[Marwa Esmael]

المقادير:
ربع خسه لبناني متوسطه الحجم، ربع كرنبه متوسطة الحجم، جزره متوسطة الحجم، ملعقة سكر صغيره، ذرة ملح، ملعقة خل صغيره،1:2 ملعقة ميونيز كبيره حسب الرغبه


الطريقه:

يقطع الخس والكرنب بالساطور لانه اسهل من تقطيع السكينه انزلي بالساطور بعرض الخسه او الكرنبه ثم قطعي بالطول ثم بالعرض لتحصلي علي مربعات صغيره واضيفيهم علي بعض ثم ابشري الجزره واضيفيها عليهم ثم يضاف السكر والملح والخل والميونيز وبالهنا والشفا

[Marwa Esmael]

ايه ياجماعه محدش دخل ليه طب جربوها والله بتطلع تحفه وجوزي بيأكلها لوحدها ويسيب الاكل

[nefrtlove]

ايه الباسطور ده
شكرا ليكي

[Marwa Esmael]

ايه يابنتي في واحده متعرفش الساطور يمكن انا كتابته غلط ولا حاجه المهم جربتيها ولا لأ جربيها وقوليلي رأيك

[Marwa Esmael]

الممشاهدات 94 والمشاركات 3 بس منهم اتنين انا اللي كتباهم بجد بجد انا زعلانه

[um_tareq]

شكرا يا قمر ،،، أنا بعرفها بس مو حابيتك اتضلك زعلانه

[Om Hassan]

مشكورة يا قمر

[أم لوجى و ملك]

حلوه اوى
انا بعملها كده بس بضيف عليها كمان ملعقتين زبادى بتبقى رووووووووووووعه
تسلم ايديكى

[nona79]

تسلم ايديكي حلوة اوي

[Marwa Esmael]

هجربها بالزبادي وشكرا علي المرور

[reham10]

شكرا بعملها بنفس الطريقة بتطلع حلوة

[drnahla]

مرسى مروة
والله نفسى اكلها دلوقتى بس ما عندى كرنب
بس هوة لازم نحط مايونيز
انا مش بحبه؟
فيه بديل؟

[Marwa Esmael]

ليه ما اتصلتيش تقوليلي عندي كرنب ياستي عاوزه اجيبلك دلوقتي وبعدين دي احلي حاجه في الكول سلو الميونيز علي العموم في ناس بتضيف عليها زبادي او لبن قليلي الميونيز وكتري الزبادي او اللبن وان شاء الله تبقي حلوه طالما من ايديك

[raghoda]

[Marwa Esmael]

شكرا يارغوده

[samsaungs40]

ميرسي يا قمر انا بعملها كدة بس بزود بصلة صغيرةو بقدونس ومستردةوصلصةو زيت وفلفل

[ميرو 1]

واووووووووووو مروة -----
اولا اسمك على اسمى ودا يشرفنى
ثانيا انا بموت فى اىاكلة فيها مايونيييييز لانى بعشقه--
اخيرا وليس اخرا تسلم ايدك يا جميل على الاكلة الشهية
منتظرين جدديك --
مع خالص حبى
ميرووووووووووو1

[ام الاولاد]

[Marwa Esmael]

• ميرسي يا samsaungs40
• الشرف ليا ياميرو وفيه طريقة عمل المايونيز هنا علي المنتدي في منتدي الطبخ انا عملتو في البيت وطلع حلو يلا جربي واعملي بس حسبي بيتخن
• ونورتيني يا أم الاولاد