 00%