[علياء على محمود]

.انا عندى بنت عندها سنه و10 شهور وعايزه افطمها ومش عارفه علشان هى مش بتاكل خاااااااالص والناس قلولى افطميها علشان تاكل وتكبر
وانا مش عارفه افطمها لانى عايشه فى السعوديه ولو كنت فى مصر مع ماما ربنا يخليها لى كانت ساعدتنى
انا فكرت استنا لما انزل مصر فى الاجازه واديها لماما بس لما انزل هتكون قربت تتم السنتين
انا مش عارفه افطمها ازاى وااكلها ازاى وانيمها ازاى لانها مش بتنام الا على الرضاعه
بجد انا محتاجه حد يساعدنى الى تعرف تقولى اعمل ايه يجذيها الله كل الخير.

[أمولة]

اسمعي جيبي معلقت نسكافيه وحطي عليها نتفت ميه حركيها لما تصير مثل العجينه
بعدين ادهني الثدي الي بدك ترضعيها فيه هيك لما تشوف النسكفيه ما حترضع وحتبعد ----
انا اولادي هيك فطمتهم وبعدين تاكليها 3 وجبات في اليوم وماتنسي الحليب الاصناعي تشربيها وبتعطيها رضعه قبل ماتنام الحليب الصناعي -----
وشوفي شو الفاكهه الي بتحبها وطعميها وماتنسي المي تشربيها دايما
ان شاء الله افدتك------
والله يحميها ويخليلك اياها------

[علياء على محمود]

شكرا ليكى حبيبتى اموله على ردك الجيل
بس عايزه اسئلك ليه حليب صناعى
بنتى قربت تكمل سنتين وممكن تشرب حليب طبيعى ولبن بس بتتعبنى علشان تاكل اوتشرب اى شىء

[onlygirl]

بصى ياحبيبتى انوى انتى على يوم الفطام وان شاء الله ربنا هيكون معاكى وحاولى تاكليها وياريت يكون معاكى حد تانى يلاعبها ويشغلها عنك

[رضاك يا رب]

السلام عليكم
اول شىء تصلى ركعتين حاجة وتلحى فى الدعاء
ثانيا تحاولى تهدى اعصابك وتقولى لنفسك دى بنتى وحبيبتى هاتحملها مهما بكت وصرخت
لان هدوئك هايسهل عليكى انت التجربة
بعد كدة فى نقط بطعم الصبار فى الصيدلية مخصصة للفطام
وضعى منها على صدرك كلما احتاجت بنتك ان ترضع(يعنى بالكتير ثلاث مرات)
وحاولى تحسسيها انك مازلتى كلك حنان وحب لها (بالعب والاحضان والقبولات والخروج والفسح ونيميها على رجلك وما تتركيها تعيط دقيقة وانت بعيد عنها
واسبوع وهاتنسى ان شاء الله وتاكل ونفسها تتفتح
ربنا يبارك لك فيها

[nehad]

بصي يا حبيبي ماما قالتلي الاتي:
طول اليوم أهلكيها لعب و بحر طول النهار برة تشرب عصاير و شيبسي بيتي وتلعب عشان ترجع بليل مهدودة حتنام و أنتي بتغيرلها هدومها
ولو صحت بليل منك قومي و أفتحي النور و هاتي العب القديمة والجديدة وجهزي الحلو و الجيلي والكريم كراميل لحد ماتنام تاني و أقريلها قران قبل النوم
و ربنا معاكي

[أم رنا]

انا فطمت بنتى من شهر وكان نفس ظروف بنتك واوعى تحطى اىحاجة فيها صبار هتعذبى بنتك وهتتعب جامد اعجنى معلقة نسكافية بمعلقة ماءوحطيها واديها صدرك فى وقت تكون فيه شبعانه هتخاف جدا وتقول لك يح

[rehab]

بصي أنا فطمت أبني بحاجه أسمها مر من عند العطار جيبت حته قد العقله وحطيتها في كوب ماء وبعدين خدت من المياه دي ودهنت الحلمة ولما أبني داقها مرضيش يرضع بقي كل لما يحاول أوقله كخ يقوم يفتكر وعلي فكرة المر كويس ومالهوش أي أثار جانبية خاااااااااالص
وبعدين حاولي تأكليها اللي هي بتحبه لغايت ما تنسي ما تجبريهاش علي حاجة أول 3 أياااااام خااااالص عشان بتبقي زعلانة

وبالليل حاولي تأكليها حاجة تشبعها طول الليل عشان ما تقومش بالليل جعانه وتغلبي في نومها تاني
وبالنسبة ليكي في برشام بيخلي الصدر ينشف في يوم واحد عشان ما تتعبيش

وربنا معاكي يستحسن لو باباها يبقي معاكي أول يوم بالليل

[ام شوشو]

ربنا معاكى ويهديها بس انت لو ناوتى ربنا هيقف معاكى
وهم يومين وهتنسى بساهم حاجة ماتبعديهاش عن حضنك
ويارب تشوفيها زى ندى بنتى خلاص داخلة المدرسة السنة دى
انشاء الله