طريقة حلوة ولذيذة للتخسيس

(ضي القمر) · #1 22-4-2008

فتوكاتى حبايبي
جيبالكو النهاردة وصفة جميلة جدا ابتسامات

وانا مجرباها
وعلى راي المثل اسال مجرب........ ابتسامات

بصو بقى هى اعشاب بس لذيذة اوى
وهتحبوها خالص
هى
(شاي اخضر-زنجبيل-قرفة-مرمرية)
شوفو بقى هتعملوها ازاى ابتسامات

بصو
هتغلو الميه مع المرمرية
وبعدين
تجيببو كوب
وتحطو نص معلقة من
الشاي الاخضر والزنجبيل والقرفة فيها
وتصبو عليها الميه المغلية بالمرمرية
وتصفوها بعد كده
وتشربوها مع ربع معلقة سكر
او الى بيحب السكر زيادة
يستخدم سكر دايت
يشتريه من الصيدلية
وصدقونى انا خسيت عليها مع ريجيم عادى
10 كيلو في شهر
غير طعمها لذيذ
واتمنى انها تعجبكو
وشكرا على حسن استماعكو
عارفة انا رغاية اوى
صدعتكو ابتسامات

اذا اعجبك الموضوع و اردت نشره في المنتديات الاخرى فاستخدمي هذا الرابط:
طريقة حلوة ولذيذة للتخسيس
http://forums.fatakat.com/thread16928

hala_2007 · #2 22-4-2008

حبيبتي هي وصفة ممتازة وانا بقالي شهر ماشية عليها وهي فعلا ممتازة

ميفى · #3 22-4-2008

بسم الله ماشاء الله انا هاقوم انفذ الوصفة دى حالالالالا

ليالي الحنين · #4 22-4-2008

ما شاء الله الواحدة أحتارت من كتر الوصفات الجميلة دي بس أكيد يا جماعة بينقص الوزن مع شربها *** أنا حاليا باشرب كل يوم زنجيبل طازج مغلي مع الليمون وكمون *** لكن هاحأول أعمل الوصفة بتاعتكي يا ضي القمر وربنا يكرمنا ؛؛؛

أم مريم · #5 22-4-2008

أنا بشربها كل يوم على الريق بس من غير ريجيم
تفتكرى هتجيب نتيجة؟

رانيه · #6 22-4-2008

سلمت ايديك

bes_bes · #7 23-4-2008

المشكله اني مش بحب المكونات دي بس هجرب علشان احس

أم احمد · #8 23-4-2008

تسلم ايدك كنت بدور عليها من زمان هجرب وقولك مشكورة

VANILIA · #9 23-4-2008

هى ايه المرمريه دى اصلا
انا مش عايزه اخس اوى يعنى بس زدت شويه من قعدت البيت
وبعدين الزنجبيل بيكون اخضر ولا عادى ناشف
ولو شربتها وحسيت انى خلاص خسيت زى ماانا عايزه ابطلها ولا استمر عليها؟؟؟
ومن غير رجيم تجيب نتيجه؟؟
اسفه جدا عارفانى ممله وبسال كتير
ربنا يجازيكى عنا كل خير

eng.sara83 · #10 23-4-2008

ثانكس فور يو
مشكووووووورة ويارب التجربة تجيب نتيجة معايا

(ضي القمر) · #11 23-4-2008

ميرسي حبايبي على ردودكم
ويارب الوصفة تريح الكل
والى ام مريم
شوفي حبيبتى لازم تتبعي نظام غذائي
وانا هاجيبلك واحد ان شاء الله حلو هايعجبك
والى فانيليا العسل
الزنجبيل بيجى من عند العطار مطحون
والمرمرية نوع من الاعشاب تشبه اوراق الشجر
بس لونها اخضر باهت
والحاجات دى عموما بتحرق الدهون
لكن بنعملها مع الريجيم للى عاوزة تخس
وهى كمان بتريح المعدة
وبتهدى الضغط
ولو وزنك وصل للى انتى عاوزاه
استخدميها دايما لانها بتحرق السعرات والدهون
وانتظرو منى ان شاء الله نوع ريجيم هايعجبكو اوى