[m.moon]

[IMG]http://www.***********/pic-vb/3.gif[/IMG]

كان نفسك وانت صغيرة تكونى ايه ولما كبرتى
شوية اكيد اتغير الحلم ولما اتخرجتى بقيتى حاجة تانية ياريت الكل يشارك ويقول حلمه وهو صعير وحلمه وهو كبير
ودلوقتى بقى اييييييييييييييييييييييييييييييييه

[IMG]http://www.***********/pic-vb/3.gif[/IMG]

اذا اعجبك الموضوع و اردت نشره في المنتديات الاخرى فاستخدمي هذا الرابط:
كان نفسك تكونى ايه وبقيتى ايه
http://forums.fatakat.com/thread15649

[ام عمر المصرية]

انا كنت لا احب المدرسة ابدا طول عمرى وكان نفسى اكون
ربة منزل وفعلا خلصت جامعة وانا متزوجة وست بيت
وشكرا اختى على الموضوع

[sherry]

مشكورة ع الموضوع الجميل ده انا يا ستى كان نفسى ادخل اعلام او السن بس للاسف دخلت علمى رياضه ودخلت هندسه ودلوقتى انا مهندسه بس بندم ههههه

[samasemo]

احنا كان نفسنا ندخل رياض اطفال والحمدلله حققنا الحلم ده بس دلوقتى ربات منزل

[أم ياسمين وجنة]

انا كان نفسي ادرس لغات بس للاسف محصلش ودلوقتي في البيت وانشغلنا عن الاحلام دي

[ماما نوسى]

انا بقى يا سيتى بحب اللغات وخريجة اداب قسم اللغة الفرنسية لكن شغلى فى الادارة مالوش اى علاقة باللغات كله عربى

[رانيه]

نفسي اكون صحفيه بس درست علوم ماليه ومصرفيه

[نادو]

بصى انا وانا صغيرة كان نفسى اطلع دكتورة يعنى حلم العيال كلها فى الصغرررررررر
اما كبرت وانا فى الثانوى كان نفسى اكون صحفية اما بقى الواقع انى دخلت كلية شريعة

[مدام ياسر]

انا كان نفسى اوى ادخل كلية تجارة والحمد لله الحلم اتحقق بس دخلتها خاص بفلوس ههههههههههههههههههههههه
يعنى فاشلة بررده ههههههههههههههههه
دلوقتى حلمى اللى انا عاوزاه انى اتخرج بقا وافضى لجوزى واجيب كتكوت صغير وربنا يخليلى جوزى يارب ويجمعنا بالسلامة لانه مسافر

[أمولة]

انا كان نفسي اصير طبيبه في علم النفس بس ما جبت علامات الكب في الثانوي ودخلت فحص بصر
والحمد الله تزوجت وصرت ربة منزل والحمد الله طالع عيني على مااشتغل ----

[ليالي الحنين]

أما أنا يا حبيبتي فكان حلمي وأنا صغيرة طبعا أني أكون دكتورة ولما كبرت أتمنيت أكون مذيعة علشان أذيع عليكم الاخبار السارة يوميا من خلال نشرة الاخبار اليومية والحمد لله ماحصلتش لاحسن كان زمانكم كسرتم عليه التليفزيون كله*** مع أنس الان موظفة في الاعلام برضه شوفتي الرخامة.

[ام لوجين]

ههههههههههههههههولا واحدة طلعت اللي نفسها فيه الا اللي دخلت كلية خاصة
انا كان نفسي ادرس هندسة ديكور و لاني اخدت الثانوي العام من السعودية اكلو نسبة من مجموع الدرجات و دخلت كلية تجارة وانا حزينة جدا و اتجوزت في سنة تالتة
و خلصت وقعدت في البيت اربي 3 بنات بس

[أم لوجى و ملك]

كان نفسى ادرس الطب لكنى دخلت كلية التربيه شعبة لغه انجليزيه

[ام ميداء]

كان نفسى ادخل هندسة و دخلتها الحمد لله
واتخطبت فى سنة ثانية واتجوزت اول ما خلصت
وطبعا ما اشتغلتش وبقيت....................
ست بيييييييييييييييييييييييت

[ام شوكت]

[سوسو4]

وانا صغيره كنت بحلم اطلع مدرسة او دكتوره احلام صغيرين
ولكني درست ادارة الاعمال واشتغلت عند زوجي وهنا حصلت
معرفة خير وتزوجنا والان ربة منزل وام لثلاثة اولاد

[سوكة الددة البيضة]

انا يا ستى من صغرى وانا كان نفسى اكون مزيعة سواء فى التليفزيون او الراديو.
ولكن لما كبرت اتبدت الأحلام ودخلت كلية الخدمة الأجتماعية.وتزوجت وبقيت ام العيال..
ولكن بصراحة مازال حلم انى اكون مزيعة يراودنى ولكن فى الراديو فقط علشان الحجاب.

[drnahla]

انا زماااان
فى ابتدائى كان نفسى ابقى عارضة ازياء...........ههههههههه
فى اعدادى كان نفسى ابقى مضيفة طيران.............هههههه
فى اولى ثانوى كان نفسى ادخل كلية فنون جميلة.ودى كنت بتمناها
وفى ثانية ثانوى كان نفسى ادخل تربية فرنساوى
وطبعا بعد ماخلصت لقيتنى جبت مجموع الطب .فادخلته واهلى مستخسرين المجموع فى كلية تانية
وحاسة انى لم اجد نفسى فيها
لكنى اعمل .........بس الان واخدة اجازة

[Hanan Fouad]

بصى يا ستى انا كان نفسى ادخل كلية الاداب
قسم لغة اجنبية بس تكون غريبة يابانى مثلا
او اسبانى لكن فى الاخر
دخلت كلية تربية قسم
دراسات اجتماعية والان ست بيت والحمد للة

[مورة]

انا بقي كنت احب كل حاجة تتعلق بالتصميم
والديكور وكان تفسي ادخل فنون تطبيقية
واكون مصممة بس اللة يخربيت مكتب التنسيق
دخلني تجارة بس بحاول امارس دة كهوية