[onlygirl]

انا زهقتتتتتتتتتتتتتتتتتتتتتتت
كل مانزل عشان اجيب لبس ملقيش
وانا محجبة ومش بلبس بديهات لانها مش مناسبة خالص لوحدة محجبة من كل النواحى
الخامة (قماش قمصان نوم)
الشكل(مغرى جدااااااااا)
الطول والمقاس(مفيش)
طب اعمل ايه .وانا والله نزلت كل المناطق .مش عارفة اعمل ايه
حتى مش لاقية حد كويس افصل عنده
لو عايزين تعرفوا ليه اللبس بالشكل ده؟
انا هقولكوا....
الغرب عايزين يمحوا كل حاجة حلوة فى العالم اللاسلامى
وان جيتوا للحق ؛احنا الى غلطانين للاننا بنستسلم امام اللامر الواقع
لكن لو كل بنت دافعت عن دينها ودافعت عنها لكونها امراه
لازم تحافظ على نفسها وجسمها الى مينفعش حد يشوفه غير جوزها
مش كل واحد ماشى يعد يتامل فيها
مكنش ده هيكون الحال ولا كان الدنيا حصل فيها كدة

ياريت تقولولى رايكم وتقولولى انا صح ولا ايه هو الصح
وكمان تقولولى على مناطق ومحلات للمحجبات

["mony"]

زهقتى من ايه بس يا قمر
وع فكره كل واحد فيه هم وزهق شكل

[فطيمة]

ليه بس كده

[أم ايثار]

ليه يا جميل مالك بس احكى لنا احنا اخواتك هنا

[heba saad]

والله يا اونى عندك حق
في النقطة دى
ونا سعات بردك مش بلاقي حاجة البسها عشان معظم الموجود بديهات
حتى التنيكات بقت قماشتها زى الزفت استرتش
في محل حلو اوى في وسط البلد انا بجيب منة وبيبقا فية حجات محترمة وكل المقاسات

[onlygirl]

ياام ايثار اكيد كل الى حكيته ده يضايق ولا ايه

[onlygirl]

ياريت يا هبة تقوليلى اسم المحل دة
انا بردة بلبس تنيكات بس مش بلاقى خامة حلوة

["mony"]

يا جماعه انا عاتى بلبس لابس ع الموضه وكل حاجه بس محترم دورى كويس صدقنى هتلقى ف بلوزات نزله طويله شكلها حلو اوى بجد وانا اشتريت منها

[وفاء ام صغنونة]

علي فكرة يابنتي الدنيا لسة فيها احترام برده ده حتي الايام دي منتشر الاسدال والنقاب
وكمان فيه كتير بيلبسوا عبايات حلوة وشيك وانا منهم
يعني الصورة مش وحشة للدرجة دي وكمان فيه محلات كتير بتبيع هدوم محترمة
بس انا معاكي في كل اللي قولتيه عن الغرب وان احنا اللي اديناهم الفرصة علشان يغرقونا بلبسهم وعاداتهم

[مهندسة ماجدة محمود]

اختى العزيزة :-
انت ليه متضايقة من عدم وجود لبس ازاى بقى معقولة مصر ام الدنيا مفيش فيها محلات للمحجبات عندك السلام شبونج سنتر فيه كل المقاسات والاشكال والاحجام وطبعا المرأة لابد عليها أن تأخذ بالها من الحشمة واللبس وابدأى بنفسك ومن حولك بارك الله فيك

[onlygirl]

اشكرك يا وفاء على اهتمامك بكلامى
انتى وكل القمرات الى اهتموا وادونى رايهم

[Raniam_2010]

أنا برضه كنت بعانى من نفس مشكلتك دى
ولكن والحمد لله فى محلات كويسة قوووووووى فى الفيوم
بضطر اسافر اجيب من هناك
وفى برضه محلات كويسة فى 26 يوليو معلش اتعبى بس شوية وهتلاقى

[onlygirl]

شكرا لك يا مهندسة ماجدة وان شاء الله هروح السنتر وهقولك انا عملت ايه ويارب اشترى منه حاجة

[heba saad]

فعلا يا رنيم في محلات في وسطالبلد جميلة ومنها فري لايت
وفي محل تانى بس اسمة غريب شوية انا شايلة الشنطة بتعتو هابقا اجبلك اسمة
والسنتر اللى المهندسة ماجدة قالت علية حلو بردك
انا رحتة قبل كدة فجات كتير

[onlygirl]

شكرا اوى يا Raniam انتى وكل الى شاركونى فى الموضوع
انا خلاص بعد كل كلامكوا دة واهتمامكوا حاسة انى جبت 10000000000 طقم

[نيللى]

ي حبيبتى ما تتضايقيش كل حاجة فيها الحلو والوحش بس المهم تختارى صح واللة فى حاجات كويسة بس دورى كويس وربنا ان شاء اللة يوفقك

[onlygirl]

اشكرك يا نيللى

[مونى88]

انا بقى كنت زهقت زيك
فقررت اعمل حاجة لله
انى البس الخمار ويكون الحل
ليا فى ملابسى كلها والحمدلله
بلبس اللى انا عايزاه

[onlygirl]

ربنا يسبتك على لبسه يا مونى
وعقبالى انا وكل نساء المسلمين

[nehad]

أنا كمان بلبس عبايات و بتخبي الجسم لا تفصلة
فعلا اللبس بقة وحش جدا