[امل حياتي]

انا علي فكره كنت مهتمه بالولاد والبيت جدا وفجاءه بدات احس باهمالي لنفسي وبدات اهتم بروحي شويه الوضع ده ضايق جوزي جدا وبدا يختلق لي الخناقات ويقولي انت بتهتمي بنفسك عشان نفسك مش لي ومش عارفه ارجع تاني اهمل روحي اتعودت اكون مهندمه الان وخايفه اجر علي روحي مشاكل كتير من كده ويتضايق جدا لو حد شافني واثني علي وعلي اني مازلت صغيره مش عارفه اعمل ايه في انتظار ردكم اخواتي

[rehab]

بيغيييييييييييييييييييييييييير
في رجاله كتييير كده بس أنتي نوع الهندمه أزاي يعني مش بتبقي في البيت ووتمكيجي وتلبسي حلو ولا لما بتخرجي

[غاده الصايغ]

لا يا امل متزعليش ولا حاجه اهم ما في الموضوع انك تهتمي بنفسك لكن اوعي امام ده تهملي في البيت والاولاد لان الرجل لو اتعود علي حاجه معينه مش ممكن تتغير بسهوله وانتي اهم حاجه تعمليه انك قبل مايجي من الشغل تكون كل حاجه تمام البيت والاولاد والاكل وانتي كمان اما حكاية زعله لما اي حد بيثني عليك لازم يكون ردك عليه اني حلوه كده وصغيره لأهتمام جوزي بي حبه لي وسعدتي معها كدا هو هيحس انه سبب حلوتيك دي ياقمر

[رانيه]

كلام غاده عين العقل

[اسماء ام عمر]

اختي في الله. اهم حاجه طبعا رضا زوجك، وبشطارتك حاولي بقدر الامكان التوفيق بين البيت والاولاد والزوج واهتمامك بنفسك وحاولي تحسسيه ان التغيير ده عشانه, من باب التغيير وتجديد الحب واستعادة الذكريات الجميله واثبتي ده بانك تهتمي بنفسك في البيت كأنك خارجه وأكتر. ومعلش هتتعبي شويه عشان ترضي جميع الأطراف... لكن هم الأمهات كده امال ربنا كرمهم وامرنا ببرهم ليه؟؟؟؟؟؟؟؟؟
ربنا يهدي سرك ويصلحلك الأحوال ويهديلك زوجك وأولادك ويقر عينك بيهم

[عطر الحياة]

انا مع كلام ام عمر و الأحسن انك تاخدي بنصيحتها

[semsema40]

والله كلام الفتكوات صح خالى بالك من اللاولاد قبل مايرجع جوزك من الشغل لابسيهم نضيف وحميهم ونظفى البيت واعملى الأكل وقبل مايجيى بنص ساعة هاندمى فى نفسك بس بعد كل شئ لما يبقى تمام اوكى وان شاءء الله مش هايجيب مشاكل ولما تعدى معاه قاعدة كدة رومانسية فاهمية انك بتعملى كدة معاه عشان بتحبية هو وبتردى هو وبس وانك بتحبية بس بعد متعملى اللى قولتهولك انك تهتمى بالاولاد والبيت لما يلاقى التغير دة اعملى حفلة صغيرة ييبقى فيها انتى وهو وبس بين الشموع والموسيقى الهادية اوى اوكى صدقينى هايتغير معاكى

[امل حياتي]

حبايبي الف مليون شكر علي نصايحكم الغاليه بحبكم في الله وسافعل ماقلتم لي عليه وانا الان اشعر ان لي اخوات كثيره بكم اشكركم من صميم قلبي وفقكم الله للخير دائما

[فرحه]

انا مع الاخوات فى كل اللى قالوه لازم توفقى بينك وبين بيتك وولادك ومتطلبات جوزك وفعلا زى رحاب ما قالت جوزك بيغيييييييييييييييييييير وده دليل على انه يحبك وربنا يهدى سرك ويسعدك

[أمولة]

والله وانا معهم ---------

[ريري]

بصى يا لموله يا قمر ..اهم شىء انك تنظمى وقتك ..
يعنى لما جوزك يروح شغله تبدأى بتنظيف البيت وترتيبه ،وتعملى الغدا ،واذا كنت هاتحمى الاولاد او تغديهم يكون كل ده قبل ما ييجى جوزك
وتظبطى ميعاد حمامك قبل ما ييجى بفتره كافيه علشان يكون فى وقت تعملى ميكاب وتدهنى جسمك بالكريمات ،واذا كان عندك وقت فاضى ممكن تقعدى على النت او تعملى اى حاجه بتحبيها
واهمية تنظيم وقتك انك تعطى كل ذى حق حقه ..وحاولى تكونى متفرغه وفاضيه لجوزك ومهتميه بيه على الاخر ..علشان ما يكون حاسس بفراغ وانت معاه
وربنا يبارك لك فيهم

[reda mohamed]

هو بعد كل الكلام الحلو ده الواحد حيقول إيه
أرضى زوجك أهم حاجة وبعدين الأولاد والبيت مقدور عليهم

[shosho90]

انا مع كل فتكات الحلوين فى الراى

[نادو]

بصى مفيش كلاام بعد اللى قالوة الفتكوات اللى قابلى

[أم لوجى و ملك]

اعتقد ان دى غيره زائده
بس انت من الواضح ان اهتمامك ده بره البيت لانه بيقولك ان ده مش ليه انا
وهو هنا عنده حق اخرجى من بيتك بدون مكياج وبملابس محتشمه وافعلى ما شئت داخل بيتك وده لن يضايقه ابدا

[rookaaa20]

انا مع غاده وام لوجى وملك بصراحة كلامهم صح

[ريحان]

الى اختى امل حياتى ممكن اكون لسه بنت لاكن نصيحة منى الرجل عموما طفل صغير يريد الاهتمام بيه مثل الاطفال حولى انك تحسسية بان التغير ده عشانة وانك عوزة تعملى عشانة كل حاجة هايحبك اكتر واكتر يارب يكرمك ويهدى حياتك

[مدام ديدى]

بصى ياقمره انا مريت بالكلام ده لان زوجى غيور جدا وكان رد فعلى انى
اهملت نفسى علشان احسسه بالثقه من ناحيتى طبعا انا غلطت متعمليش زيى
وكلام الاخوات كله صحيح وخصوصا ريرى وام ملك ياليتنى كنت صادفت مثلهن فى بدايه حياتى

[امل حياتي]

حاضر ياحبايبي ربنا يخليكم لي وانا فعلا قعدت معه وقلت له اني بعمل كده علشانه هو وعلي فكره انا غيرت من نفسي في البيت بس لكن بخرج عاديه جدا هو اللي تاعبه في كل الموضوع اني بدات الون شعري وصراحه غير شكلي خالص وبقي منظره ملفت اوي وعشان كده زاد اهتمامي اكتر لما حسيت اني شكلي اصبح احسن من سابق فهو كان بيقول انت فرحانه بنفسك وعامله كده لنفسك عشان حسيتي انك بقيتي احلي وان الست بعد مايكون لها ولاد مش بتهتم بنفسها وانت كنتي كده فايه التغيير ده بقي فهمتوني لكن انا صراحه فرحانه بنفسي كده بس وندمانه علي الوقت اللي فات وانا مبهدله نفسي وماكنش ورايا غير البيت والولاد وهو بس لكن امل دي كنت ركناها خالص والان حبيتها وعرفت ان ليها حقوق زيهم بالضبط صح ولا انا غلط

[اصون كرامتى قبل حبى]

[quote=امل حياتي;150326]حاضر ياحبايبي ربنا يخليكم لي وانا فعلا قعدت معه وقلت له اني بعمل كده علشانه هو وعلي فكره انا غيرت من نفسي في البيت بس لكن بخرج عاديه جدا هو اللي تاعبه في كل الموضوع اني بدات الون شعري وصراحه غير شكلي خالص وبقي منظره ملفت اوي وعشان كده زاد اهتمامي اكتر لما حسيت اني شكلي اصبح احسن من سابق فهو كان بيقول انت فرحانه بنفسك وعامله كده لنفسك عشان حسيتي انك بقيتي احلي وان الست بعد مايكون لها ولاد مش بتهتم بنفسها وانت كنتي كده فايه التغيير ده بقي فهمتوني لكن انا صراحه فرحانه بنفسي كده بس وندمانه علي الوقت اللي فات وانا مبهدله نفسي وماكنش ورايا غير البيت والولاد وهو بس لكن امل دي كنت ركناها خالص والان حبيتها وعرفت ان ليها حقوق زيهم بالضبط صح ولا انا غلط

والله يا امل دا احسن رد على مشكلتك الزوج له حقوق طبعا ولازم تطعيه بس ما تنسيش نفسك تانى حافظى على مظهرك دا شئ ضرورى افرحى وعيشى سنك مع المحافظه على البيت والاولاد وربنا يعينك