[mohey303]

السلام عليكم جزاكى اللة كل خير اناعندى مشاكل مش مشكلة
1-- انا عندى الكمبيوتر فية 2وندز وعايزة اشيلهم وانزل واحد جديد ياريت بالصور من الاول وبراحة
2-- بس البوردة بتاعة الكمبيوتر غريبة مافيهاش فيرست بوتم الى انا حافظاها اسمها ecs
3--الكمبيوتر التانى اذا حبيت انزل حاجة من النت يعمل ريستارت

[My Name]

اريد ان اغير كلمة السر بتاعت الميل اعمل اية

ايميلك ياهو ولا هوت ميل

[My Name]

السلام عليكم جزاكى اللة كل خير اناعندى مشاكل مش مشكلة

1-- انا عندى الكمبيوتر فية
2وندز وعايزة اشيلهم وانزل واحد جديد ياريت بالصور من الاول وبراحة

لازم تعملى فورمات للدرايفين اللى عليهم الويندوز ال c و d

سيتم شرح عمل فورمات وتسطيب ويندوز فى موضوع لوحدة بس لازم حد يسطبة ادامك وتتعلمى منه مينفعش على النت

2-- بس البوردة بتاعة الكمبيوتر غريبة مافيهاش فيرست بوتم الى انا حافظاها اسمها
ecs

لو قصدك بالبوردة الكيبورد
عمرى ما سمعت عن كيبورد مفهوش زرار esc

3--الكمبيوتر التانى اذا حبيت انزل حاجة من النت يعمل ريستارت

اعتقد انه فيرس الحل فورمات وتنزيل انتى فيرس على نضافة
وافضل برامج الانتى فيرس
الكاسبر سكاى والنود 32

[mohey303]

انا نزلت الوندز ابل كدةكذا مرة بس عندىطريقة كتباها وحفظاها اى تغيير اتوة بسيف ب f10 -واعمل انتر بعد ما اخلى الكمبيوتريقرا من السى دى روم وباقى الخطوات سهلة بس السطوانة الى عندى مافهاش فورمات ولا فيها وانا مش عارفة اعمل اية يعنى بالترتيب ---------
والبوردة بتاعة الكمبيوتر مش الكى بورد نوعهاكدة وانتىجميلة اوى انا متشكرة انك رديتى واهتميتى كتر الف خيرك

[My Name]

انا نزلت الوندز ابل كدةكذا مرة بس عندىطريقة كتباها وحفظاها اى تغيير اتوة بسيف ب f10 -واعمل انتر بعد ما اخلى الكمبيوتريقرا من السى دى روم وباقى الخطوات سهلة بس السطوانة الى عندى مافهاش فورمات ولا فيها وانا مش عارفة اعمل اية يعنى بالترتيب ---------

براااااحة شكلك مستعجلة اوى فى الكتابه دا انا قريت وفهمت بالعافية

الطريقة اللى بتقولى عليها دى اسمها تغيير اقلاع البوت (سى دى او فلوبى ديسك)

طبعا انت غيرتيها على الاسطوانة بس الاسطوانة بتاعتك مش بوووت (وبوت يعنى اللى انت تقصديها فيها فورمات ) يعنى الاسطوانة بتديكى اخيارات التسطيب والفورمات لكن اظاهر ان الاسطوانة بتاعتك مش بوت لازم تجيبى اسطوانة بوووت او تجيبى فلوبى وتدخلى على الدوس(طبعا بعد مما ترجعى الاختيارات من السى دى روم للفلوبى ) عشان يقدر يقرأ الفلوبى ويدخلك على الدوس


انسخى الويندوز من الاسطوانة (كوبى) وحطية فى ملف وسمية xp او اى اسم بالانجلش ويكون قصير وتعملى باسط past لملفات الويندوز كلها فى الملف دا وتحفظى اسم الملف والبارتشن

ادخل على الدوس بالفلوبى
اكتبى اسم الدرايف اللى موجود فية النسخة
وليكن الدى

اكبتى دى وبعدين نقطين فوق بعض (shift+ك)
ودوسى انتر
اكتبى الكلمة دى لاستعراض الملفات داخل البارتشن
dir
وانتر
هيجبلك الملفات اللى ع البارتشن ومنهم الملف اللى فية الويندوز اللى اسمة مثلا xp

اكتبى كدا

cd xp
انتر
smartdrv
انتر
cd i386
انتر
winnt

انتر

هيدخلك على شاشة تسطيب الويندوز والباقى انت عارفااااااااااه
اكتبى اسم البارتشن اللى علية نسخة الويندوز

والبوردة بتاعة الكمبيوتر مش الكى بورد نوعهاكدة وانتىجميلة اوى انا متشكرة انك رديتى واهتميتى كتر الف خيرك

اها تقصدى بوردة ecs انا فهمت غلط معلش هى بوردة كويسة جدا و انصحك كمان ببوردة اسمهاGyga-bayt او MSI

[mohey303]

الاسطوانة بوت انا متاكدة وبجيب لبوردة من ديل ومخلياة يقرا على طول من ال سى دى بس انا بعمل f10 -وبعدين انتر f8 بس البوردة دى غريبة شوية معلش فهمى بطىء شوية

[My Name]

ياااااااه ما تقولى كدا من امبارح
انت مش فاهمة تعملى اية عشان نوع البوردة غريب وطريقتة غريبة


معلش لا استطيع مساعدتك فى هذا لانى مجرتش البوردة دى
معلش مقدرتش اساعدك

[mohey303]

ازاى مافدتنيش انتى جميلة جدا وربنا يباركلك ويجعلة فى ميزان حسناتك بس ماتنسيناش فى طريقة تثبيت الوندز بالصور بطريقة مفصلة لان كلنا مش ملحقين تنزيل على الاولاد

[mohey303]

انا قريت شوية فى الاسالة والردود فعلا فادتنى جدااااااااااااااااااااا ربنا يباركلك

[My Name]

ازاى مافدتنيش انتى جميلة جدا وربنا يباركلك ويجعلة فى ميزان حسناتك بس ماتنسيناش فى طريقة تثبيت الوندز بالصور بطريقة مفصلة لان كلنا مش ملحقين تنزيل على

دا بالصوت والصورة كمان
بس انت تأمرى اصبرى بس هجبلك شرح بس هعملك فى موضوع منفصل اهداء ليكى

[أم روان]

كلمة السر بتاعة دخول المنتدى اتسرقت انا غيرتها بس عايزه اعرف انهى المشكله دى ازاى

[أم روان]

المشكله لازم يكون ليها حل علشان بعد ما سجلت خروج الحرامى ده دخل والناس بتزعل لما اقولهم انا خارجه ويلاقو اسمى موجود وممكن يتلعب فى تفسير الاحلام

[My Name]

المشكله لازم يكون ليها حل علشان بعد ما سجلت خروج الحرامى ده دخل والناس بتزعل لما اقولهم انا خارجه ويلاقو اسمى موجود وممكن يتلعب فى تفسير الاحلام

بصى يا ام روان

اولا الحل النهاااائى هو الفورمات
وبعدين تخلى بالك بئى من اى ملف حد بعتهولك على الماسنجر او اى شات
او نزلتية من اى موقع

لازم يكون عندك الكاسبرى سكاى او النود 32
ودول افضل برنامجين حماية

وتعملى بية سكان على الجهاز كلة بعد الفورمات طبعا
يعنى تعملى فورمات وتنزلى الانتى فيرس على نضافة وتعملى سكان على كل الملفات وبعدين اى ملف تنزلية من النت او تستقبلية لااااازم سكان على طوول بالانتى فيرس

[boby]

والله بجد يا ماي نيم انتي ما تعرفي انا سعيدة بيكي اد اية وباسلوبك في الشرح وبوجودك هنا اساسا معانا انا بجد فخورة بيكي جدا وبجد انا اول حاجة بعملها دلوقت اول ما ادخل المنتدي ادخل بسرعة علي موضوعك واعد اقراء في الاسئلة والاجوبة بتاعتك بجد انا كان نفسي فيكي من زمان ربنا يزيدك من علمة وتزيدينا من علمك ومعرفتك الي بجد كان نفسي يكون عندي فكرة اوسع بيها وربنا يوفقك في حياتك يا أحلي ماي نيم

[mohey303]

ربنا ينفع بيكى الاسلام ويجمعنا على الحوض الشريف

[أم روان]

قوليلى يا قمر
هل استقبال رسائل على الخاص له دخل بسرقة كلمة السر

[My Name]

والله بجد يا ماي نيم انتي ما تعرفي انا سعيدة بيكي اد اية وباسلوبك في الشرح وبوجودك هنا اساسا معانا انا بجد فخورة بيكي جدا وبجد انا اول حاجة بعملها دلوقت اول ما ادخل المنتدي ادخل بسرعة علي موضوعك واعد اقراء في الاسئلة والاجوبة بتاعتك بجد انا كان نفسي فيكي من زمان ربنا يزيدك من علمة وتزيدينا من علمك ومعرفتك الي بجد كان نفسي يكون عندي فكرة اوسع بيها وربنا يوفقك في حياتك يا أحلي ماي نيم

ربنا يكرمك على كلامك الجميييييييل جدا جدا والله
وربنا يكرمك وجزاكى الله خيراً

ربنا ينفع بيكى الاسلام ويجمعنا على الحوض الشريف

امين احنا وانت وكل المسلمين

قوليلى يا قمر
هل استقبال رسائل على الخاص له دخل بسرقة كلمة السر

لا بس لو حد بعتلك ملف (ايا كان .. صورة .. برنامج.. فديو.. )
ممكن يكون الفيرس او ملف التجسس فيهم فيا ريت عدم استقبال ملفات من حد
او عدم استقبال روابط وفتحها حتى من اى حد

غير كدا ماينفعش كلمة السر تتسرق

[أم روان]

تسلميلى يا أموره
ما شاء الله عليك لاقوه الا بالله
ربنا يحميك