تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
عاشقة الليل مش عارفة أقولك أيه بس أنا ليه أصحاب دلوقتى عمرهم 26 ملسه ماتزوجوش مقاطعونى بسبب أنى متزوجة بس من غير ما يذكروا السبب بس أنا عارفة السبب ديه الغيرة بس أنا حاسة بيهم ومقدرة شعورهم ونفسى ان كل بنت تلاقى زوج ليها بس ديه حكمة ربنا وده قدره صدقينى لو ينفع زوجى يتزوج بواحدة تانية بس يعدل معاها زى معايا انا هشجعه بس أنا عارفة ان عمره ما هيفكر فى كده من حبه ليا بس ياريت المشكلة ديه تتحل لانها مش تعبة الغير متزوجات بس لاء دى تعبة المتزوجات برضه
اللهم ارزقهم الزوج الصالح عن قريب
السلام عليكم ....... اسفة فى اللى حأقوله ...... بس هو علشان العوانس يتجوزوا بالطريقة دى يبقى كدة حيخربوا البيوت العمرانة ..... وربنا ما يرضيهوش ده..... زوجات تتقهر و اطفال تتشرد .. علشان يتجوزوا ؟؟؟؟؟؟؟؟؟؟ و بعدين دلوقتى مفيش عنوسة لأن و لا الشباب و لا الفتيات بيتجوزوا.... لأسباب كتير كلنا عرفنها......... و المفهوم اللى متخيلة انك فهمتيه للتعدد من وجهة نظرك غلط مليون فى المية ....... و اسألى شيخ علشان تتأكدى..... انتى اللى تتقى الله فى المتزوجات ....... و لو كنتى انتى اللى مكانهم ما كنتيش وافقتى بالظلم اللى عيزاه يقع عليهم
اهلا اهلا يا جماعه ايه رأيكم نغير الموضوع اللي هايقلب بخناق ده لأن احنا رأينا مش هايتغير ومش هانسيب اي واحده تخطف ازواجنا خلينا حبايب احسن احنا بنعض وبنخربش كمان للي تفكر تقرب من بيتنا مش كده ولا ايه يا فتكوتات... وبعدين مين دوول الي يتجوزوا علينا هو في زينا تاني ... خلاص خلصوا ... انا بحاول اهزر علشان نطلع من مووود التنشنه وعلى العموم انا مسامحه خلاص بقى يا ام ميداء واي حد يقرب من بيتك صفريلي وانا هاجي على طووول
الموضوع مش كده خالص انا بقالى 25 سنة جواز من ثانية جامعة
وباثق فى جوزى مليون فى المية
الموضوع اننا بنناقش الموضوع على طريقة لا تقربوا الصلاة
ولو رجعتى لكلامهم هتلاقى الآية وقفت قبل"وان خفتم الا تعدلوا فواحدة"
وانا قلت ان العدل ليس من صفات البشر"ولن تعدلوا وان حرصتم"
مش ده كلام ربنا برضه
اولا ربنا يصبرك اختي ويرزق كل بنات المسلمين بالزواج الصالحين
ثانيا مع احترامي لكل اللي عارضوا الفكرة انا موافقة جدا عليها وهو دة الحل الوحيد في الزمان كل اربع ستات قدامهم راجل وقدام شوية ان شاء الله طبقل لحديث رسول الله عليه افضل الصلوات والتسليم هيكون اربعين ست قدام راجل حد يقدر يقولي الستات هتعمل ايه؟ ربنا سبحانه وتعالى شرع التعدد وحلله لانه سبحانه ادرى بشؤون عباده لن تعدلوا اكيد صحيح بس دي من الناحية اللي العاطفية والراجل الذكي اللي مش يبين. ومن ناحية انه مش هيقدر يكفي فالمفروض من الاول انه على قد لحافك مد رجليك. بس تفتكروا مثلا ا ولا عمرو ولا سيدنا محمد صلى الله عليه وسلم ولا حتى في العصر الحالي حسين يعقوب وابي اسحاق رضي الله عنهم جمعيا وجمعنا بهم اجمعين مش عادلين مع زوجاتهم. بصراحة المفروض اننا نفكر في حال المحروم حتى لا تشيع الفاحشة وبرضه الراجل هو اللي هيغلط بس الكارثة بقى ان اكيد الغلط اسهل من الجواز فا مش لازم نستنى لحد مايبقى دة حال الامة.
على فكره انا كتبت ردودى عليكم وجوزى كان جنبى وشايف ثانيا انا زوجه اوله وجوزى بيموت فيه ثالثا انا الى يهمنى كله فى الموضوع ده التسليم لامر الله جل وعلامش خناق ومشاكل انتم عارفين انا فى معهد علوم شرعيه من كام يوم دخلت معلمتنا وتحدثت عن التعدد وحزرتنا اننا نكون كرهين او غير راضين لشىء شرعه الله وقام الرسول به الصحابه رضوان الله عليهم انا بجد خفت جدا وقلت لنفسى اهم حاجه الرضا والتسليم لامر الله لاى قدر وبعدين انتم عارفين ان الراجل فى الجنه هيكون له كذا زوجه ساعاتها بقا هتقولى ايه لاانا مش عايزاه والله انا مش قصدى زعل وخناق بس ليه ما نسلم امرنا لله وبدل ربنا شرع هذا فأكيد فى خير لينا طب انا هقولك عندى اخت وحده صحبتى عندها اتنين وتلاتين سنه وما تزوجت ووهما فقراء جدا جدا تقدرى تقولى دى لما اخوها الى بيصرف عليها دلوقت يتزوج ولا يموت هى هتكون مصرها ايه وعلى فكره انا اكتر واحده مجربه مر الزوجه التانيه لان اغلى الناس لى كان زوجها متزوج عليها وكنت أراها تبكىلليل نها زوجها غيرعادل لكن كل هذا لم يجعلنى ارفض شرع الله
semoo
