السلام عليكم ورحمه الله
اتمني كلكم تكونوا بخير يارب ...
انا معايا النهارده موضوع غريب شويه حبيت اخد رايكم فيه لان صعب اني افكر لوحدي
في بنت عرضت عليا مشكلتها عشان عاوزاني احلها معاها بس مش هكدب عليكم انا مش عرفت اني احلها لوحدي عشان كده حبيت اشارككم معايا في المشكله وده بعد اذنكم طبعا والمشكله هي :
هي بنت تقريبا في سن المراهقه وهي علي قدر من الجمال بس مش عندها اي ثقه في نفسها و دايما بتحس ان اهلها مش بيحبوها اصلا وانهم بعيد عنها وبتحب انها يكون ليها صحاب كتير عشان تحس باهتمام حد بس كل ما كنت تصاحب حد تطلع بنت مش كويسه وبنت بتحب مصلحتها مثلا لغاية اخر واحده صحبتها دي خلت سلوكه مش تمام شويه يعني (الحمد لله الذي عافني) يعني خلت اهتمامها بانها تلفت نظر الناس ليها وعلمتها شئ من الكدب وخلتها تفكر في انها ترتبط بولاد وكل ما كانت صحبت المشكله دي تبعد عن البنت السيئه دي وتقولها مش هحب ولا هترتبط بي اي حد صحبتها السيئه دي كانت تقرب منها اكتر وطبعا نظرا لعدم اهتمام اهلها بيها ولبعدهم عنها بعض الشئ البنت سمعت كلام البنت السيئه دي في الاخر وايامها هي كانت بتحب واحد وكان وعدها انه هييخطبها وفجاه كدب عليها وقالها انه مريض بمرض وحش وبعد عنها وهي فوجئت لما عرفت بعد فترة انه كويس بس هو اللي كدب وبعد عنها خالص فطبعا انهارت وبقيت حاليا بتكلم ولاد وبقت واحده تانيه اصلا مع ان هي في الاول كانت غير كده وهي حاليا نفسها ترجع كويسه بس زي ما تقولوا ان الشيطان بيصدها عن ده
فطلبت مني حل وانا قولت ليها قربي من ربنا وابعدي عن اي حد سيئ بس هي تعبت بجد وانا مش عارفه الاقي ليها اي حل
بالله عليكم تشاركوني برايكم عشان دي تعتبر اخت لينا كلنا ونفسي انها ترجع كويسه زي ما كانت
بس عاوزاكم تراعوا انها مش ليها صحااب واهلها مش بيشاركوها في حياتها يعني بجد انا زعلانه اوي علي حالها ده
