[prettyangel]

باردو يا جماعة مع احترامي للجميع انا استيل مقتنعة انه مافيش حل في زمانا دة غير التعدد اه صحيح هو مش فريضة بس برضه ربنا شرعه علشان هو الحل ولا يعني احنا هنخترع رجالة؟

[mashmosha]

السلام عليكم والله الموضوع مهم جدا وصعب جداجدا انا معاكى ياعاشقة الليل ان موضوع العنوسة ده صعب جدا لكن الاصعب منه ان احساس المرأة لما زوجها بيتجوز عليها يااااااااااااااااااااااه حاجه الله لا يورى حد وانا شفتها بنفسى البيت بيتدمر . انا شايفه ان الموضوع بيرجع للطبائع فى واحده بتقبل وفى واحده ممكن تموت فيها على حسب ماينفعش نعمم وانت نفسك كنت رافضه الموضوع ووافقت عليه نظرا للضغط النفسى اللى عندك فاعتقد هيبقى الموضوع صعب اوى على الزوجه الاولى وبعدين للاسف الرجاله بتتجوز اليومين دول علشان مزاجها لا علشان العنوسه ولا غيره فلا يمكن هيبقى فى عدل لانه اصلا بيبقى طفشان من مراته الاولى على امل انه هيلاقى السعاده مع التانيه والمهم فى الاخر بياخد خابور ومهموز بيطلع من نفوخه . وان شاء الله باذن الله السنه دى تقوللنا انك اتجوزتى والف مبروك مقدما

[simpaolo]

السلام عليكم ...... يا بنات ..... بريتى ... ان شاء الله لما تتجوزى رأيك حيتغير و تتمسكى بجوزك و تبقى مستعدة تقلبى الدنيا علشانه

[ناننو]

تسدقوا طول عمري ضد ختان البنات لاكن يظهر الختان دا طلع حاجه مهمه علشان البنات تهدى وتصبر ختى يأتى لها نصيبها بدون خراب بيوت ... ربنا يهديكو واضح ان نسبه البنات التعبانه من نار العنوسه زادت اوي يا ريت تصوموا لغايه ما ييجي الفرج ... وارجع واقول الشباب المتدين ذو الخلق في كل مكان واخر احصاءيات الوطن العربي بما فيه مصر الشباب 51% والبنات 49% بس الطمع هو اللي واقف حال الجواز خلاص صوموا بقى ....

[ناننو]

حبايبي ... واضح ان في ناس هاتزعل مني بسبب الموضوع ده بس مهما اختلفنا في الرأي والهدف برضه ماحبش حد يزعل مني ولذلك فقط قررت الاتي:
اولا الانسحاب من هذا الموضوع وعلى فكره دا اكتر موضوع ضايقني في المنتدى (يمكن الموضوع الوحيد اللي ضايقني وخلاني انفعل)
ثانيا بأكد تاني ماحبش حد يزعل مني ....
باي ي ي ي ... اشوفكو في حته تانيه من غير زعل....

[ام هاجر 2]

اللهم ارزق المسلمات ازواج صالحين

[prettyangel]

طيب انا نفسي اعرف ايه الحل هنخترع رجالة ولا هنستتوردها؟؟؟؟؟؟؟؟؟؟؟؟؟؟؟؟؟؟

[katkootaya]

لا يا بريتي ماتخترعيش ولا تستوردي نصيبك هيجيلك لحد البيت ان شاء الله و كله مكتوب عند ربنا

يا جماعه الجواز طبعا نعمه بس لو حصل لاقدر الله و في بنات مااتجوزتش مش هتموت يعني ده نصيب و قدر

ولو ليها نصيب تتجوز راجل متجوز قبل كده اكيد هتتجوزه

ربنا يرزق الجميع بالزوج الصالح ان شااااااااء الله

[simpaolo]

السلام عليكم .......... كل شىء مكتوب ....... و اللى عايزه ربنا حيكون

[umaesha]

السلام عليكم ورجةة

[umaesha]

السلام عليكم ورحمة الله وبركاته اخوتى فى الله انا قرات الموضوع متاخر لكن......
لبى وجعنى جدا جدا من الردود التى تتشابه مع كتوكتاية ننانو امولة بجد دموعى تحجرت فى عينى
المشتاقة اللى الجنة رايك اراح قلبى انا متزوجة وعندى عائشة انا وزوجى متفقين على التعدد من ايام كتب الكتاب وانا اشد المقتنعين به ومتفقة مع زوجى انى ان التى سوف اختارها له
عندى فى عائلتى من هم اكبر منى سنا وربى اتقطع من نظراتهم وعباراتهم عندما يذكر الزواج امامهم هدانا الله اجمعين ورزق كل البنات الزوج الصالح
اتصقدوننى انى عرض على زوجى الزواج باخرى وانا متزوجة من سنتين ونصف ولكن للاسف ظروفه المادية لاتسمح وانى مستعدة للتنازل عن حقوقى الشرعية حتى لوكانت مرة اسبوعيا
طبعا يهتقولوا مجنونة يا اما غير راضية جنسيا ولكنى احب زوجى حبا شديدا وهو ابن عمتى رحمها الله وكنت احبها حبا شديدا وراضية نفسيا وجنسيا ولكنى احب لاختى ماحبه لنفسى
انا معكى مدام ديدى بارك الله فيكى هدا سركى وبارك لكى فى زوجك انتى و المشتاقة للجنة
وهدى الله كل من اختلف معكم وهدا سركم وحفظ لكم ازواجكم وزاد حبهم لكم وحبكم لكم
بجد قلبى وجعنى جدا ونفسى ابكى لحال نساء المومنين ادعوا كل منكن فىصلاته اللهم زوج بنات وشباب المسلمين واعن كلمن يريد الزواج على الباءة
حفظكم الله انى احبكم جميعا فى الله
معليش طولللللللللللللللللت عليكم

[نوران الاسمر]

تسدقوا طول عمري ضد ختان البنات لاكن يظهر الختان دا طلع حاجه مهمه علشان البنات تهدى وتصبر ختى يأتى لها نصيبها بدون خراب بيوت ... ربنا يهديكو واضح ان نسبه البنات التعبانه من نار العنوسه زادت اوي يا ريت تصوموا لغايه ما ييجي الفرج ... وارجع واقول الشباب المتدين ذو الخلق في كل مكان واخر احصاءيات الوطن العربي بما فيه مصر الشباب 51% والبنات 49% بس الطمع هو اللي واقف حال الجواز خلاص صوموا بقى ....

واضح انكم انتوا اللي دخلتوا موضوع غلط وما كنش المفروض انكم تدخلوا
لان دا موضوع خاص جدا معرفش دخلتوا نفسكم فيه ازاي
ده مش موضوع استفتاء ولا بيسالكم ايه رايكم في تعدد الزوجات
الموضوع فضفضة زي ما بتفضفضي كده في صفحة معاملة الازواج
لم تتجراء واحدة من الكائنات الشهوانيه التي تحدثتي عنها وتتدخل لتقول رائيها في مقالك او كتابتكم واسئلك ليه قولتي يصوموا عشان خراب البيوت
ما قولتيش ليه ربنا يخدهم ويريحنا ويريحهم اهو احسن من مضايقتهم ليكي
كمان سؤال ليه تفكيرك انحصر في ان الست عايزة تجوز عشان غرض شهواني
زي ما تفضلتي وقلتي وقليلي لما جوزك بيغيب عنك لمدة اسبوع او خلينا نقول سنه
ايه بيبقي شعورك ولا انتي ........................
وما تلفظوا من قول الا لديكم رقيب عتيد
ياريت نخلي بالنا من الكلام اللي بنقولوا يا جماعة ونحاسب شويه في الللي بنقوله
ولو الكئانات الشهوانيه الطماعة التي لا تبحث الا عن خراب البيوت
صامت سيائتي الفرج القريب ما هذه اللهجة وما هذا الغرور ولماذا كل هذه الاهانه
ولماذا لم تكتفي با نسحابك مادام الموضوع مستفذ لهذه الدرجة
واقول للكتكوتيه غريب انك تقفي مع ام ميداء ونسيتي الموضوع الاساسي اللي بنكلم فيه ونسيتي انك داخلة عشان تعرفي ان في حياة اخري مليئة با الاشواك والعذاب يعيش فيه اخرون ولا عششششششششششان رايكم واحد مش عاوزة راي يغلب عليه
وايضا التي قالت يصبروا وان شاء الله سيتزوجون في الجنه
وايه رايك لو تجوزي جوزك وان شاء الله ربنا هيعوضك في الجنه
علي فكرة ان لسه عندي 21سنه بس يعني قدامي 7سنين ان شاء الله عشان ابقي عانس بس الموضوع مش مقتصر علي العنوسة بس
في اخرون مشكلتهم اكبر بكتير من العانس وهما المطلقة والارمله
وكم حياتهم تعيسة ومليئة با الهموم والعذاب اكتر بكثير من المتاخرة عن الزواج
عرفتي يا مدام ناننو ان الموضوع مش اللي في بالك خالص

قد نختلف في الاراء قد نختلف في التعبير
لكن مشكلتنا واحدة وستظل واحدة الي الابد
لااااااااااااااانناااااااا في مركب واحدة

[جورية]

بسم الله الرحمن االرحيم

العنوسة مرض منتشر والله السبب عندنا بلخليج من الاهل بنسبة 70% لان المهور وفوق شقة وذهب و اثاث عرس في صالة غالية وكروت بطاقة يكتب بماء الذهب والبنت ابية دكتور ابية مهندس عشان معاشة وفي بنات ولله اخلاق ولا شي فيهم بس نصيبهم وبردة الشباب ما يحبون بنات بلدهم لازم برة
كلمة عانس مسكينة

[أم لوجى و ملك]

انا مازلت عند رايى رغم كل الانتقادات
لا احتمل رؤية زوجى مع امرأه اخرى غيرى فهى تماما مثل الموت لا فرق بينهما عندى
ولو تزوج زوجى امرأه اخرى غيرى لن اعيش معه يوم واحد اخر
يبقى تتجوز الفتاه التى تاخرت فى سن الزواج واتطلق انا
هل هذا هو الحل؟؟؟؟؟؟؟؟؟؟

[prettyangel]

يا جماعة صحيح انا معاكوا انه موضوع التعدد دة صعب اوي على السي المتزوجة وصعب انها تحتمله بس ربنا سبحانه وتعالى حلله اه هو ربنا حلله مش فرضه يعني هو مش فرض عالراجل انه يتحوز تتاني بس هو حلال انا مش عارفة لو انا متجوزة انا هقبل ولا لا بس بيتهيالي ممكن اقبل لو زوجي دة انسان تقي وهيتقي الله في وفي اولادي وفي الست اللي هيتجوزها لاني لما بشوف فعلا واحد ارملة او مطلقة او لسه مش اتجوزت خالص بقول هي مش ليها ذنب.
وعلى فكرة الموضوع مش مقتصر على الشهوة ومش هي دي السبب الرئيسي يعني اللي هيخلي الناس تخرب البيوت على رايكوا يعني
انما الموضوع انه "ومن اياته ان خلق لكم من انفسكم ازواجا لتسكونوا اليها" صدق الله العظيم
الفكرة في السكن. ويارب تعف كل شباب وبنات المسلمين وترزقهم بالزواج الصالحين.

[katkootaya]

واضح انكم انتوا اللي دخلتوا موضوع غلط وما كنش المفروض انكم تدخلوا
لان دا موضوع خاص جدا معرفش دخلتوا نفسكم فيه ازاي
ده مش موضوع استفتاء ولا بيسالكم ايه رايكم في تعدد الزوجات
الموضوع فضفضة زي ما بتفضفضي كده في صفحة معاملة الازواج
لم تتجراء واحدة من الكائنات الشهوانيه التي تحدثتي عنها وتتدخل لتقول رائيها في مقالك او كتابتكم واسئلك ليه قولتي يصوموا عشان خراب البيوت
ما قولتيش ليه ربنا يخدهم ويريحنا ويريحهم اهو احسن من مضايقتهم ليكي
كمان سؤال ليه تفكيرك انحصر في ان الست عايزة تجوز عشان غرض شهواني
زي ما تفضلتي وقلتي وقليلي لما جوزك بيغيب عنك لمدة اسبوع او خلينا نقول سنه
ايه بيبقي شعورك ولا انتي ........................
وما تلفظوا من قول الا لديكم رقيب عتيد
ياريت نخلي بالنا من الكلام اللي بنقولوا يا جماعة ونحاسب شويه في الللي بنقوله
ولو الكئانات الشهوانيه الطماعة التي لا تبحث الا عن خراب البيوت
صامت سيائتي الفرج القريب ما هذه اللهجة وما هذا الغرور ولماذا كل هذه الاهانه
ولماذا لم تكتفي با نسحابك مادام الموضوع مستفذ لهذه الدرجة
واقول للكتكوتيه غريب انك تقفي مع ام ميداء ونسيتي الموضوع الاساسي اللي بنكلم فيه ونسيتي انك داخلة عشان تعرفي ان في حياة اخري مليئة با الاشواك والعذاب يعيش فيه اخرون ولا عششششششششششان رايكم واحد مش عاوزة راي يغلب عليه
وايضا التي قالت يصبروا وان شاء الله سيتزوجون في الجنه
وايه رايك لو تجوزي جوزك وان شاء الله ربنا هيعوضك في الجنه
علي فكرة ان لسه عندي 21سنه بس يعني قدامي 7سنين ان شاء الله عشان ابقي عانس بس الموضوع مش مقتصر علي العنوسة بس
في اخرون مشكلتهم اكبر بكتير من العانس وهما المطلقة والارمله
وكم حياتهم تعيسة ومليئة با الهموم والعذاب اكتر بكثير من المتاخرة عن الزواج
عرفتي يا مدام ناننو ان الموضوع مش اللي في بالك خالص

قد نختلف في الاراء قد نختلف في التعبير
لكن مشكلتنا واحدة وستظل واحدة الي الابد
لااااااااااااااانناااااااا في مركب واحدة

طريقة كلامك ماعجبتنيش يا نوران ياريييييييت تتكلمي بأسلوب احسن من كده انا ما اهنتش حد و اتكلمتش بأسلوب وحش في حق حد

انا كنت محاسبه على كلامي جدا علشان ما اجرحش شعور حد وواضح انك مش فاهمه كلامي اصلا
كل واحده غيوره على بيتها و جوزها و ده طبيعة الانثى مش حاله خاصه و بكره تتجوزي و تفهمي الكلام اللي احنا بنقوله

وبعدين كل واحد حر يقول رأيه محدش هيحجر على حد ده منتدى عاااام و ادخل في الموضوع اللي يعجبني و اقول رأيي

انتقادك غير مقبول بالمرررررررررررررررررره

[ام مهند]

حبايب قلبي اخواتي الغاليات

اولا وقبل اي شئ المفروض اننا بنفضفض يعني كل وحده ليها رأي تقوله ممكن في رأي مش عاجبني مش لازم اعلق عليه بطريقه تجرح غيري او تضايقه
انا ردت علي الموضوع ده قبل كده ودخلت تاني اشوف الردود والاراء وخاصه انها ماشاء الله كتيره

ثانيا
احنا مش هنحرم شئ حلله الله سبحانه وتعالي

شروط التعدد وأحكامــه :


قلنا أباح الإسلام التعدد مثلما أباحته الشرائع السابقة ، ولكن لم يبحه إباحة مطلقة ولكن وضع لها شروطا وأحكاما :-


1. أن لا يزيد التعدد عن أربع في وقت واحد .


2. أن يعدل الرجل بين جميع زوجاته ويسوي بينهن في الحقوق وبخاصة المادية ، أما العدل في غير المستطاع كالحب والميل فهو ليس بواجب لاستحالته .


3. إن الأمر في قوله تعالى : " فانكحوا ما طاب لكم من النساء....." يفيد الإباحة ولا يفيد الوجوب .
ومع إقتناع البعض بأن الإسلام لم يطلق العنان للزواج الثانى.. فالقاعدة فى الدين الإسلامى برأيى المتواضع هو الزوجة الواحدة






فعن البخارى عن مسور بن مخرمة قال: سمعت رسول الله صلى الله عليه وسلم يقول وهو على المنبر: (إن بني هشام بن المغيرة استأذنوا في أن ينكحوا ابنتهم، علي بن أبي طالب، فلا آذن، ثم لا آذن، ثم لا آذن، إلا أن يريد ابن أبي طالب أن يطلق ابنتي وينكح ابنتهم، فإنما فاطمة بضعة مني، يريبني ما أرابها ويؤذيني ما آذاها..)..

وكلمة فى أذن المرأة .. إن كنتن تخافن وترفضن الزواج الثانى فلتضربن عن الزواج من رجل متزوج وبهذا تحل المشكلة ولكنها ستولد من حلها مشكلة آخرى وهى ضياع الفرصة من آخريات يتمنين الزواج وحتى إن كان متزوجاً.. فهى إن كانت قبلت بمتزوج ذلك أنها لم تجد المماثل له بغير المتزوج
ويتبقى السؤال المحير دوما ً والشائك ، أيهما أفضل الزوجة الثانية أم العشيقة؟؟ أن يكون الزوج خائنا ً أم مزواجا ً ؟؟سؤال متروك لكل زوجة ،، فلتضعى الإجابة التى ترى أنها تناسبكِ !!

ولكن ، تجنبن أن يشملكن الحديث الشريف "كيف بكم إذا فسد نساؤكم وفسق شبانكم ولم تأمروا بالمعروف ولم تنهوا عن المنكر قيل له ويكون ذلك يا رسول الله قال نعم وشر من ذلك وكيف بكم إذا أمرتم بالمنكر ونهيتم عن المعروف قيل يا رسول الله ويكون ذلك قال نعم وشر من ذلك وكيف بكم إذا رأيتم المعروف منكرا والمنكر معروفا"
مقتبس من مقاله قرئتها

[sara_al111i]

انا مش مع ان الراجل يتجوز واحده تانيه
يمكن انا لامتجوزه ولسه شويه قبل لما اخد لقب عانس
بس انا لو متجوزه طبعا مش هقدر استحمل ان جوزي يتجوز عليا واحده تانيه
ولو هو متجوز مش هقبل اكون زوجه تانيه
مع احترامي الكامل لكاتبه الموضوع

[ام مهند]

اما بالنسبه لي كاامرأه انا ايضا لا احتمل ان اراي زوجي في احضان امرأه اخري

مهما كان السبب ومش معني كده اني لا اقبل شرع الله وانما هي احاسيس لا اقوي عليها ابدا