|
مربى الفراولة بالجلى
اتمنى متكونش مكررة ويارب تعجبكم يا حلوين نبدا بالمقادير
2 كيلو فراولة (الوزن النهائى بعد تنظيف الفراولة)
كيلو سكر (بس انا بحط كيلو الا ربع علشان مبحش الحاجة المسكرة اوى )
عصير لمونتين(حوالى نص فنجان قهوة)
باكو جلى فراولة (يعطيها لمعان وقوام المربى الجاهزة )
للى يحب ممكن تضيفى 4او 5 اعواد قرنفل
نيجى للطريقة سهلة جدا
تقطع الفراولة قطع صغيرة او حسب الرغبة ثم يضاف اليها السكر وتترك حوالى ساعة علشان الفراولة تنزل ميتها ثم ترفع على النار (لاحظى الحلة تكون اكبر من كمية الفراولة لانها ممكن تفور منك ) بعد ما يدوب السكر تضيفى باكو الجيلى وبعد ما يدوب تماما يضاف عصير الليمون والقرنفل وتستمرى فى التقليب حوالى نص ساعة او لما يصبح قوامها غليظ يعنى لو خدتى نقطة من السائل وحطتيها فى طبق تلاقيها سميكة ومتفرديتش فى الطبق وبعد ما تبرد تعبيها فى برطمنات زجاجية وبالهنا والشفا
التعديل الأخير تم بواسطة : ريحانة الجنة بتاريخ 24-4-2008 الساعة 03:33 ص.
|
NERMOO
