[roro-myzo]

.اخواتى عايزة افضفض ليكو بحاجة مضيقانى اوى انا متجوزة بقالى 3 سنين طول ال3 سنين عمرى ما قعدتش مع جوزى طول الوقت يا فالشغل يا نايم وانا زهقت معنديش اصحاب مجرد زميلاتى فالشغل يعنى زمالة عمل فقط نفسى اتكلم زهقت بحاول افتح موضيع معاه بس بيجاوب على قد السوال بس مع اننا متجوزين عن حب مش عارفة اعمل ايه معاه حسسنى انى متجوزة بقالى 20 سنة.

[rehab]

طب ما تحاولي تغيري من نفسك تجديي شوية أعملي نيو لووك أو غيري في البيت شوية

[sasoooooooooooooo]

والله انا مش هاعرف افيدك
بس حاولى تغيرى من نفسك شويه

شوفى الحاجه ال هو بيحبها وعمليها
اتكلمى معاه خدى رايه فى حاجه
غيرى من البيت شويه
حساسيه انك مهتمه بيه اكتر من اى شى
ربنا يوفقك اللهم امين

[roro-myzo]

والله متتصوروش انا على طول بجدد فنفسى يعنى كل 3شهور اغير لون شعرى وعلى طول اغير فى البيت بس ده طبع فيه انو مش بيتكلم كتير وانا عارفة انو بيموت فيه ودى الحاجة الوحيدة اللى مصبرانى وياريت هو اللى يغير من نفسو عارفين انا بعد اكلم ابنى مازن عنده سنتين بدل من جوزى علشان متجنش من قلة الكلام

[bobos]

انا عايزة اقولك ان مشكلتك هية مشكلتى احنا لسة متخانقين بسبب الموضوع دة يعنى يجى من الشغل الساعة 7 وينام بعدها بساعة او اتنين يتفرج على التلفزيون او يلعب مع البنت انا على فكرة متجوزة بقالى سنة لدرجة انه بقى النوم عندة اهم من العلاقة الجنسية اللى بينا اللى اصبحت شبة معدومة يعنى جت جت مججتش عادى عندة ولما كلمتة قالى انا ببقى تعبان من الشغل ولما قلتلة انا تعبت انا فعلا زى اى ست بحتاج الحاجات دى يقولى الست تتحمل ظروف جوزها ولما قلت انا مش قادرة اتحمل دخل نام وقاللى لوماستاحملتيش هتعملى اية عارفة لما رديت وقلت هنسى انى متجوزة وليا راجل اعتبرنى قليلة الادب ولما قلت يا بت معلش تعالى على نفسك عشان ربنا ورحيلة صالحية عاملنى اسوا معاملة ومعبرنيش مع ان مظلبتش غير حقى الشرعى اقولك على حاجة انا بقيت خايفة من نفسى احسن اغلط واللة خايفة ومش عارفة اعمل اية اللى عندة حل يقولى

[hana]

بصى يا حبيبتى دى مشكلة كتير من المتزوجات بس ممكن يكون سببها المادة او الإنشغال فى الشغل والتفكير ولما يروح البيت بيبقى محتاج الى الراحة والنوم مش مشاركة فى مواضيع ممكن تدايقة او تنرفزة او تقطع ليه احبال افكارة هوممكن الموضوع دة محتاج منك شوية صبر يعنى ممكن فى يوم الإجازة تقترحى انكو تغيرو جو فى أى مكان هادى مش تقولى انتى عايزة تخرجى عشان نفسك لا حوليها عشانو عشان يحس انك بتحبية وخايفة علية يعنى قولى ايه رأيك يا حبيبى لما تريح أعصابك ونفسك من شغل طول الأسبوع وتروح أى مكان هادى وتاخدنى معاك تريح أعصابك .
ممكن فى الحالة دى يغير تفكيرة عنك انك دايمآ محسساة انو مقصر ومش بيخرجك والكلام الدائم اللى بيجيب الخناء دائمآ . وربنا يوفقك .

[همس الحب]

بصى يا حبيبتى انا مش هقولك انى بنت فتكة وبجيب التايها والكلام ده بسي اللى عايزة اقلهولك ان اول معرفت محمد اللى هو جوزى صدقينى كان الرد على قد السؤال وهادى جدا وصوته مبيطلعش والناس كلها كانت تقول عليه ده محترم وكويس اومال انتى عايزاه صوته عالى ويعد يجعرلك بس صدقينى انا خليته دلوقتى بيتكلم بطريقه غير طبيعيه غيرته نهائى صدقينى مدام بيحبك هتلاقى مدخل تخشى تكلميه بيه انتى بس حسيسيه انك خايفه علية مش مهم ينام مش مهم اى حاجة وهو اللى هيجى يسالك انتى لية مش بتطلبى وراعى ظروف شغله يا حبيبتى

[همس الحب]

اما بقا مشكله بوبس هبقا ارد عليها علخاص انشاء الله واى حاجة عاوزاها ابعتيلى علخاص وانا هرد عليكى علطول يا جميل اوكى

[رانيه]

حاولي تغيري شوي نيو لمك لنفسك اعملي عشاء علا ضو الشموع اطلعي انت وياه علا السينما يوم اجازتكم غيري شوي الروتين

[roro-myzo]

واللة يا بوبس انتى قولتى اللى مكسوفة اقولو بس بما انك فتحتى الموضوع دة حقولك هو بيدينى حقى اة بس كل فين وفين ومش بالطريقة اللى عايزة يعنى بيكون باين علية التعب ومش بمزاج زى اول جوزنا وبعدين انا ملحقتش انا اتجوزت وبعد شهر لقيت نفسى حامل وبعدين انتى عارفة انشغلنا بالاطفال والله انا اتخنقت ياسنى فى حياتى واقول لهنا انا جربت كل الاساليب اللى تخطر على بالك بس مفيش حاجة نفعة معاهة اخر حاجة قولتهالو يعنى ياريت نخرج بلاش عشلانى انا خليها علشان ابننا والله ابنى طالع انطوائى خالص من قلت الخروج انا قولت اكتم فى نفسى واعيش زى مكل الستات عايشة واقول لرانية انا بعمل على طول نيو لوك حتى قبل مااتجوز مبحبش افضل على شكل واحد مدة طويلة ولا بياخد بالو ولاحتى بيعلق حتى ومش حزعل منو لو قالى مثلا لون شعرك وحش دة لابيعلق لا بحلو ولا حتى بوحش والخروج يقولى حاضر بس خلينا بكرة يجى بكرة يقولى انا تعبان وعايزة انام خلينا يوم تانى معلش طولت عليكم مصدقت لقيت اخوات افضفض ليهم

[nona79]

انا مع هنا في اقلته انا كمان زوجي طبيعته ما بيتكلمش كتير مع اني متاكده من حبه ده طبع ممكن يتغير ممكن لا بالنسبة للحاجات التانية التعب بياتر جدا علي الانسان خليه يوم اجازته واعملي الي قالولك عليه البنات يعني اخرجو واتعشو مع بعض لوحدكم وحسسيه قد ايه انتي بتحبيه وخايفة علية وربنا يوفقك

[أم مريم]

بالاضافة للأراء دى كلها انا بقترح انكوا تاخدوا اجازه كام يوم من الشغل انتوا الاتنين و تروحوا اى حته
بلاش غيروا من نظام حياتكوا فى الاجازة دى اخرجوا و اتفسحوا و اتكلموا ساعتها ان شاء الله هتاخدوا دفعة انكوا تقدروا تكملوا
وربنا معاكوا
و الكلام ده ليكى انتى برضه يا رورو
انا و جوزى بنعمل كده لما نلاقى ان الحياة واخدانا و مش فاضيين لبعض حتى يوم الاجازة بيبقى ياما نوم او اذا خرجنا بيبقى غصب عنه لانه تعبان طول الاسبوع و بيبقى نفسه يرتاح شويه عشان الشغل تانى يوم و بنبقى فى الدوامه دى علطول

لازم اجازة كده كام يوم عشان نعرف نعيش

[ام نونو]

اقول لكي يااختي الحبيبه يجب ان تتقربي الى الله عزوجل بالدعاء لكي يصلح الله بينك وبين زوجك

[ALZAHRAA]

والله والله كانك بتتكلمى على جوزى بس انا خلاص اخذت على كده حاولى تتغاضى عن العيوب ده وتبصى للمميزات واتكلمى مع اى حد غيره احنا مثلا اعملى زيي انا بتكلم معاكم واهى ماشيه

[همس الحب]

لاء يا زاهرة كده غلط كده هيعتبرك انك مش موجوده اذا كان هو كده فهو بياخد زنوب لية انتى تعصى ربنا وتاخدى زنوب ده انتى لو ابتسمتى فوشه تاخدى صدقه حاولى تتقربى مهما بعد عشان لو عمل اى حاجة برة ميبقاش عليكى العيب ويبقا ليكى الحقق تدافعى عن نفسك لكن لو عملتى زايوة ممكن تتطلعى انتى اللى غلطانه فالاخر اوعى تعملى كده صدقينى ممكن يتغير خالص ويبقا اوحش من الاول كمان والله اعلم المهم خالى بالك من جوزك حتى مش عشانو عشان ربنا

[roro-myzo]

انا حجرب تانى معاة واعمل بنصائحكم يمكن يكون وشكم حلو علية وميرسى على اهتماكم بالموضوع وبجد انتم بقيتو اقرب ناس ليه وحاسكم انكم اخواتى وانا مليش غيركم وبقول لام نونو انا مابفوتش فرض حتى الفجر بصليه وربنا يهدلنا اجوزنا برضو كل واحدة فينا ملهاش غير جوزها مهما كان ولا ايه اللى عندها غير كدة تفضفض

[rawan432]

يعذب المرأة كثيرا صمت الرجل ..إنها لاتدري لماذا يصمت ..ذاك لأنها لاتصمت إلا عندما تكون غاضبة أو محبطة أو حزينة ..أما حينما ترتاح فهي تثرثر … مالا تعرفه المرأة عن الرجل .. هو أن الصمت هو الحالة الطبيعية لديه .. فهو يصمت لأنه ببساطة ليس لديه مايقوله …
وتحاول المرأة أن تستجره للكلام ..لأنها تعرف أنها إذا صمتت .. فهي تنتظر منه أن يسألها .. عن سر صمتها ..ثم تبدأ بالأسئلة التي يضيق بها الرجل ذرعا ..ويعتبرها تحقيقا . .ويصاب بالحيرة أمامها لأنه ببساطة ..لايعرف ماذا يقول .. لذا فعلى حواء حينما يصمت وترغب في أن يتكلم ..ألا تلاحقه بالأسئلة ..وإنما تسترسل في الحديث عن موضوع يحبه ..بطريقة سلسة ناعمة .. وسوف يتجاوب معها …جربي تقدم المرأة الكثير للرجل ..وتصدم حينما تطلب منه شيئا ثم يصيح في وجهها أنه لايستطيع .. مع أنه طلب تافه جدا … مالاتعرفه المرأة عن الرجل هو أنه شديد التركيز فيما حوله .. وأي تشويش يثير أعصابه .. حتى وإن كان يحبها … لذا فعليها أن تتجنب أن تطلب منه ماتريد حينما يكون منهمكا في أي شيء ..أي شيء .. حتى لو كان شيئا تافها في نظرها … تنتظر المرأة من زوجها أن يكون فارسها الذي يحنو عليها ويرق لشكواها .. ولكنها تصدم حينما تشتكي له ..بأنه يقول ( الموضوع تافه ولا يستحق منك هذا القلق )..
وتظنها لامبالاة منه بها ومالا تعرفه المرأة هو أن الرجل يقدم لها مايحتاجه هو ظنا منه أنه حل سيريحها مثل مايريحه ..فهو يحتاج ممن حوله إلى الثقة بقدراته ..وقدرته على حل الصعاب …. وعند الرجال ..
فمثل هذا الرد يعتبر منطقيا جدا ومطلوبا ..أنه يعني أنت قوي بما فيه الكفاية .. لتتجاوز هذا الأمر بسهولة … ولكن المسكينة تغرق في حزنها وتتهمه باللامبالاة …….
وإلحاقا بهذه النقطة فإن المرأة تستغرب من الرجل عصبيته وعدم تقديره لاهتمامها به … وردوده الفظة على أسئلتها التي توحي بالقلق عليه . .إنها تحتاج الاهتمام والحنان ..وتظن أنه يحتاجه ..هو يحتاجه ولكن ليس بهذه الطريقة … ويحتاج منها أكثر إلى أن تحسسها بثقتها .. وإكبارها وتقديرها …
تستغرب المرأة حينما تذهب مع زوجها للسوق أنه يصبح عصبيا ويستعجلها ..فيما تريد هي أن تختار على مهل … وكثيرا ماينتهي التسوق بمشكلة .. مالا تعرفه المرأه هو أن التسوق ليس مشكلة عند الرجل .. بل المشكلة في أن الرجل يميل دائما إلى التركيز في نظراته .. تفكيره .. كلماته ..
لذا يتعبه التشويش الموجود في السوق .. كثرة البضائع .. والمحلات .. والبائعين .. فيما تستمتع المرأة بهذا التنوع .. وهي لاتفهم ,, لم هو عصبي هكذا ( للمعلومية .. تستطيع المرأة أن تتحدث بالهاتف وهي تحمل طفلها .. وتراقب طبق العشاء على النار .. بكل يسر .. بينما يعتبر الرجل مثل هذا تعذيبا )
ماأن يبدي الرجل ملاحظته على المرأة في زيها ..طريقة كلامها .. حتى تبادر بالتغيير إرضاء له .. ولكن يحترق قلبها المسكينه حينما لاترى منه هذا التجاوب .. بل تراه عنيدا أحيانا .. في إجابتها لما تريده من تغيير
المرأة ببساطة تسعى لأن ترضي زوجها .. أما هو فيعتبر محاولة التغيـير تحديا صارخا لشخصيته .. يقاوم .. مالا تعرفه المرأة هو أن الرجل لابد من أن يحس بالقبول من المرأة ، إذا أحس بالقبول ارتاح كثيرا ولم تعد مسألة التغيـير حساسة بالنسبة له …
وأكبر خطا تقـترفه المتزوجات حديثا في حق أزواجهن هو أن تدخل بيت زوجها وفي رأسها فكرة ( سأغيره نحو الأفضل )
بعدما تحسـس المرأة الرجل بالقبول … تستطيع لفت انتباهه إلى ماتريد بغير النصح ( أحبك كثيرا حينما تجلس بجانبي وأنا متضايقة )
أنت كبير في عيني وتكبر أكثر حينما تحتويني وأنا أشتكي لك ) ـ أحيانا تلاحظ المرأة .. رغم أنها لم تقصر في شيء .. إلا أن الرجل صار عصبيا فظا سهل الاستـثارة .. ينـتـظر حدوث أدنى مشكلة .. ليخرج من المنزل … تغضب هي .. وبعد يومين ..
يعود أبو الشباب إلى وضعه الطبيعي .. وكأن شيئا لم يكن .. تـنـتـظر منه أن يعتذر .. وهو لايفهم لماذا تعامله بهذه العجرفة …. مما يزيد الأمور سوءا لا تعرفه المرأة عن الرجل هو أنه يصاب بدورة عاطفية شهرية .. هذه الدورة لابد منها وإلا اخـتـنـق حبا .. الرجل بعد فترة يحس بفقدان التوازن .. وبحاجة لأن يعيش مع نفسه فقط … يدخل إلى أعماقه ويغلق عليه أبواب كهفه والويل لمن يقـترب .. وهذا سر المزاج العصبي ..
وبعد أن تنتهي الدورة تستمر يومين أو ثلاثة على الأكثر .. يعود وكله حب وشوق إلى زوجته التي لايفهم لماذا هي عصبية غير لطيفة غالبا .. حينما يدخل الرجل كهفه تلا حقه المرأة تظن أنه غاضب منها .. وملاحقتها تزيده انسحابا .. على المرأة أن تـترك الرجل براحته .. وتستقبل عودته إليها بحب وحنان … لأنه كان بحاجة إلى هذه العزلة ..

[shosho90]

ايه يا فتكات دا تعمالوا ايه لو جوازك بيعيد عنك ومسفر فى بلد زاى وكل الحكايه شويت كلام على النت لا الصبر والدعاء انشاء الله يهديى يكون معاكى تانى عندى ليكى فكرة ممكن تنفع نامى مثلا بعيد عنى شوى يمكن توحشى او شوفى اى حاجه تقعدى عند ماتك شوى يومين مثلا حاولى انك توحشى باى طريقه فى الوقت دا هيحس بيكى

[roro-myzo]

عندك حق فى كل كلمة قولتيها يا روان انتى كلامك كلو مصح وميرسى على المشاركو واقول لشوشو انا لما بنام فى فى اودة تانية بينبسط علشان فى اودة النوم ابنى مازن بيصحة يعيط وهوا مش بيعرف ينام لا لو عملت كدة حياخد انو ينام بعيد عنى واحنا مش ناقصين بعد وانا بصراحة من اول ماشتركت ففتكات وانا نسيتو خالص وبقيت اتكلم معاكو انتو احسن منو 10000 مرة