[emanfarid]

انا حاسه ان جوزي بيخوني لكن ما عنديش الدليل مع الاسف , ومش عارفه اعمل ايه سوءال بيمر علي كتيير منا والحل
اولا الخيانه ليها علامات واضحة
1- هايجيبلك هديه غاليه عشان ضميرة بيأنبه علي الخيانة
2- هايتأخر عن مواعيد شغله المعتادة ويقول طبعا شغل
3- مش هايقدر يبوص في عنيكي عشان حاسيس انك ممكن تحسي بيه
4- هايتلكيكلك علي حاجات هايفه جدا ويعمل منها مشكلة عشان يثبت ان معاه حق يخونك
5- هايحول يرضيكي بشكل كبير في العلاقة الزوجية ويمكن يعمل حاجات عمره ما عملها قبل كده
6- قبل ما ينزل يقابلها هايكلمك يقولك انا هتأخر شوية , بيأمن نفسه عشان طبعا ما تتصلييش وهي معاه وحتي لو اتصلتي مش هايرود ويقولك انا لسه كنت مكلمك وكان عندي شغل
7- حسبي الله ونعم الوكيل في كل راجل بيخون مراته واولهم جوزي
8- ملحوظة ,,,,,,,, كلامي ده للاسف عن تجربة شخصية وعمري ما هقدر انساها

[drnahla]

يارب احمى ازواج المسلمين جميعا
بس انتى تصرفتى ازاى يا ايمان؟
لما عرفتى موضوع الخيانه ده

[emanfarid]

تفتكري ممكن اعمل ايه اتخانقت وثورت وزعقت وتعبت ودخلت المستشفي ولحقني الدكتور وانا هايجيلي غيبوبة سكر وقالي ماتعمليش كده في نفسك ,,,, وجوزي انهال عليه بوابل من الاعتزارات وانا مش عارف انا عملت كده ازاي وسامحيني ودي غلطه ومش ممكن تتكرر وانا غلطان واللي انتي عايزاة اعملية وبعدين ,,,, بقالي حوالي سنتيين ما نسيتش يوم انه خاني , وابتديت احس ان الموضوع بيتعاد تاني دلوقتي ,,,,,,,,,,,,,,,,,,,,,,,
فيه كتيير ممكن يقولولي انتي قلبك اسود اوي ,انتي لسه فاكرة , بس صدقيني انتي لو اتلسعتي بالنار بعد شوية ممكن الوجع يروح , بس الأثر عمره ما بيروح وكل ماهاتبوصي عليه هاتفتكري قد ايه كان بيوجع ,,,,,,,,,,,,,,,,,,,,

[أم مريم]

عندك حق يا ايمان
انا مجربتش بس عمرى اكره جداً الخيانه و بتألم قوى لما حد يخون حد و بالذات لما تكون الزوجه او الزوج

ربنا يحفظنا

[s_baby20]

الله يعطيك القوة والصبر وربي يرده لعقله ويعرف بقدرك وصدقيني مافي احسن من الدعاء له بان يهديه الله وخاصة بصلاة الليل

[منااااااال]

الله اصبرك يا ايمان
الخيانة صعبة اوي بس الحمد لله محصلتش معايا

[Raniam_2010]

ربنا يقويك ياحبيبتى ويصبرك
بس حاولى تبدأى حياتك من جديد وشيلى فكرة الخيانة من بالك

[nona79]

ربنا يصبرك بس رائي انك ما تتساهليش في الموضوع من غير ما تضري
صحتك يعني خلي حد كبير من العائلة يتكلم معاه

[دندونة]

لا حول ولا قوة الا بالله
فعلا معاك الحق كله
ربنا يهديه ويهدى أزواج المسلمين
طيب ما يفكروا كانت هتبقى حالتهم ازاى لو احنا عملنا كدة
بعد الشر طبعا علينا لأن اللى بيحترم بيحترم نفسه

[اصون كرامتى قبل حبى]

سامحتك من قلبي ...... عبارة في غاية الروعة فهل أنت مستعد لقولها ؟!


المسامحة هي عملية تتشافى بها روحك .. هي عملية فيها خطوات، وربما مطبات فشل وتردد، وهي عملية تحدث في قلبك وروحك من الداخل . إن أول أحساس يصيبك هو الأحساس بالحرية وقبول القضاء والقدر .... قبول ضعفك وضعف الآخرين وتقبل أنك بشر وقبول أنك قادر على محاولة الأحساس الجديد وكأنه أعظم شيء وليس ضعفاً .......



المسامحة علامة جيدة .. لا لضعفك بل لقوة إرادتك في قرار شجاع، ناضج،مثالي ......



المسامحه هي قدرة على أطلاق مشاعر متوترة مرتبطة بأمر حصل في الماضي القريب والبعيد ........



المسامحة هي الوصول إلى نقطة تدرك أنت فيها أنك لست في حاجة إلى الغضب ولا للإحساس بأنك الضحية،وبذلك فإن حياتك بها سلامة وحرية أفضل من السابق .........



المسامحة هي أنطفاء لرغبة في رد الأذى لمن آذاك والعيش مع أحساس أخف وألذ على الروح والعقل .......



المسامحة هي الوصول إلى قناعة بأن أي أذية تسببها للآخر لن تشفي روحنا المجروحة.إن المسامحة هي حرية للعقل المحبوس بالغضب والألم ورغبة الانتقال إلىعالم فيه حياة أفضل .....



المسامحة هي مساعدة نفسك لأن تسير في الحياة خطوات إلى الأمام بدلاً من أن تكون واقفاً في ذات التجربة المؤلمة ......



النقطة الأهم أن تعرف أن المسامحة هدية منك إليك .. أنها شيء تعمله لنفسك حتى تنذها من وضع أنت تعرف أنه ليس جيداً ولن يتركك إلا في حال سيئه ........



1* أليس العفو والصفح أقوى دليل على الأيمان بالله عز وجل والأيمان بالنفس والأيمان بالحياة ؟!

2* أليست القدرة على العفو في حد ذاتها قوة ؟!

3* لماذا يجد الكثيرين صعوبة بالغة في النطق بكلمات العفو والصفح عن الأخرين ؟!

4* لماذا ينسون أن الكل يخطىء وأن الأنسان ليس معصوماً ؟!

5* ماذا تعني لك كلمة ((( سامحتك من قلبي ))) ؟!

6* متى تجد نفسك مستعداً لقولها ؟!

7* وماهو شعورك عند سماعها؟

اكيد اللى يقدر يسامح هو صاحب القلب الطاهر اللى بيحب بجد
معلش حبيبتى حاولى بل تعالى على نفسك علشان خاطر ربنا وانسى انه حبيبك وعمليه كبشر لازم يغلط هتعملى ايه صفى قلبك وربنا معاكى يصبرك ويعوضك فى حاجه تانيه قلبى معاك

[My Name]

معلش ارجو متزعليش من كلامى

بس انت بكلامك دا خليتى عدد كبير يشكوا فى اجوازهم حتى لو مش كل الاعراض دى عندهم ودا غلط وهيسبب مشاكل كتير

ممكن بل اكيد كلامك قصدة التحذير لكن فى نفس الوقت دا بردة غلط
هيسبب مشاكل وممكن يخر بيوت لمجرد ان الراجل بيجب هدية لمراته اوتاخر شوية فى الشغل

وحتى لو بيخونها المفروض تكون ذكية وتحافظ على بيتها








1- هايجيبلك هديه غاليه عشان ضميرة بيأنبه علي الخيانة
-وممكن عشان يكون بيحبك وحاسس انه مقصر شوية
2- هايتأخر عن مواعيد شغله المعتادة ويقول طبعا شغل
-فعلا ممكن يكون شغل
3- مش هايقدر يبوص في عنيكي عشان حاسيس انك ممكن تحسي بيه
-وممكن لأى سبب تانى مخنوق زعلان مش عايزك تحسى انه مضايق عشان ما يعكننش عليكى مثلاً
4- هايتلكيكلك علي حاجات هايفه جدا ويعمل منها مشكلة عشان يثبت ان معاه حق يخونك
وممكن تكون هايفة من وجهة نظر الستات بس او من وجهة نظرها على الاقل (والوسواس ممكن يهيألك انها هايفة عشان تحسى انه بيخونك)
بس هى فعلا ضايقتة او هو ممكن يكون عنده مشاكل والحاجة الهايفة دى كانت هى القشة اللى كسرت رجل الحصان
5- هايحول يرضيكي بشكل كبير في العلاقة الزوجية ويمكن يعمل حاجات عمره ما عملها قبل كده
لانة بيحبك وحاسس انه مقصر او اتعلم حاجات جديدة وعرفت معلومات وحاول انه يسعدك ويسعد نفسه دا واد جدا
6- قبل ما ينزل يقابلها هايكلمك يقولك انا هتأخر شوية , بيأمن نفسه عشان طبعا ما تتصلييش وهي معاه وحتي لو اتصلتي مش هايرود ويقولك انا لسه كنت مكلمك وكان عندي شغل
ممكن عادى جدا يكون فعلا هيتأخر ولما تكلمية يكون مشغول فى شغل او مع ناس مهمين
7- حسبي الله ونعم الوكيل في كل راجل بيخون مراته واولهم جوزي
ليس كل الاصابع مثل بعضها ولو الست ذكية وبترضى ربنا وجوزها وملازمة الدعاء وطاعة ربنا وبتعرف تحافظ عل جوزها مش هيخونها بأمر الله
8- ملحوظة ,,,,,,,, كلامي ده للاسف عن تجربة شخصية وعمري ما هقدر انساها
ربنا معاكى ويعوضك خير إن شاء الله

[rawan432]

i am sorry for u