[غاده الصايغ]

اهلا بيكي في رحاب الرشاقة
احنا اخدناكي خلاص معانا

وان شاء الله تنزليهم قبل رمضان دي حاجة بسيطة جدا
امشي بس علي النظام مظبوط

اما بالنسبة للملوخية
عادي طبعا
بس بشوربه من البيت من غير دسم
جمدي الشوربه قبل ما تستخدميها في الفريزر وتاني يوم خرجيها هتلاقيها عملت وش من الدهن شليه
واستعمل الشوربه عادي للملوخيه
اما التقليه مفيش
حطي الملح وقليل من الفلفل وذرة سكر و الثوم المفروم والكسبرة الناشفة في الاخر قبل ما تطفي عليها
وكلي بقي وابقي حافظي علي صوابعك
احبك في الله

[دمعه]

تسلم ايدك

[غاده الصايغ]

تسلمي يا جميل

[kotkot]

الله الله الله
ملوخية ملوخية ملوخية
ميرسى كتيييييييييييييير يا أجمل غادة
يارب اقدر اخس يارب

[غاده الصايغ]

العفو يا جميله

يلا بقي وريني الشطاره مرتين
مره في الملوخية
ومره في الرجيم
احبك في الله

[نايس1]

السلام عليكم يا بنات
يا تري لسه متابعين ولا انا اتاخرت
ونظامكو هيكون ايه في رمضان؟

[shadenn]

السلام عليكم ورمضان كريم علينا وعليكم جميعا
انا دي اول مشاركه ليا ويادوب عرفت الموقع النهارده بالصدفه وانا بعمل سيرش في قوقل
اول شي اعرفكم بنفسي انا اسمي شادن ومصريه بس مقيمه مع اهلي في امريكا وفرحي شهر 2 الجاي في مصر بالتحديد اسكندريه والموضوع عاجبني جدا يا اخت غادة وزي ما بيقولو جا علي الجرح
بصي انا من صغري مليانه وكل ما بكبر كل ما بتخن ودلوقتي طولي 165 ووزني 100 كيلو وعاوزه انزل 40 كيلو من وزني الحالي في حوالي 3 شهور عشان اول 1 ابدا اجهز فستان الفرح علي مقاسي الجديد باذن الله وحمشي معاكم علي الريجيم وربنا يقدرنا وربنا يتقبل مناومنكم صالح الاعمال
بالمناسبه نسيت اقولكم انا تخينه اكتر من فوق يعني منطقة الاكتاف والذراع والصدر ياريت لو تقدري تساعديني باي معلومه

[غاده الصايغ]

الف مبروك وان شاء الله يكون زواج صالح
وربنا يتم لك علي خير ان شاء الله

انتي مجتيش متأخره ولا حاجة انا معاكي
يلا يا بسبوسه وريني الشطاره والهمة العاليه

وانا معاكي
انتي بس قولي يا غاده

[غاده الصايغ]

السلام عليكم يا بنات
يا تري لسه متابعين ولا انا اتاخرت
ونظامكو هيكون ايه في رمضان؟

اهلا بيكي ا سكره
كل سنه وانتي طيبه
انا معاكي
واحنا ماشين علي النظام الخاص بشهر رمضان
ومستنينك تبقي معانا
احبك في الله

[أم صديق]

أنا كده حسيت إني وسط أخواتي انا برضه با اعاني من الموكوسة

السمنة يارب اقدرانزل وزني

[مى سليم محمد]

ياجماعة كل الادويه لها تأثير سلبى على المعده وانا جربت انواع كتير ودلوقتى عندى التهابات شديدة على المعدة والقولون حرام عليكم الادويه وكمان الماء الساخن علىالريق واليمون والجنزبيل لونزل على معده فاضيه يجيب قرحه

[ايمى هانم]

السلام عليكم شكرا يا غدوده على الرجيم
انا تقريبا بعمل نفس الرجيم من حوالى اسبوعين لكن فى الغدا بعمل شوربه الكرنب هى طعمها حلو وبيقال انها بتساعد فى تنزيل الوزن
لكن ياجماعه اهم حاجه هى الرياضه حتى لو المشى انزلوا اى مشوار بلاش تركبوا عربيه وامشوا روحوا صلوا اشتروا اى حاجه مشى بلاش ركوب

واهم من كده بلاش الاويه لان ليها اثار جانيه انا رحت لدكتور وادانى مره دوا كبسولات وسبحان الله كل الاثار الجانيه ظهرت عليا من اول كبسوله
ربنا يعنكوم ويعنا

[فدك]

مشاء الله على هالمنتدى كل رجيم احلى من الثاني والواحد يحتار شيسوي واي رجيم يختار

[حبيبةزوجها:-)]

السلااااااااااااااااااااااام عليكم حبيبااااااااتي

انا فرحاااااااااااااانه اني رجعتلكم .. كنت مسافره 4 شهور في اوروبا و ما دخلت لأن الكمبيوتر هناك ما كن فيه حروف عربيه .. احكووووووولي وصلتو فين في الرجيم؟؟
غاده عامله ايه؟؟
اخبار الريجيم ايه .. نزلتي كم لحد دلوقتي؟؟

انا نزلت حلو قوي قوي من 65 لحد 58 و كل الناس لاحظت عليا كده بس سافرت بلد الجبن و الشيكولاته و نسيت نفسي اكلت لحد لما كل هدومي بقت ضيقه عليا ...
و رجعت لما كنت عليه و دلوقتي 65 من جديد 4 شهور من الاكل بوظت كل تعبي و فرحي بوزني اللي كنت عليه لما سافرت .. كانت اول مره ابقى في الخمسينات ..
ربنا يسهل ان شاء الله .. انا دلوقتي حاسه بكسل مش عارفه ابدأ في الريجيم عدل .. ادعولي و قولوووووووووولي اوزانكو وصلت ايه من يوم ما بديتو ... انا محتاجه تشجييييييييييييييييييع..

ياله مستنيه ردودكم بفارغ الصبر ..
ربنا سهللكم هدفكم يارب..

اختكم دايما
حبيبة زوجها الاصليه ( ههههه لقيت حد واخد اسمي )

[حبيبةزوجها:-)]

ايه يا بنااااااااااات ... مفيش اخبار منكو كده !
مش عاوزين تقولولي كل وحده نزلت كام لحد دلوقتي و بدأت من امته؟؟
غااااااده .. فيييييييينك؟

[غاده الصايغ]

انا اهو يا توته
مشغوله بس بحضر مفاجأه للقسم هتعجبكو جدا المهم انتو تتبعوا
بصي يا بسبوسه
انا نزلت من شهر رمضان لحد دلوقتي
9.5كيلو
ادعولي
بحبكم مووووووووووووووووووووووووووت
ربنا ميحرمتيش منكم يا احلي بنات

[دينا محمد عادل]

هههههههههههه ربنا يعينكوا يارب بس انا منفعتش في الرجيم ابدا
لاني جربتو اسبوعين ومقدرتش مع دكتوره بس نزلت 4 كيلو ورجعت تاني كله قال لاه انتي وزنك حلو وبس

[شاعرة القلوب]

انا هشترك معاكو لو سمحت انا ان شاء الله هبتدى من بكره وانا سعيده ان فى ناس بتشجع بعض على ان يكون افضل وشكرا لمواضيعك الذكيه اللى تفيد

[شاعرة القلوب]

ازيك ياغادة مشكورة على النظام الجميل ده
أنا باذن الله هبدأمن يوم الاثنين ومعلش اعذرينى لأنى مشفتش الموضوع غير دلوقتى لأنى لسه مشتركة جديد
بس عموما لو تحبى تسألى عن أى شئ أنا عندى معرفة كويسة بالريجيم
لأن وزنى كان 120 كيلو وطولى 174ولكنى خسيت ووصلت 80 كيلو
وطبعاً زدت عشان الشتاء ووزنى الآن 85 كيلو وناوية أخس تانى باذن الله ونشجع بعض

اهلا ممكن اعر انت ازاى وصلتى للوزن ده وهكون شاكره ا

[مروة جمال]

صباح الخير يا غادة

انا كان نفسى ابدأ معاكم بس انشاء الله بعد العيد انا نفسى اخس اوى انا كان وزنى قبل الزواج 79 كيلو انا دلوقتى 98 كيلو
ادعيلى اقدر ابدأ
شكرا لمجهوداتك و ربنا يوفقك انشاء الله