هام: من فضلك اذا كانت عندك اي مشكلة فاكتبي موضوعا في قسم الشكاوى او راسلي اي مشرفة، سيتم ايقاف الاشتراك عند اي تجاوز!
هام: الرجاء تجاهل اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
هام:
اذا وصلتك اي رسالة خاصة من عضوة تعرض عليك بضائع للبيع فراسلي اي مشرفة او مراقبة منتدى فورا و ارسلي لها نسخة من الرسالة و اسم العضوة.
اكيد طبعا يا ام ميدو فعلا في ناس استغلته اسواء استغلال
ولكن يا امولة ليس كل ماهو اسود غراب
النقاب اروع شئ اهدها الله للمراءة وانا منقبة من سنتين
وبتمني لو كنت لبسته من اول ما رايت الدنيا
ما تتردديش والبسيه بس عيطي علي الايام اللي فاتت من غيره
وانا مع امولة علي فكرة في انه فاتن او هذه الاشياء
ولذلك لابد ان تعرفي شروطه وواجباته
قبل اي شيء وان اهم ما يميز لابسين النقاب هو العيون
وهذه افة هذا العصر البسيه والتزمي به تعيشي في سعاده
هذا هو رائ
انا مع نوران الأسمر فى رايها (انا مش لابساه على فكرة انا محجبة فقط)
ولكن بحبه جدا ونفسى اقدم على الخطوة دى ان شاءالله ..
ولكنى مبطقش الجوانتى ...لأنه بيفقدنى الأحساس فى ايدى تماما ..لو ينفع النقاب من غير الجوانتى يبقى ميه ميه ..وربنا يغفر لى
علي فكرة يا جماعة عايزة احكلكوا حكايتي با ختصار مع النقاب
كان كل بنات العيلة لبسوه وانا اعترضت جدا عليه وماكنتش موافقة خالص
اني البسه ولكن فجاءة حسيت شعور غريب واني حبيتيه قوي فجاءة
وقررت اني البسه وقفة العيد الصغير في السنة اللي قبل اللي فاتت
وسعيدة جججججججججججججدا بيه
وبقول لساندي الشربيني اني في الاول صراحة ما كنتش بطيئ الجوانتي خالص
في ايدي بس دلوقت الحمد لله ما بقلعهوش خالص وتعود عليه
ورغم ان شغلي صعب فيه الحكايه دي لاني بشتغل في الملابس الجاهزة
ولكن دلوقت عادي جدا ومبقاش بياثر عليه
لان الله في عوني ما دمت ارضيه
وفقك الله الي ما يحب ويرضاه
ان شاء الله هتلبسي يا ساندي قريب
انا سمعت لعلماء كتيرررر بثق فيهم وف معلوماتهم
انه النقاب فرض لانهم بيقولوا انه مفيش ف ايات الحجاب ال ف القران
ال يدل ع ان نظهر الوجه والكفين
مفيش معني لكده
وان الزينه ماظهر منها هو الملابس(الزينه الخارجيه) منين جه الوجه بقي
وحتي لو كان النقاب فضيله احنا احوج الناس ليها
ولو كان محبب بس يبقي عيب علينا منعملش حاجه يحبها الله ورسوله
خصوصا لو حاجه بسيطه زي النقاب
وكفايه اننا نقتدي بزوجات الرسول
بصراحه النقاب روووووووووووووووعه
انا منتقبه من بعد رمضان ال فات بعد سماعي شريط للشيخ محمد حسان عن النقاب
ياريت تسمعيه
أنا كمان لابساه وأستريحت جدااااااااااااااااااااا فيه علي الأقل محدش بيستظرف ويعاكس
وعلي فكرة أنتي ممكن تدخلي علي دليل مواقع فتكات هتلاقي موقع للفتاوي أبعتي أسألي عشان تقري الرد بنفسك أنا بعت قبل ما ألبسه وردوا عليا أن فرض بكذا دليل وأقتنعت جدااااااااا والحمد لله
حبيبتى احنا فى زمن ما فى راجل بالشارع بيبص قدامه او فى الارض ..كل واحد عينه تنزل من على ديه تروح لديه و يجيبها من فوق لتحت...عافانا الله
وما فى حل انك تخرجى وما تاخدى ذنوب اللى بيتفرجوا عليكى غير انك تغطى كل ما تستطيعى (كل واحده حسب ما ترى)
وانا والحمد لله منتقبه طاعة لله ومحافظة منى على نفسى وحيائى...
وجزاه الله خيرا من كان سببا فى حجابى..!
ايه يا جماعة ده ماشاء الله
كنت فاكرة ان ناس كتير هايعرضوه الفكرة لكن ما شاء الله
ولا حول ولا قوة الا بالله
انا فرحانة قوي بردودكم وفرحانه با المنتدي الرئع
اللي جمعنا علي عمل يرضي الله ورسوله
بارك الله في نساء المسلمين جميعا
ايه رائيكم يا جماعه لو كل واحده لبست النقاب وحست بحلوته تكون داعيه خير لكل المسلمات ان هم لايحرمو من التشبه بالصالحات وهيكون لها اجر من لبسته ومن اهتدت بمن لبسته الى يوم الدين مستنيه ردكم
بصراحة أنا محجبة فقط من غير نقاب لأنى أعرف أنه فضيلة وليس فريضة طبعاً ولو يوم فكرت إنى ألبسه لازم يكون عن اقتناع لأنى فى الفترة اللى فاتت والله حزنت لما شفت بنات لبست النقاب لمجرد موضة جديدة ثم بعد فترة خلعته ورجعوا لبسوا الجينس والضيق زى زمان
