[حبيبةزوجها:-)]

بسم الله الرحمن الرحيم

كيفكم انساتي و سيداتي الحبيبات؟

كنت عاوزه اطرح السؤال ده ..
ازاي كل وحده فيكم تعرف ان زوجها يحبها .. هل عنده شي معين بيعمله و بيظهر بيه حبه ليكي؟

انا هبدأ .. زوجي بعرف انه بيحبني من نظرته .. بيبصلي طويييييييل و مبيبعدش نظره عن عيوني .. هههههه بيكسفني و في الاخر بيخليني ابعد نظري انا .. بس ده من حبه ليا ..
كيف ازواجكم بيعبرولكم عن حبهم ؟؟

اتمنى موضوعي يلاقي ردووووود ( على فكره دي اول مشاركه ليا من بعد مشاركتي في قسم الترحيب اللي عرفتكو فيها على نفسي )

ربنا يخلي اللي ترد عليا زوجها يحبها اكتر و اكتـــــــــــــــــــــر :-)

[حبيبة بابا]

انا ح ارد عليكى يا قمر :
شوفى يا ستى انا عارفة ان جوزى بيحبنى لانه طول النهار لما انادى عليه ( يا محمد ) يرد نعم يا حبيبة محمد
او لما ننزل نتمشى او اى حاجة لازم يمسك ايدى ,
مع العلم احنا متجوزيين من 15 سنة (الله اكبر )!!!!

[mody]

بصى انا بعرف ان زوجى يحبنى من غيرته عليه لدرجه انه يشعر بالضيق و الغضب من انظر الى التليفزيون لمطرب او ممثل بيغير المحطه على طول دى طبعا حاجه بتخنق شويه بس بكون مبسوطه من غيرته عليا

[حبيبةزوجها:-)]

ربنا يخليكو لبعض للأبد .. انتو ما شاء الله حافظتو على حبكم .. ربنا يزيده بينكم و يوفقكم لما يحبه و يرضاه رب العالمين :-)
شكرا على ردك يا عسل

فييييييييييييييين الردود الباااااااقيه؟؟

[mody]

ربنا يخليكى و يخلى زوجك و يديم الحب عليكم

[حبيبة بابا]

ربنا يخليكم يا احلى فتوكات
وامين يارب يخليلى جوزى وابو عيالى ويديله الصحة,
ويارب تخلصى دراستك يا حبيبة زوجها وتروحى عند جوزك وتعيشوا فى تبات ونبات ,ربنا يكرم ويسعد كل البنات ,,امين

[حبيبةزوجها:-)]

ياااااااااااااارب .. شكرا على ردودكم :-)

[أم لوجى و ملك]

انا طبعا بعرف ان زوجى بيحبنى من تصرفاته معى
فهو سندى فى هذه الدنيا
الحب مواقف وليس كلمات

[حبيبةزوجها:-)]

شكرا ام لوجي و ملك على مرورك و ردك الجميل :-)
ربنا يخليكو لبعض يارب

[prettyangel]

مشاركة ظريفه جدا وان شاء الله لما ربنا يرزقني بالزوج الصالح ابقى اقولكوا

[حبيبةزوجها:-)]

يا ملاك يا جميل .. :-) شكرا على مرورك
ربنا يرزقك الزوج الصالح اللي يحبك بجنووووووووون
اوعي تنسينا بعدين و تعالي قوليلنا ايه الاخبار..
و ما تنسيني في دعاوتك ..

و لا اي حد يرد على الموضوع .. ارجوووووووكم ادعولي و ربنا هيديكم اجر بدعوتكم ليا :-)

[ليالي الحنين]

أنا بقي يا ست الكل بأعرف أن زوجي بيحبني من حاجات كتيرررر أوي أولها معاملته الطيبة لي وحنيته عليه وعلي ألاولاد وعلي كل الناس بصراحة وكرمه معي وتلبية جميع طلباتي سواء شخصية أو عامة وكمان بيحب يريحني في كل شيء ويرضيني بأي شكل ومش بيستحمل يلاقيني زعلانة أو متضايقة ويحب يرضيني بكل طريقة ؛؛؛ حتي حبه وعطفه وحنيته علي أهلي وأهله كبيرة جدا وبيبان كل الحب من المواقف المتعددة اللي بتحصل بين أي زوجين$$$ والحمد لله علي كل نعمه العظيمة وربنا يديم علينا جميعا هذه النعم يارب ؛؛؛؛؛؛؛؛؛؛؛

[ريري]

انا عارفه انه بيحبنى لانه بيضحى بحاجات كتيره علشانى...وكتير بيقوللى (باحبك يا غاليه)...!
ربنا يبارك فى ازواجنا ويهديهم لنا ويجعلهم ازواجنا فى الاخره ..امييييييييييييييين

[حبيبةزوجها:-)]

ليالي الحنين و ريري .. شكرا على مشاركتكم الجميله .. و ربنا يديم الحب بينكم و بين ازواجكم و يسعدكم ان شاء الله و زي ما دعيتي يكونوا ازواجكم في الاخره كمان يااااارب :-)
يالـــــــــــــــه يا بقية الاخوات ......... اين ردودكن,, مممممممم ههههه هغريكم علشان تشاركونا .. لو ملاحظين اي حد بيكتب رد بدعيله .. ها عاوزه دعوه؟؟ يبقى لازم تشاركي :-)

[nona79]

يا ستي انا بعرف ان زوجي يحبني من حنيته و خوفه عليا وانو ما يستحملش زعلي ومستحيل اطلب حاجة وما يعملهاش حتي لو مضايقاه وكمان معاملته لاهلي
وزى ما يقولو يتمنالي الرضي ارضي ربنا يخليه ليا ويخلي لكل زوجة زوجها
شكرا ليكي يا عسل

[طمطم78]

السلام عليكم أختى فى الله
عجبنى موضوعك جدا و أحب أشارك فيه لو سمحتى
زوجى ربنا يبارك فيه بعيد عنى للاسف فهو فى بلد و انا فى بلد ثانى لكنه يحاول و الحمد لله بقدر استطاعته انه يحسسنى بحبه ليا سواء بالكلام و هذا غالبا نظرا لبعده او بخوفه عليا او بمشاركته ليا فى كل ما يشغلنى
ادعو لى يا أخواتى انى اكون معاه قريب ان شاء الله
و مشكورة على موضوعك المتميز

[حبيبةزوجها:-)]

شكرا نانو على مشاركتك يا عسل ..
اما طمطم .. انا زيك كده .. زوجي كمان في بلد و انا في بلد :-( نعاني من نفس الوضع ) .. :-(
ربنا يسهل و اخلص دراستي و انزل مصر يااااااااارب و انتي ربنـــــــــــا يسهلكم و تجتمعو قريب جد ا جدا .. و ربنا يسعدكو ان شاء الله بصبرك ده.. شكرا على مرورك و مشاركتك يا حبيبه :-)

و الله كل لما اشوف ردود افرح قوي النهرده تايني يوم ليا في المنتدى .. شكراااااااااااا

و ربنا يزييييييييييييييييييد حب ازواجكم ليكم ان شاء الله يااارب

[shosho90]

انا كمان بعرف انى زوجى بيحبنى من كتر حنايتى عليها كمان من خاف دايما عليه من الناس بيحاول دايما يفكر ازاى يسعدنيى انا بحبى اوى وكمان احنها اتجوازنى على حب

[حبيبةزوجها:-)]

شكرا على مرورك يا قمر ..
ربنا يخليكو لبعض :-)

[ام بسنت]

ربنا يسهلك وتخلصى دراستك ويجمعكم على خير
انا كمان جوزى على طول مسافر وربنا يسهلها ويلم شملنا
بصى ياستى بعرف انه بيحبنى لمايشركنى معاه فى كل حاجه ولمااحس انه بيراعى ربنا فيا ومش بيظلمنى
وربنا يخلى لنا كل ازوجنا ويبارك فيهم ويجمع شمل كل اتنين بعيد عن بعض