[حبيبةزوجها:-)]

بسم الله الرحمن الرحيم

اخواتي الحبيبات .. معتقدش في حد في الدنيا معندوش مشكله في الوزن .. اللي زايد و عاوز ينقص و اللي ناقص و عاوز يزيد ..

مممممم ايه رأي ازواجكم في الوزن الزايد عندكم؟
هل يشتكون من ذلك؟ و يطلبون انقاص اوزانكن؟ ام انه لا يهمهم؟؟
ايه الاماكن اللي مفروض تكون مليانه و الى اي حد؟
و ايه اللي مبيحبوهوش خاااااااالص؟؟
كل وحده تكتب رأيها و زوجها
لعل و عسي ربنا يهديني و الاقي حافز يخليني انزل وزني .. هههههه بس اوعى تقولولي مبيهموش ولا هطنش .. ههههه انا عمري ما سألت زوجي و هو لم يعلق على وزني (وزني 63 و طولي 159) انا عارفه اني مليانه بس كل اللي قاله .. ان الافضل ان الواحد يبقى رفيع علشان المشاكل الصحيه .. غير ان بعد الحمل و كده الوزن كده كده هيزيد و بعدين مش هيبقى شكل الجسم حلو..
انا كسووووووووله و بعمل ريجيمات كتير بس مبكملش واحد عدل
و المره الوحيده اللي عرفت انزل فيها وزني كان لما اتسجلت في نادي رياضه للبنات.. بس بعديها سافرت و رجعت اتخن مما كنت الاول ..
دعوااااااااااااااتكم
و اتنمنى الاقي ردوووووووووود كتيييييييييييييييره

اذا اعجبك الموضوع و اردت نشره في المنتديات الاخرى فاستخدمي هذا الرابط:
وزني و زوجي!!
http://forums.fatakat.com/thread17746

[رانيه]

عزيزتي انا اتزوجت وانا سمينه وزوجي ما تغير علي شيء يعني ما تزوجت رفيعه وبعدين تخنت لا انا انا طول عمري تخينه بس بنزل وزني علشان قلبي وصحتي

[حبيبةزوجها:-)]

ربنا يخليكي يا رننو .. عندك ريجيم ناجح؟
انا محتاجه حاجه اكون واثقه انها هتنزللي وزني ..

[ام عمر المصرية]

انا كمان تزوجت وانا سمينة جدا وبعد الحمل والولادة زاد وزنى جدا جدا وزوجى كان
قرفان منى بدرجة رهيبة وعملت ريجيم نزلت كتير اوى ولكن برضه بيقولى لسه
شوية وفعلا لازم انزل كمان شوية وانا بدات فى ريجيم مع علياء فى موضوعها
فى منتدى الرشاقة وربنا يسهل واكمل وشكرا على الموضوع
بس انتى وزنك حلو اوى عايزة تخسى ليه ؟
ده انا وزنى اكتر منك بكتير بلاش اقول احسن تتخضى هههههه لو عرفت ها تحمدى ربنا مليون مرة على وزنك ده

[أم لوجى و ملك]

انا 168 سم ووزنى70 كيلو وزوجى عاوزنى اخس لانى كنت 58 كيلو وانا مخطوبه لكن الحمل والولاده!!!!!!!!!

[yoyo]

انا زي مشكلتك يا حبيبة و بردو جوزي عايزني اخس و اديني بلعب رياضة و مبتعشاش

[ريناده]

السلام عليكم نفسسسى اخس وعملت ريجيم الصيف اللى فات مع الميزو وتخنت تانى زوجى بيقول الجوازتانى ارخصافيدونى

[حبيبةزوجها:-)]

ام عمر ..اولا شكرا على مشاركتك الحلوه .. اما عني ليه عاوزه اخس.. انا من و انا طفله و انا اتخن وحده في البيت ..امي ما شاء الله عليها وزنها لحد النهرده ما بين 48و 55 .. عمرها ما زادت غير في الحمل .. و والدي مكنش يحب السمن خاااااالص فكان علشان يعقدني و اخس من و انا طفله دايما يقللي يا تخينه ..:-(
النتيجه : اتعقدت من نفسي بس وزني منزلش
بس الحمدلله اكلنا في البيت صحي قوي فحتى مع الكسل و عدم الحركه وزني ثابت ممكن يوصل 67 بس بينزل تاني و المعتاد عندي 65 يوم ينزل و يوم يزيد .. المره الوحيده اللي نزلت فيها كانت بالرياضه .. الريجيمات كلها مش نافعه معايا علشان انا مبعرفش اواصل في ريجيم .. و للأسف كمان عندي الوزن كله مرتكز في منطقة الحوض .. يعني مش متوزع حتى :-( فلااااااااااااااااااااازم اخس .. اولا علشان راحتي النفسيه .. نفسي احس ان جسمي حلو!! غير اني لسه متجوزتش.. او بالاصح مدخلتش .. انا معقود عليا بس الزواج لسه .. مش عاوزه اتجوز و انا كده .. و بعدين مع الحمل و الولاده وزني هيزيد غصب عني .. ده سب اني لازم انزل وزني .. ههههه انا دلوقتي مش قادره على العشره كيلو اللي عاوزه انزلهم .. بعد الحمل و الكلامك الكتير ده .. ازاي هنزل لا قدر اله 20 او 30 كيلو!
كنت عاوزه اسألك ايه هو الريجيم اللي عملتيه و نزلتي بيه المره الاولى .. قوليه عسى ان تفيدينا يا غاليه..
ربنا يسهل ادعولي

ام لوجي و ملك .. انتي كويس طولك اطول مني انا قصييييييييره بس ان شاء الله بننزل كلنا ..و شكرا على مشاركتك اللذيذه :-)

يويو .. ربنا يعينك انا كمان اول امبارح لعبت رياضه على اساس اني اواصل فيها و امبارح اتكاسلت .. هعوض النهرده ان شاء الله.. شكرا على المشاركه يا عسل.

ههههههههه ريناده حرام عليه .. يتجوز عليكي علشان وزنك؟!!قوليله و انت لاقي?!!
ان شاء الله مش هيعملها .. و ان شاء الله ربنا هيسهللك و تنزلي وزنك و كلنا يا رب..


شكرا حبيباتي على مشاركاتكم الحلوه و اتمنى المزييييييييد
و بجد ربنا يعينكم كلكم و توصلو للوزن اللي تحبوه و تتمنوه..

متنسونيش في دعواتكم

[ريري]

اولا احب اقولك ..انك ان شاء الله هاتكونى زوجه ناجحه..لانك بتسألى دايما عن كل شىء ممكن يفيدك خاص بالزواج..لا ينقصك الا انك تقوى عزيمتك وتبدأى...
مهم جدا انك تخففى وزنك قبل الجواز..لانك فى الحمل هاتتخنى غصب عنك ومش هاتقدرى تنزلى الوزن الزائد الا بعد فطام البيبى(ربنا يرزقك الذريه الصالحه)
نصيحتى ليكى..انك تلعبى رياضه باستمرارولو نصف ساعه كل يوم،ولو قدرتى تمشى برضه نصف ساعه كل يوم ،لانك بتقولى ان الاكل صحى وان السمنه عندك متركزه فى منطقه معينه..يبقى انت ما ينقصك الا الحركه
وطبعا ممكن تستغنى عن وجبة العشاء بالفاكهه او الخضار،وبرضه بين الوجبات
واللى عايزه اقوله..انك مش لازم تعتمدى على ريجيم معين لان الافضل ليكى تكون عاداتك فى الاكل صحيه مع عدم ترك الرياضه حتى بعد الزواج
وربنا يوفقك ويجعلك من الزوجات الصالحات...امين

[حبيبةزوجها:-)]

شكرا ريري على ردك اللطيف .. عجبني .. تسلمي :-)
و ان شاء الله اكون زوجه ناجحه .. ادعولي ..
بالنسبه لأكلي .. انا اساسا مبتعشاش :-( و فطوري غالبا بيبقى في الكليه .. دي الوجبه الوحيده اللي بتبقى مش صحيه و علشان كده بستغنى عنها كتير .. اما الغدا بشرب عصير من غير سكر كتير و باكل سلطات كتير و الاكل مفيهوش دهون كتير ( اصل ماما المانيه ) مبتعرفش تطبخ عربي خااااالص هههههه بس هو احسن علشان وزني :-) .. هي محافظه على وزني اكتر مني و بتخبي عني الكيك لما تعمله هههه .. ربنا يعينني
شفتو ان الموضوع عندي بجد كله كسل؟ ربنا يسهل و ابقى نشيطه شويه ..
انتو ايه رأيكو نبدأ كلنا مع بعض برنامج رياضه ..
كل يوم نص ساعه .. نلتزم بيه و كل يوم تضيفه هنا رد سريع .. لو التزمتو بالرياضه في اليوم ده ولا لا .. وكل وحده تكتب مثلا عملت رياضه ايه .. مشي ولا ايه .. هيكون حلو علشان هيكون برنامج جماعي .. ايـــــه رأيكم ؟