[ام الحزن والكائبة]

السلام عليكم ورحمة الله وبركاته :
انا اختكم ام الحزن والكائبة وزني 62وطولي 157واحس نفسي دبة والكل يقول اني جميلة سواء كان وزني زائد او عادي اني عارفة ان الجمال جمال الروح والاخلاق وطاعة الله ورسوله الكريم ص وولاية امامه علي عليه السلام ارجو ان احدكن تفيدني في حل مشكلة الوزن الزائد لان كتب كتابي بعد شهرين وابي اكون حلو بالفستان موقبيحة وشكرا على قراءة الموضوع واتمنى رد غير جارح مع السلامة:co nfused:

[omabdo]

ياحبيبتي وزنك كويس انا طولي 156 ووزني 75 ومش حاسة انها مشكلة ومعي 3 اولاد الله يخليهم لي وعقبالك عموما روحي لطبيبة توزنك وتحددلك رجيم تمشي عليهوزواج مبارك انشاء الله وحياة سعيدة موفقة

[drnahla]

يا سلام
انتى وزنك حلو جدا
ع فكرة انا 152 سم ووزنى 60 ك
وشايفة نفسى كويسة مش سمينة
وكان كل الناس بتعيب ع جسمى لما كنت 48 ك قبل الجواز
اوعى تخسى انتى كدا كويسة طبعا
لانك تنظرى للنحيفات بتاع عروض الازياء فتتخيلى نفسك بدينة وترى نفسك دائما كزلك
لكن الواقع المرأة المليانة هى التى تملا عين الرجل

[nehad]

كلام دكتر نهله صح
الرجالة بيحبوا الست المليانة

[ريري]

اذا انت مش راضيه عن شكل جسمك كده يبقى لازم تتحركى وتبدأى تمشى كل يوم ساعه او اكتر وممكن تستغنى عن العشا او تبدليه بفاكهه وخضروات..المهم انك ما تكونى مكتئبه وحاسه بقلق
انا قبل ما اتجوز كان وزنى 57 كيلو واصريت العب رياضه لغاية ما وصلت 54 كيلو ..وانا طولى مثلك تقريبا
المهم فى كلامى انك لما تكونى مش راضيه عن شىء لابد تغيريه وما تسيبى نفسك للاكتئاب والضيق خصوصا انك داخله على جواز ولازم تكونى هاديه نفسيا جدااااا

[حبيبةزوجها:-)]

السلام عليكم حبيبتي ام الحزن و الكئآبه .. انا اعاني من نفس مشكلتك وزني 64 و طولي 159 .. و من و انا صغيره متعقده من الموضوع ده .. وزني كان اكتر من كده و عملت مليون حاجه علشان انزل وزني بس كل الريجيمات اللي عملتها لحد دلوقتي منفعتش .. تعرفي ايه اللي نفع و نزلت 7 كيلو خلال شهر و نص؟ من غير اي ريجيم .. كنت بعمل رياضه كل يوم ساعه و نص ..
اول حاجه ببدأ باني بجري في البيت حوالي 3 دقايق بعدين بمشي دقيقه و تاني بجري 3 دقايق و تاني بمشي مشي عادي لدقيقه و للمره التالته اجري 3 دقايق بس المره دي سريع .. بعد كده بنط 50 نطه مع تحريك الذراعين كأني ماسكة حبل .. بعدين بجري شويه و برجع انط .. ممكن تعمليها عدد الكرات اللي تحبيها او تقدري عليها .. هتعطشي مع التمرين .. ممكن تشربي ميه بس الافضل متعمليش كده علشان هتتعبي و هتجيلك زي قبضه في صدرك و هتضطري توقفي او تعملي تمارين بسيطه ..المهم .. افضلي اجري و نطي لحد لما تبدأي تعرقي قوي .. بياخد تقريبا ربع ساعه .. بعد كده اعملي تمارين ذراعين لو حاجه (انا مش عارفه الدهون عندك مرتكزه فين بس هي كلها تمارين كويسه ) تمارين ذراعين مثل : مدي ذراعيكي على مستوى كتفك الى الامام و بعدين افتحي ايدك و اقفليها 30 مره .. بعدين نزليها و عدي ل5 و ارفعيها تاني بس على جنب و اعملي كأنك بتطيري برضو 30 مره .. اخترعي تمارين مماثله لزراعيكي.. بعد كده كنت بعمل تمارين للخصر و سهله .. اوقفي مستقيم و انزلي يمين و شمال على كل جنب 30 مره .. بعدين اعملي فاصل قصير و روحي اجري 5 دقايق و ارفعي رجليكي خالص في كل خطوه علشان تكون مفيده .. ارجعي اوقفي و اعملي كل تمارين الخصر اللي تعرفيهم .. بعد كده نيجي لتمارين البطن ( مش هقللك على تمارين الظهر مش هتفيدك و انتي عاوزه تنزلي بسرعه علشان كتب الكتاب ) البطن نامي على ظهرك و ارفعي ايدك تحت راسك و قومي اقعدي ( قعدة الاطفال) يعني رجليكي تكون ممدوده قدامك .. اعملي التمرين ده 30 مره و بعدين اعملي نفسه بس متقوميش خالص .. قومي شويه بس اوصلي بايديكي لركبك و ارجعي .. التمارين دي لعضلات البطن التحتيه و الفوق بردو .. كلها اعمليها 30 مره .. بعد كده نامي على ظهرك و ارفعي رجليكي 45 درجه و اثبتي على كده و عدي ل30 .. صعبه شويه بس لازم تحاولي .. بعدين بدلي رجليكي كأنه مقص و بعدين عجله .. كله حاجه 30 مره .. و لما تبقي عاوزه تستريحي ما بين تمرينين لأنهم صعبين قومي نطي او اجري .. كده هتريحي عضلات بطنك بس مش تفضي بتعرقي و تحرقي دهووووون مزعجه ..المهم كده نكون كملنا تمارين البطن .. اكيد في كتير تاني بس دول الانا كنت شغاله عليهم و الحمدلله افادوني كتيييييييييييير..
تمارين الارداف و الجناب المزعجه .. اوقفي و امشي في مكانك و انتي بتمشي ارفعي رجليكي خالص . زي العساكر كده لما يمشو في الطابور;-) و كل لما تمشي سرعي اكتر و اكتر .. حاول تمشي كتير كده لحد لما تحسي بالم في افخادك ..و لو عندك سلم ده روووووووووعه .. عشر دقايق تطلعي و تنزلي عليه كل يوم زي ساعه مشي .. و لو عندك عجله بردو تماااااااااام .. تمرين تاني كويس .. نامي على جنب و ارفعي رجلي اللي فوق الى اعلــــــــــــى تبقى زاويه 90 درجه و نزليها من غير لما تلمس الرجل التانيه ارفعيها تاني ..التمرين ده كويس خالص و كل لما رفعتي رجلك اكتر كل لما كانت النتيجه افضل .. هتحسي بالم شويه بس ده عادي .. و معنى الالم .. ان في نتيجه كويسه ان شاء الله .. اعملي نفس التمرين بس مترفعيش رجلك للسما ارفعيها لقدامك و انتي نايمه كده على جنب و رجعيها مكانها .. اعملي التمارين دي كل واحد 30 مره .. متنسيييييييش تقلبي و تعملي نفسي بالرجل التانيه...
تماااارين المؤخره .. اقعدي على الارض و اسندي ايديكي وراكي للأرض و ارفعي رجليكي على شكل رقم 8 قدامك .. و بدين ارفعي جسمك بايديكي ... يعني جسمك كله يبقى على ايديكي و رجليكي بس .. و شدي منطقه المؤخره بقوه .. اقصد شدي عضلات المنطقه دي .. و فكيها .. اعملي التمرين ده 30 مره شدي و فكي .. ششدي و فكي .. لما تخلصي .. اقعدي عادي قعده الاطفال اللي رجليكي ممدودين فيها قدامك و امشي لقدام و لورا .. حاولي تمشي بالخلفيه .. قدام يمين شمال يمين شمال .. ورا نفس الحكايه .. مممممممممم مش عارفه لو عرفت افهمك شكل التمرين ايه بس اتمنى انك تكوني عرفتي هو اي تمرين اقصد ...

بس يا ستي .. خلصنا قومي اجريلك دقيقتين .. و روحي خدي دش اول حاجه دافي و فجأه افتحيه على باااااااارد .. ده بيخلي الدم يجري كويس في جسمك و هيخلي بشرتك تبقى حلوه كمان ان شاء الله .. بعد التمرين هتحسي انك مش عارفه توقفي و هتحسي بتعب قوي و بعد يوم هتحسي بالم في كل اجزاء جسمك بس كلها 4 ايام بالكتير و تبقي زي الفل و مش هتحسي باي الم تاني ..
الحجات اللي ممكن تعمليها كمان و تساعدك .. كل يوم الصبح اعملي 2 لتر شاي صيني اخضر .. ممكن تحطيه في التلاجه من غير سكر و تشربيه خلال اليوم .. صح طعمه مش حلو قوي بس اشربيه زي الدوا و خلاص ده حلو و مفيش .. اشربي مااااااااء كتير بيخلي البشره حلوه و بيساعد على التخسيس و بينضف الجسم من السموم ..
ربنا يوفقك حبيبتي انا كمان كنت في نفس ظرفك و عملت كده و يوم خطوبتي كنت حلوه :-) و يوم كتب كتابي ( كان من سته شهور ) كمان .. بس دلوقتي رجعت كسوله و بطلت رياضه ووزني رجع تاني زي ما كان علشان بطلت اتحرك ( ههههههه ما خلاص اتجوزنا بقى :-p ) بديت من 3 ايام و ناويه اواصل .. ممكن نواصل مع بعض و كل لما تدخلي النت تكتبي هنا وزنك بقى كام و عامله ايه مع الرياضه؟ و انا كمان لو حبيتي هقللك على اخبار الرياضه عندي اول باول .. كده هيبقى في تشجيع و الرياضه هتسهل علينا .. انا مفروض انزل وزني كمان .. علشان في احتمال زواجي ( الدخله يعني ) تكون كمان شهرين .. ولااااااااااازم انزل وزني ضروووووووووري ..

انا كمان مش بس بعمل رياضه بردو بعمل برنامج ريجيم هتلاقيه هنا في القسم بتاع الرشاقه عنوان الموضوع . . . اللي عنده عزيمه .. الخ مش فاكره اسمه بالضبط ايه بس دوري هتلاقيه و هتلاقيني كمان كاتبه فيه اني هبدأ السبت .. لو مش عاوزه تلتزمي ببرنامج معين .. ممكن بس ركزي على الاكثار من السلطات المتنوعه و كلي خضروات و فواكه طازجه كتير .. ده مش بس حلو علشان بيخليكي شبعانه شويه و مش متجهه للتلاجه على طول .. ده كمان كويس للبشره و انتي اكيد عاوزه تطلعي قمر يومكتب كتابك .. لما تجوعي بليل كلي زبادي و معاها فاكهه ممكن تقطعيلك تفاحه جوا كوبايه و تحطي عليها زبادي من غير وش .. انا بعمل كده .. و بحبها و بتملي البطن ..

لازم تعرفي ان احلى حاجه هي انك تحسي بانجازك و بان وزنك قاعد بينزل .. تفائلي و هتنجحي .. كل لما تشوفي على الميزان و تشوفي ان وزنك نزل روحي اعملي شويه تمارين ولا اطلعي السلالم و انزلي .. خليكي في حركه على طوووووول .. حاولي متقعديش كتير .. بس متنسيييييييييش بليل خدي كفايتك من النوم ..
مش عاوزين هالات سودا ولا كده ..
ممكن كمان بعد كل صلاه تقومي و تنطي 100 نطه او تعملي كم تمرين ضغط كده ..
و دايما فكري في حفلتك و انك لاااااااازم تكطوني رفيعه و حلوه .. كده العزيمه هتقوى و هتحبي الرياضه و هتقوميلها بنفس :-)

حبيبتي طولت عليكي اتمنى اكون عرفت افيدك

انا خبرتي في تنزيل الوزن واسعه جدا .. ومع ذلك انا كسوله .. بس على اي حال .. لو عندك اي سؤال اسئليني و ممكن تبعتيلي على الخاص لو تحبي ..
و تمنياتي لكي بجسم جميييييييل و رشاقه رائعه خلال شهرين :-)
( سامحيني على الاخطاء الاملائيه انا كتبت كتير و مش هعرف اراجع علشان اصحح )
يلا يا عروسه .. قوليلنا اخر اخبارك .. و قوليلي لو كنتي هتبدأي في الرياضه و امته .. اتمنالك نتيجه راااااااااائعه ..
اختك ..

حبيبة زوجها ;-)

[mashmosha]

بصى يا ام السعاده(بلاش ام الحزن والكآبه دى انتى داخله على جوازه) انا ابصملك بالعشرة ولو حبيتى ابصملك بالميه الراجل مابيحبش البنت المسلوعه خالص ولا حتى بتملى عينه انا اخويا وجوزى رجاله روشه زى مابيقولوا وبيقولولى انهم لا يمكن كانوا يفكروا يتجوزوا واحده من بتوع الموديلز دول بس كل اللى عليكى تعمليه انك تحافظى على وزنك وتلعبى رياضه علشان صحتك تبقى كويسه وجسمك يبقى مشدود ومبرووووووووووووووك مقدما

[toto s]

هو صحيح ان وزنك زايد شوي بس متصورش انك هيك دبه
بس انت لو نفسك تكوني حلوه كتير يوم كتب كتابك لازم يكون عندك اراده وتحاولي تنزلي ولو كم كيلو من وزنك لانك متعتبريش دبه
وعلى كل انت زي ما بقلولك انت حلوه
وانا نفسي اسالك سؤال انت ليه مسميه نفسك ام الحزن والكآبه مع انك مخطوبه واكيد بتحبي خطيبك

[monee_2020]

السلام عليكم ممكن تكون مشاركتى ايجت متاخره شويه لكن ممكن تنفع انا لما اتخطبت وشافنى زوجى انبسط بى لانى مكنتش مليانه والكل عنده كان عارف انه مبحبش الواحده التخينه وبعد الزواج لما انكشف المستور قال لا لازم تملى شويه قلت له لا انت مبتحبش الست المليانه قال لا غيرت راييى ولما سافر كنت انا المسؤوله عن البيت ولما جيت له انصدم لما شافنى مسلوعه بس والله كان عودى حلو ايجه دلوقتى مليت ونفسى اوى اخس وهو يقول لى اياكى تخسى مش تفكرينى باليوم اللى كنتى جايه فيه الرجاله مبتحبش الا الست اللى المربربه بس حخس المشكله انى باارضع