[Angelic Soska]

السلام عليكم يا أجمل فتوكات في الدنيا

انا بحب اعمل حاجات يدوية، بس مش ثابتة على حاجة معينة... مرة ارسم، مرة اصمم، مرة ارسم على كوبايات وكاسات,,,,, إلخ إلخ إلخ

ههههههههههههههههههههه

المهم، انا بقالي فترة بحاول ارسم على كاسات وكبايات زجاج، مش بعرف اطلع الحاجة زي ما انا عاوزاها، لأني حتى مأخدتش كورس او ي حاجاة تدريبية اتعلم منها!

انا عاوزة اعمل حاجات اللي ممكن تحطي فيها شمعة من جوه وتدي منظر حلو أوي من برة!

حاولت كذا مرة اني ألون الكوباية كلها بالسفنجة، بس دايما بتعمل فقاقيع كده بتخلي شكلها مش حلو خالص!!

ياريت يا بنات اللي عارفة اصول الرسم على الكاسات والكبايات، وادواتها، وطرقها، والالوان المناسبة ليها وغيره، يا ريت تعرفني بالحاجات دي.. انا كنت عاوزة اعمل الحاجات دي وابيعها!

ولو حتى في مواقع لتعليم الرسم ده، يا ريت تساعدوني يا قمرات!

بحبكم في الله

أختكم ســــارة

[نونة الدلوعة جدا]

يا رب حد يفيدك

[لااخشى فى الله لومة لائم]

ربنا ييسرلك يارب

[ميرو ميرو2010]

ربنا يوفقك انتى طموحه

[warda sookra]

انا بردوا بحب الحاجات دى اووى
وبدل ما الواحد يشتريها يعملها ف البيت احسن
انا كنت عامله ع الكاسات بتاعت خطوبتى
بس بشرايط الستان والورد كمان
الرسم عشان مش يطلع اعملى بالوان زيت المايه هتتطلع علطول وف البرونز كمان روحى اى مكتبه محترمه واسئليهم ع ادوات رسم مش تطلع بالمايه وربنا يوفقك

[♥♥♥♥♥♥♥]

lمش عارفة بصراحة يا جميل
معنديش فكرة اوى عن الشغل ده
بس انتى ممكن تجربى الوان الزجاج
هتلاقيها فى سمير وعلى او الفجالة او المكتبات الكبرى
هاتى كام لون منها وهاتى 3 فرش احجام مختلفة بس يكونو صغيرين الى حد ما
وجربى ترسمى زخارف على الكاسات
وابحثى على النت على زخارف نباتية او فرعونية او اسلامية مثلا
كمان ممكن تشترى ريليف برضه هتلاقيه فى المكتبات
ده عشان تحددى بيه الزخارف
واختارى الالوان اللى تعجبك وخصوصا الذهبى والاسود
كمان ممكن تجربى الجليتر هتشتريه من المكتبة برضة او من عند الموان
وتحطيه فى اى مادة لازقة وليكن ورنيش من عند الموان
دى علبة صغيرة كده فيها مادة شفافة
انا كنت بحط الجليتر عليها وبلون بيها

lوممكن تستخدمى خامات اخرى مع الرسم
يعنى زى الخرز او الستان او الاورجانزا

اتمنى لو حد عنده اضافات يقولك
وربنا معاكى

[Angelic Soska]

يا رب حد يفيدك

ربنا ييسرلك يارب

تسلم ايديكم يا قمرات

ربنا يوفقك انتى طموحه

تسلمي يا حبيبتي، والله الواحد بيحاول يشغل وقته بحاجة بيحبها

انا بردوا بحب الحاجات دى اووى
وبدل ما الواحد يشتريها يعملها ف البيت احسن
انا كنت عامله ع الكاسات بتاعت خطوبتى
بس بشرايط الستان والورد كمان
الرسم عشان مش يطلع اعملى بالوان زيت المايه هتتطلع علطول وف البرونز كمان روحى اى مكتبه محترمه واسئليهم ع ادوات رسم مش تطلع بالمايه وربنا يوفقك

اه والله يا فتوكة.. انا لما بشوف الحاجات دي بتتباع واسعارها مش رخيصة، وكمان بسيطة جدا ومفهاش اي تعقيد، اقول لأ يا بت يا سارة، خدي الفكرة بتاعتها وحاولي تعمليها انتي.. على الأقل تعمليها بضمير وتهتحسي بتعبك عليها هههههههههههه

[Angelic Soska]

lمش عارفة بصراحة يا جميل
معنديش فكرة اوى عن الشغل ده
بس انتى ممكن تجربى الوان الزجاج
هتلاقيها فى سمير وعلى او الفجالة او المكتبات الكبرى
هاتى كام لون منها وهاتى 3 فرش احجام مختلفة بس يكونو صغيرين الى حد ما
وجربى ترسمى زخارف على الكاسات
وابحثى على النت على زخارف نباتية او فرعونية او اسلامية مثلا
كمان ممكن تشترى ريليف برضه هتلاقيه فى المكتبات
ده عشان تحددى بيه الزخارف
واختارى الالوان اللى تعجبك وخصوصا الذهبى والاسود
كمان ممكن تجربى الجليتر هتشتريه من المكتبة برضة او من عند الموان
وتحطيه فى اى مادة لازقة وليكن ورنيش من عند الموان
دى علبة صغيرة كده فيها مادة شفافة
انا كنت بحط الجليتر عليها وبلون بيها

lوممكن تستخدمى خامات اخرى مع الرسم
يعنى زى الخرز او الستان او الاورجانزا

اتمنى لو حد عنده اضافات يقولك
وربنا معاكى

تسلمي يا نيسو

المشكلة ان انا في دبي مش في مصر،، والحاجات دي نوعا ما غالية، فبخاف اجيب حاجة وبعد كده مستفدش منها.. والمشكلة الأكبر ان اللي واقفين في المكتبات دي "هنووووووووووووووووووووووووووووود"

انا عادي بالنسبة لي اتكلم معاهم انجليزي لأني مترجمة، بس المهم انهم يفهوااا هههههههههههههههههههههههههههههههه

وتسلمي يا قمر على الأفكار التانية دي وعلى مشاركتك!

[بسبوسة الشقية]

لازم تستعملي الوان زجاج بتتباع في المكتبات
غير كدا اى الوان هتبوظ منك
وستخدمى للتحديد وردة او اى شئ قلم اسمة ريليف بيكون دهبي ينفع علي الزجاج والحرير

[Angelic Soska]

والله يا بسبوسة انا بستخدم ألوان الزجاج من Pebeo، بس المشكلة لما باجي بدهن اللون كله بالاسفنجة على الكوباية، بيعمل فقاعات كده مش ظريفة!

بصي، هي دي الالوان اللي بستخدمها

http://files2.fatakat.com/2011/6/13082069961936.jpg