[غاده الصايغ]

اما انا ياستي كان نفسي وانا صغيره ابقي دكتوره حلم كل العيال طبعا
وبعدين لما كبرت شويه وانا في الاعدادي حلمي اتغير وقلت لا مذيعه وكنت بذاكر بجد علشان ادخل اعلام لدرجة اني كنت باخد الدروس كلها لوحدي عند اوئل مصر الجديده وكانت العيله مستنين يشوفيني مع الاوائل وكانت الصصصصصدمة اذا بي اجيب 72 % طبعا التنسيق دخلني حقوق عين شمس 0000قتغير الحلم وقلت اخلص واعمل دراسات عليا وابقي دكتوره اكاديميه و قلت اخد الماجيستير واتجوزت والحمد الله وانا في سنه تانيه واخدتها وانا دلوقتي دكتوره اكايميه في اومور الطبيخ والغسيل والذي منه

[Om Hassan]

انا كان نفسى اطلع مضيفة طيران عشان الف العالم
بس دخلت اداب قسم انجليزى والحمد لله

[التلميذة]

حلمى من صغرى يعنى سن الاعدادى كدة انى اطلع مضيفة طيران لانى احب التعامل مع الجنسيات المختلفة والناس انا دلوقت دخلت مجال تانى خالص بس بحبه جدا جدا بفضل الله ولكنى ست بيتوتية ولله الحمد على هذه النعمة

[goaerea]

انا خريجة تجارة قسم ادارة اعمال و دلؤتى بشتغل فى شركة مطاعم يعنى شوية فىة من التخصص بتاعى بس انا حلمى و انا صغيرة انى اكون اتاجر بحب البيع و الشرا جدا و بس مش مكان اقف فية لا تجارة بس على كبير لان والدى كان بيشتغل فى المقاولات و بيع و شرى الاراضى و حبيت جدا الموضوع دة و للاسف دلؤتى صعب بس ماعرفش ربنا مرتب اية و ممكن بس لما ربنا يازن

[دكتورة]

كنت اتمنى وانا صغيرة اكون طبيبة بشرية
وجيت لما جبت مجموع فى الثانوية العامة اهلى رفضوا رفض شديد
انى ادخل طب وكانوا عايزنى ادخل صيدلة
ودخلت صيدلة والحمد لله راضية بنصيبى
بس بينى وبينكم بمووووووووووووت فى قعدة البيت

[Marwa Esmael]

انا كان نفسي اطلع مرشده سياحيه او مترجمه فوريه لاني بحب اللغات قوي وفعلا جبت مجموع يدخلني الالسن لكن بابا قالي المهنتين لايتماشو مع الحجاب وكنت علمي علوم فدخلت علاج طبيعي اللي كانت رغبتي بعد الالسن والحمد لله انا مدرس مساعد بالكليه الان بس في اجازة رعاية طفل لان بنتي سنه و3 شهور ومع جوزي هنا في الامارات
موضوع رائع زي عوايدك مشكوره

[Marwa Esmael]

مقولتيش ياموون انت كنتي نفسك تبقي ايه وبقيتي ايه

[man0000l]

انا بقى ياستى
كنت بحب بابا جدا( الله يرحمه)وعاوزه اعمل اى حاجه ترضيه وهو كان معه بكالوريوس تجاره فدخلت كليه تجاره بس علشان بابا يتبسط مع انى كنت ادبى
واتخرجت منها بتقدير جيد.
والحمد لله الان فاشله جدا فى الحسابات واتجوزت وبقيت ست بيت وام ل4بنات
ربنا يباركلى فيهم يارب ويسعدكم فى اولادكم وهم اللى يحققوا اللى احنا مقدرناش نعمله.
آمييييييييييييييييييييييييين

[m.moon]

انا يامروة كان نفسى وانا صغيرة اكون حاجات كتيراوى لكن لما دخلت ثانوى كنت عاوزة ادخل تربية رياضيةعلشان كنت بلعب باسكت وبحب الرياضة فوفرت على نفسى تعب المذاكرة ودخلت ادبى وفعلا دخلت تربية رياضية لكن طبعا دلوقتى كان نفسى ادخل حاجة دينية يعنى كلية دعوة اسلامية او معهد دعاة بس الظروف ماسمحتش طبعا انتى عارفة البيت والاولاد اولى طبعا

[m.moon]

شكرا لكم جميعا ولمروركم الكريم

[7abibet gozha]

انا كان نفسى ابقى صيدلانيه طول عمرى و الحمدلله انا دلوقتى بخلص سنة تانية اهه و متجوزة و ان شاء الله اما اخلص جوزى هيفتحلى صيدليه و كام سنة و اجيب حد يشتغل فيها وا عد اربى عيالى

[toto s]

انا كان نفسي وانا صغيره اكون مهندسه
لما كبرت كنت حابه يكون لي محل لبيع الورود ولسه هاد الحلم نفسي فيه بس للاسف مفيش مجال
وانا اسا بتعلم اداره عامه وسكرتاريه طبيه

[em salam]

انا بقى كنت حابه ادرس عشان ابقى حاجه ارفع راس ابوي فيها
وبالفعل تعلمت سنتين هندسه كمبيوتر بس الظروف ما سمحت وتوقفت عن التعليم

وتجوزت وصار عتندي ولد وبنت ودالوقت رجعت اتعلم لاني مصممه ابقى متعلمه مش عشان حاجه بس عشان افرح اهلي وجوزي
حاليا عم بدرس سكرتاريه واداره وان شاء الله الله يقدرني وانجح
مع ان كل المواضيع الي بتعلمها مش بحبها
هههههههههههههههههه
شفتو زي كده
انا كنت حابه اصير مدرسه انجليزي او رياضيات