[ام كوكو]

انا فرحي كان يوم 31-12-2006 كان يوم الاحد ليله راس السنه وكمان تاني يوم عيد الاضحي
كان في قاعه دريم بالمنصوره والحمدلله كان يوم جميل جدا

[ام سيف الدين]

انا فرحى كان 12-12-2006 فى قاعة كريستال فى الاسكندرية
الساعة 8 مساء
و مان فرح جميل بس كان قصير قوى محستش بالوقت
و فى النهاية كانت الدموع فى الانتظار لفراق امى و اخواتى

[ماما دودو]

أنا فرحي كان يوم الخميس 30/07/1998 (الخطوبة 28/12/2006)
واليومين دول من أجمل أيام حياتي

[ولاء محمود]

أنا بقى أتجوزت يوم 15/4
ويوم خطوبتى كان 5/5/2005 يوم الخميس
وكتب الكتاب كان 7/7/2005
والفرح كان فى منتجع كتراكت فى الهرم وكان يوم تحفة
كانت عندى حالة من الزهول وكانت شفايفى وارمة بس المكياج الحمدلله دراها شوية
وخلص الفرح الساعة 4 الفجر بس كان عندى مشكلة طول الفرح انى مش بعرف أرقص وكنت بهز أيديا وخلاص وزوجى بيحب الرقص بس كان أجمل أيام حياتى

[ام سيكا]

[فتكات الصعيد الجوانى]

يا جماعة انا مش مجوزة بس حموت واجوز واحده تشوفلى عريس والنبى وانشا الله اعمل الفرح على السطوح

[aya3]

انا لسة ماتجوزتش ياريت تدعولى بالزواج الناجح والذرية الصالحة اشكركم بحبكم فى اللة

[ام يمنى]

انا كان يوم زفافى 2/7/1993 وكان زفة بالعربيات وبعدين قاعدة صغيرة فى بيت بابا علشان لازم اخرج من هناك لبيت العريس وبعده زفة على الاقدام الى بيت العريس وغنولىخارجة من بيتها لبيت الجيران هههههههههههه علشان بيت العريس فى نفس الشارع

[رضوى]

انا كان فرحى يوم 9\8\2006
وكان فى دار المدفعيه على حمام السباحه
وكان يوم جميل الحمد لله

[رشا محمود]

أما أنا فاتكتب كتابي يوم 20-12- 2001 في المحكمة الشرعية !! لاني اتجوزت في رأس الخيمة وهنا مافيش مأذون، والفرح كان يوم الخميس 27-12-2001في قاعة اسمها الصقر . كان يوم مرعب وكله خناقات ، وطول الفرح بابا زعلان مع جوزي بسبب حاجات هايفة ، لكن انا كنت مبسوطة وخلاص وعماله ارقص زي الهبلة ، لحد ما طلعت جوزي من مود الزعل ، وقعد يرقص معايا، لكن الفرح ماكملش فعلا الا في البيت . وانتو اكيد عارفين ايه اللي حصل ، ربنا يحميه ويخليهولي ويخلي أولادي يارب.

[تلميذة الالبانى]

السلام عليكم ورحمة الله بترقصوا اتقوا الله الا تعرفون ان الرقص حرام اخواتى اعملوااللى يرضى الله لكى يبارك اكم الله الزواج ويتمم عليكم بخير ويرزقكم الذرية الصالحة

[روبى رحاب]

فرحى يوم جمعه 4/8/2000
كان فى نادى المعادى للقوات المسلحه قاعة نفرتيتى
كان يوم تحفه وكان كله شباب وبنات بيرقصوا واحلى حاجه انى كنت بحيى فرحى بنفسى من رقص وغنى وفرحه عملت حجات جديده كل الناس كانت مبسوطه وقالو احلى ما فى الفرح انتىىىىىىىىىىىىىىىى

[مروة الدميري]

يارب يرزقكم الزوج الصالح اللى يسعدكم فى الدنيا وياخد بايدكم للجنة فى الاخرة ان شاء الله يا ايه انتى وفتكات الصعيد يارب العالمين
انا بقى فرحى كان فى المنصورة فرح صغير فى مطعم كده على قد الاهل وخلاص كان يوم 2\3\2006يوم خميس بس حصل فيه حاجات تموت من الضحك فى بدايه الفرح الرخص بتاعت العربيه اتسحبت وجوزى خرج يتخانق مع ضابط المرور وبعدها بشويه انا جيت اعدت راح السوسته بتاعت الفستان مكسورة وبعدين بقى رحنا الاستديو وجوزى اتخانق مع المصور وفى الاخر طبعا انا قعدت اعيط والناس قعدت تسكتنى وبعدين فجاه كده من عند ربنا كل حاجة اتلحت لوحدها وربنا عدى الليلة على خير وبقت اجمل ايام حياتى

[ام حودة]

يوم فرحى 2006| 7\ 14 وكان يوم عجب عملته عند بيت بابا اصحاب اخى رقصوا وقلبوا الفرح ساحة للرقص اما اصحاب اختى تحسى انهم بيرقصوا ليخرجوا الكبت اللى هما فية المشكلة انى منمتش قبلها بيوم وزوجى بعد الفرح ودخولنا البيت الساعة 3 صباحا قعد يتكلم معى واكلنا وجلسنا حتى تانى يوم الساعة 6 مساء مما جعلنى زى المسطولة وغصب عنى لم انم لان اهلى جاءوا بالصباحية
المهم انه اسعد يوم فى حياتى

[السيدة شوكة]

انافرحي كان يوم 1/8/2007 وكان في قاعة أسمها ليلة العمر بس مكنتش حاسه بأي حاجة أصل مكنتش مصدقةلأننا واخدين بعض عن حب كبير أستمر 6 سنينكنت حاسه كأنه حلم جميل ومكنتش حاسه بأي حد حواليه كأني تايهه ودلوقتي نفسي أعمل فرح تاني عشان أحس بيه

[ام سراج]

انا فرحي كان يوم..15-11-2006 في نادي القوات المسلحه قاعه الجوهره
وكنت تعبانه جداً واليوم كان مليان مفاجات اختي اللي حتنزل معايا البيوتي سنتر تعبت فجأه وكانت حامل افتكرناها ح تولد وماما جالها ضيوف من قرايبنا اللي ساكنين في بني سويف..واضطرت تقعد معاهم لغايه الغدا
فنزلت لوحدي ورحت اخد الجيبونه بتاعه فستاني من المغسله فؤجت انها باظت في الغسيل..وكان فستاني بديل طويل اوي ماينفعش عليه اي جيبونه غير دي
فرحت السنتر وانا عماله اعيط..وصعبت ع البنات اللي هناك لدرجه انهم قالوا للمدام ع الحكايه..وفصلت لي في المشغل اللي تبعها جيبونه مخصوص..اه والله كانت ست كويسه جداً..بس طبعاً كنت اتاخرت ع الميعاد اوي ..واخوات جوزي اتنرفزوا وانا كمان شديت معاهم..واللي زاد وغطى ان البيريود جت رغم ان كان فاضل على ميعاده 7 ايام
بس بصراحه جوزي هداني خالص..وكان الفرح جمييل وكمان ركبنا عباره في النيل..وروحنا الساعه 4 الفجر

[زيزى]

انا فرحى كان يوم 5\7\2007
كان زفه عربيات
يوم من اجمل ايام حياتى
عقبال كل البنات