[غاده الصايغ]

ازيكم يابنات عاملين ايه بصوا بقي مين محتاج حد يشجعه (زقه يعني )يلا مع بعض نبتدي جماعه ونستعين بالله في انه يوقف معانا 00ونقدر نعمل رجيم صح وميضعف صحتنا

اولا :- شرب كوب ماء دافي وعليه نصف ليمونه وقليل من الزنجبيل (مهمه جدا )علي الريق
ثانيا :- اللي شهيتها مفتوحه ومش قادره عليها في كبسولات في الصيدليه اسمها سبوترم في منها الضعيف والقوي مبتعملش اي مشاكل بس اللي ضغطه عالي لازم يستشير الصيدلي+اي نوع ملتي فيتامين (علشان تبقي قويه كدا وجامده ومتضعفيش) تاخدي الاثنين مع بعض بعد شرب الماء الدافى وتشربيهم ب2كوب ماء
ثالثا :- وجبة الافطار :الساعه 9 مثلا بعد الماء الدافي واليمون وكوبيتين الماء ب4/1 ساعه
وهي اما (بيضه -اوفنجان شاي فول مدمس -او نصف قطعة جبن قريش-او قطعة جبن نستو -او شريحة جبن رومي )
+4/1 رغيف بلدي او 2توست دايت (ناشف اوطري )او رغيف سن صغير
+كوب شاي بالبن او نسكافيه بالبن
*سناك بعد الافطار:- ب3 ساعات يعني الساعه 12 ناخد ثمره فاكهه من المسموح بها
وجبة الغداء : الساعة 3 عصرا وهي

1. السلطه طبق سلاطه خضراء مكون من واحد (طماطم +خيار+فلفل رومي+بصله صغيره +جرجير+خس+كرفس+بقدونس)
2. البروتين اما ان يكون 2سمكه متوسطه -اوعلبة تونه مصفاه -او ربع فرخه مشويه اومسلوقه الصدر فقط -او 2قطعة لحمة بدون دهن طبعا -او 2بيضه مسلوقه -او فنجان فول - اوقطعة جبن قريش
3. النشويات اما ان تكون فنجان ارز بسمتي مسلوق او طبق صغير مكرونه مسلوقه او 4/1رغيف بادي او رغيف سن صغير
4. خضار ني في ني طبق متوسط بسوربة اللحمه البيته في الثلاجه من غير دسم

*سناك بعد الغدا :بساعتين اي نوع من الفاكهه المسموح بها يعني الساعه 5.5 تقربيا
*سناك تاني بعده الساعه 8 يكون كوب شاي بالبن او نسكافيه بالبن
وجبه العشاء :- الساعه 10 تقريبا المهم قبل النوم بساعتين ويكون كالتالي 4ثمرات فاكهه من المسموح بيها طبعا -اوكوب زبادي +ثمرة فاكهة-او طبق سلاطه +(بيضه او 3ملاعق فول او2/1 قطعة جبن قريش )
ملللللللللللللللللوحظه قبل النوم مباشرا كوب ماء دافي عليه 2/1 ليمونه وطرف ملعقة الشاى جنزبيل وانتي في السرير
تعليمات :-
1- كدا اليوم خلص نستمر عليه لمدة اسبوع اوزني نفسك بس يكون نفس الميزان اللي هتوزني عليه نفسك كل اسبوع
2- المشي 2/1ساعه يوميا حتي لو في المكان او لوتقدري تلعبي اي نوع رياضه

3- ليكي يوميا كوب لبن خالي الدسم
4- الفاكهة المسموحه هي كل انواع الفاكهه بس بأعتدال يعني ممكن تاكل واحدة مانجو صغير او 3بلاحات او عنقود عنب صغيراو2 قطعة تين
ثبتي نوع الفاكهه اللي هتخديه في السناك يعني لو اكلتي اول مره في اليوم تفاح يبق المره التانيه تفاح بردو وبكره تغيري النوع برحتك المهم نوع واحد في اليوم
5- الخضروات المسموحه هي كل انواع الخضار ماعدا القلقاس والبطاطا والبطاطس لانهم طبعا نشويات لكن الباقي كله مسموح بأعتدال
6- ليكي يوميا ملعقة خضار زيت زيتون مع السلطه
7- ليكي كل يوم واحد كانز دايت
8- ليكي 2ملعقة سكر (لوعوزه زياده يبقي سكر دايت )
9- لو بتحبي الشكولاته ممكن تاخدي ملعقه كاكاو خام بدون سكرتحطيها علي اللبن ويبقي شكولاته باللبن
10- طبعا الحلويات ممنوعه التسالي والشكولاته والدهون كلها ممممممممممممنوعه
ايه رايكم يابنات الرجيم ده مدروس جدا وبينزل في اول اسبوع من 3الي 5 كليو وانتي وشطرتك
بعد ميخلص الاسبوع لينا يوم فري ناكل اللي عوزينه بس بأعتدال برده علشان نغير نمط حياتنا
وايه المشكله لما تكون دي حياتنا يوم واحد بس في الاسبوع ناكل حلويات ومحشي وبقيت الاسبوع نريح معدتنا

يييييييييييييلا بقي وروني الاراده
نبتدي يوم السبت مع بعض الموافق 19-4-2008
مستنياكم

[شيرين سامي]

ازايك يا غادة لنا هبدا معاكي ان شاء الله

[شيرين سامي]

عارفة يا غادة انا نفسي اوي ارجع زي زمان انا كنت قبل الجواز من 4 سنين 65 ك ودلوقتي انا 80 ك تفتكر هقدر ارجع زي الاول انا كل ما ابدا يجيلي احباط

[غاده الصايغ]

الحمدلله ياشرين انتي عامله ايه ان شاء الله مع بعض وطبعا هتقدري المهم الصبر والاستمراريه واوعي تضعفي ادام حتة جاتوه والا صباع محشي شيلي لنفسك في علبه من اي حاجه تعمليها اوتشتريها في الفريزر ويوم الفري طلعي العلبه دي صدقيني مش هتقدري تاكلي نصفها حتي وربنا معانا ان شاء الله
يلا يابنات علشان تشركونا

[simpaolo]

السلام عليكم ...... غادة .. فكرتك حلوة اوى .. انا عايزة حد يشجعنى قبل الصيف .. انا زى شيرين بالظبط .. بعد 6 سنين جواز كنت 65 كيلو ... و دلوقتى 80 كيلو

[غاده الصايغ]

السلام عليكم ...... غادة .. فكرتك حلوة اوى .. انا عايزة حد يشجعنى قبل الصيف .. انا زى شيرين بالظبط .. بعد 6 سنين جواز كنت 65 كيلو ... و دلوقتى 80 كيلو

وعليكم السلام ....كلنا كده مش انتي وشيرين بس بعد الجواز والولاده خصوصا لو سيزرين اجسامنا بتتغير يلا استعدي مع بعض ان شاء الله

[2nashwa]

انا بعت اجيب الدوه فعلا ومعاكى ان شاء الله عيزه ابى 55 كيلو انا دلوقتى 60 وطولى 168 متهيئلى لو وصلت ل55 يبقى كويس

[غاده الصايغ]

تمام انوش يلا استعدي مع بعض ان شاء الله

[غاده الصايغ]

ها يابنات متكسلوش يلا قبل لبس الصيف مايبين اللي كان مخبيه لبس الشتاء

[heba saad]

انا بدات من اسبوع يا غادة
وهبدا معاكى

[غاده الصايغ]

ماشاء الله ربنا معاكي ومعانا وانا ابتدايت انهارده

[علياء على محمود]

ماشاء الله عليك يا غاده
هذا افضل نظام رجيم وانا بالفعل عامله نفس النظام من شهر وخسيت 9ك
وسوف اتابع معكى ويارب كل واحده توصل للى تتمناه
انا نفسى اخس 20ك خلال شهرين
اليوم وزنى 97 ك
ياريت كل واحده تكتب وزنها كل سبت وتشوف خست اد ايه






http://www.smileycentral.com/sig.jsp...p=ZSzim055YYSA

[غاده الصايغ]

انا سعيده جدا بمعرفتك ياعلياء وربنا يساعدنا ونقدر ننتصر علي عدوتنا (السمنه )
انا وزني 120 وطولي 168 ومقرره اني اوصل بأذن الله الي 80 ك في خلال 4 شهور ربنا معانا ويقوي عزيمتنا جميعا ان شاء الله
==ماحوظه ==وزني يوم السبت : 120 ك

[Raniam_2010]

ازيك ياغادة مشكورة على النظام الجميل ده
أنا باذن الله هبدأمن يوم الاثنين ومعلش اعذرينى لأنى مشفتش الموضوع غير دلوقتى لأنى لسه مشتركة جديد
بس عموما لو تحبى تسألى عن أى شئ أنا عندى معرفة كويسة بالريجيم
لأن وزنى كان 120 كيلو وطولى 174ولكنى خسيت ووصلت 80 كيلو
وطبعاً زدت عشان الشتاء ووزنى الآن 85 كيلو وناوية أخس تانى باذن الله ونشجع بعض

[غاده الصايغ]

محصلش حاجه يارانيا المهم انك شفتي الموضوع علشان نشجع بعض وعوزاكي تقوللينا ايه هي رحلتك مع الرجيم وصلتي لوزنك ده ازي ممكن لو تقدري واي رياضه اتبعتيها والمده اللي وصلتي فيها للوزن ده كانت اد ايه

[Raniam_2010]

انا ابتديت الرجيم ده من حوالى ستة شهور وطبعاً مكنش عندى عزيمة ولا حاجة عشان مكنش كدابة بس الحكاية جات صدفة
انا رحت لدكتور لأنى كنت تعبانة قالى الضغط عالى جداً وأنا عندى 22 سنة
طبعاً كان لازم أهتم وبعدها حبيت حكاية الريجيم دى
كنت معتمدة على رياضة المشى كل يوم ساعة الصبح بدرى ومكنتش بعمل أى رياضة تانية عشان ظروف شغلى يعنى مش بروح جيم ولا غيره
كنت بتابع مع دكتور وكان يعطينى علاج يساعدنى على الريجيم طبعا مع الأنظمة الغذائية الكتييييييييييرة
طبعا كان وزنى 120 كيلو وخسيت حوالى 40 كيلو فى حوالى ستة شهور لحد ما وصلت 80 كيلو ووزنى ثبت ومبقتش أخس ولما دخلت الشتاء مكنتش بتابع قوووووى فى الريجيم فزدت خمسة كيلو
ولو تحبى أكتب لك اسم الأدوية اللى كنت باخدها أنا تحت أمرك
على فكرة أنا باخد دلوقتى كبسولات غريبة جداً وسط الأكل بتنزل الدهون الموجودة فى الأكل وطبعا حتى لو أكلتى وجبة دسمة شوية ميبقاش لها تأثير خالص على وزنك وبتفقدى الدهون اللى أخدتيها عن طريق البراز.
هقولك حاجة تضحكك كل الناس والله وحتى أصحابى لما شافونى بعد التخسيس ما كانوا يعرفونى نهائى
المهم فعلا بعد كل ده العزيمة والارداة والتشجيع
آسفة على الاطالة ولو فى حاجة أنا متابعة معاكى

[غاده الصايغ]

انا ابتديت الرجيم ده من حوالى ستة شهور وطبعاً مكنش عندى عزيمة ولا حاجة عشان مكنش كدابة بس الحكاية جات صدفة

انا رحت لدكتور لأنى كنت تعبانة قالى الضغط عالى جداً وأنا عندى 22 سنة
طبعاً كان لازم أهتم وبعدها حبيت حكاية الريجيم دى
كنت معتمدة على رياضة المشى كل يوم ساعة الصبح بدرى ومكنتش بعمل أى رياضة تانية عشان ظروف شغلى يعنى مش بروح جيم ولا غيره
كنت بتابع مع دكتور وكان يعطينى علاج يساعدنى على الريجيم طبعا مع الأنظمة الغذائية الكتييييييييييرة
طبعا كان وزنى 120 كيلو وخسيت حوالى 40 كيلو فى حوالى ستة شهور لحد ما وصلت 80 كيلو ووزنى ثبت ومبقتش أخس ولما دخلت الشتاء مكنتش بتابع قوووووى فى الريجيم فزدت خمسة كيلو
ولو تحبى أكتب لك اسم الأدوية اللى كنت باخدها أنا تحت أمرك
على فكرة أنا باخد دلوقتى كبسولات غريبة جداً وسط الأكل بتنزل الدهون الموجودة فى الأكل وطبعا حتى لو أكلتى وجبة دسمة شوية ميبقاش لها تأثير خالص على وزنك وبتفقدى الدهون اللى أخدتيها عن طريق البراز.
هقولك حاجة تضحكك كل الناس والله وحتى أصحابى لما شافونى بعد التخسيس ما كانوا يعرفونى نهائى
المهم فعلا بعد كل ده العزيمة والارداة والتشجيع
آسفة على الاطالة ولو فى حاجة أنا متابعة معاكى

السلام عليكم 00اولا اشكرك علي مرورك علي موضوع انا حاولت ابعتلك رساله خاصه لكن ما امكنش ياريت يا رانيا لو تبعتيلي انوع الادويه اللي بتاخديها اثناء الدايت واللي كنتي بتخديها وقت الرجيم واللي بتخديها دلوقتي لتثبيت الوزن اكون مشكوره لكي جدا

[Raniam_2010]

وعليكم السلام ورحمة الله وبركاته
مشكورة حبيبتى على ردودك على موضوعاتى
أنا ياغادة فى بداية الريجيم كنت باخد كبسولات (كروماكس ) ودى طبعا جميلة جدا
وبتساعد فى التخسيس ومش مضرة لأن مكوناتها طبيعية
كنت باخدها قبل كل وجبة بساعة مع ثلاث أكواب مياة
وخسيت كتييييييييير عليها بس جيت فى وقت ووزنى ثبت
لما رحت لدكتور تانى كتب لى ( سليماكس ) يتاخد مرة واحد قبل الفطار بساعة
ومعاه برشام ( هاى كروم ) وده زى الكروماكس بس الشركة مختلفة والسعر أرخص
طبعا فى الست شهور أخدت كبسولات تانية زى السبتورم والدايت ماكس
بس ماعملت معى نتيجة ولا كان لها تأثير
دلوقتى أنا باخد كبسولات مفعولاها قوووووووووووى وجميلة قوى
اسمها (Orly) تاخديها مرة واحدة مع الوجبة الرئيسية وسط الأكل
وطبعا بتفقدى الدهون اللى بتدخل جسمك فى نفس اليوم
ولو جبتيها أوعى تاخدى معاها حاجة تانية خالص
وأنا معاكى ياحبيبتى لو فى أى حاجة عاوزة تسألى عنها
بس نصيحة لو جبتى السليماكس متاخديش لفترة طويلة