[heba saad]

نصائح ذهبية لكل بنت محجبة ازاي تتعامل صح مع الحجاب..

ألوان الموضة في الإيشاربات ؟

لون الطرحة حسب لون اللبس ولكن اللون البني هو الأساس السنة دي وبيدخل معاه البرتقالي, التركواز,الروز, الزيتي بدرجاته, البني لوحده, البني المحروق مع البني العادي موضة جداً واستخدام الألوان الجديدة وتداخلها بيعطي نتيجة حلوه جداً..










هل البني المحروق ممكن "يغمق" البشرة وخاصة إن لوننا خمري أحياناً مائل للاسمرار؟
لا أبداً البني جميل جداً مع كل ألوان البشرة، على فكرة أنا عندي مبدأ إن كل الألوان تليق على البشرة السمراء أو البيضاء بنفس الدرجة، حكاية إن الروز والموف لا تصلح للبشرة السمراء أو الخمرية أو إنه "بيسمر جداً" ده كلام مش صحيح، النهارده مافيش لون صريح.. الروز له درجات مختلفة وموجودة في كل أنواع المكياج،كمان الموف, والأخضر.. المهم اختيار الدرجة من اللون القريبة من درجة لون البشرة وأكيد هتكون مناسبةولا تعطي نتيجة عكسية



ازاي تختاري خامة أو قماش الإيشارب صح؟نوع القماش أو خامة الإيشارب تعتمد على نوع اللبس، كمان فيه أنواع من الأقمشة من المفضل نتجنبها حتى لو عجبك لونها أو تطريزها أو نقشتها.. من الأقمشة المزعجة في لبس الحجاب "الأوراجنزا الهايشة".. ابعدي عن الأقمشة "الناشفة" لأنها صعبة في الربط، خلي عنيكِِ على نوعية الأقمشة الناعمة والأقطان، الحرير,الحرير على قطن، الشيفونات بأنواعها كلها خامات حلوة جداً ومناسبة وعملية والتل كمان...
بأكد إن الإيشارب مهم إنه يكون عملي في اللف، ممكن الإيشارب يكون غالي ووحش في ربطته وبعد شوية هتكرهي الإيشارب وهتركنيه على جنب بعد ما غرمتي ثمنه.

نوعية القماش المناسبة والعملية للبنت في الجامعة عشان يكون حجابها مريح وفي نفس الوقت شكلها مش مبهدل؟
تختار الأقطان والشيفونات المطفية "بدون لمعة".. الأقمشة دي بتستحمل جداً الحركة طول النهار،
فالأقطان فيها ألوان كثيرة وأشكالها حلوة جداً،
والقطن على حرير فيه تطريز خفيف حلو كمان وموضة جداً يكون في طرف الإيشارب تطريز أو ترتر بس المهم يكون "Simple" جداً..

عشان الجامعة ممكن تختار الإيشاربات الأقطان المخططة أو المنقوشة، فيه مساحة تنوع النهارده وألوان ينفع تدخل مع بعض تعطي شكل جديد في كل مرة. والتطريز البسيط يعطى جمال ورقة



أفكار لحجاب ممكن يناسب لفترة بعد الظهر أو بالليل؟
ممكن تحتفظي بشكل ربطتك اللي بترتاحي معاها والمناسبة لشكل واستدارة الوجه وتستخدمي إكسسوارمختلف.. حلق كبير، سلسلة فيها دلاية فيها حجر فيروزي، خاتم فضي بفص ملون..

النهارده مافيش لبس محدد للنهار وآخر لليل، مساحة الحركة تكون إضافة حاجة جديدة للبسك حسب وقت الخروج وطبعاً المناسب للمكان.




ازاي البنت المحجبة تختار الربطة المناسبة لشكلها؟
لازم تعرف هي بتحب إيه، الربطة التقليدية أو الربطة "الاسبانش" المربوطة "على ورا" عشان تكون
مرتاحةومقتنعة بربطة الإيشارب، ولو هي محجبة جديد ماتستعجلش على نفسها "شوية..... شوية"
مش معقول هتقدر تلف الإيشارب زي واحدة متحجبة من زمان.. البنات بتكتئب وبتزعل قوي عشان شكل حجابها مش "مظبوط" عشان كده لازم المحجبة جديد تلبس في الأول حجاب ربطته سهلة ولا تستخدم أنواع ناعمة جداً ممكن تتزحلق بسرعة وتظهر شعرها،
ممكن تستخدم الأقطان في البداية لأنها بتثبت، وعشان تلم شعرهاكويس جداً تلبس "بونيه" قطن ولا تظهره، ومهمته مساعدتها في تثبيت الإيشارب ويمسك الشعر كله وتختار ربطةسهلة.

الربطة "الإسبانيش" موضة جداً، ازاي نربطها "صح" خطوة خطوة....؟أولاً نلبس بونيه قطن يلم الشعر كويس وبعد كده نجيب طرحة مستطيلة لون تاني، فلو إن البونيه بني محروق تكون الطرحة تركواز تبين جزء من البونيه ونحط الطرحة الثانية بمحاذاة خط البونيه ونربطها على ورا كويس جداً وممكن نجيب طرحة تانية شيفون مثلاً وتكون لونها بني محروق ونربطها فوق التركواز، بعد كده نبين جزء منها زي ما عملنا في الخطوة السابقة ونربط كويس جداً،

بعد كده نبدأ في ربط أطراف الطرحتين البني والتركواز بحيث ممكن نربط طرف الأولى مع الثانية والعكس، وإنتِ قدام المرايا هتلاقي نفسك بتربطي الأطراف، وممكن تبتكري تعملي الأطراف "كحكة" أو تعملي بطرف "كحكة" وتسيبي الطرفين نازلين علىكتفك على حسب ذوق وشكل وجهك.

نصيحتى للف الطرح التقليدية؟لازم تلبسي بونيه قطن وتحطي الإيشارب على حرف البونيه عشان يختفي وتمسكي الطرف القصير بدبوس مشبك بالطرف الكبير وتلفي الطرف الطويل حول الرأس وتثبتي بالدبابيس، وبلاش أكتر من إيشارب في الأول.. كفاية لفة بسيطة.

ولو عاوزة تدخل ألوان في اللفة التقليدية؟زي ما قلنا البونيه وبعد كده الإيشارب على حرف البونيه وبعدها تمسك الطرف القصير بالطرف الطويل عند الرقبة، وبعد كده الإيشارب الثاني بعده بمسافة من الأول وتمسك أطرافه وتلف طرف الأولى وطرف الثانية في اتجاه واحد بشرط طرف يظهر لونه قبل الثاني، أو تحط الطرفين فوق بعض وتلفهم مرة واحدة وتحط دبابيس للتثبيت.

ممكن تلبس "بندانا" وتلف الطرحة، ونصيحتي بلاش وضع شريط بلاستيك في مقدمة الطرحة.. ممكن تستخدمي "اسبراي نشا مخصوص للمكوى"، عشان تنشي الطرحة.

إيه رأيك في إضافة الضفيرة من قماش وعمل "الكحكة" بالربطة "الإسبانيش"؟ بصراحة لا أفضل الإضافات الكثيرة للحجاب طالما اخترتِ الحجاب عن قناعة لازم تكوني محتشمة وبسيطة في نفس الوقت... لازم تتعاملي مع الحجاب وكأنه شعرك وتحبيه عشان شكلك يكون حلو فيه ولما توصلي للدرجة دي أكيد هتبتكري في الربطات أكثر


نصيحتى للعروسة المحجبة؟

تبحث عن لون مناسب لبشرتها يبرز جمال لونها تفكر في موديل مناسب لجسمها وتفكر ازاي يكون شكلها مختلف وجديد، ومش شرط إن موديل أو ربطة عجبتك إنها ممكن تنفع معاك أو تليق عليك، وكمان تختار حد يساعدها في ربط الطرحة لأنه متخصص وبيتحكم أكثر في الربط وله خبرة في ابتكار ربطات جديدة.

[shimo_shiko]

شكرا كتييييييييييييييير علي نصائحك الذهبية يا قمر

[zouzou]

الله يطيك العافية جميل جدا

[Om Hassan]

مشكورة يا قمر

[دكتورة]

جزاك الله كل خير على تعبك يا هبه فى الموضوع
ولكن انا سمعت فتوى قريب من الشيخ محمد حسين يعقوب على قناة الحكمة
بيقول فيها ان من شروط الحجاب الا يكون زينة فى نفسه
وفسرها وقال هى الربطات واللفات والالوان
فاللون الابيض زينة فى نفسه والموف زينة فى نفسه وعدد الالوان وقال اننا لما بنشوف الالوان دى صدرنا بينشرح وبذلك تكون زينة
فلا تجوز
هذا والله اعلم
وتقبلى مرورى

[heba saad]

شكرا على المرور

[مدام رشا]

[أم مريم]

شكراً ليكى

[doaa dolly]

افكر جميله وبسيطه شكرا

[ايمان احمد السيد]

روعه الطرح

[heba saad]

يارب تكونو استفدتو

[sneakersupplier]

Our company is a footwear enterprise which combine footwear trade with footwear manufature(www.sneakersupplier.com). For good quality of our products, we bringed in the best production equipments, technologies, and professionals from abroad. We produce over 1000,000 shoes per year.

We can produce various athletic shoes, recreational shoe, stogy, mainly Nike,adidas,timberland,gucci,prada, Luie Vuitton and puma shoes . We can provide Nike Jordan series, Airmax and Shox series.For example: nike airmax 95, airmax 97,airmax 2003, shox TL,shox R4,Shox NZ, Air force one(AF1),Dunk, Kobe,James, Jordan I-XX. All the shoes are packed in original boxes with retro cards, and the tags and style code number are 100% correct. We can not only provide the top quality shoes, but assure you the best price in china on the basic of the equal condition as well.Our business is successfully expanded to United States, Canada, United Kingdom, Italy, Germany, Brazil and so on. . website: http://www.sneakersupplier.com

[ميرو 1]