[seren_serenty]

انا فبدايه حملي فالاسبوع السابع بس تعبانة جدا
مش باكل لاني دايما حاسه بغثيان
في ترجيع بيصحيني من النوم والمشكله انه من غير اكل
قرفانة من كل حاجه ومن اي حاجه
مش طايقة ادخل مطبخ خالص
دوخة طبعا وهبوط علي طول
لما بسال بيقولولي ده طبيعي طب ماشي طبيعي ازاي بقي اتغلب عليه
بالمناسبة انا وزني 54 كم واعتقد اني بخس مش بزيد
حد يقولي اعمل ايه عشان الاحساس ده يروح
والله نفسي اكل عشان الغلبان اللي جوا ده بس مش قادرة

اذا اعجبك الموضوع و اردت نشره في المنتديات الاخرى فاستخدمي هذا الرابط:
بليـــز ممكن مساعده من اللي عندهم اولاد
http://forums.fatakat.com/thread15948

[أم الطيب]

بصي يا حبيبتي.. ربنا يقويك ويتم لك حملك على خييييييييييير..
الموضوع ده هيستمر معاك ممكن لتمام 3 شهور.. انت كلي وتقيأي مفيش مشكلة بلاش تطبخي والبيبي بياخد منك سواء اتغذيت او لأ انت في الحمل بتتغذي علشانك لأنه كده كده بيسحب من جسمك كل اللي بيحتاجه.. معلش استعيني بالله وربنا يعدي الكام يوم دول على خير..

[رانيه]

عادي يا حبيتي اسالي الدكتوره في حبوب بضيع الغثيان ممتازه اسالي الطبيب

[seren_serenty]

شكرا ليكو
بالنسبة لكلي وتقيأي مفيش مشكله انا كل شوية غصب عني بفتكر منظري ومش بقدر اكل اصلا ويحصلي كده من غير اكل ارحم مايحصلي باكل
انا سالت الدكتورة علي حاجه تمنع الاحساس ده قالتلي علي حبوب وامي سلطت جوزي مايجيبهاش عشان قال خطر اي نوع ادوية حاليا

[seren_serenty]

يا فتاكات بجد والله محتاجه نصايحكم جدا

[اصون كرامتى قبل حبى]

بصى يا حبيبتى كل اللى انتى بتقوليه دا كان بيحصلى واكتر منه كمان
انت بس ادعى ربنا يعدى 3 شهور الاولى على خير
وبعدين حاولى على قد ما تقدرى ما تدخوليش المطبخ
حاولى تدورى على اى حاجه ممكن انك تكليها انا مثلا كنت منعه الاكل خالص لكن كنت ممكن اشرب شوربه او اكل جيلى او كاستر
ممكن تحاولى تكلى فاكهه على قد ما تقدرى وما تتغصبيش على نفسك ونامى كويس وحاولى تخرجى الخروج والفسح بيحسنوا النفسيه وتغير هوا مهم للحاله اللى انتى فيها
وكمان اكيد الدكتوره كاتبالك فيتامين خوديه بانتظام
وربنا معاكى ويتميملك على خير يا قمر

[seren_serenty]

اصون كرامتي قبل حبي
تصدقي ممكن فعلا اكون محتاجه اغير هوا
شكرا ليكي

[roca]

بصى ياحبيبتى طبعا مامتك خايفة عليكى لكن الدواء اللى كتبته الدكتورة هيكون من انسب الحاجات
لكن فى حاجة تانية كانوا قالوها لصحابة اختى فى لندن كلى أيس كريم هيريحك وكلى حاجت خفيفة
ومعلش ياجميل هو كده الجنة بصعوبة بس حاولى تستمتعى بكل دقيقة وربنا يسهلك حملك يارب

[ام ميداء]

شوفى يا ستى انا كنت زيك كده
متاكليش وجبات مشبعة-كلى مثلا كل ساعتين فاكهة او بسكوت مملح
اونواشف بس لازم اللبن-يعنى متمليش بطنك مرة واحدة

[nona79]

لا يا حبيبتي ده عادي انا حصل معايا كده زي ما بتقولي تمام بس لما تمت الشهر التالت وقف وتحسنت كتير معليش اتحملي اشوي ربنا معاكي

[rehab]

يابنتي في حبوب للقيء أسمها [نافوبروكسين] دي أقوي حبوب للقيء

[seren_serenty]

متشكرة ليكو كلكم ادعولي ربنا يهون عليا الشهر ده