[ملايكة]

.بسم الله الرحمن الرحيم
بصوا بقى انتوا كلكم بتقولوا جوزى مش مهتم جوزى مش واخد بالة منى اغير من نفسى ازاى اعمل اية جوزى بيبص لغيرى وممكن تكون اقرب الناس ليكى مفكرتيش كدة لية بص ليها تعالوا بقى للبتحب و او مخطوبة دة مش سال فيا دة مش بيهتم زى الاول دة متغير معايا دة الغلط نفسة عشان الانسان عاوز كل حاجة من غير ما يدى حاجة ولو اديتى تقولى ممكن يفتكر دة ضعف منى عشان صالحتة عشان قولتلة بحبك بزيادة ههههههه عشان وعشان وعشان بتتقال كتير اوى ممكن نفكر بقى فيهم شوية هما عاوزين اية وبيبصوا لغرنا لية عارفة لية عشان ناقصة اهتمامك انتى انا بتكلم دلوقتى على المجوزين انتى هتقوليلى انا بلبس لية كل حاجة مهتمة بية وبعيالة لالالا دة مش كفاية فين المفاجات اللى يتصدم بيها انك تقومى قبلة الصبح قبل ما يروح الشغل تعملى الفطار هتقوليلى مش هقدر هقوم معاة ولا مع العيال انا بقول حتى لو مرة تعمليها هو هيفضل فاكرها دايما وتبقى واخدة بالك من نفسك قبل ما تصحية يعنى البسى مثلا بنتكور و بدى ومش لازم مكياج على الصبح بس طبعا روج خفيف اوى وتفطرى معاة وينزل عارفة احساسة هيبقى اية يااااااااااااااااة على الفرحة وياسلام هو وراجع من الشغل الظهر يلاقى لبس تانى مثلا جيب قصيرة (تنورة)او مثلا بنطلون جينز وبدى عريانة حبة ما انتى فى بيتك وبرفان كدة ومكياج بردوا خفيف بس غير بتاع الصبح و بليل لما يرجع بقى يلاقى قميص النوم و الاولاد نايمين مفيش حاجة اسمها مش بيناموا فى حاجة اسمها معاد محدد للنوم هتقولى مش بيجى معاهم و مهما اقول طيب خليكى لحد ما جوزك يروح منك المهم يلاقى عشا جميل و مكياج بقى تانى خالص وكل يوم قميص شكل مش هو هو طبعا مع تغير الالوان لالا
(اما بقى بالنسبة للمخطوبين و اللى بيحبوا)
انتى بتقولى مش بيتصل ولا بيهتم لية انتى عرفتى انتى مقصرة فى اية طيب ما جايز يكون مش عاوز يقولك خايف على زعلك ما تحولى تتكلمى معاة عارفة اخر ما تغلبى معاة اخرجى شوفى مالة غيرى منك نفسك مرة تلبسى جيبة وانتى خارجة معاة مرة بنطلون جينز مرة بنتكور فى حاجات كتير التغير مطلوب للمجوزة والمخطوبة واللى بتحب المهم يا بنات نراجع نفسينا الاول) ولو فى واحدة شايفة عيب فى جوزها تقول و يمكن يكون عندنا الحل اللى تايهة منها واسفة انى طولت عليكم بس يارب يعجبكم و متخيبوش ظنى.

[رانيـــا الشقية]

يا ملايكة مش عاوزاكى تصدرى أحكام وخلاص ياحبيبتى
يعنى مثلاُ خطيبى مكنتش فعلا بلاحق على مكالماته أو حتى على النت فى بداية خطوبتنا وده مش من زمان يدوب بس من ثلاثة شهور بس
بعدها بدأ يتغير حاولت والله معاه كتيييييييير تعرفى بيقولى إيه أنا بحبك وبموت فيكى حتى ولو ما كلمتك طبعاً هو كلام مقنع
بس تعالى دلوقتى تقدر تقولى الاتصالات اتقطعت بينا تماماً وحتى النت مبقاش يقعد عليه زى الأول .
دايماً مشغول مع أصحابه دايماً يقول إن فيه مشاكل واحنا فى البداية متفقين نتعامل كأصدقاء واخوات وأحباب يعنى أكون له كل شئ وصدقينى ما قصرت وهو نفسه بيقول كده قدام أهله وأهلى .
بس يقولى مش عاوز أوجع دماغك بمشاكلى وغيره
لحد ماوصلت معاه لدرجة الإهمال بقيت بالنسبة له شئ مهمل قوووى وبدأ احساسى يتغير بيه
يعنى أنا نفسى أقف جانبه وبسأل عليه باستمرار بس دلوقتى صدقينى تعبت
من خلال كلامى عاوزة أقولك أنه مش لازم يكون العيب فينا إحنا ممكن تكونى بتدى للطرف التانى كتيييييييييير لكنه هو مايراعى
المهم أنهم يتقوا ربنا فى معاملتهم معانا
وأنتى برضه عندك حق فى بعض الحاجات زى الزوجات اللى تهمل فى نفسها
ربنا يهدى الجميع يارب وييسر الأحوال

[rawan432]

this normal

[Om Hassan]

مشكووووووورة

[ملايكة]

شكرا لمشاركتكم معايا بس فين الفتوكات اللى معانا شاركوا معانا

[مدام ديدى]

انا معاكى ياملايكه موضوعك جميل جدا بس حبيبتى انا اعرف ان الشاب هو اللى المفروض
يسال على خطيبته ويكوت ملهوف يشوفها ويخرج معاها مش العكس اللى انا
بسمعه ده حاجه غريبه عليه ده ممكن يحصل بين المتزوجين بس المخطوبين
طبعا لازم يحصل لان البنت مبقتش زى زمان احنا كنا زى الورده اللى بيرجروا عليها
ويتمنوا ريحتها لاننا مكناش بنسال عن الخطيب ولاندور عليه وحتى لما بيتقمص بيرجع لواحده علشان
فاهم ان مفيش حد هيروحله ويصالحه الموبايل اه من الموبيلات اللى قربت الناس جدا
لغايه مزهقتهم من بعض

[نجلاء المحامية]

مشكوووووووووورة حبيبتى

بس مش أنتى كنتى ساسو على ما أعتقد أصل طريقة الكلام والأسلوب واحد

[ملايكة]

شكرا جدا لمشاركتكم يا مدام ديدو نجلاء اة فعلا انا يا نجلاء وانا قولت انى غيرت اسمى ويا مدام ديدى طبعا رايك زى ما احنا عارفيين دايما صح بس دلوقتى حاجة وزمان حاجة زمان مكنش فى موبيلات دلوقتى فية زمان مكنش البنت بتنزل مع خطبها لوحدها لازم فوق راسها اخوها اختها امها دلوقتى لا يبقى كل حاجة اتغيرت واحنا فى الواقع اللى بيحصل فعلا

[bosynono]

اشكر على موضوعك انة مشبة موضوعى

[همس الحب]

مشكووووووووووورة ياقمر انا جوزى لسة متغيرش معايا بس احنا لسة مكتوب كتابنا لاما نبقا ندخل بقا انشاء الله ولاقيه يتغير هقتله بووووووووووووووووووووس اصلى بموت فيه ومهما اتغير هعرف ازاى اخليه يرجعلى تانى

[ملايكة]

مرسي يا بوسي وهمس الحب علي المشاركة وربنا يهديكم يا همس الحب و دايما حب في حب

[المشتاقه الى الجنه]

السلام عليكم اخواتى
ملايكه اولا فعلا الكلام الى كتبتى على معاملة الزوجه لزوجها صح جدا وخصوصا ان الراجل بيشوف بلاوى فى الشوارع
ولكن حبيبتى عندما تحدثتى عن معاملة البنت لخطبها نسيتى الله تماما
فأنا اسئلك هل يجوز للبنت ان تخرج مع رجل غريب عنها ليس محرم وحدها فى الشارع (لا)
وهل يجوز للبنت المسلمه ان تلبس البنطال وتخرج به(لا)
_ارجو ان اكون وضحت لكى اشياء عندما تكتبى اى موضوع تذكرى ان ممكن واحده تعمل بالكلام ده فلو صح فلكى الاجر والدال على الخير كفاعله
وان كان شر فعليكى وزروه)ويارب متزعليش يا جميل وانا عن نفسى متزوجه وان شاء الله اعمل الى بتقولى مع زوجى

[ملايكة]

كلامك جميل جدا يا مشتاقة الى الجنة وانشاء الله تنوليها بس انا لما اتكلمت على اللبس مهو مش لازم يبقى ضيق ممكن يكون واسع بس انا بتكلم انى فى بنات بتفضل على حاجة واحدة لبسها كلة ممكن يكون جيبة او بنطلون بس لالا ودة غلط وبعدين بالنسبة للخروج كلامك صح بس لو خارجة محترمة من غير لمسة ولا همسة والحاجات دية لية لا بصى احنا بنتكلم فى الواقع متزعليش منى البنت اول ما بتتخطب بتفكر اخرج معاة امتى وفين يعنى مفيش بنت هتقولك لا ولو قالت هيبقى عدد قليل اللى بيفكر كدة اخرجى برة وانتى تشوفى اة هما عارفين الدين بس عند الخروج مع الخطيب عند هنا وبينسوا كل حاجة و بردوا لو خرجت معاة و معاها اختها والله اختها بتخرج معاها و تسبها بردوا وتعمل نفسها مش شايفة اى حاجة و حتى لو اخوها بينزل معاها قدام اهلهم بس بيسبها بردوا ودة حصل قدامى شوفت النظر دة فعلا يبقى لما تنزل لوحدها احسن

[مدام ديدى]

بصى يملايكه المشتاقه بتكلمك من الناحيه الدينيه وطبعا ديه مينفعش فيها جدال
لان الحلال بين والحرام بين وهى قالتلك الحديث الشريف
ان الدال على الخير فاعله وان كان شر فعليك وزره
بالنسبه لزمان اللى بتقولى عليها ديه انا ماما كانت بتلبس لبس انا مقدرتش البسه
وانا فى فتره المراهقه والشباب كان لبسهم كله بناطيل
ومينى جيب وانا فى جيلى مكنش فى مينى جيب انا كانت بخرج مع خطيبى اللى هو باه جوزى حاليا لوحدينا بس انا لو عندى بنت مش هخرجها مع خطيبها علشان انا عارفه الحلال والحرام واحب اطبقه كمان مش ااخد منه اللى يعجبنى واترك اللى مش على هوايا
انا عايشه زيك بالظبط فى المجتمع وشايفه بنات اصحابى واقاربى ولمسه كل ظروف الحياه
يعنى مش بتكلم عن جهل وبعدين البنت لازم تكون عندها حياء متزعليش من كلامى
والحياء شعبه من شعب الايمان ومن الحياء والعفه انك تعفى نفسك واقصد انك تكونى
مثل الورده انه ميشفكيش كتير ويكلمكيش كتير علشان توحشيه الراجل بيزهق بسرعه
والامكنتش الرجاله المتجوزين بصوا بره بتبقى معاهم ملكات جمال وبيبصوا بره من الزهد خلاص خد كل اللى هو عايزه فهل من جديد انت فهمانى بس طبعا اللى بيتقى الله بيغض بصره ولو محتاج حاجه بيتزوج

[المشتاقه الى الجنه]

حبيبتى ملايكه
انا عايشه معاكى فى النيا وعلى فكره انا كمان من بنات االجيل ده يعنى
بس هسئلك سؤال
انتى بتحكمى ايه فى حياتك هل الواقع والعادات
ام تحكمى شرع الله وجل فشرع الله يطبق فى كل الازمان وكل مكان
يعنى لو انتى ذهبتى الى باريس هل تخلعى ملابسك وتمشى فى الشارعكما هو الحال ام تقولى انك مسلمه وسيسألنى الله عن نفسى

[ملايكة]

مرسى جدا لردكم يا مدام ديدى و المشتاقة للجنة انا لو روحت فين مستحيل انسى دينى ولا اخلع ملابسى بس مع احترامى لكلامك انتى ومدام ديدى طبعا انا بتكلم انى دلوقتى مش كتير اللى بيفكروا فى الدين الاول محدش يزعل منى لو كنت صريحة شوية بس دة فعلا روحى شرم بس وانتى تشوفى هما متدينين ازاى هههههههه ولا لو كان حد فيهم بيفكر كدة مكنش كل اللى بنحكى علية حصل سواء معاكسة او اغتصاب انا اللى عاوزة اقولة انى مش كل حاجة الضيق بس الاهم انك بردوا تغيرى من نفسك وتبقى راضية دينك

[prettyangel]

شكرا ملايكة على الموضوع الجميل دة بس على فكرة احيانا الرجالة بجد بتبقى رخمة وممحبطة وفي الحالة دي الزوجة لازم تحتسب وتعرف ان اجرها عند ربنا وتستحمل غتاته. وعلى فكرة مشتاقة للجنة عندها حق انا ضد ان البنت تخرج مع خطيبها مالبيت موجود لما يبقى يتكتب كتابهم يبقوا يعملوا اللي هما عايزينه وعلى فكرة هو دة اللي بيخلي الراجل والست يتغيوا بعد الجواز لانه اللي بيستعجل حاجة في الحرام ربنا بيحرمه منها في الحلال وهما استعجلوا الحب والرومانسية. سبحان الله بين الزوجين توصل للجنة ان شاء الله. وغير كدة توصل لقعر جهنم والعياذ بالله. اللهم اعتق رقابنا جمعيا من النار وارزقنا الجنة بغير حساب ولا سابقة عتاب. آمين

[بنوته شيك]

كلامك جميل وموضوعك جميل انت عارفه مشكلتى مع خطيبى ايه عارفه اما بيزعل منى مببقاش عارفا اصلحه ازى ممكن يومين 3على ما يرضا يكلمنى ويحن
عارفا اما انا بزعل
لو جه قالى متزعليش خلاص
بنسى
ولا افتكر انا زعلانه ليه
واللهى هو دا اللى بيحصلى ولو تقلت شويه يشخط فيا ويقولى خلاص بقا
وساعات لو مزعلنى انا اللى اتصل بى
اقول معلش دا فى شغلو بيتعب ممكمن يكون زهئان ممكن يكون فى حاجه
مبرضاش ازعل لانى بقول الدنيا دى ماتستاهلش
ان حد يزعل من حد
وساعات احس ببرود من نحيتو
مش عارفا اعمل ايه
عارفا انا مخنوقا
عمرى ماحكيت معاه كدا
ولا عندى فى البيت
انا تعبانا اوى
وخايفا اتعب بعد الزواج
وانا فرحى قرب مش عارفا اعمل ايه

[أم لوجى و ملك]

شكرا لك
قومى بالتغير الذى تتحدثين عنه ولكن فى حدود المعقول كما قالت المشتاقه للجنه انا معها فى نفس الراى

[ملايكة]

انا اسفة جدا انى تاخرت عليكم فى الرد بس رايكم فعلا جميل ومرسى جدا ليكم و يابنوتة ياشيك انتى اكبر غلط بتعملية اسئلينى عن تجربة وربنا يهنيكى يارب