[دكتورة هبة]

السلام عليكم ورحمة الله

هذه أول مشاركة لي في منتدى فتكات، والصراحة المنتدى عجبني جدا جدا

أعرفكم بنفسي، انا اسمي الدكتورة هبة، و أعمل كمدرس مساعد بقسم الطب النفسي في كلية الطب، وحبيت اني أساعد أي عضوة عندها أي مشكلة نفسية تخصها أو تخص أحد المقربين اليها

والحقيقة ان الطب النفسي من المواضيع التي يشاع حولها العديد من المفاهيم الخاطئة، و هذا يؤدي الى لجوء كل من يعاني من مرض ما الى الدجالين و الشيوخ بدلا من اللجوء للمتخصصين، مما يفوت على المريض فرصة حقيقية للشفاء من مرضه

و أحب اطمئنكم أن علاج الأمراض النفسية قد تطور جدا في السنوات الأخيرة، وأصبح من الممكن السيطرة على الامراض التي كانت في الماضي مستعصية

و حتى لا أطيل عليكم: لو كان عندك أي استفسار عن أي مشكلة نفسية، بادري بسؤالي، وسيسعدني الرد عليكي

يمكنك سؤالي في هذا الموضوع، أو عمل موضوع جديد، ولكن أوضحي من فضلك في العنوان ان السؤال موجه لي

و دمتم جميعا في أتم الصحة والعافية

اذا اعجبك الموضوع و اردت نشره في المنتديات الاخرى فاستخدمي هذا الرابط:
لو عندك أي مشكلة نفسية, أسأليني
http://forums.fatakat.com/thread173277

[زهره بريه]

جزاكى الله خيرا يادكتورهبه
ويسعدنا انضمامك للعياده النفسيه والتنميه البشريه
وجعله الله فى ميزان حسناتك

[حس بغيرك]

شكرا يادكتورة هبة ع المجهود اللي هتقدميه للقسم

جعله الله في ميزان حسناتك

[فجر الاسلام4]

جزاكى الله خير

[boby]

انا برحب بيكي وبموضوعك الجميل دة الي جة في وقتة لاني بجد محتجالك اوي
انا كنت عند واحدة قريبتي من حوالي شهر ونص كدة وحكتلي عن واحدة عملت عملية الغدة الدرقية وفي اثناء الحكاية جاني احساس بان في شئ نزلي في زوري وبعدها بقيت احس بخنقة رهيبة وعند البلع بحس ان فية حاجة وقفالي في زوري وبصراحة الوسواس ركبني والموضوع دة ما زلت اعاني منة ورحت لحد الان لاربع دكاترة وكلهم بياكدوا اني كويسة وكل واحد بيكتبلي علاج شكل وبيقولي انت اكيد حد زعلك او نفسيتك تعبانة من حاجة والعلاج مفيش منة نتيجة وتعبت من كتر العلاج الي بخدة بدون اي تحسن فانا مش عرفة الي عندي دة حالة نفسية ولا اية وهل ليها علاج يا ريت تفديني لاني تعبانة بجد وزهقت من كتر العلاج الي مفيش منة نتيجة دة,وعلي فكرة هيا سعات تروح او بتبقي موجودة علي بسيط وسعات بتزيد عليا حسب فعلا حالتي

[мόjяd έ7śąs]

جزاكى الله كل خير

[Nehal Zeid]

أهلا بيكى يا دكتورة هبه .
وجودك معانا إضافة جميلة للمنتدى .

[hamsgamel]

انا اغار من شقيقتي بشدة لدرجة انني أتمني أحيانا زوال بعض ما هي فية من نعم كما أعاملها بعدوانية أحيانا أنا لست شريره وأنا أحبها وأخشي عليها ويكون أمامي أكثر من فرصه سانحة للإيقاع بينها وبين أبوي ولاأفعل أنا فقط أري أنها لا تستحق بعض ما انعم اللة بة عليها خاصة انها آذت مشاعري بقسوة في خلاف قديم بيننا ورغم اني سامحتها لكن مازال جرحي من معاملتها القاسية لي ينزف وما يغيظني أنها تعيش مرتاحة الضمير كأنها لم تقتلتي يوما فكيف أتخلص من هذا الإحساس السيئ بالغيرة

[دكتورة هبة]

انا برحب بيكي وبموضوعك الجميل دة الي جة في وقتة لاني بجد محتجالك اوي
انا كنت عند واحدة قريبتي من حوالي شهر ونص كدة وحكتلي عن واحدة عملت عملية الغدة الدرقية وفي اثناء الحكاية جاني احساس بان في شئ نزلي في زوري وبعدها بقيت احس بخنقة رهيبة وعند البلع بحس ان فية حاجة وقفالي في زوري وبصراحة الوسواس ركبني والموضوع دة ما زلت اعاني منة ورحت لحد الان لاربع دكاترة وكلهم بياكدوا اني كويسة وكل واحد بيكتبلي علاج شكل وبيقولي انت اكيد حد زعلك او نفسيتك تعبانة من حاجة والعلاج مفيش منة نتيجة وتعبت من كتر العلاج الي بخدة بدون اي تحسن فانا مش عرفة الي عندي دة حالة نفسية ولا اية وهل ليها علاج يا ريت تفديني لاني تعبانة بجد وزهقت من كتر العلاج الي مفيش منة نتيجة دة,وعلي فكرة هيا سعات تروح او بتبقي موجودة علي بسيط وسعات بتزيد عليا حسب فعلا حالتي

أهلا بيكي، وشكرا جزيلا لكل عضوات فتكات الكريمات على ترحيبهم الرائع

بداية المشكلة التي تعانين منها هي مشكلة شائعة، و اسمها الطبي" globus hystericus" ومعناها الشعور بجسم غريب في الحلق

وهذه الحالة قد تكون ناتجة عن أسباب عضوية، كالارتجاع في المرئ، أو وجود جسم غريب في الحلق، وقد تكون ناتجة عن أسباب نفسية

ولذلك فان اول خطوة للعلاج هي الذهاب لأخصائي الأنف والأذن ، والذي سيقوم بفحص الرقبة وعمل منظار للحلق

اذا كنت بالفعل قد استبعدت وجود أي مشكلة في الحلق، فعندها تكون المشكلة نفسية، و سببها حساسية المريض الزائدة للشعور القادم من حلقه، أ ي أنه يركز أكثر من اللازم في أحاسيسه الجسمانية، وتكون بداية المشكلة مرض أحد الأقارب بمرض مماثل أو التعرض للضغط النفسي

علاج المشكلة يحتاج منك الذهاب للطبيب النفسي، وهو بدوره سيقوم بعمل جلسة نفسية لك و سيسمع منك ظروف نشأة المرض، وسيشرح لك ارتباطه بضغوط تمرين بها، وقد تحتاجين لبعض المهدئات.

[دكتورة هبة]

انا اغار من شقيقتي بشدة لدرجة انني أتمني أحيانا زوال بعض ما هي فية من نعم كما أعاملها بعدوانية أحيانا أنا لست شريره وأنا أحبها وأخشي عليها ويكون أمامي أكثر من فرصه سانحة للإيقاع بينها وبين أبوي ولاأفعل أنا فقط أري أنها لا تستحق بعض ما انعم اللة بة عليها خاصة انها آذت مشاعري بقسوة في خلاف قديم بيننا ورغم اني سامحتها لكن مازال جرحي من معاملتها القاسية لي ينزف وما يغيظني أنها تعيش مرتاحة الضمير كأنها لم تقتلتي يوما فكيف أتخلص من هذا الإحساس السيئ بالغيرة

أولا ماسبب هذه الغيرة؟ لعلك مخطئة فيما ذهبت اليه، فلو انك دققت النظر، لوجدت أن نعم الله عليك كثيرة، ولعلها هي كذلك تشعر بالغيرة منك

الغيرة بين الاخوات غالبا ما يكون سببها التنشئة لا الظروف الواقعية، فأحيانا ما تغار الأخت الكبيرة من الصغرى لشعورها أنها قد اخذت بعض الاهتمام الذي كانت تحظى بها بمفردها، وفي أحيان أخرى تكون الأخت الكبرى أقرب للأم فتغار منها الصغرى، وتستمر مشاعر الغيرة هذه حتى بعد أن نكبر ولا نعود بنفس الحاجة لحب الأم والأب

حاولي تقوية ثقتك بنفسك، وركزي على تطوير ذاتك، لان التركيز على الآخرين لن يفيدك، وتذكري أن الواقع قد يكون مختلفا عما تشعرين به، فنحن حينما نقتنع بشئ ما، نركز كل حواسنا على استقبال ما يؤكد هذا الشعور ونتاجهل ما لا يتفق معه

تذكري المميزات التي لديك والنعم التي حباك الله بها، وتذكري ان الله ما حرمك الا ليعطيكي، أي أنه لعل الله قد اجل لديك نعمة لدى شقيقتك لأنه يحبك ويريد اعطائك اجر الصابرين، أو لأنه يريد لك أن تتعلمي التوكل عليه و اللجوء اليه، حاولي التقرب من الله بالطاعات، وادعيه ان يهبك ما تحتاجين

اذا كانت غيرتك من شقيقتك بسبب شعورك تفضيل احد والديك لها عليك، فصارحيهم بأدب بما تشعرين، وستندهشين حينما يؤكدون لك أنهم ربما يحبونك أكثر منها

وفقك الله

[mahou]

أهلا وسهلا بانضمامك لأسرتنا الجميله ....
وأكيد .. أكيد هنستفاد من حضرتك ...

[باحثه عن السعاده]

اهلا بيكي يادكتوره في منتدانا
وربنا يباركلك علي اهتمامك بمساعدتنا
وان شاء الله اكيد هادخل تاني واكتبلك بس دلوقتي مش مهيئه اني اكتب حاجه
وتحياتي ليكي

[عيون محتارة]

انا بجد مبسوطة انك معانا لان الواحد بيحتاج يحس بالامان مع انسان لية خبرة وعلم عايزة استشيرك في مرض الخوف ورهاب الساحة والوحدة في البيت والخوف من الاماكن المغلقة كلها وضربات القلب السريعة وبرودة الاطراف والواحد بيحس ان حيموت ويزيد خوفة حتى ميقدرش يعمل مشوار لاخر الشارع ويبقى متجنن ومش عارف اية سبب خوفة ويبقى حامل هم اي خروجة وتعيس انا قريت كتير في المرض دة بس تخيلي التعاسة انك مش عارفة تطلعي عمرة علشان الخوف من كل وسايل المواصلات وكمان تقولي متركبش عربية تتقفل بالريموت كنترول ولا تطلعي رحلة في اتوبيس احسن الابواب مترضاش تتفتح ولا اركب اسانسير ولا اقوم باي واجب اجتماعي يبعدني عن البيت وطبعا احراج قدام الناس كل حاجة خوف خوف انا راسلت طبيب على النت ووصف علاج سلوكي ودوائي اسمة زيروكسات بس الفكرة اني سمعت ان الدواء ممكن يعمل برود في العلاقة بين الزوجين هل دة كلام صح وهل الادوية النفسية الواحد بيتعود عليها واصلا هو الواحد مينفعش يتعالج من غيرها لاني مش عايزة اخدها اصلا وخايفة منها وشكرا لاهتمامك

[الراجية عفو الله2009]

السلام عليكم
حبيبتى فى الله جزاكى الله كل خير وحقق لكِ كل ماتتمنيه ووفقك إلى كل الخير
ناس كتير وانا من ضمنهم محتاجينك جمبنا والحمدلله أنك مووجودة معانا..,
أنا كنت كتبت موضوع لدكتورة شيماء لكن غابت عننا


وكانت المشكلة كالاتى:


انا مشكلتى انى مش واثقة من نفسى ولا من قدراتى وبحس ديما انى فاشلة وكل ناس بصين لى بصة سلبية
وصحتى ضعيفة جدا وغير جيدة بالمرة ودا ديما مخلينى زعلانة على العلم انى مؤمنه بقدر الله لى
ومش بقدر انسى اى اساءة حد عملها فيا
على الرغم انى بكون مسامحه


ورابط الموضوع اهه:

http://forums.fatakat.com/thread162359

انا منتظراكى ويارب متغيبى عننا انتى كمان
ويارب يكون فى ميزان حسناتك

[tiseer]

اهلا يادكتورة هبة فعلا جيتي في معادك انا بقى مترددة جدا ومش بعرف اخد قرار احيانا بخلي غيري ياخد قرارات خاصة بيا .والمشكلة التانيه اني بتعلق بالشخص لدرجة لا تتخيليها وممكن اجي على نفسي علشانه هل دي حالة نفسية ولا طبع .اخر حاجة ومعلش كترت عليكي احيانا بحس اني مريضة نفسيا وعايزة اتعالج وان الحالة بتزداد هل ده طبيعي ولا انا فعلا مريضة

[rawan432]

مرحبا بيكى دكتورتنا العزيزة
القسم فى امس الحاجة ليكى لانك طبيبة متخصصة وهتقدى تساعدى حالات كتيرة
وارجو منك مقال فى البداية توضحى فيه الفرق بين الطبيب النفسى والمحلل النفسى

[rere83]

هاى دكتوره هبه
انا متزوجه من زوجى لمده عام ونصف ولدى بنوته 4 شهور وجمعتنا قصه حب لمده 13 سنه وانا بحبه جدا بس للاسف هو مريض بمرض الوساوس القهرية من حيث الفكرة يمكن من العادات كمان بس الافكار والقلق هى اللى مسيطره عليه على طول وتكبير المواضيع والمشكله الاكبر هى انا متقلب جدا يعنى بدون اى مقدمات يعنى ممكن يكون مخنوق من الشغل لاقيه يتغير فى اسلوبه معايا غير انه ممكن من موضع صغير يعمل مشكله كبيره جدا يعنى بيتقلب لشخصيه تانيه فى اثناء غضبه مش عارفه اعمل ايه هل لازم انا اللى ابدء بالصلح فى كل مشكله لانه عنيد جدا ولاه اسيبه لحد لما يروق مش عارفه ارجوكى عرفينى ازاى اتعامل معاه

[simba2009]

اهلا بيكى دكتورة هبة انا بجد مبسوطة جدا لوجودك ومحتاجالك جدا انا عندى اختى الاصغر منى اتجوزت وعمرها 22 سنة بعدخطوبة لمدة شهر واحد المهم العريس كان من طرف ناس اصددقاء من زمان فطبعا للثقة المتبادلة تمت الزواج بسرعة المهم الزوج ظهر عليت اعراض تدل على غباؤة او بمعنى اخر عمرة العقلى وعمرة الزمنى غير متوافقين وكمان بخيل جدااااااااا وكمان امة هى التى تدير حياتة واكتشفنا وجود حالات مرضية مثل حالتة فى العائلة وحدثت مشاكل اختى كانت بتعديها رغم كل ذلك وحملت وكان حملها صعب جدا وانجبت طفلة ماتت فى عمر يومين مع ملاحظة انها عندما انجبت اول بنت لم تكن تعرف كل هذا عن زوجها بل كنا مازلنا مخدوعين فية المهم بعد ذلك سافرت لة الامارات وحملت والحمد لله وانجبت بنت جميلة بعد الولادة بدا يظهر وتظهر طباعة وشخصيتة وازدادت المشاكل وادى المشاكل الى الطلاق وارتاحت هى من غباؤة وتدخل اهلة وبخلة ونحن كاسرة ميسورين الحال ولدينا بيت جميل وكبير تعيش هى معنا الان وابنتها وقد تم تامين مستقبل ابنتها من قبل والدنا اى جد الطفلة ونعيش حياة هادئة ولكن اختى تتصرف بغرابة واغلب تصرفاتها غلط وتفعل عكس ماننصحها وان تاكدت من خطاها لا تتعلم بل تستمر وايضا حادة وعنيفة فى ردود علها وارائها واحنا بننصحها مرة بالراحة ودايما بنتخانق هى بجد غلبتنا بندور لها على عريس هى عاوزة تتجوز بس لسة مجاش حد بس احنا تعبنا معاها ومنها وعلاقتنا بيها اصبحت اما خناق او تعديل على تصرفاتها الخاطئة نعمل معاها اية هى غلبتنا نفسنا نساعدها ومش عرفين مع العلم انة قد مر الات سنتين على الطلاق وهى تعمل بمشروع خاص بها ولكنها فى احباط دائم لاشىء يرضيها ولا شىء يسعدها ماذا نفعل معها

[بحبك يا ماما]

لو سمحتى يادكتورة سؤال سريع جوزى كتير بيحب وهو قاعد يقوم كاشف بطنه سواء وهو قاعد يتفرج على التليفزيون أو الكمبيوتر وباحس انه مبسوط كده ياترى كشف البطن ده حاجة عادية ولا ليها علاقة بحاجة نفسية،،

[حبيبةالكل]

انا بحب التخطيط وبموت فى الورقة والقلم اجرى عليهم لما اكون عايزة اعمل اىحاجة سواء فى بيتى منتنظيم الادراج حتى مزاكرة الاولاد من حفظ قران الى صلة ارحامى بحب ادون كل حاجة وابدا اعملها خطوة بخطوة
وده لانى اقتنعت بمقولة الدكتور صلاح الراشد فى قناة النجاح

(من لم يخطط لحياته فقد خطط
للفشل)
المشكلةان اكثر تخطيطاتى وجداولى للتنظيم لاافلح ان اكملها مع انى مقتنعة بيها ==يجيلى احساس غريب بفتور العزيمة فى تكملتها واحيانا
==او انى ماشية غلط ووووالغريب كمان انى بنام اكثر من
الايام اللى مافيهاش اىخطة
ارجوكى ارجوكى قوليلى الخلل فين فية ولا ايه
وصح اللى انا بعمله ده ولا بضيع وقتى هباء
ونومىكتير ما تفسيره
معلش اسالتى كتيرة ردى عليه بسرعة
ربنايكفيكى شر الضيقة