[dode]

[لسلام عليكم ازيك
افيديني ازاى ابعت صورة على الشات
انا اعرف لكن فية مشكلة في الجهاز ومش غارفة
رجاء الرد سريعا]

[My Name]

انهى شات بالظيط ماسنجر الهوت ميل او الياهو و الاى سى كيو ولا السكاى بى ولا اية؟

[dode]

ياهو ماسنجلر
رجا الرد سريعا
مشكورة

[nehad]

بصي يا حبيبي شكل ماي نيم اوف لاين وانت مستعجله
المهم ممكن تتغطي علي action و اختاري share photos
و ابتدي add photo و أختاري الصور من الفولدير و اعملي open
أنا أسفة لماي نيم لتدخلي

[My Name]

اختى nehad الموضوع مش معمول عشان اى حد يحط سؤال انا اللى ارد

الموضوع معمول للجميع اى حد عنده إجابة يحطها وكلنا بنفيد بعض وانا بستفاد منكم

ولو محتاجين حاجة لو معرفهاش هقول وحد غيرى يرد وانا لو عندى سؤال هحطة وكدا ومشكورة جدا جزاكى الله خيراً لتدخلك لانى فعلا ماليش فى الياهو ولا بحبة

ولا كنت اعرف اجاوب

وشكرا ليكى واتمنى كلنا نفيد ونستفيد من بعض

[dode]

الهوت ميل
هوه الى مش بيبعت الصور فيه مشكلة
ساعدينى احلها
بسرعة

[samasemo]

هاى my nameتسلمى على الموضوع بجد هايل
كنا عايزين نسالك دلوقتى احنا لما نفتح الكمبيوتر ونسجل دخول على الهوت ميل بيكتب لنا اننا متسجلين على جهاز اخر ولازم نضغط على اللافتة دى عشان نسجل دخول على جهازنا
كمان فى موقع عشان نتاكد اذا كان جهازنا تم اقتحامه او التجسس عليه هل اذا دخلنا الموقع ده يحصل اى مشكلة
جزاكى الله كل خير

[onlygirl]

اشكرك جدا على كل المعاومات القيمه
وبجد انا نفسى اتعلم حجات كتيرة عن الكمبيوتر .وعايزة اخد كرس مكثف فيه
ياريت تقوليلى على برنامج فيروسات حلو .لان عندى كتير .وبتضايق اوى لما افرمطه لانه بيضيع كل حاجة عليه

[My Name]

الهوت ميل
هوه الى مش بيبعت الصور فيه مشكلة
ساعدينى احلها
بسرعة

-حاولى الدخول على موقع msn وتنزيل الاصدار الجديد من الماسنجر
-او ان الملفات اللى برتليها امتدادها exe
مثلا (file.exe) ودا بيمنع ارساله الماسنجر لدواعى امنية والحل
انك تضغطية ببرنامج ضغط زى الوين رار اوالوين زييب
win rar او win zip

هاى my nameتسلمى على الموضوع بجد هايل
كنا عايزين نسالك دلوقتى احنا لما نفتح الكمبيوتر ونسجل دخول على الهوت ميل بيكتب لنا اننا متسجلين على جهاز اخر ولازم نضغط على اللافتة دى عشان نسجل دخول على جهازنا

دا يبقى حد فاتح ايميلكم على جهاز تانى يعنى ممكن يكون
- مسروق
-او انكم نسيتوه مفتوح فى سيبر او عند اصحابكم

كمان فى موقع عشان نتاكد اذا كان جهازنا تم اقتحامه او التجسس عليه هل اذا دخلنا الموقع ده يحصل اى مشكلة
جزاكى الله كل خير

-لا ابدا دا امن وكل اللى بيعملة بيفحص البورتات او النوافذ اللى ممكن يدخل منها الهاكر وبيشوف هى مخترقة ام لا
-والموقع امن جدا ويبفضل عمل فورمات للجهاز وتغيير بيانات الايميل
وتركيب احدث انتى فيرس وينصح بالكاسبر او نود 32 وممكن تزوروا موضوع الحماية الشامل فى قسم الكمبيوتر او اعملوا عنه بحث عن طريقة البحث فى المنتدى وان شاء الله يفيدكم

اشكرك جدا على كل المعاومات القيمه
وبجد انا نفسى اتعلم حجات كتيرة عن الكمبيوتر .وعايزة اخد كرس مكثف فيه

1 خليكى معانا واقرأى الاسئلة والاجوبة عليها للإسفتادة منها
2 اى مشكلة تقف ادامك لا تترددى فى وضعها ولكن عليكى التأكد انها مشكلة غير مكررة بقرأة الموضوع كامل بالردود واديها استفادة بردة فى نفس الوقت

ياريت تقوليلى على برنامج فيروسات حلو .لان عندى كتير .وبتضايق اوى لما افرمطه لانه بيضيع كل حاجة عليه

مش شرط تعملى فورمات لكل البارتشنات او الدرايفات لكن اعملى فورمات للدرايف اللى عليه الويندوز

يعنى لو عندك c d e f

والويندوز على ال c

أعملى فورمات لل c بس

والحالة اللى تعملى فيها فورمات لجميع البارتشنات هى ان الفيرس يعود مرة اخرى

بعد الفورمات

وبالنسبة للأنتى فيرس فية كاسبر سكاى والنود 32

nod32
Kaspersky Anti-Virus

[preatywoman]

يعني مش اللي بيدي الواصله بيكون عامل شبكه من الاجهزه الي مشتركه عنده ويقدر يدخل على اي جهاز فيهم بسهوله

[My Name]

يعني مش اللي بيدي الواصله بيكون عامل شبكه من الاجهزه الي مشتركه عنده ويقدر يدخل على اي جهاز فيهم بسهوله

يقدر يخش على جهازك فى حالتين

1/ لو وصل وصلة نت ورك
(ولو مش موصل غير سلك النت يبقى دى اول حاجة خلصنا منها)

2/ لو هو مسطبلك برنامج على جهازك او بعتلك برنامج تسطبية
(يبكون برنامج للتجسس على جهازك)

[أمولة]

موضوعك مفيد جدا انا عندي الهوت ميل يعني ايميلي على الهوت ميل مابيفتح ويعطيني انوا خطاء شو اعمل

[My Name]

جربى الطريقة دى وان شاء الله تنفع

[dode]

قوليلى الضبط الاساسي للياهو ماسنجر
علشانمش عاوز يبعت صور

[My Name]

قوليلى الضبط الاساسي للياهو ماسنجر
علشانمش عاوز يبعت صور

حاولى تنزيل الإصدار الجديد من الياهو ماسنجر
وقوليلنا الاخبار

[lyly]

السلام عليكم

بجد my name مجهود رائع وما شاء الله عليكى

انا بقى مشكلتى انى واخده واصله نت من واحد جارى وحاسه انه بيتجسس عليا

مش عارفه اتأكد ازاى من الموضوع ده

وازاى امنعه انه يتجسس عليا

[My Islam]

وبالنسبة للأنتى فيرس فية كاسبر سكاى والنود 32

nod32
Kaspersky Anti-Virus

إذا أردتي النود تلاقيه هنا
http://forums.fatakat.com/thread18794

[My Name]

السلام عليكم

بجد my name مجهود رائع وما شاء الله عليكى

انا بقى مشكلتى انى واخده واصله نت من واحد جارى وحاسه انه بيتجسس عليا

مش عارفه اتأكد ازاى من الموضوع ده

وازاى امنعه انه يتجسس عليا

حاسة ازاى يعنى ؟

على العموم ميقدر يتجسس غير لو عامل معاكى شير او مشاركة فى الملفات والطباعه ودى ممكن تلغيها

او انه بعت ليكى ملف وانت فتحتية على جهازك ايا كان هذا الملف او البرنامج

او انه عامل معاكى وصلة نت ورك (دا غير الدى اس ال ) بيكون كابل لواحدة بيخلى كل واحد يدخل على جهاز التانى

ويا ريت تقوليلنا لية انت حاسة او اية اللى خلاكى تحسى وممكن ان شاء الله نقدر نساعدك

[lyly]

مرسى يا قمر على ردك
وانا لغيت الشير

بصى هو اساسا عايشلى فى الدور شويه وكل شويه بيقطع النت عندى عشان اتصل بيه و اقوله النت فاصل

اكيد انتى كده فهمتى الموقف

مره تانيه مرسى ليكى يا قمر على الاهتمام